Moksopaya with Bhaskarakantha's Tika 6.110

ततः कतिपयेष्व् एव दिवसेषु गतेषु सा । इदं प्रोवाच भर्तारं कुम्भरूपधरा सती

tataḥ katipayeṣv eva divaseṣu gateṣu sā / idaṃ provāca bhartāraṃ kumbharūpadharā satī

Sanskrit only: no published translation is held for this verse.

राजन् राजीवपत्त्राक्ष ममेदं वचनं शृणु । निशायां प्रत्यहं तावत् स्थित एवाहम् अङ्गना

rājan rājīvapattrākṣa mamedaṃ vacanaṃ śṛṇu / niśāyāṃ pratyahaṃ tāvat sthita evāham aṅganā

Sanskrit only: no published translation is held for this verse.

तद् इच्छाम्य् अङ्गनाधर्मं निपुणीकर्तुम् ईदृशम् । भर्त्रे कस्मैचिद् आत्मानं विवाहेन ददाम्य् अहम्

tad icchāmy aṅganādharmaṃ nipuṇīkartum īdṛśam / bhartre kasmaicid ātmānaṃ vivāhena dadāmy aham

Sanskrit only: no published translation is held for this verse.

तद् भवान् एव मे भर्ता रोचते भुवनत्रये । गृहाण मां विवाहेन भार्यात्वे निशि सर्वदा

tad bhavān eva me bhartā rocate bhuvanatraye / gṛhāṇa māṃ vivāhena bhāryātve niśi sarvadā

Sanskrit only: no published translation is held for this verse.

अयत्नोपनतं साधो प्रियेण सुहृदा सह । स्त्रीसुखं भोक्तुम् इच्छामि मा मे विघ्नकरो भव

ayatnopanataṃ sādho priyeṇa suhṛdā saha / strīsukhaṃ bhoktum icchāmi mā me vighnakaro bhava

Sanskrit only: no published translation is held for this verse.

क्रमप्रवृत्तम् आ सृष्टेस् सुखसाध्यं मनोरमम् । प्रकृतं कुर्वतः कार्यं दोषः क इव जायते

kramapravṛttam ā sṛṣṭes sukhasādhyaṃ manoramam / prakṛtaṃ kurvataḥ kāryaṃ doṣaḥ ka iva jāyate

Sanskrit only: no published translation is held for this verse.

इच्छानिच्छादृशोर् ऐक्यात् समत्वात् सर्ववस्तुषु । वयं न सेच्छा नानिच्छाः कुर्वस् तेनैतद् ईप्सितम्

icchānicchādṛśor aikyāt samatvāt sarvavastuṣu / vayaṃ na secchā nānicchāḥ kurvas tenaitad īpsitam

Sanskrit only: no published translation is held for this verse.

कृतेनानेन कार्येण न शुभं नाशुभं सखे । पश्यामि तन् महाबुद्धे यथेच्छसि तथा कुरु

kṛtenānena kāryeṇa na śubhaṃ nāśubhaṃ sakhe / paśyāmi tan mahābuddhe yathecchasi tathā kuru

Sanskrit only: no published translation is held for this verse.

समतां सम्प्रयातेन चेतसेदं जगत्त्रयम् । खरूपम् एव पश्यामि यथेच्छसि तथाचर

samatāṃ samprayātena cetasedaṃ jagattrayam / kharūpam eva paśyāmi yathecchasi tathācara

Sanskrit only: no published translation is held for this verse.

यद्य् एवं तन् महीपाल लग्नम् अद्यैव शोभनम् । राकेयं श्रावणस्यास्य ह्यस् सर्वं गणितं मया

yady evaṃ tan mahīpāla lagnam adyaiva śobhanam / rākeyaṃ śrāvaṇasyāsya hyas sarvaṃ gaṇitaṃ mayā

Sanskrit only: no published translation is held for this verse.

रात्राव् अद्योदिते चन्द्रे परिपूर्णकलामले । जन्यत्रं नौ महाबाहो द्वयोर् एव भविष्यति

rātrāv adyodite candre paripūrṇakalāmale / janyatraṃ nau mahābāho dvayor eva bhaviṣyati

Sanskrit only: no published translation is held for this verse.

