Moksopaya with Bhaskarakantha's Tika 6.13

सम्यग्ज्ञानविलासेन वासनाविलयोदये । जीवन्मुक्तपदे ब्रह्मन् वद विश्रम्यते कथम्

samyagjñānavilāsena vāsanāvilayodaye / jīvanmuktapade brahman vada viśramyate katham

Sanskrit only: no published translation is held for this verse.

संसारोत्तरणे युक्तिर् योगशब्देन कथ्यते । तां विद्धि द्विप्रकारां त्वं चित्तोपशमधर्मिणीम्

saṃsārottaraṇe yuktir yogaśabdena kathyate / tāṃ viddhi dviprakārāṃ tvaṃ cittopaśamadharmiṇīm

Sanskrit only: no published translation is held for this verse.

आत्मज्ञानं प्रकारो ऽस्या एकः प्रकथितो भुवि । द्वितीयः प्राणसंरोधश् शृणु सो ऽयं मयोच्यते

ātmajñānaṃ prakāro 'syā ekaḥ prakathito bhuvi / dvitīyaḥ prāṇasaṃrodhaś śṛṇu so 'yaṃ mayocyate

Sanskrit only: no published translation is held for this verse.

सुलभत्वाद् अदुःखत्वात् कतरश् शोभनो ऽनयोः । येनावगतमात्रेण भूयः क्षोभो न बाधते

sulabhatvād aduḥkhatvāt kataraś śobhano 'nayoḥ / yenāvagatamātreṇa bhūyaḥ kṣobho na bādhate

Sanskrit only: no published translation is held for this verse.

प्रकारौ द्वाव् अपि प्रोक्तौ योगशब्देन यद्य् अपि । तथापि रूढिम् आयातः प्राणयुक्ताव् असौ भृशम्

prakārau dvāv api proktau yogaśabdena yady api / tathāpi rūḍhim āyātaḥ prāṇayuktāv asau bhṛśam

Sanskrit only: no published translation is held for this verse.

एवं योगस् तथा ज्ञानं संसारोत्तरणक्रमे । समाव् उपायौ द्वाव् एव प्रोक्ताव् एकफलप्रदौ

evaṃ yogas tathā jñānaṃ saṃsārottaraṇakrame / samāv upāyau dvāv eva proktāv ekaphalapradau

Sanskrit only: no published translation is held for this verse.

असाध्यः कस्यचिद् योगः कस्यचिज् ज्ञाननिश्चयः । मम त्व् अभिमतस् साधो सुसाधो ज्ञानजः क्रमः

asādhyaḥ kasyacid yogaḥ kasyacij jñānaniścayaḥ / mama tv abhimatas sādho susādho jñānajaḥ kramaḥ

Sanskrit only: no published translation is held for this verse.

यज् ज्ञातं न तद् अज्ञातं स्वप्नेष्व् अपि पुनर् भवेत् । ज्ञानं सर्वास्व् अवस्थासु नित्यम् एव प्रवर्तते

yaj jñātaṃ na tad ajñātaṃ svapneṣv api punar bhavet / jñānaṃ sarvāsv avasthāsu nityam eva pravartate

Sanskrit only: no published translation is held for this verse.

धारणासनदेशादिसाध्यत्वेन सुसाधतां । नायाति योगो ह्य् अथ वा विकल्पो नैष शोभनः

dhāraṇāsanadeśādisādhyatvena susādhatāṃ / nāyāti yogo hy atha vā vikalpo naiṣa śobhanaḥ

Sanskrit only: no published translation is held for this verse.

द्वाव् एव किल यत्नोत्थौ ज्ञानयोगौ रघूद्वह । तत्रोक्तं भवतो ज्ञानम् अन्तस्स्थज्ञेयनिर्मलम्

dvāv eva kila yatnotthau jñānayogau raghūdvaha / tatroktaṃ bhavato jñānam antassthajñeyanirmalam

Sanskrit only: no published translation is held for this verse.

प्राणापानरथारूढो गूढदेहगुहाशयः । अनन्तसिद्धिदस् साधो योगो ऽयं प्रोच्यते शृणु

prāṇāpānarathārūḍho gūḍhadehaguhāśayaḥ / anantasiddhidas sādho yogo 'yaṃ procyate śṛṇu

Sanskrit only: no published translation is held for this verse.

मुखानिलस्फुरणनिरोधसम्भवे स्थितिं गते नृपसुत चेतसः क्षये । समाहितस्थितिर् इह योगयुक्तितः परे पदे विगलितभीर् निवत्स्यसि

mukhānilasphuraṇanirodhasambhave sthitiṃ gate nṛpasuta cetasaḥ kṣaye / samāhitasthitir iha yogayuktitaḥ pare pade vigalitabhīr nivatsyasi

Sanskrit only: no published translation is held for this verse.