Moksopaya with Bhaskarakantha's Tika 5.8

अस्त्य् अस्तमितसर्वापद् उद्यत्सम्पद् उदारधीः । विदेहानां महीपालो जनको नाम वीर्यवान्

asty astamitasarvāpad udyatsampad udāradhīḥ / videhānāṃ mahīpālo janako nāma vīryavān

Sanskrit only: no published translation is held for this verse.

कल्पवृक्षो ऽर्थिसार्थानां मित्राब्जानां दिवाकरः । माधवो बन्धुपुष्पाणां स्त्रीणां मकरकेतनः

kalpavṛkṣo 'rthisārthānāṃ mitrābjānāṃ divākaraḥ / mādhavo bandhupuṣpāṇāṃ strīṇāṃ makaraketanaḥ

Sanskrit only: no published translation is held for this verse.

द्विजकैरवशीतांशुर् द्विषत्तिमिरभास्करः । सौजन्यरत्नजलधिर् भुवं विष्णुर् इवास्थितः

dvijakairavaśītāṃśur dviṣattimirabhāskaraḥ / saujanyaratnajaladhir bhuvaṃ viṣṇur ivāsthitaḥ

Sanskrit only: no published translation is held for this verse.

प्रफुल्तबाललतिके मञ्जरीपुञ्जपिञ्जरे । स कदाचिन् मधौ मत्तकोकिलोल्लासलासिनि

praphultabālalatike mañjarīpuñjapiñjare / sa kadācin madhau mattakokilollāsalāsini

Sanskrit only: no published translation is held for this verse.

ययौ कुसुमिताभोगं सविलासलताङ्गनम् । लीलयोपवनं कान्तं नन्दनं वासवो यथा

yayau kusumitābhogaṃ savilāsalatāṅganam / līlayopavanaṃ kāntaṃ nandanaṃ vāsavo yathā

Sanskrit only: no published translation is held for this verse.

तस्मिन् वरवने हृद्ये केसरामोदिमारुते । दूरस्थानुचरश् चारुकुञ्जेषु विचचार ह

tasmin varavane hṛdye kesarāmodimārute / dūrasthānucaraś cārukuñjeṣu vicacāra ha

Sanskrit only: no published translation is held for this verse.

अथ शुश्राव कस्मिंश्चित् तमालवनगुल्मके । सिद्धानाम् अप्रदृश्यानां स्वप्रसङ्गाद् उदाहृताः

atha śuśrāva kasmiṃścit tamālavanagulmake / siddhānām apradṛśyānāṃ svaprasaṅgād udāhṛtāḥ

Sanskrit only: no published translation is held for this verse.

विरक्तमनसां नित्यं शैलकन्दरचारिणाम् । इमाः कमलपत्त्राक्ष गीता गीतात्मभावनाः

viraktamanasāṃ nityaṃ śailakandaracāriṇām / imāḥ kamalapattrākṣa gītā gītātmabhāvanāḥ

Sanskrit only: no published translation is held for this verse.

द्रष्टृदृश्यसमायोगात् प्रत्ययानन्दनिश्चयः । यस् तं स्वम् आत्मतत्त्वोत्थं निष्ष्यन्दं समुपास्महे

draṣṭṛdṛśyasamāyogāt pratyayānandaniścayaḥ / yas taṃ svam ātmatattvotthaṃ niṣṣyandaṃ samupāsmahe

Sanskrit only: no published translation is held for this verse.

द्रष्टृदर्शनदृश्यानि त्यक्त्वा वासनया सह । दर्शनप्रथमाभासम् आत्मानं समुपास्महे

draṣṭṛdarśanadṛśyāni tyaktvā vāsanayā saha / darśanaprathamābhāsam ātmānaṃ samupāsmahe

Sanskrit only: no published translation is held for this verse.

निर्भासनं निर्मननम् आभासमननोपमम् । अभावभावनाभोगं सदात्मानम् उपास्महे

nirbhāsanaṃ nirmananam ābhāsamananopamam / abhāvabhāvanābhogaṃ sadātmānam upāsmahe

Sanskrit only: no published translation is held for this verse.

द्वयोर् मध्यगतं नित्यम् अस्ति नास्तीति पक्षयोः । प्रकाशनं प्रकाशानाम् आत्मानं समुपास्महे

dvayor madhyagataṃ nityam asti nāstīti pakṣayoḥ / prakāśanaṃ prakāśānām ātmānaṃ samupāsmahe

Sanskrit only: no published translation is held for this verse.

अशिरस्कहकाराभम् अशेषाकारसंस्थितम् । अजस्रम् उच्चरन्तं तं स्वम् आत्मानम् उपास्महे

aśiraskahakārābham aśeṣākārasaṃsthitam / ajasram uccarantaṃ taṃ svam ātmānam upāsmahe

Sanskrit only: no published translation is held for this verse.

सन्त्यज्य हृद्गुहेशानं देवम् अन्यं प्रयान्ति ये । ते रत्नम् अभिवाञ्छन्ति त्यक्तहस्तस्थकौस्तुभाः

santyajya hṛdguheśānaṃ devam anyaṃ prayānti ye / te ratnam abhivāñchanti tyaktahastasthakaustubhāḥ

Sanskrit only: no published translation is held for this verse.

सर्वाशाः किल सन्त्यज्य फलम् एतद् अवाप्यते । येनाशाविषवल्लीनां मूलमाला विलूयते

sarvāśāḥ kila santyajya phalam etad avāpyate / yenāśāviṣavallīnāṃ mūlamālā vilūyate

Sanskrit only: no published translation is held for this verse.

बुद्ध्वाप्य् अत्यन्तवैरस्यं यः पदार्थेषु दुर्मतिः । बध्नाति भावनां भूयो नरो नासौ स गर्दभः

buddhvāpy atyantavairasyaṃ yaḥ padārtheṣu durmatiḥ / badhnāti bhāvanāṃ bhūyo naro nāsau sa gardabhaḥ

Sanskrit only: no published translation is held for this verse.

उत्थितानुत्थितान् एतान् इन्द्रियाहीन् पुनः पुनः । हन्याद् विवेकवज्रेण वज्रेणेव हरिर् गिरीन्

utthitānutthitān etān indriyāhīn punaḥ punaḥ / hanyād vivekavajreṇa vajreṇeva harir girīn

Sanskrit only: no published translation is held for this verse.

उपशमसुखम् आवहेत् पवित्रं शमवशतश् शमम् एति साधुचेतः । प्रशमितमनसस् स्वके स्वरूपे भवति सुखे स्थितिर् उत्तमा चिराय

upaśamasukham āvahet pavitraṃ śamavaśataś śamam eti sādhucetaḥ / praśamitamanasas svake svarūpe bhavati sukhe sthitir uttamā cirāya

Sanskrit only: no published translation is held for this verse.