महेन्द्राद्रिशिरश्शृङ्गसानाव् अस्मिन् मनोरमे । रत्नदीपप्रकाशाढ्यमणिमन्दिरमण्डिते

mahendrādriśiraśśṛṅgasānāv asmin manorame / ratnadīpaprakāśāḍhyamaṇimandiramaṇḍite

Sanskrit only: no published translation is held for this verse.

पुष्पभारानतोत्तुङ्गवृक्षजन्यविराजिते । वनपुष्पलतालास्यनारीनृत्तमनोहरे

puṣpabhārānatottuṅgavṛkṣajanyavirājite / vanapuṣpalatālāsyanārīnṛttamanohare

Sanskrit only: no published translation is held for this verse.

निशि व्योमगतास् तारा भर्त्रा पूर्णेन्दुना सह । आवयोः परिपश्यन्तु कर्णान्तागतलोचनाः

niśi vyomagatās tārā bhartrā pūrṇendunā saha / āvayoḥ paripaśyantu karṇāntāgatalocanāḥ

Sanskrit only: no published translation is held for this verse.

उत्तिष्ठात्मविवाहार्थं कुर्वः काननकोटरात् । राजंश् चन्दनपुष्पादिसम्भारं रत्नसंयुतम्

uttiṣṭhātmavivāhārthaṃ kurvaḥ kānanakoṭarāt / rājaṃś candanapuṣpādisambhāraṃ ratnasaṃyutam

Sanskrit only: no published translation is held for this verse.

इत्य् उक्त्वा कुम्भ उत्थाय सह तेन महीभृता । कुसुमावचयं चक्रे तथा रत्नादिसञ्चयम्

ity uktvā kumbha utthāya saha tena mahībhṛtā / kusumāvacayaṃ cakre tathā ratnādisañcayam

Sanskrit only: no published translation is held for this verse.

ततो मुहूर्तमात्रेण रत्नसानौ समे शुभे । समालम्भनपुष्पाढ्यास् ताभ्यां वै राशयः कृताः

tato muhūrtamātreṇa ratnasānau same śubhe / samālambhanapuṣpāḍhyās tābhyāṃ vai rāśayaḥ kṛtāḥ

Sanskrit only: no published translation is held for this verse.

हाराम्बरमणीन्द्रादिराशयस् ते विरेजिरे । सौभाग्यस्येव कामेन कोशाः कालेन सम्भृताः

hārāmbaramaṇīndrādirāśayas te virejire / saubhāgyasyeva kāmena kośāḥ kālena sambhṛtāḥ

Sanskrit only: no published translation is held for this verse.

तथा जन्यत्रसम्भारं कृत्वा काञ्चनकन्दरे । ययतुस् तौ महामित्रे स्नातुं मन्दाकिनीं नदीम्

tathā janyatrasambhāraṃ kṛtvā kāñcanakandare / yayatus tau mahāmitre snātuṃ mandākinīṃ nadīm

Sanskrit only: no published translation is held for this verse.

तत्रैनं स्नपयाम् आस महाराजम् अथादरात् । गजकुम्भोपमस्कन्धं कुम्भो मङ्गलपूर्वकम्

tatrainaṃ snapayām āsa mahārājam athādarāt / gajakumbhopamaskandhaṃ kumbho maṅgalapūrvakam

Sanskrit only: no published translation is held for this verse.

भविष्यद्वनितारूपां भविष्यत्पतितां गतः । चूडालां स्नपयाम् आस कुम्भरूपधरां प्रियाम्

bhaviṣyadvanitārūpāṃ bhaviṣyatpatitāṃ gataḥ / cūḍālāṃ snapayām āsa kumbharūpadharāṃ priyām

Sanskrit only: no published translation is held for this verse.

