Moksopaya with Bhaskarakantha's Tika 6.11

चर्ममर्मसिराबद्धदेहदुर्यन्त्रवाहकम् । अकलं सकलाधारं चिदात्मानम् उपास्महे

carmamarmasirābaddhadehaduryantravāhakam / akalaṃ sakalādhāraṃ cidātmānam upāsmahe

Sanskrit only: no published translation is held for this verse.

निष्कलं षोडशकलं कलनाकारवर्जितम् । सर्वाकारं नकिञ्चिच् च चिदात्मानम् उपास्महे

niṣkalaṃ ṣoḍaśakalaṃ kalanākāravarjitam / sarvākāraṃ nakiñcic ca cidātmānam upāsmahe

Sanskrit only: no published translation is held for this verse.

हृत्कण्ठतालुमध्यस्थं भ्रूनासापुटकोटिगम् । गमागमोत्कप्राणस्थं चिदात्मानम् उपास्महे

hṛtkaṇṭhatālumadhyasthaṃ bhrūnāsāpuṭakoṭigam / gamāgamotkaprāṇasthaṃ cidātmānam upāsmahe

Sanskrit only: no published translation is held for this verse.

हृत्पद्मकोटरान्तस्स्थं सर्वावयवकोशगम् । भुवनाडम्बरादर्शं चिदात्मानम् उपास्महे

hṛtpadmakoṭarāntassthaṃ sarvāvayavakośagam / bhuvanāḍambarādarśaṃ cidātmānam upāsmahe

Sanskrit only: no published translation is held for this verse.

अशिरस्कहकारान्तम् आभास्वरम् अखण्डितम् । भूषणं सर्वभूतीनां चिदात्मानम् उपास्महे

aśiraskahakārāntam ābhāsvaram akhaṇḍitam / bhūṣaṇaṃ sarvabhūtīnāṃ cidātmānam upāsmahe

Sanskrit only: no published translation is held for this verse.

स्नेहाधारदशाशान्तिमुखवाताहतिभ्रमैः । युक्तं मुक्तं च चिद्दीपं बहिर् अन्तर् उपास्महे

snehādhāradaśāśāntimukhavātāhatibhramaiḥ / yuktaṃ muktaṃ ca ciddīpaṃ bahir antar upāsmahe

Sanskrit only: no published translation is held for this verse.

हृत्सरःपद्मिनीकन्दतन्तुं सर्वाङ्गरञ्जकम् । जनताजीवितोपायं चिदात्मानम् उपास्महे

hṛtsaraḥpadminīkandatantuṃ sarvāṅgarañjakam / janatājīvitopāyaṃ cidātmānam upāsmahe

Sanskrit only: no published translation is held for this verse.

अक्षीरार्णवसम्भूतम् अशशाङ्काशयस्थितम् । अहार्यम् अमृतं सत्यं चिदात्मानम् उपास्महे

akṣīrārṇavasambhūtam aśaśāṅkāśayasthitam / ahāryam amṛtaṃ satyaṃ cidātmānam upāsmahe

Sanskrit only: no published translation is held for this verse.

शब्दरूपरसस्पर्शगन्धैर् आभासम् आगतम् । तेनैव रहितं शान्तं चिदात्मानम् उपास्महे

śabdarūparasasparśagandhair ābhāsam āgatam / tenaiva rahitaṃ śāntaṃ cidātmānam upāsmahe

Sanskrit only: no published translation is held for this verse.

महामहिम्ना सहितम् अहतं सर्वकर्तृभिः । कर्तृत्वेनाप्य् अकर्तारं चिदात्मानम् उपास्महे

mahāmahimnā sahitam ahataṃ sarvakartṛbhiḥ / kartṛtvenāpy akartāraṃ cidātmānam upāsmahe

Sanskrit only: no published translation is held for this verse.

अखिलम् इदम् अहं ममैव सर्वं त्व् अहम् अपि नाहम् अथेतरच् च नाहम् । इति विदितवतो जगत् क्षतं मे स्थिरम् अथ वास्तु गतज्वरो भवामि

akhilam idam ahaṃ mamaiva sarvaṃ tv aham api nāham athetarac ca nāham / iti viditavato jagat kṣataṃ me sthiram atha vāstu gatajvaro bhavāmi

Sanskrit only: no published translation is held for this verse.