Moksopaya with Bhaskarakantha's Tika 6.32

एतस्मिन् समये तत्र यामार्धे प्रथमे गते । समाधिं तनुतां नीत्वा स्थितो ऽहं बाह्यलग्नदृक्

etasmin samaye tatra yāmārdhe prathame gate / samādhiṃ tanutāṃ nītvā sthito 'haṃ bāhyalagnadṛk

Sanskrit only: no published translation is held for this verse.

अपश्यं कानने तेजो झगित्य् एव समुत्थितम् । मन्दराहननोद्धूतक्षुब्धक्षीरोदभासुरम्

apaśyaṃ kānane tejo jhagity eva samutthitam / mandarāhananoddhūtakṣubdhakṣīrodabhāsuram

Sanskrit only: no published translation is held for this verse.

शुभ्राभ्रशतसङ्काशं नृत्यदिन्दुगणोपमम् । चण्डानिलबलोद्धूतं हिमराशिम् इवाचलम्

śubhrābhraśatasaṅkāśaṃ nṛtyadindugaṇopamam / caṇḍānilabaloddhūtaṃ himarāśim ivācalam

Sanskrit only: no published translation is held for this verse.

युगान्ततापगलितं सुस्फाटिकम् इवाचलम् । नावनीतम् इवाम्भोदं केतकौघम् इवोत्थितम्

yugāntatāpagalitaṃ susphāṭikam ivācalam / nāvanītam ivāmbhodaṃ ketakaugham ivotthitam

Sanskrit only: no published translation is held for this verse.

शङ्खशौक्ल्यम् इवोड्डीनं शुभ्राभ्रम् इव सम्भृतम् । क्षीरफेनम् इवोत्फालं मुक्तासारम् इवोद्धतम्

śaṅkhaśauklyam ivoḍḍīnaṃ śubhrābhram iva sambhṛtam / kṣīraphenam ivotphālaṃ muktāsāram ivoddhatam

Sanskrit only: no published translation is held for this verse.

गङ्गातरङ्गभरवत् प्रविष्टं कन्दरान्तरम् । पिण्डहार्यं सुदधिवच् छार्वं हासम् इवाततम्

gaṅgātaraṅgabharavat praviṣṭaṃ kandarāntaram / piṇḍahāryaṃ sudadhivac chārvaṃ hāsam ivātatam

Sanskrit only: no published translation is held for this verse.

प्रकटीकृतदिक् तेजस् तद् आलोक्य मया स्मयात् । अन्तःप्रकाशशालिन्या बुद्धिदृष्ट्यावलोकितम्

prakaṭīkṛtadik tejas tad ālokya mayā smayāt / antaḥprakāśaśālinyā buddhidṛṣṭyāvalokitam

Sanskrit only: no published translation is held for this verse.

यावत् पश्यामि तं सानुं लीलयैव यदृच्छया । विहरन् स्वगिरौ हृद्ये तावच् चन्द्रकलाधरः

yāvat paśyāmi taṃ sānuṃ līlayaiva yadṛcchayā / viharan svagirau hṛdye tāvac candrakalādharaḥ

Sanskrit only: no published translation is held for this verse.

पाश्चात्यगुल्मान्तरितगणजालोपमालितः । गौरीकरार्पितकरो नन्दिप्रोत्सारिताग्रगः

pāścātyagulmāntaritagaṇajālopamālitaḥ / gaurīkarārpitakaro nandiprotsāritāgragaḥ

Sanskrit only: no published translation is held for this verse.

पश्चात्परिक्रान्तवृषस् सर्वरात्रिचरावृतः । कल्हारदामवलितो मन्दारकृतशेखरः

paścātparikrāntavṛṣas sarvarātricarāvṛtaḥ / kalhāradāmavalito mandārakṛtaśekharaḥ

Sanskrit only: no published translation is held for this verse.

जटामौलीन्दुकलिको भोगीन्द्रकृतकुण्डलः । चलत्तुषारशैलाभस् सर्वसङ्कल्पितार्थदः

jaṭāmaulīndukaliko bhogīndrakṛtakuṇḍalaḥ / calattuṣāraśailābhas sarvasaṅkalpitārthadaḥ

Sanskrit only: no published translation is held for this verse.

मनोदृष्टस् स भगवान् मनसैव ततो मया । दत्तमन्दारपुष्पेण प्रणतेनाभिवन्दितः

manodṛṣṭas sa bhagavān manasaiva tato mayā / dattamandārapuṣpeṇa praṇatenābhivanditaḥ

Sanskrit only: no published translation is held for this verse.

