Moksopaya with Bhaskarakantha's Tika 6.101

न विज्ञानमयो ऽर्थो ऽस्ति न बाह्यो नापि शून्यता । वेदनामात्रसारत्वाद् यथावित् सो ऽर्थ उच्यते

na vijñānamayo 'rtho 'sti na bāhyo nāpi śūnyatā / vedanāmātrasāratvād yathāvit so 'rtha ucyate

Sanskrit only: no published translation is held for this verse.

द्रवत्वं सलिलस्येव विदो वित्त्वम् अकारणम् । खात्म नित्यम् अनन्तं तद् यथास्थितम् अवस्थितम्

dravatvaṃ salilasyeva vido vittvam akāraṇam / khātma nityam anantaṃ tad yathāsthitam avasthitam

Sanskrit only: no published translation is held for this verse.

प्रतियोगिव्यवच्छेदाभावतस् स्वत्वभावयोः । असत्ता तेन न परे सत्त्वभावव्यवस्थितौ

pratiyogivyavacchedābhāvatas svatvabhāvayoḥ / asattā tena na pare sattvabhāvavyavasthitau

Sanskrit only: no published translation is held for this verse.

यदि कारणतापत्तियोग्यं शान्तं परं भवेत् । अनिङ्गनम् अनाभासम् अप्रतर्क्यं कथं भवेत्

yadi kāraṇatāpattiyogyaṃ śāntaṃ paraṃ bhavet / aniṅganam anābhāsam apratarkyaṃ kathaṃ bhavet

Sanskrit only: no published translation is held for this verse.

अतो न कारणं नैव बीजं ब्रह्म कदाचन । कार्यस्य कस्यचिन् नाम तेन सर्गो न विद्यते

ato na kāraṇaṃ naiva bījaṃ brahma kadācana / kāryasya kasyacin nāma tena sargo na vidyate

Sanskrit only: no published translation is held for this verse.

न चान्यथोपपत्तिर् हि सर्गस्यास्योपपद्यते । चिन्मात्रकाद् ऋते तस्माज् जडस् सर्गो न विद्यते

na cānyathopapattir hi sargasyāsyopapadyate / cinmātrakād ṛte tasmāj jaḍas sargo na vidyate

Sanskrit only: no published translation is held for this verse.

यद् इदं दृश्यते किञ्चित् तच् चिद्घनम् अवेधितम् । असम्भवज्जगच्छब्दशब्दार्थरसरञ्जनम्

yad idaṃ dṛśyate kiñcit tac cidghanam avedhitam / asambhavajjagacchabdaśabdārtharasarañjanam

Sanskrit only: no published translation is held for this verse.

कार्यं न कारणाभावात् पदार्थ उपपद्यते । द्वित्वैक्याद्यात्मकं व्योमपुष्पवत् स्वानुभूतितः

kāryaṃ na kāraṇābhāvāt padārtha upapadyate / dvitvaikyādyātmakaṃ vyomapuṣpavat svānubhūtitaḥ

Sanskrit only: no published translation is held for this verse.

वस्तु नाशैकनिष्ठत्वान् न चाजम् उपपद्यते । उपलम्भे ध्रुवो नाशो जन्म नष्टस्य च ध्रुवम्

vastu nāśaikaniṣṭhatvān na cājam upapadyate / upalambhe dhruvo nāśo janma naṣṭasya ca dhruvam

Sanskrit only: no published translation is held for this verse.

अथ वैनं सदा सन्तं नित्यं नष्टं च वेत्सि वा । पदार्थौघं तद् एषो ऽर्थ एकरूपो ऽत्र किं व्यथा

atha vainaṃ sadā santaṃ nityaṃ naṣṭaṃ ca vetsi vā / padārthaughaṃ tad eṣo 'rtha ekarūpo 'tra kiṃ vyathā

Sanskrit only: no published translation is held for this verse.

उपलम्भस् तु यश् चायं सा चित्तत्त्वचमत्कृतिः । चित्तत्त्वमात्रसत्तास्ति द्वित्वम् ऐक्यं च नास्त्य् अलम्

upalambhas tu yaś cāyaṃ sā cittattvacamatkṛtiḥ / cittattvamātrasattāsti dvitvam aikyaṃ ca nāsty alam

Sanskrit only: no published translation is held for this verse.

अतः पदार्थसत्ताया अभावे सति भूपते । असम्भवे भावनस्य नाहन्ताभावनास्ति ते

ataḥ padārthasattāyā abhāve sati bhūpate / asambhave bhāvanasya nāhantābhāvanāsti te

Sanskrit only: no published translation is held for this verse.

अहम्भावासम्भवतश् चित्तम् अन्यत् किम् उच्यते । इति चित्तम् अहंरूपं नास्त्य् अतो भव विन्नभः

ahambhāvāsambhavataś cittam anyat kim ucyate / iti cittam ahaṃrūpaṃ nāsty ato bhava vinnabhaḥ

Sanskrit only: no published translation is held for this verse.

निर्वासनश् शान्तमना मौनी परनभोमयः । सदेहो वा विदेहो वा भव स्थायी चलो ऽथ वा

nirvāsanaś śāntamanā maunī paranabhomayaḥ / sadeho vā videho vā bhava sthāyī calo 'tha vā

Sanskrit only: no published translation is held for this verse.

सर्वत्वाच् छुद्धविद्दृष्टेः पदार्थाभावसिद्धितः । भावनाभावतश् चित्ते नास्त्य् एवाहम् अतश् शिवम्

sarvatvāc chuddhaviddṛṣṭeḥ padārthābhāvasiddhitaḥ / bhāvanābhāvataś citte nāsty evāham ataś śivam

Sanskrit only: no published translation is held for this verse.

सर्वं ब्रह्मेति वेदार्थभावनाद् अनुभूतितः । चेतितार्थैकसत्यत्वाच् चित्तं नाम न विद्यते

sarvaṃ brahmeti vedārthabhāvanād anubhūtitaḥ / cetitārthaikasatyatvāc cittaṃ nāma na vidyate

Sanskrit only: no published translation is held for this verse.

तेनासि निर्मलम् अकारणम् आदिमुक्तं तद् ब्रह्म शाश्वतम् अशेषम् अनेकम् एकम् । शून्यं विनामयम् असत् सद् अनादिमध्यं सर्वं न किञ्चिद् अपि चास्स्व यथास्थितं सत्

tenāsi nirmalam akāraṇam ādimuktaṃ tad brahma śāśvatam aśeṣam anekam ekam / śūnyaṃ vināmayam asat sad anādimadhyaṃ sarvaṃ na kiñcid api cāssva yathāsthitaṃ sat

Sanskrit only: no published translation is held for this verse.