Moksopaya with Bhaskarakantha's Tika 5.86

अथ किं वीतहव्यस्य स्थितं तस्मिन् वनोदरे । कथम् उद्धृतवान् देहं स सम्पन्नश् च किं कथम्

atha kiṃ vītahavyasya sthitaṃ tasmin vanodare / katham uddhṛtavān dehaṃ sa sampannaś ca kiṃ katham

Sanskrit only: no published translation is held for this verse.

अनन्तरम् अनन्तात्म वीतहव्याभिधं मनः । स्वम् एवात्मचमत्कारम् इत्थं तम् अवबुद्धवान्

anantaram anantātma vītahavyābhidhaṃ manaḥ / svam evātmacamatkāram itthaṃ tam avabuddhavān

Sanskrit only: no published translation is held for this verse.

सर्वस्यास्य गणस्याभूत् प्राग्जातिस्मरणे स्वयम् । इच्छा कदाचित् सकलप्राग्जन्मालोकनं प्रति

sarvasyāsya gaṇasyābhūt prāgjātismaraṇe svayam / icchā kadācit sakalaprāgjanmālokanaṃ prati

Sanskrit only: no published translation is held for this verse.

अशेषान् स ददर्शाथ नष्टान् नष्टान् स्वदेहकान् । अनष्टानां ततो मध्यात् तं धराकोटरस्थितम्

aśeṣān sa dadarśātha naṣṭān naṣṭān svadehakān / anaṣṭānāṃ tato madhyāt taṃ dharākoṭarasthitam

Sanskrit only: no published translation is held for this verse.

यदृच्छयैव प्रोद्धर्तुं देहं तस्याभवन् मतिः । शरीरं वीतहव्याख्यं धराकोटरपीडितम्

yadṛcchayaiva proddhartuṃ dehaṃ tasyābhavan matiḥ / śarīraṃ vītahavyākhyaṃ dharākoṭarapīḍitam

Sanskrit only: no published translation is held for this verse.

प्रावृडोघोपनीतं स्वपृष्ठस्थं पङ्कमण्डलम् । तृणजालावकीर्णत्वं देहपृष्ठमृदस् तथा

prāvṛḍoghopanītaṃ svapṛṣṭhasthaṃ paṅkamaṇḍalam / tṛṇajālāvakīrṇatvaṃ dehapṛṣṭhamṛdas tathā

Sanskrit only: no published translation is held for this verse.

एतद् दृष्ट्वा महातेजा धराविवरयन्त्रितः । भूयो ऽपि चिन्तयाम् आस धिया परमबोधया

etad dṛṣṭvā mahātejā dharāvivarayantritaḥ / bhūyo 'pi cintayām āsa dhiyā paramabodhayā

Sanskrit only: no published translation is held for this verse.

सर्वसम्पिण्डिताङ्गत्वात् कायो मे प्राणवायुभिः । मूकश् चलितुम् आक्रान्तश् शक्नोति न मनाग् अपि

sarvasampiṇḍitāṅgatvāt kāyo me prāṇavāyubhiḥ / mūkaś calitum ākrāntaś śaknoti na manāg api

Sanskrit only: no published translation is held for this verse.

तद् गत्वा प्रविशाम्य् आशु देहम् एतं विवस्वतः । तदीयः पिङ्गलो देहम् उद्धरिष्यति मे ततः

tad gatvā praviśāmy āśu deham etaṃ vivasvataḥ / tadīyaḥ piṅgalo deham uddhariṣyati me tataḥ

Sanskrit only: no published translation is held for this verse.

अथ वा किं ममैतेन शाम्याम्य् अहम् अविघ्नतः । निर्वामि स्वं पदं यामि को ऽर्थो मे देहलीलया

atha vā kiṃ mamaitena śāmyāmy aham avighnataḥ / nirvāmi svaṃ padaṃ yāmi ko 'rtho me dehalīlayā

Sanskrit only: no published translation is held for this verse.

इति सञ्चिन्त्य मनसा वीतहव्यो महामते । तूष्णीं स्थित्वा क्षणं भूयश् चिन्तयाम् आस भूतले

iti sañcintya manasā vītahavyo mahāmate / tūṣṇīṃ sthitvā kṣaṇaṃ bhūyaś cintayām āsa bhūtale

Sanskrit only: no published translation is held for this verse.

उपादेयो हि देहस्य न मे त्यागो न संश्रयः । यादृशो देहसन्त्यागस् तादृशो देहसंश्रयः

upādeyo hi dehasya na me tyāgo na saṃśrayaḥ / yādṛśo dehasantyāgas tādṛśo dehasaṃśrayaḥ

Sanskrit only: no published translation is held for this verse.

तद् यावद् अस्ति देहो ऽयं न यावद् अणुतां गतः । तावद् एनम् उपारुह्य किञ्चित् प्रविचराम्य् अहम्

tad yāvad asti deho 'yaṃ na yāvad aṇutāṃ gataḥ / tāvad enam upāruhya kiñcit pravicarāmy aham

Sanskrit only: no published translation is held for this verse.

पिङ्गलेन शरीरं स्वम् उद्धर्तुं तापनं वपुः । प्रविशामि नभस्संस्थं मकुरं प्रतिबिम्बवत्

piṅgalena śarīraṃ svam uddhartuṃ tāpanaṃ vapuḥ / praviśāmi nabhassaṃsthaṃ makuraṃ pratibimbavat

Sanskrit only: no published translation is held for this verse.