पूजयाम् आसतुस् स्नातौ तत्र देवान् पितॄन् मुनीन् । यथा क्रियाफले ऽनिच्छौ क्रियात्यागे तथैव तौ

pūjayām āsatus snātau tatra devān pitṝn munīn / yathā kriyāphale 'nicchau kriyātyāge tathaiva tau

Sanskrit only: no published translation is held for this verse.

नित्यं ज्ञानरसातृप्तौ व्यवस्थार्थं जगत्स्थितेः । चक्राते भोजनं भव्यौ ताव् अन्योऽन्यसमीरितौ

nityaṃ jñānarasātṛptau vyavasthārthaṃ jagatsthiteḥ / cakrāte bhojanaṃ bhavyau tāv anyo'nyasamīritau

Sanskrit only: no published translation is held for this verse.

कल्पवृक्षदुगूलानि परिधाय सितानि तौ । फलानि भुक्त्वा जन्यत्रस्थानम् आययतुः क्रमात्

kalpavṛkṣadugūlāni paridhāya sitāni tau / phalāni bhuktvā janyatrasthānam āyayatuḥ kramāt

Sanskrit only: no published translation is held for this verse.

एतावतात्र कालेन तयोर् जन्यत्रसोत्कयोः । प्रियं कर्तुम् इवास्ताद्रौ झगित्य् एवाविशद् रविः

etāvatātra kālena tayor janyatrasotkayoḥ / priyaṃ kartum ivāstādrau jhagity evāviśad raviḥ

Sanskrit only: no published translation is held for this verse.

अथ सन्ध्याक्रमे वृत्ते कृते जप्याघमर्षणे । विवाहदर्शनायेव ताराजाले खम् आगते

atha sandhyākrame vṛtte kṛte japyāghamarṣaṇe / vivāhadarśanāyeva tārājāle kham āgate

Sanskrit only: no published translation is held for this verse.

मिथुनैकसखी यामा कुमुदोत्करहासिनी । प्रालेयजालप्रकरं विकिरन्ती समाययौ

mithunaikasakhī yāmā kumudotkarahāsinī / prāleyajālaprakaraṃ vikirantī samāyayau

Sanskrit only: no published translation is held for this verse.

रत्नदीपान् बहून् सम्यक् कुम्भस् सानाव् अयोजयत् । ज्योतींषीन्द्वर्कयुक्तानि पद्मोद्भव इवाम्बरात्

ratnadīpān bahūn samyak kumbhas sānāv ayojayat / jyotīṃṣīndvarkayuktāni padmodbhava ivāmbarāt

Sanskrit only: no published translation is held for this verse.

भूषयाम् आस राजानं स्त्रीत्वं गच्छन् निशामुखे । चन्दनागुरुकर्पूरपूरैर् मृगजकुङ्कुमैः

bhūṣayām āsa rājānaṃ strītvaṃ gacchan niśāmukhe / candanāgurukarpūrapūrair mṛgajakuṅkumaiḥ

Sanskrit only: no published translation is held for this verse.

हारकेयूरकटकैस् तथा कल्पलतांशुकैः । स्रग्दामैर् अवतंसैश् च माल्यैश् च विविधोम्भितैः

hārakeyūrakaṭakais tathā kalpalatāṃśukaiḥ / sragdāmair avataṃsaiś ca mālyaiś ca vividhombhitaiḥ

Sanskrit only: no published translation is held for this verse.

तथा कल्पलतागुच्छैर् मन्दारैः पारिजातकैः । सन्तानैर् बहुरत्नैश् च मौलिना चेन्दुरूपिणा

tathā kalpalatāgucchair mandāraiḥ pārijātakaiḥ / santānair bahuratnaiś ca maulinā cendurūpiṇā

Sanskrit only: no published translation is held for this verse.

एतावताथ कालेन वधूत्वं कुम्भ आययौ । घनस्तनतटाक्रान्तो बभूवाशु विलासवान्

etāvatātha kālena vadhūtvaṃ kumbha āyayau / ghanastanataṭākrānto babhūvāśu vilāsavān

Sanskrit only: no published translation is held for this verse.