इति कृत्वा मया देहः पर्यङ्कशयनाद् अयम् । क्षणाद् उत्थापितस् तस्माद् भूतेनेव महाशवः

iti kṛtvā mayā dehaḥ paryaṅkaśayanād ayam / kṣaṇād utthāpitas tasmād bhūteneva mahāśavaḥ

Sanskrit only: no published translation is held for this verse.

शिष्यान् उद्बोध्य तत्रस्थान् गृहीत्वार्घं सुसंयतः । अगमं लोकनाथस्य दृष्टिपूतम् अहं पुरः

śiṣyān udbodhya tatrasthān gṛhītvārghaṃ susaṃyataḥ / agamaṃ lokanāthasya dṛṣṭipūtam ahaṃ puraḥ

Sanskrit only: no published translation is held for this verse.

तत्र पुष्पाञ्जलिं दत्त्वा दूराद् एव त्रिलोचनः । दत्तार्घेण मया देवस् स प्रणम्याभिवन्दितः

tatra puṣpāñjaliṃ dattvā dūrād eva trilocanaḥ / dattārgheṇa mayā devas sa praṇamyābhivanditaḥ

Sanskrit only: no published translation is held for this verse.

ततश् चन्द्रप्रभामृद्व्या ऋज्व्या शीतलया तया । दृशा सर्वार्तिहारिण्या सरण्या शाश्वते पदे

tataś candraprabhāmṛdvyā ṛjvyā śītalayā tayā / dṛśā sarvārtihāriṇyā saraṇyā śāśvate pade

Sanskrit only: no published translation is held for this verse.

अहम् आलोक्य देवेन चन्द्रार्धकृतमौलिना । पुष्पसानूपविष्टेन प्रोक्तस् स्मितसिताक्षरम्

aham ālokya devena candrārdhakṛtamaulinā / puṣpasānūpaviṣṭena proktas smitasitākṣaram

Sanskrit only: no published translation is held for this verse.

आनयार्घ्यं तथा पाद्यं ब्रह्मन् स्वागतम् अस्तु ते । आश्रमातिथयः प्राप्ता वयम् अद्य तवानघ

ānayārghyaṃ tathā pādyaṃ brahman svāgatam astu te / āśramātithayaḥ prāptā vayam adya tavānagha

Sanskrit only: no published translation is held for this verse.

घनाभिरामशालिन्या सततं शमशान्तया । मुदितोदारया ब्रह्मंस् तपोलक्ष्म्या विराजसे

ghanābhirāmaśālinyā satataṃ śamaśāntayā / muditodārayā brahmaṃs tapolakṣmyā virājase

Sanskrit only: no published translation is held for this verse.

आगच्छोपविशास्मिंस् त्वम् अकृत्रिमदलासने । मृदौ सानुसमुद्भूते पुण्यसञ्चयपावने

āgacchopaviśāsmiṃs tvam akṛtrimadalāsane / mṛdau sānusamudbhūte puṇyasañcayapāvane

Sanskrit only: no published translation is held for this verse.

इति प्रोक्तवते तस्मै निशेशार्धार्धधारिणे । अर्घं पुष्पं तथा पाद्यं समुपेत्यार्पितं मया

iti proktavate tasmai niśeśārdhārdhadhāriṇe / arghaṃ puṣpaṃ tathā pādyaṃ samupetyārpitaṃ mayā

Sanskrit only: no published translation is held for this verse.

पादयोर् हस्तयोश् चैव तन्वां चास्य स्वयम्भुवः । मन्दारपुष्पावलयो विकीर्णा बहवः पुरः

pādayor hastayoś caiva tanvāṃ cāsya svayambhuvaḥ / mandārapuṣpāvalayo vikīrṇā bahavaḥ puraḥ

Sanskrit only: no published translation is held for this verse.

ततो भगवती गौरी तादृश्यैव सपर्यया । सम्पूजिता सखीयुक्ता गणमण्डलिका तथा

tato bhagavatī gaurī tādṛśyaiva saparyayā / sampūjitā sakhīyuktā gaṇamaṇḍalikā tathā

Sanskrit only: no published translation is held for this verse.

गृहीतवन्तौ तौ तां मे सपर्याम् आदरात् प्रभू । भक्तिप्रणयिनो राम पार्वतीपरमेश्वरौ

gṛhītavantau tau tāṃ me saparyām ādarāt prabhū / bhaktipraṇayino rāma pārvatīparameśvarau

Sanskrit only: no published translation is held for this verse.

