Moksopaya with Bhaskarakantha's Tika 6.16

अथ तस्याहम् अपतं दीप्यमानवपुः पुरः । किञ्चिद्विक्षोभितसभं खान् नक्षत्रम् इवाचले

atha tasyāham apataṃ dīpyamānavapuḥ puraḥ / kiñcidvikṣobhitasabhaṃ khān nakṣatram ivācale

Sanskrit only: no published translation is held for this verse.

चुक्षोभ वायसास्थाननीलोत्पलसरः क्षणं । मत्पातमन्दवातेन भूकम्पेनेव सागरः

cukṣobha vāyasāsthānanīlotpalasaraḥ kṣaṇaṃ / matpātamandavātena bhūkampeneva sāgaraḥ

Sanskrit only: no published translation is held for this verse.

अशङ्कितम् अपि प्राप्ताद् दर्शनात् समनन्तरम् । भुसुण्डस् तु वसिष्ठो ऽयं प्राप्त इत्य् अवबुद्धवान्

aśaṅkitam api prāptād darśanāt samanantaram / bhusuṇḍas tu vasiṣṭho 'yaṃ prāpta ity avabuddhavān

Sanskrit only: no published translation is held for this verse.

पत्त्रपुञ्जात् समुत्तस्थौ मेघशाव इवाचलात् । हे मुने स्वागतम् इति प्रोवाच मधुराक्षरम्

pattrapuñjāt samuttasthau meghaśāva ivācalāt / he mune svāgatam iti provāca madhurākṣaram

Sanskrit only: no published translation is held for this verse.

सङ्कल्पमात्रजाताभ्यां कराभ्यां कुसुमाञ्जलिम् । मह्यम् आशु ददौ बालमेघो हैमम् इवोत्करम्

saṅkalpamātrajātābhyāṃ karābhyāṃ kusumāñjalim / mahyam āśu dadau bālamegho haimam ivotkaram

Sanskrit only: no published translation is held for this verse.

इदम् आसनम् इत्य् उक्त्वा नवं कल्पतरुच्छदम् । उपनीतवति त्यक्तभृत्ये वायसनायके

idam āsanam ity uktvā navaṃ kalpatarucchadam / upanītavati tyaktabhṛtye vāyasanāyake

Sanskrit only: no published translation is held for this verse.

भुसुण्डानूत्थितेष्व् ईषच्चलपक्षेषु पक्षिषु । उपविष्टं मुनिं दृष्ट्वा स्वासनोन्मुखदृष्टिषु

bhusuṇḍānūtthiteṣv īṣaccalapakṣeṣu pakṣiṣu / upaviṣṭaṃ muniṃ dṛṣṭvā svāsanonmukhadṛṣṭiṣu

Sanskrit only: no published translation is held for this verse.

ससभाखगवृन्देन भुसुण्डेन समं ततः । तस्मिन् कल्पलताकुञ्जे उपविष्टो ऽहम् आसने

sasabhākhagavṛndena bhusuṇḍena samaṃ tataḥ / tasmin kalpalatākuñje upaviṣṭo 'ham āsane

Sanskrit only: no published translation is held for this verse.

अथ पाद्यादि दत्त्वा स भुसुण्डस् तुष्टमानसः । माम् उवाच महातेजास् सौहार्दमधुराक्षरम्

atha pādyādi dattvā sa bhusuṇḍas tuṣṭamānasaḥ / mām uvāca mahātejās sauhārdamadhurākṣaram

Sanskrit only: no published translation is held for this verse.

अहो भगवतास्माकं प्रसादो दर्शितश् चिरात् । दर्शनामृतसेकेन यत् सिक्तास् सद्रुमा वयम्

aho bhagavatāsmākaṃ prasādo darśitaś cirāt / darśanāmṛtasekena yat siktās sadrumā vayam

Sanskrit only: no published translation is held for this verse.

मत्पुण्यचिरसम्भारप्रेरितेन त्वयाधुना । मुने मान्यैकमान्येन कुत आगमनं कृतम्

matpuṇyacirasambhārapreritena tvayādhunā / mune mānyaikamānyena kuta āgamanaṃ kṛtam

Sanskrit only: no published translation is held for this verse.

कच्चिद् अस्मिन् महामोहे चिरं विहरतस् तव । अखण्डितैव समता स्थिता चेतसि पावने

kaccid asmin mahāmohe ciraṃ viharatas tava / akhaṇḍitaiva samatā sthitā cetasi pāvane

Sanskrit only: no published translation is held for this verse.