इदं सञ्चिन्तयाम् आस सम्पन्नो ऽयम् अहं वधूः । कामायात्मा मयादेयः कार्यं कालोचितं किल

idaṃ sañcintayām āsa sampanno 'yam ahaṃ vadhūḥ / kāmāyātmā mayādeyaḥ kāryaṃ kālocitaṃ kila

Sanskrit only: no published translation is held for this verse.

इयम् अस्मि वधूः कान्ता भर्तायं मे पुरस् स्थितः । गृहाण काम माम् एहि कालो ऽयं तव हृच्छय

iyam asmi vadhūḥ kāntā bhartāyaṃ me puras sthitaḥ / gṛhāṇa kāma mām ehi kālo 'yaṃ tava hṛcchaya

Sanskrit only: no published translation is held for this verse.

इति सञ्चिन्त्य भर्तारम् अग्रस्थम् अभिमण्डितम् । उदयन्तम् इवादित्यं रतिः कामम् इवाह सा

iti sañcintya bhartāram agrastham abhimaṇḍitam / udayantam ivādityaṃ ratiḥ kāmam ivāha sā

Sanskrit only: no published translation is held for this verse.

अहं मदनिका नाम भार्यास्मि तव मानद । पतये ते प्रणामो ऽयं सस्नेहं क्रियते मया

ahaṃ madanikā nāma bhāryāsmi tava mānada / pataye te praṇāmo 'yaṃ sasnehaṃ kriyate mayā

Sanskrit only: no published translation is held for this verse.

इत्य् उक्त्वा सानवद्याङ्गी लज्जावनमितानना । लोलालकेन शिरसा प्रणनाम नयात् पतिम्

ity uktvā sānavadyāṅgī lajjāvanamitānanā / lolālakena śirasā praṇanāma nayāt patim

Sanskrit only: no published translation is held for this verse.

उवाचेदं च हे नाथ त्वं मां भूषय भूषणैः । क्रमेणाग्निं च सञ्ज्वाल्य मत्पाणिग्रहणं कुरु

uvācedaṃ ca he nātha tvaṃ māṃ bhūṣaya bhūṣaṇaiḥ / krameṇāgniṃ ca sañjvālya matpāṇigrahaṇaṃ kuru

Sanskrit only: no published translation is held for this verse.

राजसे ऽतितरां नाथ मां करोषि स्मरातुराम् । रतेर् विवाहे मदनम् अभिभूयाधितिष्ठसि

rājase 'titarāṃ nātha māṃ karoṣi smarāturām / rater vivāhe madanam abhibhūyādhitiṣṭhasi

Sanskrit only: no published translation is held for this verse.

इन्दोर् इवांशुजालानि राजन् माल्यानि भान्ति ते । मेरुगङ्गाप्रवाहाभां धत्ते हारस् तवोरसि

indor ivāṃśujālāni rājan mālyāni bhānti te / merugaṅgāpravāhābhāṃ dhatte hāras tavorasi

Sanskrit only: no published translation is held for this verse.

मन्दारकुसुमप्रोतैः कुन्तलैर् नृप राजसे । कनकाब्जम् इवालोलैर् भृङ्गैः केसरधूसरैः

mandārakusumaprotaiḥ kuntalair nṛpa rājase / kanakābjam ivālolair bhṛṅgaiḥ kesaradhūsaraiḥ

Sanskrit only: no published translation is held for this verse.

रत्नांशुजालैः कुसुमैश् श्रिया स्थैर्येण तेजसा । उन्नत्या च विभो मेरुम् अभिभूयावतिष्ठसे

ratnāṃśujālaiḥ kusumaiś śriyā sthairyeṇa tejasā / unnatyā ca vibho merum abhibhūyāvatiṣṭhase

Sanskrit only: no published translation is held for this verse.

एवमादि वदन्तौ तौ भविष्यन्नवदम्पती । प्रच्छन्नपूर्वदाम्पत्यौ मिथस् तुष्टौ बभूवतुः

evamādi vadantau tau bhaviṣyannavadampatī / pracchannapūrvadāmpatyau mithas tuṣṭau babhūvatuḥ

Sanskrit only: no published translation is held for this verse.

