Moksopaya with Bhaskarakantha's Tika 6.19

इत्य् उत्सवे वर्तमाने तासां वाहास् त उत्तमाः । तथैव मत्ता जहसुर् ननृतुः पपुर् अप्य् असृक्

ity utsave vartamāne tāsāṃ vāhās ta uttamāḥ / tathaiva mattā jahasur nanṛtuḥ papur apy asṛk

Sanskrit only: no published translation is held for this verse.

तत्र कान्तासवोन्मत्ताः क्वचिन् ननृतुर् अम्बरे । रथहंस्यस् सिता ब्राह्म्यः काकश् चालम्बुसारथः

tatra kāntāsavonmattāḥ kvacin nanṛtur ambare / rathahaṃsyas sitā brāhmyaḥ kākaś cālambusārathaḥ

Sanskrit only: no published translation is held for this verse.

नृत्यन्तीनां तु हंसीनां पिबन्तीनां तथासवम् । वेलेवाब्धितटीनां तु रतिस् सम्यग् अजायत

nṛtyantīnāṃ tu haṃsīnāṃ pibantīnāṃ tathāsavam / velevābdhitaṭīnāṃ tu ratis samyag ajāyata

Sanskrit only: no published translation is held for this verse.

सञ्जातरतयो मत्तास् सर्वा हंस्यः क्रमेण ताः । रेमिरे तेन काकेन चण्डकाख्येन वै तदा

sañjātaratayo mattās sarvā haṃsyaḥ krameṇa tāḥ / remire tena kākena caṇḍakākhyena vai tadā

Sanskrit only: no published translation is held for this verse.

सप्तानां बालहंसीनां दयितो वायसस् त्व् असौ । क्रमेणारमतैकत्र यावद् अन्योऽन्यम् ईप्सितम्

saptānāṃ bālahaṃsīnāṃ dayito vāyasas tv asau / krameṇāramataikatra yāvad anyo'nyam īpsitam

Sanskrit only: no published translation is held for this verse.

अथ ता गर्भधारिण्यो बभूवुर् अतितोषिताः । देव्यश् च कृतनृत्तास् ताः प्रशान्तमदतां ययुः

atha tā garbhadhāriṇyo babhūvur atitoṣitāḥ / devyaś ca kṛtanṛttās tāḥ praśāntamadatāṃ yayuḥ

Sanskrit only: no published translation is held for this verse.

ददुर् ओदनतां याताम् ईश्वराय प्रियाम् उमाम् । भोजनाय महामाया देव्यस् ताश् शूलपाणये

dadur odanatāṃ yātām īśvarāya priyām umām / bhojanāya mahāmāyā devyas tāś śūlapāṇaye

Sanskrit only: no published translation is held for this verse.

प्रिया मे भोजने दत्तेत्य् एवं च शशिशेखरः । बुद्ध्वा बभूव रुषितो यदा मातृगणं प्रति

priyā me bhojane dattety evaṃ ca śaśiśekharaḥ / buddhvā babhūva ruṣito yadā mātṛgaṇaṃ prati

Sanskrit only: no published translation is held for this verse.

तदा तास् तां समुत्पाद्य स्वाङ्गदानेन वै पुनः । ददुर् भूयोविवाहेन पार्वतीम् इन्दुमौलये

tadā tās tāṃ samutpādya svāṅgadānena vai punaḥ / dadur bhūyovivāhena pārvatīm indumaulaye

Sanskrit only: no published translation is held for this verse.

ततो देव्यो हरश् चैव परिवारस् तथैतयोः । सर्वे सन्तुष्टमनसस् स्वां स्वाम् उपययुर् दिशम्

tato devyo haraś caiva parivāras tathaitayoḥ / sarve santuṣṭamanasas svāṃ svām upayayur diśam

Sanskrit only: no published translation is held for this verse.

अन्तर्वत्न्यो बभूवुस् ता ब्राह्म्यो हंस्यो मुनीश्वर । वृत्तान्तं कथयाम् आसुर् ब्राह्म्या देव्या यथास्थितम्

antarvatnyo babhūvus tā brāhmyo haṃsyo munīśvara / vṛttāntaṃ kathayām āsur brāhmyā devyā yathāsthitam

Sanskrit only: no published translation is held for this verse.

हे वत्सास् साम्प्रतं गर्भवत्यो मे रथकर्मणि । न समर्था भवत्यो ऽपि स्वैरं चरत साम्प्रतम्

he vatsās sāmprataṃ garbhavatyo me rathakarmaṇi / na samarthā bhavatyo 'pi svairaṃ carata sāmpratam

Sanskrit only: no published translation is held for this verse.

इति गर्भालसा हंसीर् मुक्त्वा देवी दयापरा । निर्विकल्पे समाधाने ब्राह्मी तस्थौ यथासुखम्

iti garbhālasā haṃsīr muktvā devī dayāparā / nirvikalpe samādhāne brāhmī tasthau yathāsukham

Sanskrit only: no published translation is held for this verse.

