Moksopaya with Bhaskarakantha's Tika 6.39

ततो मुहूर्तेन हरो गौरीकमलिनीसरः । मद्विकासोन्मुखस् स्वैरं विकासं बहिर् आददे

tato muhūrtena haro gaurīkamalinīsaraḥ / madvikāsonmukhas svairaṃ vikāsaṃ bahir ādade

Sanskrit only: no published translation is held for this verse.

दृक्त्रयं दर्शयाम् आस मुखात् कालवशोदितम् । रोदस्समुद्गकाद् अर्करत्नराशिम् इवोदितम्

dṛktrayaṃ darśayām āsa mukhāt kālavaśoditam / rodassamudgakād arkaratnarāśim ivoditam

Sanskrit only: no published translation is held for this verse.

अकालद्वादशादित्यदिनतेजस् स संहरन् । निशाम् अनाशयंश् चेषद् ईशो माम् आह मानितम्

akāladvādaśādityadinatejas sa saṃharan / niśām anāśayaṃś ceṣad īśo mām āha mānitam

Sanskrit only: no published translation is held for this verse.

मुने मननम् आहूय स्वसत्तैवाशु मीयताम् । त्वम् अर्थम् आहराहार्यं पवनस् स्पन्दताम् इव

mune mananam āhūya svasattaivāśu mīyatām / tvam artham āharāhāryaṃ pavanas spandatām iva

Sanskrit only: no published translation is held for this verse.

द्रष्टव्यम् इह यत् किञ्चित् तद् दृष्टं किं शमभ्रमैः । न हि हेयम् उपादेयं वेह पश्यामि तद्विदः

draṣṭavyam iha yat kiñcit tad dṛṣṭaṃ kiṃ śamabhramaiḥ / na hi heyam upādeyaṃ veha paśyāmi tadvidaḥ

Sanskrit only: no published translation is held for this verse.

शान्त्यशान्तिमयान् एतान् विकल्पान् गलितान् असि । विबुद्धवान् यथास्थित्या त्वं त्वम् एव भवात्मदृक्

śāntyaśāntimayān etān vikalpān galitān asi / vibuddhavān yathāsthityā tvaṃ tvam eva bhavātmadṛk

Sanskrit only: no published translation is held for this verse.

इमां दृश्यदशाम् आशु बालबोधाय वा पुनः । समाश्रित्य मदुक्तं त्वं शृणु तूष्णींस्थितेन किम्

imāṃ dṛśyadaśām āśu bālabodhāya vā punaḥ / samāśritya maduktaṃ tvaṃ śṛṇu tūṣṇīṃsthitena kim

Sanskrit only: no published translation is held for this verse.

इत्य् उक्त्वा बाह्यबोधस्थं माम् अवेक्ष्य त्रिशूलधृत् । कुर्वन् प्राहरद् अज्योत्स्नासरसीन्दुं सितोत्पलम्

ity uktvā bāhyabodhasthaṃ mām avekṣya triśūladhṛt / kurvan prāharad ajyotsnāsarasīnduṃ sitotpalam

Sanskrit only: no published translation is held for this verse.

औदासीन्येन देहानां चित् स्वस्पन्देषु कारणम् । तदात्मनाम् अतत्त्वानां शून्यं खम् इव भूरुहाम्

audāsīnyena dehānāṃ cit svaspandeṣu kāraṇam / tadātmanām atattvānāṃ śūnyaṃ kham iva bhūruhām

Sanskrit only: no published translation is held for this verse.

चिता सञ्चेत्यते देहो न तु सञ्चाल्यते क्वचित् । प्रभुर् द्रष्टैव भवति कर्ता भवति कर्मकृत्

citā sañcetyate deho na tu sañcālyate kvacit / prabhur draṣṭaiva bhavati kartā bhavati karmakṛt

Sanskrit only: no published translation is held for this verse.

