Moksopaya with Bhaskarakantha's Tika 6.111

अथ सूर्यांशुरङ्गेण रञ्जिते भुवनोदरे । शिखिध्वजाङ्गना भूयो मदनी कुम्भतां ययौ

atha sūryāṃśuraṅgeṇa rañjite bhuvanodare / śikhidhvajāṅganā bhūyo madanī kumbhatāṃ yayau

Sanskrit only: no published translation is held for this verse.

एवं महेन्द्रदर्यां ताव् उभौ कुम्भशिखिध्वजौ । स्वयं विवाहिताव् इष्टौ सम्पन्नौ नवदम्पती

evaṃ mahendradaryāṃ tāv ubhau kumbhaśikhidhvajau / svayaṃ vivāhitāv iṣṭau sampannau navadampatī

Sanskrit only: no published translation is held for this verse.

विलेसतुर् विचित्रासु प्रत्यहं वनराजिषु । प्रपक्वफलभारासु पुष्पपल्लविनीषु च

vilesatur vicitrāsu pratyahaṃ vanarājiṣu / prapakvaphalabhārāsu puṣpapallavinīṣu ca

Sanskrit only: no published translation is held for this verse.

दिवा प्रियतरे मित्रे यामिन्याम् इष्टदम्पती । प्रभादीपाव् इव श्लिष्टौ न वियुक्तौ बभूवतुः

divā priyatare mitre yāminyām iṣṭadampatī / prabhādīpāv iva śliṣṭau na viyuktau babhūvatuḥ

Sanskrit only: no published translation is held for this verse.

रेमाते वनकुञ्जेषु गुहासु च महीभृताम् । तमालसालषण्डेषु मन्दारगहनेषु च

remāte vanakuñjeṣu guhāsu ca mahībhṛtām / tamālasālaṣaṇḍeṣu mandāragahaneṣu ca

Sanskrit only: no published translation is held for this verse.

सह्यदर्दुरकैलासमहेन्द्रमलयेषु च । गन्धमादनविन्ध्याद्रिलोकालोकतटेषु च

sahyadardurakailāsamahendramalayeṣu ca / gandhamādanavindhyādrilokālokataṭeṣu ca

Sanskrit only: no published translation is held for this verse.

दिनैस् त्रिभिस् त्रिभिर् गत्वा निद्रां गतवति प्रिये । चूडाला राजकार्याणि कृत्वा स्वान्य् आययौ पुनः

dinais tribhis tribhir gatvā nidrāṃ gatavati priye / cūḍālā rājakāryāṇi kṛtvā svāny āyayau punaḥ

Sanskrit only: no published translation is held for this verse.

तौ दिवा सुहृदौ रात्रौ दम्पती कुम्भभूमिपौ । नानाकुसुमसंवीतौ तस्थतुर् मुदितौ मिथः

tau divā suhṛdau rātrau dampatī kumbhabhūmipau / nānākusumasaṃvītau tasthatur muditau mithaḥ

Sanskrit only: no published translation is held for this verse.

मासम् एकं महेन्द्राद्रिसानौ सरलसङ्कुले । रत्नकुड्ये गुहागेहे पूजितौ सुरकिन्नरैः

māsam ekaṃ mahendrādrisānau saralasaṅkule / ratnakuḍye guhāgehe pūjitau surakinnaraiḥ

Sanskrit only: no published translation is held for this verse.

हस्तलभ्योदितेन्दौ च मन्दारवनमालिते । एवं शुक्तिमतः पृष्ठे पक्षं पक्षं लतागृहे

hastalabhyoditendau ca mandāravanamālite / evaṃ śuktimataḥ pṛṣṭhe pakṣaṃ pakṣaṃ latāgṛhe

Sanskrit only: no published translation is held for this verse.

मासद्वयम् ऋक्षवतो गिरेर् दक्षिणतस् तटे । पारिजातवने देवपुष्पस्तबकमण्डपे

māsadvayam ṛkṣavato girer dakṣiṇatas taṭe / pārijātavane devapuṣpastabakamaṇḍape

Sanskrit only: no published translation is held for this verse.

