Moksopaya with Bhaskarakantha's Tika 6.3

भावि भूरितरङ्गाणां पयो वृन्दम् इवान्तरे । या चिद् वहत्य् अनन्तानि जगन्त्य् अनघ सा भवान्

bhāvi bhūritaraṅgāṇāṃ payo vṛndam ivāntare / yā cid vahaty anantāni jaganty anagha sā bhavān

Sanskrit only: no published translation is held for this verse.

भव भावनया मुक्तो भावाभावविवर्जितः । चिदात्मन् संस्थिताः क्वेव वद ते वासनादयः

bhava bhāvanayā mukto bhāvābhāvavivarjitaḥ / cidātman saṃsthitāḥ kveva vada te vāsanādayaḥ

Sanskrit only: no published translation is held for this verse.

जीवो ऽयं वासनादीदम् इति चित् कचति स्वतः । इतरोक्त्यर्थयोर् अत्र कः प्रसङ्गो ऽथ वर्ण्यताम्

jīvo 'yaṃ vāsanādīdam iti cit kacati svataḥ / itaroktyarthayor atra kaḥ prasaṅgo 'tha varṇyatām

Sanskrit only: no published translation is held for this verse.

महातरलगम्भीरभासुरात्मंश् चिदर्णव । रामाभिधो ऽसि स्तिमितस् समस् सोम्यो ऽसि सोमवत्

mahātaralagambhīrabhāsurātmaṃś cidarṇava / rāmābhidho 'si stimitas samas somyo 'si somavat

Sanskrit only: no published translation is held for this verse.

यथा न भिन्नम् अनलाद् औष्ण्यं सौगन्ध्यम् अम्बुजात् । कार्ष्ण्यं कज्जलतश् शौक्ल्यं हिमान् माधुर्यम् इक्षुतः

yathā na bhinnam analād auṣṇyaṃ saugandhyam ambujāt / kārṣṇyaṃ kajjalataś śauklyaṃ himān mādhuryam ikṣutaḥ

Sanskrit only: no published translation is held for this verse.

आलोकश् च प्रकाशाङ्गाद् अनुभूतिस् तथा चितेः । जलाद् वीचिश् चिदात्मन् भोश् चित्स्वभावात् तथा जगत्

ālokaś ca prakāśāṅgād anubhūtis tathā citeḥ / jalād vīciś cidātman bhoś citsvabhāvāt tathā jagat

Sanskrit only: no published translation is held for this verse.

चितो न भिन्नो ऽनुभवो भिन्नो नानुभवाद् अहम् । न मत्तो भिद्यते जीवो न जीवाद् भिद्यते मनः

cito na bhinno 'nubhavo bhinno nānubhavād aham / na matto bhidyate jīvo na jīvād bhidyate manaḥ

Sanskrit only: no published translation is held for this verse.

मनसो नेन्द्रियं भिन्नं पृथग् देहश् च नेन्द्रियात् । न शरीराज् जगद् भिन्नं जगतो नान्यद् अस्ति हि

manaso nendriyaṃ bhinnaṃ pṛthag dehaś ca nendriyāt / na śarīrāj jagad bhinnaṃ jagato nānyad asti hi

Sanskrit only: no published translation is held for this verse.

एवं प्रवर्तितम् इव महाचक्रम् इदं चिरम् । न च प्रवर्तितं किञ्चिन् न च शीघ्रं च नो चिरम्

evaṃ pravartitam iva mahācakram idaṃ ciram / na ca pravartitaṃ kiñcin na ca śīghraṃ ca no ciram

Sanskrit only: no published translation is held for this verse.

नानेवेदम् अनानैव सर्वम् एकम् अखण्डितम् । विद्यते व्योमनि व्योम नकस्मिंश्चिन् नकिञ्चन

nānevedam anānaiva sarvam ekam akhaṇḍitam / vidyate vyomani vyoma nakasmiṃścin nakiñcana

Sanskrit only: no published translation is held for this verse.

शून्ये शून्यं समुच्छूनं ब्रह्म ब्रह्मणि बृंहितम् । सत्यं विजृम्भते सत्ये पूर्णे पूर्णम् अवस्थितम्

śūnye śūnyaṃ samucchūnaṃ brahma brahmaṇi bṛṃhitam / satyaṃ vijṛmbhate satye pūrṇe pūrṇam avasthitam

Sanskrit only: no published translation is held for this verse.