प्राणेनेदं देहगेहं परिस्फुरति यन्त्रवत् । प्राणहीनं परिस्पन्दं त्यक्त्वा तिष्ठति मूकवत्

prāṇenedaṃ dehagehaṃ parisphurati yantravat / prāṇahīnaṃ parispandaṃ tyaktvā tiṣṭhati mūkavat

Sanskrit only: no published translation is held for this verse.

चालनी पावनी शक्तिश् शक्तिस् संवेदनी चितेः । सामूर्ता खाद् अपि स्वच्छा स्वसत्तैवात्र कारणम्

cālanī pāvanī śaktiś śaktis saṃvedanī citeḥ / sāmūrtā khād api svacchā svasattaivātra kāraṇam

Sanskrit only: no published translation is held for this verse.

विनश्यतः प्राणदेहौ वियोगात्मक एव च । चिदात्मा खाद् अपि स्वच्छो न विनश्यति किं भ्रमैः

vinaśyataḥ prāṇadehau viyogātmaka eva ca / cidātmā khād api svaccho na vinaśyati kiṃ bhramaiḥ

Sanskrit only: no published translation is held for this verse.

मनःप्राणमये देहे चित्तत्त्वं परिराजते । मकुरे चामलाभासे प्रतिबिम्बं प्रवर्तते

manaḥprāṇamaye dehe cittattvaṃ parirājate / makure cāmalābhāse pratibimbaṃ pravartate

Sanskrit only: no published translation is held for this verse.

सद् अप्य् अग्रगतं वस्तु प्रतिबिम्बक्रियां प्रति । यथा नास्ति मलोपेते मकुरे मुनिनायक

sad apy agragataṃ vastu pratibimbakriyāṃ prati / yathā nāsti malopete makure munināyaka

Sanskrit only: no published translation is held for this verse.

तथा नास्ति गतप्राणे विद्यमाने ऽपि देहके । सर्वगापि चिद् अन्यूना बोधस्पन्दादिकं प्रति

tathā nāsti gataprāṇe vidyamāne 'pi dehake / sarvagāpi cid anyūnā bodhaspandādikaṃ prati

Sanskrit only: no published translation is held for this verse.

बोधात् कलङ्कविकला चिद् एव परमा शिवम् । विदुर् देवं तदभ्यासं सर्वसत्तार्थदं तथा

bodhāt kalaṅkavikalā cid eva paramā śivam / vidur devaṃ tadabhyāsaṃ sarvasattārthadaṃ tathā

Sanskrit only: no published translation is held for this verse.

स हरिस् स शिवस् सो ऽजस् स ब्रह्मा स सुरेश्वरः । अनिलानलचन्द्रार्कवपुस् स परमेश्वरः

sa haris sa śivas so 'jas sa brahmā sa sureśvaraḥ / anilānalacandrārkavapus sa parameśvaraḥ

Sanskrit only: no published translation is held for this verse.

स एव सर्वगात्मात्मा चित् संविच् चेतनस् स्मृतः । देवेशो देहभृद् धाता देवदेवो दिवस्पतिः

sa eva sarvagātmātmā cit saṃvic cetanas smṛtaḥ / deveśo dehabhṛd dhātā devadevo divaspatiḥ

Sanskrit only: no published translation is held for this verse.

महाचितस् समुल्लासात् समुद्यन्तीव केचन । ये नाम ते जगत्य् एते ब्रह्मविष्णुहरादयः । कणास् तप्तायस इव वारिधेर् इव बिन्दवः

mahācitas samullāsāt samudyantīva kecana / ye nāma te jagaty ete brahmaviṣṇuharādayaḥ / kaṇās taptāyasa iva vāridher iva bindavaḥ

Sanskrit only: no published translation is held for this verse.

तेष्व् ईषद्भ्रमभूतेषु जातेष्व् इव परात् पदात् । स्थितेषु भ्रमबीजेषु कल्पनाजालकर्तृषु

teṣv īṣadbhramabhūteṣu jāteṣv iva parāt padāt / sthiteṣu bhramabījeṣu kalpanājālakartṛṣu

Sanskrit only: no published translation is held for this verse.