पूजान्ते पूर्णशीतांशुरश्मिशीतलया गिरा । तत्रोपविष्टं प्रोवाच माम् अथेन्दुकलाधरः

pūjānte pūrṇaśītāṃśuraśmiśītalayā girā / tatropaviṣṭaṃ provāca mām athendukalādharaḥ

Sanskrit only: no published translation is held for this verse.

ब्रह्मन् प्रशमशालिन्यः प्राप्तविश्रान्तयः परे । कच्चित् कल्याणकारिण्यस् संविदस् ते स्थिताः पदे

brahman praśamaśālinyaḥ prāptaviśrāntayaḥ pare / kaccit kalyāṇakāriṇyas saṃvidas te sthitāḥ pade

Sanskrit only: no published translation is held for this verse.

कच्चित् कमलकल्हारकुमुदानयनक्षमाः । तवान्तेवासिनो ब्रह्मन् नीरुजस् त्वदनुव्रताः

kaccit kamalakalhārakumudānayanakṣamāḥ / tavāntevāsino brahman nīrujas tvadanuvratāḥ

Sanskrit only: no published translation is held for this verse.

बलिभागभुजां कच्चिद् भगवन् भवदाश्रमे । कुशलं मुग्धमुग्धानां मृगाणां मत्प्रियादृशाम्

balibhāgabhujāṃ kaccid bhagavan bhavadāśrame / kuśalaṃ mugdhamugdhānāṃ mṛgāṇāṃ matpriyādṛśām

Sanskrit only: no published translation is held for this verse.

कच्चिन् मन्दारकुसुमान्य् एते मन्दारपादपाः । तवास्मदादिपूजार्थं सम्प्रयच्छन्ति सून्नताः

kaccin mandārakusumāny ete mandārapādapāḥ / tavāsmadādipūjārthaṃ samprayacchanti sūnnatāḥ

Sanskrit only: no published translation is held for this verse.

कच्चिन् मन्दाकिनी पुण्यं तव स्नानोपयोगिकम् । एकया वाहलतया ददात्य् उत्पलपङ्कजम्

kaccin mandākinī puṇyaṃ tava snānopayogikam / ekayā vāhalatayā dadāty utpalapaṅkajam

Sanskrit only: no published translation is held for this verse.

असमञ्जसचेष्टासु नित्यं चेष्टासु मे ऽनघ । अपि मद्गणलीलासु मुनिनाथ न खिद्यसे

asamañjasaceṣṭāsu nityaṃ ceṣṭāsu me 'nagha / api madgaṇalīlāsu muninātha na khidyase

Sanskrit only: no published translation is held for this verse.

तिष्ठन्तम् इह शैलेन्द्रे विपिनारण्यवासिनः । अपि नोद्वेजयन्ति त्वां धनेशानुचरा मुने

tiṣṭhantam iha śailendre vipināraṇyavāsinaḥ / api nodvejayanti tvāṃ dhaneśānucarā mune

Sanskrit only: no published translation is held for this verse.

दुर्वृत्तघनयक्षौघे विप्र लोलनिशाचरे । वसतो ऽस्मिन् गिरेः कुक्षाव् अप्य् अनुद्वेगितास्ति ते

durvṛttaghanayakṣaughe vipra lolaniśācare / vasato 'smin gireḥ kukṣāv apy anudvegitāsti te

Sanskrit only: no published translation is held for this verse.

एवंवादिनि देवेशे सर्वलोकैककारणे । गिरानुनयशालिन्या मयोक्तं रघुनन्दन

evaṃvādini deveśe sarvalokaikakāraṇe / girānunayaśālinyā mayoktaṃ raghunandana

Sanskrit only: no published translation is held for this verse.

त्र्यक्षानुस्मृतिकल्याणवताम् इह महेश्वर । न किञ्चिद् अपि दुष्प्रापं न च काश्चन भीतयः

tryakṣānusmṛtikalyāṇavatām iha maheśvara / na kiñcid api duṣprāpaṃ na ca kāścana bhītayaḥ

Sanskrit only: no published translation is held for this verse.

त्वदनुस्मरणानन्दपरिपूर्णितचेतसः । न ते सन्ति जगत्कोशे प्रणतिं ये न बिभ्रति

tvadanusmaraṇānandaparipūrṇitacetasaḥ / na te santi jagatkośe praṇatiṃ ye na bibhrati

Sanskrit only: no published translation is held for this verse.

ते देशास् ते जनपदास् ता दिशस् ते च पर्वताः । त्वदनुस्मरणैकान्तधियो यत्र नरास् स्थिताः

te deśās te janapadās tā diśas te ca parvatāḥ / tvadanusmaraṇaikāntadhiyo yatra narās sthitāḥ

Sanskrit only: no published translation is held for this verse.