रूपालोकमनस्कारान् कुर्वन्न् अपि न किञ्चन । ज्ञः करोत्य् अनुपादेयान् उपादेये हि कर्तृता

rūpālokamanaskārān kurvann api na kiñcana / jñaḥ karoty anupādeyān upādeye hi kartṛtā

Sanskrit only: no published translation is held for this verse.

यद् उपादेयबुद्ध्यात्तं तद् दुःखाय सुखाय वा । भावाभावैर् अनादेयम् अकर्तृ सुखदुःखयोः

yad upādeyabuddhyāttaṃ tad duḥkhāya sukhāya vā / bhāvābhāvair anādeyam akartṛ sukhaduḥkhayoḥ

Sanskrit only: no published translation is held for this verse.

यथा नानाप्य् अनानैव खं खे वारीव वार्गणः । सार्थको ऽप्य् अतिशून्यात्मा तथात्मजगतोः क्रमः

yathā nānāpy anānaiva khaṃ khe vārīva vārgaṇaḥ / sārthako 'py atiśūnyātmā tathātmajagatoḥ kramaḥ

Sanskrit only: no published translation is held for this verse.

अन्तर् व्योमामलो बाह्ये सम्यगाचारचञ्चुरः । हर्षामर्षविकारेषु काष्ठलोष्टसमस्थितिः

antar vyomāmalo bāhye samyagācāracañcuraḥ / harṣāmarṣavikāreṣu kāṣṭhaloṣṭasamasthitiḥ

Sanskrit only: no published translation is held for this verse.

य एवातितरां शत्रुर् मत्सरी मारणोद्यतः । तम् एवाकृत्रिमं मित्रं यः पश्यति स पश्यति

ya evātitarāṃ śatrur matsarī māraṇodyataḥ / tam evākṛtrimaṃ mitraṃ yaḥ paśyati sa paśyati

Sanskrit only: no published translation is held for this verse.

समूलकाषं कषति नदीवेग इव द्रुमम् । यस् सौहृदं मत्सरं च स हर्षामर्षदोषहा

samūlakāṣaṃ kaṣati nadīvega iva drumam / yas sauhṛdaṃ matsaraṃ ca sa harṣāmarṣadoṣahā

Sanskrit only: no published translation is held for this verse.

रागद्वेषविकाराणां स्वरूपं चेन् न भाव्यते । ते तु सन्तो ऽप्य् असद्रूपास् सेविता अप्य् असेविताः

rāgadveṣavikārāṇāṃ svarūpaṃ cen na bhāvyate / te tu santo 'py asadrūpās sevitā apy asevitāḥ

Sanskrit only: no published translation is held for this verse.

यस्य नाहङ्कृतो भावो यस्य बुद्धिर् न लिप्यते । हत्वापि स इमांल् लोकान् न हन्ति न निबध्यते

yasya nāhaṅkṛto bhāvo yasya buddhir na lipyate / hatvāpi sa imāṃl lokān na hanti na nibadhyate

Sanskrit only: no published translation is held for this verse.

यन् नास्ति तस्य सद्भावप्रतिपत्तिर् उदाहृता । मायैव सा परिज्ञानाद् एव नश्यत्य् असंशयम्

yan nāsti tasya sadbhāvapratipattir udāhṛtā / māyaiva sā parijñānād eva naśyaty asaṃśayam

Sanskrit only: no published translation is held for this verse.

निस्स्नेहदीपवच् छान्तो यस्यान्तर् वासनारसः । तेन चित्रं कृतं नैव जितं ज्ञेनापि कारिणा

nissnehadīpavac chānto yasyāntar vāsanārasaḥ / tena citraṃ kṛtaṃ naiva jitaṃ jñenāpi kāriṇā

Sanskrit only: no published translation is held for this verse.

यस्यानुपादेयम् इदं समस्तं पदार्थजातं सदसद्दशासु । न दुःखदाहाय सुखाय नैव स मुक्त एवेह सजीव एव

yasyānupādeyam idaṃ samastaṃ padārthajātaṃ sadasaddaśāsu / na duḥkhadāhāya sukhāya naiva sa mukta eveha sajīva eva

Sanskrit only: no published translation is held for this verse.