इत्य् असौ मुनिर् आदित्यं विवेशानिलरूपधृत् । पुर्यष्टकवपुर् भूत्वा शस्त्रपिण्डम् इवानलः

ity asau munir ādityaṃ viveśānilarūpadhṛt / puryaṣṭakavapur bhūtvā śastrapiṇḍam ivānalaḥ

Sanskrit only: no published translation is held for this verse.

भगवान् रविर् अप्य् एनं हृद्गतं मुनिनायकम् । दृष्ट्वा सो ऽचिन्तयत् कार्यपौर्वापर्यम् उदारधीः

bhagavān ravir apy enaṃ hṛdgataṃ munināyakam / dṛṣṭvā so 'cintayat kāryapaurvāparyam udāradhīḥ

Sanskrit only: no published translation is held for this verse.

विन्ध्यकन्दरभूदेशम् अग्रं मुनिकलेवरम् । तृणोपलपरिच्छन्नं ददर्श गतसंविदम्

vindhyakandarabhūdeśam agraṃ munikalevaram / tṛṇopalaparicchannaṃ dadarśa gatasaṃvidam

Sanskrit only: no published translation is held for this verse.

ऋषेश् चिकीर्षितं ज्ञात्वा भानुर् गगनमध्यगः । धरातो मुनिम् उद्धर्तुम् आदिदेशाग्रगं गणम्

ṛṣeś cikīrṣitaṃ jñātvā bhānur gaganamadhyagaḥ / dharāto munim uddhartum ādideśāgragaṃ gaṇam

Sanskrit only: no published translation is held for this verse.

वीतहव्यमुनेस् संवित् सा पुर्यष्टकरूपिणी । रविं वातमयी पूज्यं प्रणनामाशु चेतसा

vītahavyamunes saṃvit sā puryaṣṭakarūpiṇī / raviṃ vātamayī pūjyaṃ praṇanāmāśu cetasā

Sanskrit only: no published translation is held for this verse.

भानुनाथाभ्यनुज्ञातो मानपूर्वकम् अग्रगम् । विवेश पिङ्गलाकारं विन्ध्यकन्दरगामिनम्

bhānunāthābhyanujñāto mānapūrvakam agragam / viveśa piṅgalākāraṃ vindhyakandaragāminam

Sanskrit only: no published translation is held for this verse.

पिङ्गलो ऽसौ नभस् त्यक्त्वा कुञ्जकुञ्जरसुन्दरम् । प्राप विन्ध्यवनं प्रावृण्मत्ताभ्राम्बरभासुरम्

piṅgalo 'sau nabhas tyaktvā kuñjakuñjarasundaram / prāpa vindhyavanaṃ prāvṛṇmattābhrāmbarabhāsuram

Sanskrit only: no published translation is held for this verse.

उद्दधार धराकोशान् नखनिष्कृष्टभूधरः । कलेवरं मुनेः पङ्कान् मृणालम् इव सारसः

uddadhāra dharākośān nakhaniṣkṛṣṭabhūdharaḥ / kalevaraṃ muneḥ paṅkān mṛṇālam iva sārasaḥ

Sanskrit only: no published translation is held for this verse.

मौनं पुर्यष्टकम् अथ स्वं विवेश कलेवरम् । नभस्तलपरिश्रान्तो विहङ्गम इवालयम्

maunaṃ puryaṣṭakam atha svaṃ viveśa kalevaram / nabhastalapariśrānto vihaṅgama ivālayam

Sanskrit only: no published translation is held for this verse.

प्रणम्याशु मिथो मूर्ती वीतहव्यनभश्चरौ । बभूवतुस् स्वकार्यैकतत्परौ तेजसां निधी

praṇamyāśu mitho mūrtī vītahavyanabhaścarau / babhūvatus svakāryaikatatparau tejasāṃ nidhī

Sanskrit only: no published translation is held for this verse.

जगाम पिङ्गलो व्योम मुनिश् च विमलं सरः । तारकाकारकुमुदं सूर्यांशुकचदाकृति

jagāma piṅgalo vyoma muniś ca vimalaṃ saraḥ / tārakākārakumudaṃ sūryāṃśukacadākṛti

Sanskrit only: no published translation is held for this verse.

वीतहव्यो ममज्जाशु सरस्य् उत्फुल्लपङ्कजे । पङ्कपल्वललीलान्ते वने कलभको यथा

vītahavyo mamajjāśu sarasy utphullapaṅkaje / paṅkapalvalalīlānte vane kalabhako yathā

Sanskrit only: no published translation is held for this verse.

तत्र स्नात्वा जपं कृत्वा पूजयित्वा दिवाकरम् । तपोभूषितया तन्वा पूर्ववत् पुनर् आबभौ

tatra snātvā japaṃ kṛtvā pūjayitvā divākaram / tapobhūṣitayā tanvā pūrvavat punar ābabhau

Sanskrit only: no published translation is held for this verse.

मैत्र्या तया समतया परया च शान्त्या सत्प्रज्ञया मुदितया कृपया श्रिया च । युक्तो मुनिस् सकलसङ्गविमुक्तचेता विन्ध्ये सरित्तटगतो दिनम् एव रेमे

maitryā tayā samatayā parayā ca śāntyā satprajñayā muditayā kṛpayā śriyā ca / yukto munis sakalasaṅgavimuktacetā vindhye sarittaṭagato dinam eva reme

Sanskrit only: no published translation is held for this verse.