जम्बूषण्डतले मेरोः पादे जम्बूनदीतटे । जाम्बूनदमये मासं जम्बूफलरसावनौ

jambūṣaṇḍatale meroḥ pāde jambūnadītaṭe / jāmbūnadamaye māsaṃ jambūphalarasāvanau

Sanskrit only: no published translation is held for this verse.

दशोत्तरकुरूणां च मण्डले दिवसानि तौ । कैलासस्योत्तरस्थेषु सप्तविंशतिवासरान्

daśottarakurūṇāṃ ca maṇḍale divasāni tau / kailāsasyottarastheṣu saptaviṃśativāsarān

Sanskrit only: no published translation is held for this verse.

एवम् अन्येषु देशेषु विचित्रेषु महीभृताम् । स्थितवन्तौ महाभागौ सुहृदौ स्निग्धदम्पती

evam anyeṣu deśeṣu vicitreṣu mahībhṛtām / sthitavantau mahābhāgau suhṛdau snigdhadampatī

Sanskrit only: no published translation is held for this verse.

ततो यातेषु मासेषु शनैः कतिपयेषु सा । चूडाला चिन्तयाम् आस देवपुत्रकरूपिणी

tato yāteṣu māseṣu śanaiḥ katipayeṣu sā / cūḍālā cintayām āsa devaputrakarūpiṇī

Sanskrit only: no published translation is held for this verse.

सुरोपभोगभारेण परीक्षे ऽहं शिखिध्वजम् । मा कदाचन चेतो ऽस्य भोगेषु रतिम् एष्यति

suropabhogabhāreṇa parīkṣe 'haṃ śikhidhvajam / mā kadācana ceto 'sya bhogeṣu ratim eṣyati

Sanskrit only: no published translation is held for this verse.

इति सञ्चिन्त्य चूडाला मायया स्वामिनो वने । आगतं दर्शयाम् आस ससुराप्सरसं हरिम्

iti sañcintya cūḍālā māyayā svāmino vane / āgataṃ darśayām āsa sasurāpsarasaṃ harim

Sanskrit only: no published translation is held for this verse.

इन्द्रम् अभ्यागतं दृष्ट्वा परिवारसमन्वितम् । यथावत् पूजयाम् आस वनसंस्थश् शिखिध्वजः

indram abhyāgataṃ dṛṣṭvā parivārasamanvitam / yathāvat pūjayām āsa vanasaṃsthaś śikhidhvajaḥ

Sanskrit only: no published translation is held for this verse.

आत्मनः किं कृता दूराद् अभ्यागमकदर्थना । देवराज प्रसादान् मे यथावद् वक्तुम् अर्हसि

ātmanaḥ kiṃ kṛtā dūrād abhyāgamakadarthanā / devarāja prasādān me yathāvad vaktum arhasi

Sanskrit only: no published translation is held for this verse.

इमे वयम् इहानीतास् त्वद्गुणातिशयेन खात् । हृदि लग्नेन सूत्रेण खगा दूरगता इव

ime vayam ihānītās tvadguṇātiśayena khāt / hṛdi lagnena sūtreṇa khagā dūragatā iva

Sanskrit only: no published translation is held for this verse.

उत्तिष्ठ स्वर्गम् आगच्छ तत्र सर्वे त्वदुन्मुखाः । त्वद्गुणश्रवणाश्चर्यास् स्थिता देवगणाङ्गनाः

uttiṣṭha svargam āgaccha tatra sarve tvadunmukhāḥ / tvadguṇaśravaṇāścaryās sthitā devagaṇāṅganāḥ

Sanskrit only: no published translation is held for this verse.

इमे रथा इदं यानम् अयम् उच्चैश्श्रवा हयः । अयम् ऐरावणो नागो यथाभिमतम् आश्रय

ime rathā idaṃ yānam ayam uccaiśśravā hayaḥ / ayam airāvaṇo nāgo yathābhimatam āśraya

Sanskrit only: no published translation is held for this verse.

पादुकागुलिकाखड्गरसादीदम् अथापि च । गृहीत्वा सिद्धमार्गेण स्वीकुरु स्वर्गमण्डलम्

pādukāgulikākhaḍgarasādīdam athāpi ca / gṛhītvā siddhamārgeṇa svīkuru svargamaṇḍalam

Sanskrit only: no published translation is held for this verse.

