Moksopaya with Bhaskarakantha's Tika 6.106

इति ते कथितं सर्वं शिखिध्वज महीपते । यथेदम् उत्थितं सर्वं यथा च प्रविलीयते

iti te kathitaṃ sarvaṃ śikhidhvaja mahīpate / yathedam utthitaṃ sarvaṃ yathā ca pravilīyate

Sanskrit only: no published translation is held for this verse.

एतच् छ्रुत्वा च बुद्ध्वा च मत्वा च मुनिनायक । यथेच्छसि तथा तिष्ठ दृष्टस्पष्टपदः पदे

etac chrutvā ca buddhvā ca matvā ca munināyaka / yathecchasi tathā tiṣṭha dṛṣṭaspaṣṭapadaḥ pade

Sanskrit only: no published translation is held for this verse.

स्वर्गं गच्छाम्य् अहं तत्र काले ऽस्मिन् नारदो मुनिः । ब्रह्मलोकात् समायातो भवत्य् अमरसंसदम्

svargaṃ gacchāmy ahaṃ tatra kāle 'smin nārado muniḥ / brahmalokāt samāyāto bhavaty amarasaṃsadam

Sanskrit only: no published translation is held for this verse.

न मां पश्यति चेत् तत्र तत् कोपम् उपगच्छति । नोद्वेजनीया भव्येन गुरवो हि कदाचन

na māṃ paśyati cet tatra tat kopam upagacchati / nodvejanīyā bhavyena guravo hi kadācana

Sanskrit only: no published translation is held for this verse.

त्यक्तसङ्कल्पलेखेन न किञ्चिद् अभिवाञ्छता । त्वयात्मन्य् एव वस्तव्यं दृष्टिर् एषैव पावनी

tyaktasaṅkalpalekhena na kiñcid abhivāñchatā / tvayātmany eva vastavyaṃ dṛṣṭir eṣaiva pāvanī

Sanskrit only: no published translation is held for this verse.

इति यावत् प्रतिवचः पुष्पहस्तश् शिखिध्वजः । प्रणामाय ददात्य् एष तावद् अन्तर्धिम् आययौ

iti yāvat prativacaḥ puṣpahastaś śikhidhvajaḥ / praṇāmāya dadāty eṣa tāvad antardhim āyayau

Sanskrit only: no published translation is held for this verse.

प्रतिभासगतं वस्तु यथैवाग्रे न दृश्यते । न दृष्टवांस् तथा कुम्भम् अग्रे राजा शिखिध्वजः

pratibhāsagataṃ vastu yathaivāgre na dṛśyate / na dṛṣṭavāṃs tathā kumbham agre rājā śikhidhvajaḥ

Sanskrit only: no published translation is held for this verse.

गते कुम्भे महीपालः परं विस्मयम् आययौ । तद् एव चिन्तयंश् चित्रं चित्रार्पित इवाभवत्

gate kumbhe mahīpālaḥ paraṃ vismayam āyayau / tad eva cintayaṃś citraṃ citrārpita ivābhavat

Sanskrit only: no published translation is held for this verse.

इति सञ्चिन्तयाम् आस चित्रं विलसितं विधेः । यत् कुम्भव्यपदेशेन बोधितो ऽस्मि चिराद् अयम्

iti sañcintayām āsa citraṃ vilasitaṃ vidheḥ / yat kumbhavyapadeśena bodhito 'smi cirād ayam

Sanskrit only: no published translation is held for this verse.

क्व नारदसुतः कुम्भः क्वाहं नाम शिखिध्वजः । केवलं कालयुक्त्यैवम् अहं सम्प्रतिबोधितः

kva nāradasutaḥ kumbhaḥ kvāhaṃ nāma śikhidhvajaḥ / kevalaṃ kālayuktyaivam ahaṃ sampratibodhitaḥ

Sanskrit only: no published translation is held for this verse.

अहो नु सम्यक् कथितं देवपुत्रेण युक्तिमत् । अहो नु सम्प्रबुद्धो ऽस्मि मोहनिद्राकुलश् चिरात्

aho nu samyak kathitaṃ devaputreṇa yuktimat / aho nu samprabuddho 'smi mohanidrākulaś cirāt

Sanskrit only: no published translation is held for this verse.

क्वाहम् आसं विनिर्मग्नः क्रियाजालकुकर्दमे । इदं कार्यम् इदं नेति मिथ्याविभ्रमम् आचरन्

kvāham āsaṃ vinirmagnaḥ kriyājālakukardame / idaṃ kāryam idaṃ neti mithyāvibhramam ācaran

Sanskrit only: no published translation is held for this verse.

अहो नु शीतला शुद्धा शान्तेयं पदवी निजा । रसायनद्रवाकारा सत्त्वं शीतयतीव मे

aho nu śītalā śuddhā śānteyaṃ padavī nijā / rasāyanadravākārā sattvaṃ śītayatīva me

Sanskrit only: no published translation is held for this verse.

शाम्यामि परिनिर्वामि सुखम् आसे च केवलम् । चिन्मात्रम् अपि नेच्छामि संस्थितो ऽस्मि यथास्थितम्

śāmyāmi parinirvāmi sukham āse ca kevalam / cinmātram api necchāmi saṃsthito 'smi yathāsthitam

Sanskrit only: no published translation is held for this verse.

एवं सञ्चिन्तयन् राजा एवंनिर्वासनाशयः । शैलाद् इव समुत्कीर्णो मौनम् एवाथ तस्थिवान्

evaṃ sañcintayan rājā evaṃnirvāsanāśayaḥ / śailād iva samutkīrṇo maunam evātha tasthivān

Sanskrit only: no published translation is held for this verse.

तस्मिन्न् एव ततो मौनी निस्सङ्कल्पे निरामये । प्रतिष्ठां निश्चलां प्राप्य स तस्थौ गिरिशृङ्गवत्

tasminn eva tato maunī nissaṅkalpe nirāmaye / pratiṣṭhāṃ niścalāṃ prāpya sa tasthau giriśṛṅgavat

Sanskrit only: no published translation is held for this verse.

स तत्र संशान्तभयो महात्मा चिरेण विश्रान्तिम् इतस् समात्मा । चिरेण सम्प्राप्तनिजामलात्मा योगेन सुष्वाप तदा चिदात्मा

sa tatra saṃśāntabhayo mahātmā cireṇa viśrāntim itas samātmā / cireṇa samprāptanijāmalātmā yogena suṣvāpa tadā cidātmā

Sanskrit only: no published translation is held for this verse.