महाराज्ञीं मदनिकां महाराजश् शिखिध्वजः । काञ्चनामलपर्यङ्के नियोज्याभूषयत् स्वयम्

mahārājñīṃ madanikāṃ mahārājaś śikhidhvajaḥ / kāñcanāmalaparyaṅke niyojyābhūṣayat svayam

Sanskrit only: no published translation is held for this verse.

अवतंसैस् तथा माल्यैर् मणिमुक्ताविभूषणैः । वस्त्रैर् विलेपनैः पुष्पैर् उचितस्थानयोजितैः

avataṃsais tathā mālyair maṇimuktāvibhūṣaṇaiḥ / vastrair vilepanaiḥ puṣpair ucitasthānayojitaiḥ

Sanskrit only: no published translation is held for this verse.

सा बभौ भूषिता तन्वी मदनी मददायिनी । गिरिजेव विवाहोत्का कामकान्तेव कामिनी

sā babhau bhūṣitā tanvī madanī madadāyinī / girijeva vivāhotkā kāmakānteva kāminī

Sanskrit only: no published translation is held for this verse.

महाराजो महाराज्ञीं भूषयित्वेदम् आह ताम् । राजसे मृगशावाक्षि लक्ष्मीर् इव नवोत्थिता

mahārājo mahārājñīṃ bhūṣayitvedam āha tām / rājase mṛgaśāvākṣi lakṣmīr iva navotthitā

Sanskrit only: no published translation is held for this verse.

शक्रेण सह यच् छच्या यल् लक्ष्म्या हरिणा सह । यद् गौर्याश् शम्भुना सार्धं तत् ते भवतु मङ्गलम्

śakreṇa saha yac chacyā yal lakṣmyā hariṇā saha / yad gauryāś śambhunā sārdhaṃ tat te bhavatu maṅgalam

Sanskrit only: no published translation is held for this verse.

पद्मकन्दाङ्कुररदा लोलनीलोत्पलेक्षणा । आमोदसुभगाकारा त्वं स्थिता पद्मिनीसमा

padmakandāṅkuraradā lolanīlotpalekṣaṇā / āmodasubhagākārā tvaṃ sthitā padminīsamā

Sanskrit only: no published translation is held for this verse.

सुरक्तपल्लवकरा स्तबकस्तनधारिणी । त्वम् एव फलदा मन्ये कामकल्पतरोर् लता

suraktapallavakarā stabakastanadhāriṇī / tvam eva phaladā manye kāmakalpataror latā

Sanskrit only: no published translation is held for this verse.

हिमशीतावदाताङ्गी ज्योत्स्नाप्रसरहासिनी । पूर्णेन्दुश्रीर् इवोद्युक्ता दृष्टैवाह्लादयस्य् अलम्

himaśītāvadātāṅgī jyotsnāprasarahāsinī / pūrṇenduśrīr ivodyuktā dṛṣṭaivāhlādayasy alam

Sanskrit only: no published translation is held for this verse.

तद् उत्तिष्ठ वरारोहे वेदीं वैवाहिकीं स्वयम् । रत्नपुष्पलताजालै रचयावो यथाक्रमम्

tad uttiṣṭha varārohe vedīṃ vaivāhikīṃ svayam / ratnapuṣpalatājālai racayāvo yathākramam

Sanskrit only: no published translation is held for this verse.

इत्य् उक्त्वा दम्पती कान्तौ रचयाम् आसतुस् तदा । वेदीम् आत्मविवाहाय महेन्द्रमणिकन्दरे

ity uktvā dampatī kāntau racayām āsatus tadā / vedīm ātmavivāhāya mahendramaṇikandare

Sanskrit only: no published translation is held for this verse.

मुक्ताजालैस् सझाङ्कारैः पुष्पोत्तंसैस् सषट्पदैः । रत्नमाल्यैस् सटाङ्कारैर् वैजयन्तीपटैश् चलैः

muktājālais sajhāṅkāraiḥ puṣpottaṃsais saṣaṭpadaiḥ / ratnamālyais saṭāṅkārair vaijayantīpaṭaiś calaiḥ

Sanskrit only: no published translation is held for this verse.