सहस्रशतशाखेयम् अविद्योदेति पीवरी । वेदवेदार्थदेवादिजीवजालजटावती

sahasraśataśākheyam avidyodeti pīvarī / vedavedārthadevādijīvajālajaṭāvatī

Sanskrit only: no published translation is held for this verse.

ततस् त्व् अस्या अनन्तायाः प्रसृतायाः पुनः पुनः । सम्पन्नदेशकालायाः क्षमस् स्याद् वर्णनासु कः

tatas tv asyā anantāyāḥ prasṛtāyāḥ punaḥ punaḥ / sampannadeśakālāyāḥ kṣamas syād varṇanāsu kaḥ

Sanskrit only: no published translation is held for this verse.

ब्रह्मविष्णुहरादीनां मतो यः परमः पिता । मूलबीजं महादेवः पल्लवानाम् इव द्रुमः

brahmaviṣṇuharādīnāṃ mato yaḥ paramaḥ pitā / mūlabījaṃ mahādevaḥ pallavānām iva drumaḥ

Sanskrit only: no published translation is held for this verse.

स ब्रह्मतत्त्वाद्यभिधस् सर्वसंवेदनैककृत् । सर्वसत्ताप्रदो भास्वान् वन्द्यो ऽभ्यर्च्यश् च तद्विदाम्

sa brahmatattvādyabhidhas sarvasaṃvedanaikakṛt / sarvasattāprado bhāsvān vandyo 'bhyarcyaś ca tadvidām

Sanskrit only: no published translation is held for this verse.

प्रत्यक्षवस्तुविषयस् सर्वत्रैव सदोदितः । संवेदनात्मकतया गतया सर्वगोचरम्

pratyakṣavastuviṣayas sarvatraiva sadoditaḥ / saṃvedanātmakatayā gatayā sarvagocaram

Sanskrit only: no published translation is held for this verse.

न तस्याह्वानमन्त्रादि किञ्चिद् एवोपयुज्यते । नित्याहूतस् स सर्वस्थो लभ्यते सर्वतस् स्वचित्

na tasyāhvānamantrādi kiñcid evopayujyate / nityāhūtas sa sarvastho labhyate sarvatas svacit

Sanskrit only: no published translation is held for this verse.

यां यां वस्तुदशां यासि तत एव मुने शिवम् । स्वरूपं समवाप्नोषि रूपालोकमनोदृशा

yāṃ yāṃ vastudaśāṃ yāsi tata eva mune śivam / svarūpaṃ samavāpnoṣi rūpālokamanodṛśā

Sanskrit only: no published translation is held for this verse.

आद्यं पूज्यं नमस्कार्यं स्तुत्यम् अर्घ्यं सुरेश्वरम् । एनं तं विद्धि वेद्यानां सीमान्तं महताम् अपि

ādyaṃ pūjyaṃ namaskāryaṃ stutyam arghyaṃ sureśvaram / enaṃ taṃ viddhi vedyānāṃ sīmāntaṃ mahatām api

Sanskrit only: no published translation is held for this verse.

एवम् आत्मानम् आलोक्य जराशोकभयापहम् । सम्भृष्टबीजवज् जन्तुर् न भूयः परिरोहति

evam ātmānam ālokya jarāśokabhayāpaham / sambhṛṣṭabījavaj jantur na bhūyaḥ parirohati

Sanskrit only: no published translation is held for this verse.

सकलजन्तुषु जन्तुपदप्रदं विदितम् आद्यम् उपास्य यतव्रत । त्वम् अजम् आत्ममयं परमं पदं भवसि किं परिमज्जसि दृष्टिषु

sakalajantuṣu jantupadapradaṃ viditam ādyam upāsya yatavrata / tvam ajam ātmamayaṃ paramaṃ padaṃ bhavasi kiṃ parimajjasi dṛṣṭiṣu

Sanskrit only: no published translation is held for this verse.