फलं भूतस्य पुण्यस्य वर्तमानस्य सेचनम् । तरोर् इवैष्यतो बीजं त्वदनुस्मरणं प्रभो

phalaṃ bhūtasya puṇyasya vartamānasya secanam / taror ivaiṣyato bījaṃ tvadanusmaraṇaṃ prabho

Sanskrit only: no published translation is held for this verse.

भूतं भव्यं भविष्यच् च सफलं येन नाम तत् । कालत्रितयकल्याणं त्वदनुस्मरणं प्रभो

bhūtaṃ bhavyaṃ bhaviṣyac ca saphalaṃ yena nāma tat / kālatritayakalyāṇaṃ tvadanusmaraṇaṃ prabho

Sanskrit only: no published translation is held for this verse.

परमं मनसो मित्रं सर्वापत्प्रसरापहम् । सर्वसम्पल्लतासेकस् त्वदनुस्मरणं प्रभो

paramaṃ manaso mitraṃ sarvāpatprasarāpaham / sarvasampallatāsekas tvadanusmaraṇaṃ prabho

Sanskrit only: no published translation is held for this verse.

महामहिम्नां महतां महितानां च कर्मणाम् । कारणं कारणानां वै त्वदनुस्मरणं प्रभो

mahāmahimnāṃ mahatāṃ mahitānāṃ ca karmaṇām / kāraṇaṃ kāraṇānāṃ vai tvadanusmaraṇaṃ prabho

Sanskrit only: no published translation is held for this verse.

विवेकपयसाम् अब्धिः पुण्यरत्नाकरः परः । अज्ञानतिमिरार्कौघस् त्वदनुस्मरणं प्रभो

vivekapayasām abdhiḥ puṇyaratnākaraḥ paraḥ / ajñānatimirārkaughas tvadanusmaraṇaṃ prabho

Sanskrit only: no published translation is held for this verse.

ज्ञानामृतौघकलशो धृतिज्योत्स्नानिशाकरः । अपवर्गपुरद्वारं त्वदनुस्मरणं प्रभो

jñānāmṛtaughakalaśo dhṛtijyotsnāniśākaraḥ / apavargapuradvāraṃ tvadanusmaraṇaṃ prabho

Sanskrit only: no published translation is held for this verse.

तृष्णालतायाः परशुर् धैर्याम्भोधरपर्वतः । दैन्यदुर्वनदावाग्निस् त्वदनुस्मरणं प्रभो

tṛṣṇālatāyāḥ paraśur dhairyāmbhodharaparvataḥ / dainyadurvanadāvāgnis tvadanusmaraṇaṃ prabho

Sanskrit only: no published translation is held for this verse.

जयत्य् आभासिताशेषचित्तसंसारमण्डपः । अपूर्वः परमो दीपस् त्वदनुस्मरणं प्रभो

jayaty ābhāsitāśeṣacittasaṃsāramaṇḍapaḥ / apūrvaḥ paramo dīpas tvadanusmaraṇaṃ prabho

Sanskrit only: no published translation is held for this verse.

त्वदनुस्मरणोदारचिन्तामणिमता मया । सर्वासाम् आपदां मूर्ध्नि दत्तं भूतपते पदम्

tvadanusmaraṇodāracintāmaṇimatā mayā / sarvāsām āpadāṃ mūrdhni dattaṃ bhūtapate padam

Sanskrit only: no published translation is held for this verse.

सकलदुःखभयापहर प्रभो क्षणम् अपीह मयासि न चेतसा । वरद वीर महेश्वर विस्मृतस् सुखम् अतो निवसामि भवान् इव

sakaladuḥkhabhayāpahara prabho kṣaṇam apīha mayāsi na cetasā / varada vīra maheśvara vismṛtas sukham ato nivasāmi bhavān iva

Sanskrit only: no published translation is held for this verse.

इत्य् उक्तवत्य् अथ मुनौ दिवसो जगाम सायन्तनाय विधये ऽस्तम् इनो जगाम । स्नातुं सभा कृतनमस्करणा जगाम श्यामाक्षये रविकरैश् च सहाजगाम

ity uktavaty atha munau divaso jagāma sāyantanāya vidhaye 'stam ino jagāma / snātuṃ sabhā kṛtanamaskaraṇā jagāma śyāmākṣaye ravikaraiś ca sahājagāma

Sanskrit only: no published translation is held for this verse.