एष तावत् क्रमः प्रोक्तस् सामान्यस् सर्वजन्तुषु । इमम् अन्यं विशेषं त्वं शृणु राजीवलोचन
eṣa tāvat kramaḥ proktas sāmānyas sarvajantuṣu / imam anyaṃ viśeṣaṃ tvaṃ śṛṇu rājīvalocana
Sanskrit only: no published translation is held for this verse.
Library·Moksopaya with Bhaskarakantha's Tika·5·5.7
Moksopaya with Bhaskarakantha's Tika 5.7
अस्मिन् संसारसंरम्भे जातानां देहधारिणाम् । अपवर्गगतौ राम द्वाव् इमाव् उत्तमौ क्रमौ
asmin saṃsārasaṃrambhe jātānāṃ dehadhāriṇām / apavargagatau rāma dvāv imāv uttamau kramau
Sanskrit only: no published translation is held for this verse.
एकस् तावद् गुरुप्रोक्ताद् अनुष्ठानाच् छनैश् शनैः । जन्मना जन्मभिर् वापि सिद्धिदस् समुदाहृतः
ekas tāvad guruproktād anuṣṭhānāc chanaiś śanaiḥ / janmanā janmabhir vāpi siddhidas samudāhṛtaḥ
Sanskrit only: no published translation is held for this verse.
द्वितीयस् त्व् आत्मनैवाशु किञ्चिद्व्युत्पन्नचेतसः । भवति ज्ञानसम्प्राप्तिर् आकाशफलपातवत्
dvitīyas tv ātmanaivāśu kiñcidvyutpannacetasaḥ / bhavati jñānasamprāptir ākāśaphalapātavat
Sanskrit only: no published translation is held for this verse.
नभःफलनिपाताभज्ञानसम्प्रतिपत्तये । अत्रेमं शृणु वृत्तान्तं प्राक्तनं कथयामि ते
nabhaḥphalanipātābhajñānasampratipattaye / atremaṃ śṛṇu vṛttāntaṃ prāktanaṃ kathayāmi te
Sanskrit only: no published translation is held for this verse.
शृणु सुभग कथं महानुभावा व्यपगतपूर्वशुभाशुभार्गडौघाः । खपतितफलवत् परं विवेकं चरमभवा विमलं समाप्नुवन्ति
śṛṇu subhaga kathaṃ mahānubhāvā vyapagatapūrvaśubhāśubhārgaḍaughāḥ / khapatitaphalavat paraṃ vivekaṃ caramabhavā vimalaṃ samāpnuvanti
Sanskrit only: no published translation is held for this verse.