किमर्थम् अद्यागमनक्लेशेनात्मा कदर्थितः । त्वद्वचश्श्रोतुकामानाम् आज्ञां नो दातुम् अर्हसि

kimartham adyāgamanakleśenātmā kadarthitaḥ / tvadvacaśśrotukāmānām ājñāṃ no dātum arhasi

Sanskrit only: no published translation is held for this verse.

त्वत्पाददर्शनाद् एव सर्वं ज्ञातं मया मुने । यथागमनपुण्येन वयम् आयोजितास् त्वया

tvatpādadarśanād eva sarvaṃ jñātaṃ mayā mune / yathāgamanapuṇyena vayam āyojitās tvayā

Sanskrit only: no published translation is held for this verse.

चिरजीवितचर्चाभिर् वयं ते स्मृतिम् आगताः । तेनेमं पादपं पादैस् त्वं पवित्रितवान् अयम्

cirajīvitacarcābhir vayaṃ te smṛtim āgatāḥ / tenemaṃ pādapaṃ pādais tvaṃ pavitritavān ayam

Sanskrit only: no published translation is held for this verse.

ज्ञातत्वदागमो ऽप्य् एवं त्वां पृच्छामीह यन् मुने । भवद्वाक्यामृतास्वादवाञ्छा तत् प्रविजृम्भते

jñātatvadāgamo 'py evaṃ tvāṃ pṛcchāmīha yan mune / bhavadvākyāmṛtāsvādavāñchā tat pravijṛmbhate

Sanskrit only: no published translation is held for this verse.

इत्य् उक्तवान् असौ पक्षी भुसुण्डश् चिरजीवितः । त्रिकालामलसंवेदी तत्र प्रोक्तम् इदं मया

ity uktavān asau pakṣī bhusuṇḍaś cirajīvitaḥ / trikālāmalasaṃvedī tatra proktam idaṃ mayā

Sanskrit only: no published translation is held for this verse.

विहङ्गममहाराज सत्यम् एतत् त्वयोच्यते । द्रष्टुम् अभ्यागतो ऽस्म्य् अद्य त्वाम् एव चिरजीवितम्

vihaṅgamamahārāja satyam etat tvayocyate / draṣṭum abhyāgato 'smy adya tvām eva cirajīvitam

Sanskrit only: no published translation is held for this verse.

आशीतलान्तःकरणो दिष्ट्या कुशलवान् असि । पतितो ऽसि न शुद्धात्मन् भीषणां भववागुराम्

āśītalāntaḥkaraṇo diṣṭyā kuśalavān asi / patito 'si na śuddhātman bhīṣaṇāṃ bhavavāgurām

Sanskrit only: no published translation is held for this verse.

तद् एतं संशयं छिन्द्धि भगवन् मम तत्त्वतः । कस्मिन् कुले भवाञ् जातो ज्ञातज्ञेयः कथं भवान्

tad etaṃ saṃśayaṃ chinddhi bhagavan mama tattvataḥ / kasmin kule bhavāñ jāto jñātajñeyaḥ kathaṃ bhavān

Sanskrit only: no published translation is held for this verse.

कियद् आयुश् च ते साधो वृत्तं स्मरसि किं च वा । केन वायं निवासस् ते निर्दिष्टो दीर्घदर्शिना

kiyad āyuś ca te sādho vṛttaṃ smarasi kiṃ ca vā / kena vāyaṃ nivāsas te nirdiṣṭo dīrghadarśinā

Sanskrit only: no published translation is held for this verse.

यत् पृच्छसि मुने सर्वं तद् इदं कथयाम्य् अहम् । अनुद्वेगितयेयं नः कथा श्रव्या महात्मना

yat pṛcchasi mune sarvaṃ tad idaṃ kathayāmy aham / anudvegitayeyaṃ naḥ kathā śravyā mahātmanā

Sanskrit only: no published translation is held for this verse.

युष्मद्विधास् त्रिभुवनप्रभुपूज्यरूपा आकर्णयन्ति यद् उदारधियो महान्तः । तेनाशुभं प्रकथितेन विनाशम् एति मेघस्य देहविभवेन यथार्कतापः

yuṣmadvidhās tribhuvanaprabhupūjyarūpā ākarṇayanti yad udāradhiyo mahāntaḥ / tenāśubhaṃ prakathitena vināśam eti meghasya dehavibhavena yathārkatāpaḥ

Sanskrit only: no published translation is held for this verse.