अथ नाभिसरोजाते वैरिञ्चे कमलाकरे । गर्भालसा विचेरुस् ता राजहंस्यो मुनीश्वर

atha nābhisarojāte vairiñce kamalākare / garbhālasā vicerus tā rājahaṃsyo munīśvara

Sanskrit only: no published translation is held for this verse.

एवं विपक्वगर्भास् ता नाभीकमलपल्लवे । सुवते स्म मृदून्य् अण्डान्य् अथ वल्ल्य इवाङ्कुरान्

evaṃ vipakvagarbhās tā nābhīkamalapallave / suvate sma mṛdūny aṇḍāny atha vallya ivāṅkurān

Sanskrit only: no published translation is held for this verse.

तानि कालं समासाद्य तत्राण्डान्य् एकविंशतिः । गर्भाक्रान्त्या द्विधा जग्मुर् ब्रह्माण्डानीव सारवं

tāni kālaṃ samāsādya tatrāṇḍāny ekaviṃśatiḥ / garbhākrāntyā dvidhā jagmur brahmāṇḍānīva sāravaṃ

Sanskrit only: no published translation is held for this verse.

अण्डेभ्यस् तेभ्य एवं हि जाता वयम् इमे मुने । भ्रातरश् चण्डतनया वायसा एकविंशतिः

aṇḍebhyas tebhya evaṃ hi jātā vayam ime mune / bhrātaraś caṇḍatanayā vāyasā ekaviṃśatiḥ

Sanskrit only: no published translation is held for this verse.

ते स्म जाता गता वृद्धिं तस्मिन् कमलपल्लवे । सञ्जातपक्षास् सम्पन्ना गगनोड्डयनक्षमाः

te sma jātā gatā vṛddhiṃ tasmin kamalapallave / sañjātapakṣās sampannā gaganoḍḍayanakṣamāḥ

Sanskrit only: no published translation is held for this verse.

मातृभिस् सह हंसीभिर् ब्राह्मी भगवती ततः । चिरम् आराधिता सम्यक् समाधिविरता सती

mātṛbhis saha haṃsībhir brāhmī bhagavatī tataḥ / ciram ārādhitā samyak samādhiviratā satī

Sanskrit only: no published translation is held for this verse.

प्रसादपरया काले भगवत्या ततस् स्वयम् । तथाङ्गानुगृहीतास् स्मो यथा मुक्ता वयं स्थिताः

prasādaparayā kāle bhagavatyā tatas svayam / tathāṅgānugṛhītās smo yathā muktā vayaṃ sthitāḥ

Sanskrit only: no published translation is held for this verse.

सन्तृप्तमनसश् शान्ता एकान्ते ध्यानसंस्थितौ । तिष्ठाम इति निश्चित्य पितुः पार्श्वं वयं गताः

santṛptamanasaś śāntā ekānte dhyānasaṃsthitau / tiṣṭhāma iti niścitya pituḥ pārśvaṃ vayaṃ gatāḥ

Sanskrit only: no published translation is held for this verse.

आलिङ्गितास् ततः पित्रा पूजितालम्बुसा वयम् । तया दृष्टाः प्रसादेन संस्थितास् तत्र संयताः

āliṅgitās tataḥ pitrā pūjitālambusā vayam / tayā dṛṣṭāḥ prasādena saṃsthitās tatra saṃyatāḥ

Sanskrit only: no published translation is held for this verse.

पुत्राः कच्चिद् अपर्यन्ताद् वासनासूत्रसूम्भितात् । भवन्तो निर्गता नूनम् अस्मात् संसारजालकात्

putrāḥ kaccid aparyantād vāsanāsūtrasūmbhitāt / bhavanto nirgatā nūnam asmāt saṃsārajālakāt

Sanskrit only: no published translation is held for this verse.

नो चेद् वयं भगवतीं तद् इमां भृत्यवत्सलाम् । प्रार्थयामो यथा यूयं भवत ज्ञानपारगाः

no ced vayaṃ bhagavatīṃ tad imāṃ bhṛtyavatsalām / prārthayāmo yathā yūyaṃ bhavata jñānapāragāḥ

Sanskrit only: no published translation is held for this verse.

तात ज्ञातम् अलं ज्ञेयं ब्राह्म्या देव्याः प्रसादतः । किं त्व् एकान्तस्थितेस् स्थानम् अभिवाञ्छाम उत्तमम्

tāta jñātam alaṃ jñeyaṃ brāhmyā devyāḥ prasādataḥ / kiṃ tv ekāntasthites sthānam abhivāñchāma uttamam

Sanskrit only: no published translation is held for this verse.

शृणुत विगतदोषं पावनं स्थानम् अग्र्यं स्थिरतरम् अयि पुत्रा नीडकामाः प्रवक्ष्ये । व्यपगतभयमोहं शान्तसर्वप्रचारं निवसत चिरतृप्ता यत्र निश्शङ्कम् उच्चैः

śṛṇuta vigatadoṣaṃ pāvanaṃ sthānam agryaṃ sthirataram ayi putrā nīḍakāmāḥ pravakṣye / vyapagatabhayamohaṃ śāntasarvapracāraṃ nivasata ciratṛptā yatra niśśaṅkam uccaiḥ

Sanskrit only: no published translation is held for this verse.