कल्पवृक्षलतासूत्रैः कल्पस्तबकमण्डलैः । कल्पपादपपट्टैश् च कल्पद्रुमफलोत्करैः

kalpavṛkṣalatāsūtraiḥ kalpastabakamaṇḍalaiḥ / kalpapādapapaṭṭaiś ca kalpadrumaphalotkaraiḥ

Sanskrit only: no published translation is held for this verse.

देवदारुलताजालैः काण्डप्रतिसराङ्कितैः । मुक्ताकुसुमलाजानां प्रकरैस् तारकोपमैः

devadārulatājālaiḥ kāṇḍapratisarāṅkitaiḥ / muktākusumalājānāṃ prakarais tārakopamaiḥ

Sanskrit only: no published translation is held for this verse.

चतुर्दिक्कं चतुर्भिश् च नारिकेलमहाफलैः । पूर्णकुम्भतया गाङ्गवारिपूरैः प्रकल्पितैः

caturdikkaṃ caturbhiś ca nārikelamahāphalaiḥ / pūrṇakumbhatayā gāṅgavāripūraiḥ prakalpitaiḥ

Sanskrit only: no published translation is held for this verse.

ज्वलयाम् आसतुस् तस्यां मध्ये चन्दनदारुभिः । ज्वलनं ज्वलितज्वालं दक्षिणस्थप्रदक्षिणम्

jvalayām āsatus tasyāṃ madhye candanadārubhiḥ / jvalanaṃ jvalitajvālaṃ dakṣiṇasthapradakṣiṇam

Sanskrit only: no published translation is held for this verse.

पूर्वाभिमुखम् अग्नेस् ताव् अग्रे पल्लवविष्टरे । नियोज्य दम्पती कान्तौ तयोर् विविशतुस् स्वयम्

pūrvābhimukham agnes tāv agre pallavaviṣṭare / niyojya dampatī kāntau tayor viviśatus svayam

Sanskrit only: no published translation is held for this verse.

स हुत्वा तिललाजादि पावकाय शिखिध्वजः । उत्थायोत्थाप्य कान्तां च पाणिभ्यां स्वयम् आददे

sa hutvā tilalājādi pāvakāya śikhidhvajaḥ / utthāyotthāpya kāntāṃ ca pāṇibhyāṃ svayam ādade

Sanskrit only: no published translation is held for this verse.

अन्योऽन्यं शोभमानौ ताव् अन्याव् इव नवौ शिवौ । चक्रतुर् दम्पती तस्य पावकस्य प्रदक्षिणम्

anyo'nyaṃ śobhamānau tāv anyāv iva navau śivau / cakratur dampatī tasya pāvakasya pradakṣiṇam

Sanskrit only: no published translation is held for this verse.

स्वदायं ज्ञानसर्वस्वं हृदयं प्रेम चाचलम् । ददतुस् तौ मिथो मान्यौ स्मितकान्तमुखश्रियौ

svadāyaṃ jñānasarvasvaṃ hṛdayaṃ prema cācalam / dadatus tau mitho mānyau smitakāntamukhaśriyau

Sanskrit only: no published translation is held for this verse.

प्रदक्षिणत्रयं कृत्वा लाजान् सन्त्यज्य वह्नये । मद्भार्याम् अम्बराद् दृष्ट्वा करौ तत्यजतुः क्रमात्

pradakṣiṇatrayaṃ kṛtvā lājān santyajya vahnaye / madbhāryām ambarād dṛṣṭvā karau tatyajatuḥ kramāt

Sanskrit only: no published translation is held for this verse.

स्मयमानमुखौ कान्तौ चन्द्राव् इव नवोदितौ । पूर्वोपरचिते पुष्पतल्पे विविशतुर् नवे

smayamānamukhau kāntau candrāv iva navoditau / pūrvoparacite puṣpatalpe viviśatur nave

Sanskrit only: no published translation is held for this verse.

