Library·Moksopaya with Bhaskarakantha's Tika·6·6.28
एतत् ते कथितं ब्रह्मन् यथास्मि यद् इहास्मि वा । त्वदाज्ञामात्रसिद्ध्यर्थं धार्ष्ट्येन ज्ञानपारग
etat te kathitaṃ brahman yathāsmi yad ihāsmi vā / tvadājñāmātrasiddhyarthaṃ dhārṣṭyena jñānapāraga
Sanskrit only: no published translation is held for this verse.
अहो नु चित्रं भगवन् भवता भूषणं श्रुतेः । आत्मोदन्तः प्रकथितः परं विस्मयकारणम्
aho nu citraṃ bhagavan bhavatā bhūṣaṇaṃ śruteḥ / ātmodantaḥ prakathitaḥ paraṃ vismayakāraṇam
Sanskrit only: no published translation is held for this verse.
धन्यास् ते ये महात्मानम् अत्यन्तं चिरजीवितम् । भवन्तं परिपृच्छन्ति द्वितीयम् इव पद्मजम्
dhanyās te ye mahātmānam atyantaṃ cirajīvitam / bhavantaṃ paripṛcchanti dvitīyam iva padmajam
Sanskrit only: no published translation is held for this verse.
वयम् अद्य भृशं धन्यास् स्वात्मोदन्तम् अखण्डितम् । यथावत् पावनं बुद्धेस् सर्वं कथितवान् असि
vayam adya bhṛśaṃ dhanyās svātmodantam akhaṇḍitam / yathāvat pāvanaṃ buddhes sarvaṃ kathitavān asi
Sanskrit only: no published translation is held for this verse.
प्रभ्रान्तं दिक्षु सर्वासु दृष्टा विबुधभूमयः । भवान् इव जगत्य् अस्मिन् न महान् अवलोकितः
prabhrāntaṃ dikṣu sarvāsu dṛṣṭā vibudhabhūmayaḥ / bhavān iva jagaty asmin na mahān avalokitaḥ
Sanskrit only: no published translation is held for this verse.
कथञ्चित् प्राप्यते कच्चिद् भ्रान्त्वेह हि महाजनः । न भवान् इव भव्यात्मा सुलभो जगति क्वचित्
kathañcit prāpyate kaccid bhrāntveha hi mahājanaḥ / na bhavān iva bhavyātmā sulabho jagati kvacit
Sanskrit only: no published translation is held for this verse.
वंशखण्डे हि कस्मिंश्चिज् जायते मौक्तिकं यथा । जगत्खण्डे हि कस्मिंश्चिज् जायते त्वादृशस् तथा
vaṃśakhaṇḍe hi kasmiṃścij jāyate mauktikaṃ yathā / jagatkhaṇḍe hi kasmiṃścij jāyate tvādṛśas tathā
Sanskrit only: no published translation is held for this verse.
मया तु सुमहत् कार्यम् अद्य सम्पादितं शुभम् । पुण्यदेहो विमुक्तात्मा यद् भवान् अवलोकितः
mayā tu sumahat kāryam adya sampāditaṃ śubham / puṇyadeho vimuktātmā yad bhavān avalokitaḥ
Sanskrit only: no published translation is held for this verse.
तद् अस्तु तव कल्याणं प्रविशात्मगुहां शुभाम् । मध्याह्नसमयो ऽयं मे व्रजामि सुरमन्दिरम्
tad astu tava kalyāṇaṃ praviśātmaguhāṃ śubhām / madhyāhnasamayo 'yaṃ me vrajāmi suramandiram
Sanskrit only: no published translation is held for this verse.
इत्य् आकर्ण्य भुसुण्डो ऽसौ जग्राहोत्थाय पादपात् । सङ्कल्पिताभ्यां हस्ताभ्यां सुपात्रं हेमपल्लवम्
ity ākarṇya bhusuṇḍo 'sau jagrāhotthāya pādapāt / saṅkalpitābhyāṃ hastābhyāṃ supātraṃ hemapallavam
Sanskrit only: no published translation is held for this verse.
कल्पवृक्षलतापुष्पकेसरेण हिमत्विषा । तत् पात्रं मौक्तिकार्घेण पूरयाम् आस पूर्णधीः
kalpavṛkṣalatāpuṣpakesareṇa himatviṣā / tat pātraṃ mauktikārgheṇa pūrayām āsa pūrṇadhīḥ
Sanskrit only: no published translation is held for this verse.
तेनार्घ्यपाद्यपात्रेण त्रिनेत्रम् इव माम् असौ । आपादमस्तकं भक्त्या पूजयाम् आस पूर्वजः
tenārghyapādyapātreṇa trinetram iva mām asau / āpādamastakaṃ bhaktyā pūjayām āsa pūrvajaḥ
Sanskrit only: no published translation is held for this verse.
