Moksopaya with Bhaskarakantha's Tika 6.17

अथ राम भुसुण्डो ऽसौ न प्रहृष्टो न जिह्मधीः । सर्वाङ्गसुन्दरश् श्यामः प्रावृषीव पयोधरः

atha rāma bhusuṇḍo 'sau na prahṛṣṭo na jihmadhīḥ / sarvāṅgasundaraś śyāmaḥ prāvṛṣīva payodharaḥ

Sanskrit only: no published translation is held for this verse.

स्निग्धगम्भीरवचनस् स्मितपूर्वाभिभाषणः । करस्थपालीवतवत्प्रतोलितजगत्त्रयः

snigdhagambhīravacanas smitapūrvābhibhāṣaṇaḥ / karasthapālīvatavatpratolitajagattrayaḥ

Sanskrit only: no published translation is held for this verse.

तृणवद्दृष्टसकलः प्रमेयीकृतसंसृतिः । लोकाजवञ्जवीभावे दृष्टे ज्ञातपरावरः

tṛṇavaddṛṣṭasakalaḥ prameyīkṛtasaṃsṛtiḥ / lokājavañjavībhāve dṛṣṭe jñātaparāvaraḥ

Sanskrit only: no published translation is held for this verse.

धीरस् स्थिरसमाकारो विश्रान्त इव मन्दरः । परिपूर्णस् समश् शुद्धः पूर्णार्णव इवाहतः

dhīras sthirasamākāro viśrānta iva mandaraḥ / paripūrṇas samaś śuddhaḥ pūrṇārṇava ivāhataḥ

Sanskrit only: no published translation is held for this verse.

पदविश्रान्तधीश् शान्तः परमानन्दघूर्णितः । आविर्भावतिरोभावतज्ज्ञस् संसारजन्मिनाम्

padaviśrāntadhīś śāntaḥ paramānandaghūrṇitaḥ / āvirbhāvatirobhāvatajjñas saṃsārajanminām

Sanskrit only: no published translation is held for this verse.

सरभसवचनाभिरामरूपः प्रियमधुरोचितचारुहृद्यवाक्यः । स्वयम् इव नवम् आस्थितश् शरीरं सकलभयापहरः परः प्रकर्षः

sarabhasavacanābhirāmarūpaḥ priyamadhurocitacāruhṛdyavākyaḥ / svayam iva navam āsthitaś śarīraṃ sakalabhayāpaharaḥ paraḥ prakarṣaḥ

Sanskrit only: no published translation is held for this verse.

इदम् अमलगिराह हासशुद्धं मृदुपदम् उज्झितसम्भ्रमं क्रमेण । कथयितुम् अखिलं निजं स्वरूपं मधुर इव स्तनितेन मुग्धमेघः

idam amalagirāha hāsaśuddhaṃ mṛdupadam ujjhitasambhramaṃ krameṇa / kathayitum akhilaṃ nijaṃ svarūpaṃ madhura iva stanitena mugdhameghaḥ

Sanskrit only: no published translation is held for this verse.