आकल्पं वैबुधा भोगास् त्वया विबुधसद्मनि । जीवन्मुक्तेन भोक्तव्यास् तेन त्वाम् अहम् आगतः

ākalpaṃ vaibudhā bhogās tvayā vibudhasadmani / jīvanmuktena bhoktavyās tena tvām aham āgataḥ

Sanskrit only: no published translation is held for this verse.

विमानयन्ति सम्प्राप्तां न तिरस्करणैश् श्रियम् । नाभिवाञ्छन्ति चाप्राप्तां त्वादृशास् साधुसाधवः

vimānayanti samprāptāṃ na tiraskaraṇaiś śriyam / nābhivāñchanti cāprāptāṃ tvādṛśās sādhusādhavaḥ

Sanskrit only: no published translation is held for this verse.

अविघ्नम् आगतेनाद्य सुखं विहरता त्वया । स्वर्गः पवित्रतां यातु हरिणेव जगत्त्रयम्

avighnam āgatenādya sukhaṃ viharatā tvayā / svargaḥ pavitratāṃ yātu hariṇeva jagattrayam

Sanskrit only: no published translation is held for this verse.

स्वर्गं स्वर्गसमाचारं वेद्मि देवादिनायक । किं तु सर्वत्र मे स्वर्गो नियतो न तु कुत्रचित्

svargaṃ svargasamācāraṃ vedmi devādināyaka / kiṃ tu sarvatra me svargo niyato na tu kutracit

Sanskrit only: no published translation is held for this verse.

सर्वत्रैव हि तुष्यामि सर्वत्रैव रमे प्रभो । अवाञ्छनत्वान् मनसस् सर्वत्रानन्दवान् अहम्

sarvatraiva hi tuṣyāmi sarvatraiva rame prabho / avāñchanatvān manasas sarvatrānandavān aham

Sanskrit only: no published translation is held for this verse.

नियतं किञ्चिद् एकत्र स्थितं स्वर्गकम् ईदृशम् । शक्र गन्तुं न जानामि नाज्ञातं च करोम्य् अहम्

niyataṃ kiñcid ekatra sthitaṃ svargakam īdṛśam / śakra gantuṃ na jānāmi nājñātaṃ ca karomy aham

Sanskrit only: no published translation is held for this verse.

साधो विदितवेद्यानां परिपूर्णधियां सताम् । सज्जनाचरितं युक्तं मन्ये भोगोपसेवनम्

sādho viditavedyānāṃ paripūrṇadhiyāṃ satām / sajjanācaritaṃ yuktaṃ manye bhogopasevanam

Sanskrit only: no published translation is held for this verse.

देवेशे प्रोक्तवत्य् एवं तूष्णीम् एव स्थिते नृपे । किम् एवं नोपयाम्य् एव त्वाम् इति प्रोक्तवान् हरिः

deveśe proktavaty evaṃ tūṣṇīm eva sthite nṛpe / kim evaṃ nopayāmy eva tvām iti proktavān hariḥ

Sanskrit only: no published translation is held for this verse.

बाढम् इत्य् एव कालेन वदतीषच् छिखिध्वजे । कल्याणं ते ऽस्तु कुम्भेति वदन्न् अन्तर्धिम् आययौ

bāḍham ity eva kālena vadatīṣac chikhidhvaje / kalyāṇaṃ te 'stu kumbheti vadann antardhim āyayau

Sanskrit only: no published translation is held for this verse.

तद् देववृन्दम् अखिलं त्रिदशेशयुक्तं तत्र क्षणाद् अलम् अदृश्यम् अभूद् विलीनम् । कल्लोलजालम् इव वारिनिधौ प्रशान्तवाते स्फुरन्मकरफेनफणीन्द्रशब्दम्

tad devavṛndam akhilaṃ tridaśeśayuktaṃ tatra kṣaṇād alam adṛśyam abhūd vilīnam / kallolajālam iva vārinidhau praśāntavāte sphuranmakaraphenaphaṇīndraśabdam

Sanskrit only: no published translation is held for this verse.