अनुव्रज्याकदर्थेन खगेन्द्रालम् इति ब्रुवन् । विष्टराद् अहम् उत्थाय ततः खगवद् आप्लुतः
anuvrajyākadarthena khagendrālam iti bruvan / viṣṭarād aham utthāya tataḥ khagavad āplutaḥ
Sanskrit only: no published translation is held for this verse.
व्योम्नि योजनमात्रेण मदनुव्रज्यया गतः । करं करेणावष्टभ्य बलात् संरोधितः खगः
vyomni yojanamātreṇa madanuvrajyayā gataḥ / karaṃ kareṇāvaṣṭabhya balāt saṃrodhitaḥ khagaḥ
Sanskrit only: no published translation is held for this verse.
मयि याते ततो दीर्घे गगनाध्वन्य् अदृश्यताम् । निवृत्तो ऽसौ विहङ्गेशो दुस्त्यजा सङ्गतिस् सताम्
mayi yāte tato dīrghe gaganādhvany adṛśyatām / nivṛtto 'sau vihaṅgeśo dustyajā saṅgatis satām
Sanskrit only: no published translation is held for this verse.
अन्योऽन्यं मयि तस्मिंश् च तरङ्गक इवाम्बुधौ । व्योमन्य् अदृश्यतां याते गतस् स्मृत्या मुनीन् अहम्
anyo'nyaṃ mayi tasmiṃś ca taraṅgaka ivāmbudhau / vyomany adṛśyatāṃ yāte gatas smṛtyā munīn aham
Sanskrit only: no published translation is held for this verse.
सप्तर्षिमण्डलं प्राप्य जायया परिपूजितः । विस्मयोत्फुल्लहृदयस् ततो ऽहं राघवावसम्
saptarṣimaṇḍalaṃ prāpya jāyayā paripūjitaḥ / vismayotphullahṛdayas tato 'haṃ rāghavāvasam
Sanskrit only: no published translation is held for this verse.
भुसुण्डो भव्यतुण्डो ऽसौ तस्मिन् कल्पलतालये । समश् शान्तमना मान्यस् स्वसमाधानवान् अभूत्
bhusuṇḍo bhavyatuṇḍo 'sau tasmin kalpalatālaye / samaś śāntamanā mānyas svasamādhānavān abhūt
Sanskrit only: no published translation is held for this verse.
जीवत्य् अद्यापि मतिमांस् तस्मिन्न् एव लतादले । तत्रैव संस्थितो मेरोस् तथैव कनकद्रुमे
jīvaty adyāpi matimāṃs tasminn eva latādale / tatraiva saṃsthito meros tathaiva kanakadrume
Sanskrit only: no published translation is held for this verse.
याते कृतयुगस्यादौ पुरा वर्षशतद्वये । सङ्गतो ऽहं भुसुण्डेन मेरौ शृङ्गद्रुमे ऽभवम्
yāte kṛtayugasyādau purā varṣaśatadvaye / saṅgato 'haṃ bhusuṇḍena merau śṛṅgadrume 'bhavam
Sanskrit only: no published translation is held for this verse.
अद्य राम कृते क्षीणे त्रेता सम्परिवर्तते । मध्ये त्रेतायुगस्यास्य जातस् त्वं रिपुसूदन
adya rāma kṛte kṣīṇe tretā samparivartate / madhye tretāyugasyāsya jātas tvaṃ ripusūdana
Sanskrit only: no published translation is held for this verse.
पुनर् अद्याष्टमं वर्षं तत्रैवोपरि भूभृतः । मिलितो ऽभूद् भुसुण्डो ऽसौ तथैवाजररूपवान्
punar adyāṣṭamaṃ varṣaṃ tatraivopari bhūbhṛtaḥ / milito 'bhūd bhusuṇḍo 'sau tathaivājararūpavān
Sanskrit only: no published translation is held for this verse.
इतीदं कथितं चित्रं भुसुण्डोदन्तम् उत्तमम् । श्रुत्वा विचार्य चैवान्तर् यद् युक्तं तत् समाचर
itīdaṃ kathitaṃ citraṃ bhusuṇḍodantam uttamam / śrutvā vicārya caivāntar yad yuktaṃ tat samācara
Sanskrit only: no published translation is held for this verse.
इति सुमुनिभुसुण्डसङ्कथां यो विमलमतिः प्रविचारयिष्यतीह । भवभयबहलां कुसंसृतिं स प्रसभम् असत्सरितं तरिष्यतीति
iti sumunibhusuṇḍasaṅkathāṃ yo vimalamatiḥ pravicārayiṣyatīha / bhavabhayabahalāṃ kusaṃsṛtiṃ sa prasabham asatsaritaṃ tariṣyatīti
Sanskrit only: no published translation is held for this verse.