एतस्मिन्न् अन्तरे चन्द्रश् चतुर्भागं नभस्तलात् । शनैर् आक्रमयाम् आस शोभां द्रष्टुम् इवैतयोः

etasminn antare candraś caturbhāgaṃ nabhastalāt / śanair ākramayām āsa śobhāṃ draṣṭum ivaitayoḥ

Sanskrit only: no published translation is held for this verse.

तस्मिन् सानौ लताच्छिद्रैर् द्रष्टुं दृष्टीर् इवाभितः । लोलैस् सञ्चारयाम् आस करान् इन्दुर् वराङ्गने

tasmin sānau latācchidrair draṣṭuṃ dṛṣṭīr ivābhitaḥ / lolais sañcārayām āsa karān indur varāṅgane

Sanskrit only: no published translation is held for this verse.

तैस् तैस् तत्र कथालापैर् इन्दाव् अभ्युदिते तथा । ताव् आसां चक्रतुः कान्तौ दम्पती तु मुहूर्तकम्

tais tais tatra kathālāpair indāv abhyudite tathā / tāv āsāṃ cakratuḥ kāntau dampatī tu muhūrtakam

Sanskrit only: no published translation is held for this verse.

अथोत्थाय ज्वलद्रत्नदीपां काञ्चनकन्दराम् । स्वयं पूर्वोपरचितां गुप्तां विविशतुः प्रियौ

athotthāya jvaladratnadīpāṃ kāñcanakandarām / svayaṃ pūrvoparacitāṃ guptāṃ viviśatuḥ priyau

Sanskrit only: no published translation is held for this verse.

नवं ददृशतुस् तत्र तल्पं कुसुमकल्पितम् । परितो व्याप्तम् उत्फुल्लैर् हेमपङ्कजराशिभिः

navaṃ dadṛśatus tatra talpaṃ kusumakalpitam / parito vyāptam utphullair hemapaṅkajarāśibhiḥ

Sanskrit only: no published translation is held for this verse.

मन्दारादिभिर् अन्यैश् च पुष्पैर् म्लानिविवर्जितैः । उच्चकैः पुंप्रमाणेन निर्मितं कुसुमैस् समैः

mandārādibhir anyaiś ca puṣpair mlānivivarjitaiḥ / uccakaiḥ puṃpramāṇena nirmitaṃ kusumais samaiḥ

Sanskrit only: no published translation is held for this verse.

दीर्घेन्दुबिम्बप्रतिमं तुषारस्थलशीतलम् । क्षीरोदजलधाराभं ज्योत्स्नासम्पिण्डपाण्डुरम्

dīrghendubimbapratimaṃ tuṣārasthalaśītalam / kṣīrodajaladhārābhaṃ jyotsnāsampiṇḍapāṇḍuram

Sanskrit only: no published translation is held for this verse.

प्रतिबिम्बम् अनन्तस्य रत्नभित्ताव् इव स्थितम् । सुगन्धम् उन्नतं कान्तं विशरारुतयोज्झितम्

pratibimbam anantasya ratnabhittāv iva sthitam / sugandham unnataṃ kāntaṃ viśarārutayojjhitam

Sanskrit only: no published translation is held for this verse.

मिथुनं पुष्पराशौ तत् पपात धवलामले । तस्मिन् समसमाभोगे क्षीरोदे मन्दरो यथा

mithunaṃ puṣparāśau tat papāta dhavalāmale / tasmin samasamābhoge kṣīrode mandaro yathā

Sanskrit only: no published translation is held for this verse.

तैस् तैस् ततः प्रणतिपेशलवाग्विलासैस् तत्कालकार्यसुभगैः प्रणयोपचारैः । सत्कान्तयोर् नवनवेन तयोस् सुखेन दीर्घा मुहूर्त इव सा रजनी जगाम

tais tais tataḥ praṇatipeśalavāgvilāsais tatkālakāryasubhagaiḥ praṇayopacāraiḥ / satkāntayor navanavena tayos sukhena dīrghā muhūrta iva sā rajanī jagāma

Sanskrit only: no published translation is held for this verse.