Library·Moksopaya with Bhaskarakantha's Tika·5·5.89

Moksopaya with Bhaskarakantha's Tika 5.89

MU 5.89.1

प्राप्य संसृतिसीमान्तं दुःखाब्धेः पारम् आगतः । वीतहव्यश् शशामैवम् अपुनर्मनसे मुनिः

prāpya saṃsṛtisīmāntaṃ duḥkhābdheḥ pāram āgataḥ / vītahavyaś śaśāmaivam apunarmanase muniḥ

Sanskrit only: no published translation is held for this verse.

MU 5.89.2

तस्मिंस् तथोपशान्ते हि परां निर्वृतिम् आगते । पयःकण इवाम्भोधौ स्वे पदे परिणामिनि

tasmiṃs tathopaśānte hi parāṃ nirvṛtim āgate / payaḥkaṇa ivāmbhodhau sve pade pariṇāmini

Sanskrit only: no published translation is held for this verse.

MU 5.89.3

तथैव तिष्ठन् निस्स्पन्दस् स कायो म्लानिम् आययौ । अन्तर् विरसतां प्राप्य मार्गशीर्षान्तपर्णवत्

tathaiva tiṣṭhan nisspandas sa kāyo mlānim āyayau / antar virasatāṃ prāpya mārgaśīrṣāntaparṇavat

Sanskrit only: no published translation is held for this verse.

MU 5.89.4

तस्य देहद्रुमान्तस्स्थं त्यक्त्वा हृन्नीडम् आययुः । प्रोड्डीय प्राणविहगा यन्त्रोन्मुक्ताश्मवन् नभः

tasya dehadrumāntassthaṃ tyaktvā hṛnnīḍam āyayuḥ / proḍḍīya prāṇavihagā yantronmuktāśmavan nabhaḥ

Sanskrit only: no published translation is held for this verse.

MU 5.89.5

भूतेष्व् एव प्रविष्टानि भूतानि सकलान्य् अलम् । मांसास्थियन्त्रं देहस् तु वनावनितले ऽवसत्

bhūteṣv eva praviṣṭāni bhūtāni sakalāny alam / māṃsāsthiyantraṃ dehas tu vanāvanitale 'vasat

Sanskrit only: no published translation is held for this verse.

MU 5.89.6

चिदर्णवं प्रविष्टा चिद् धातवो धातुषु स्थिताः । स्वे स्वरूपे स्थितं सर्वं मुनाव् उपशमं गते

cidarṇavaṃ praviṣṭā cid dhātavo dhātuṣu sthitāḥ / sve svarūpe sthitaṃ sarvaṃ munāv upaśamaṃ gate

Sanskrit only: no published translation is held for this verse.

MU 5.89.7

एषा ते कथिता राम विचारशतशालिनी । विश्रान्तिर् वीतहव्यस्य प्रज्ञयैतां विवेचय

eṣā te kathitā rāma vicāraśataśālinī / viśrāntir vītahavyasya prajñayaitāṃ vivecaya

Sanskrit only: no published translation is held for this verse.

MU 5.89.8

एवम्प्रकारया युक्त्या स्वविचारणयेद्धया । तत्त्वम् आलोक्य तत्सारम् आतिष्ठोत्थाय राघव

evamprakārayā yuktyā svavicāraṇayeddhayā / tattvam ālokya tatsāram ātiṣṭhotthāya rāghava

Sanskrit only: no published translation is held for this verse.

MU 5.89.9

यद् एतद् अखिलं राम भवते वर्णितं मया । यद् इदं वर्णयाम्य् अन्यद् वर्णयिष्यामि यच् च वा

yad etad akhilaṃ rāma bhavate varṇitaṃ mayā / yad idaṃ varṇayāmy anyad varṇayiṣyāmi yac ca vā

Sanskrit only: no published translation is held for this verse.

MU 5.89.10

त्रिकालदर्शिना नित्यं चिरं च किल जीवता । विचारितं च दृष्टं च मया तद् अखिलं स्वयम्

trikāladarśinā nityaṃ ciraṃ ca kila jīvatā / vicāritaṃ ca dṛṣṭaṃ ca mayā tad akhilaṃ svayam

Sanskrit only: no published translation is held for this verse.

MU 5.89.11

तद् एताम् अमलां दृष्टिम् अवलम्ब्य महामते । ज्ञानम् आसादय परं ज्ञानान् मुक्तिर् हि लभ्यते

tad etām amalāṃ dṛṣṭim avalambya mahāmate / jñānam āsādaya paraṃ jñānān muktir hi labhyate

Sanskrit only: no published translation is held for this verse.

MU 5.89.12

ज्ञानान् निर्दुःखतोदेति ज्ञानाद् अज्ञानसङ्क्षयः । ज्ञानाद् एव परा सिद्धिर् नान्यस्माद् राम वस्तुतः

jñānān nirduḥkhatodeti jñānād ajñānasaṅkṣayaḥ / jñānād eva parā siddhir nānyasmād rāma vastutaḥ

Sanskrit only: no published translation is held for this verse.

MU 5.89.13

ज्ञानेन सकलान् पाशान् विनिकृत्य समन्ततः । शातिताशेषचित्ताद्रिर् वीतहव्यो मुनीश्वरः

jñānena sakalān pāśān vinikṛtya samantataḥ / śātitāśeṣacittādrir vītahavyo munīśvaraḥ

Sanskrit only: no published translation is held for this verse.

MU 5.89.14

वीतहव्यात्मिका संवित् सङ्कल्पजगतीति सा । अनुभूतवती विश्वम् इदम् एव च तज् जगत्

vītahavyātmikā saṃvit saṅkalpajagatīti sā / anubhūtavatī viśvam idam eva ca taj jagat

Sanskrit only: no published translation is held for this verse.

MU 5.89.15

वीतहव्यो मनोमात्रं मनो ऽहं त्वम् इमे ऽद्रयः । मनो जगद् इदं कृत्स्नम् अन्यतानन्यते ऽत्र के

vītahavyo manomātraṃ mano 'haṃ tvam ime 'drayaḥ / mano jagad idaṃ kṛtsnam anyatānanyate 'tra ke

Sanskrit only: no published translation is held for this verse.

MU 5.89.16

अधिगतपरमार्थः क्षीणरागादिदोषस् सकलमलविकारोपाधिभङ्गाद् अतीतः । चिरम् अनुसृतम् अन्यैस् स्वं स्वभावं विवेकी पदम् अमलम् अनन्तं प्राप्तवाञ् शान्तशोकः

adhigataparamārthaḥ kṣīṇarāgādidoṣas sakalamalavikāropādhibhaṅgād atītaḥ / ciram anusṛtam anyais svaṃ svabhāvaṃ vivekī padam amalam anantaṃ prāptavāñ śāntaśokaḥ

Sanskrit only: no published translation is held for this verse.