Moksopaya with Bhaskarakantha's Tika 6.4

मनो बुद्धिर् अहङ्कार इन्द्रियादि तथानघ । अचेत्यचिन्मयं सर्वं क्व ते जीवादयस् स्थिताः

mano buddhir ahaṅkāra indriyādi tathānagha / acetyacinmayaṃ sarvaṃ kva te jīvādayas sthitāḥ

Sanskrit only: no published translation is held for this verse.

एकेनैवात्मना दत्ता नानाता या महात्मना । विद्धि तां त्वम् अनानातां हेम्नः कटकताम् इव

ekenaivātmanā dattā nānātā yā mahātmanā / viddhi tāṃ tvam anānātāṃ hemnaḥ kaṭakatām iva

Sanskrit only: no published translation is held for this verse.

यावद् अज्ञानसम्मोहस् तावत् संसारचित्तकम् । अज्ञानसङ्क्षये जाते क्व चेत्यं चित्तकं च वा

yāvad ajñānasammohas tāvat saṃsāracittakam / ajñānasaṅkṣaye jāte kva cetyaṃ cittakaṃ ca vā

Sanskrit only: no published translation is held for this verse.

अध्यात्मविद्याभ्यसनाज् जाड्यम् एति क्षयं तथा । हुताशसेवनाद् अन्तर्जाड्यं जलकृतं यथा

adhyātmavidyābhyasanāj jāḍyam eti kṣayaṃ tathā / hutāśasevanād antarjāḍyaṃ jalakṛtaṃ yathā

Sanskrit only: no published translation is held for this verse.

भोगतृष्णाविषावेशो यदैवोपशमं गतः । तदैव नष्टम् अज्ञानम् आन्ध्यं ध्वान्तक्षयाद् इव

bhogatṛṣṇāviṣāveśo yadaivopaśamaṃ gataḥ / tadaiva naṣṭam ajñānam āndhyaṃ dhvāntakṣayād iva

Sanskrit only: no published translation is held for this verse.

अध्यात्मशास्त्रमन्त्रेण तृष्णाविषविषूचिका । क्षीयते भावितेनान्तश् शरदा मिहिका यथा

adhyātmaśāstramantreṇa tṛṣṇāviṣaviṣūcikā / kṣīyate bhāvitenāntaś śaradā mihikā yathā

Sanskrit only: no published translation is held for this verse.

मौर्ख्ये क्षीणे क्षतं विद्धि चित्तं राम सबान्धवम् । विलीने ऽम्बुधरे व्योम्नि जाड्यं शाम्यत्य् अविघ्नतः

maurkhye kṣīṇe kṣataṃ viddhi cittaṃ rāma sabāndhavam / vilīne 'mbudhare vyomni jāḍyaṃ śāmyaty avighnataḥ

Sanskrit only: no published translation is held for this verse.

अचित्तत्वं गते चित्ते क्षीयते वासनाभ्रमः । हारमुक्तासमावेशश् छिन्ने तन्ताव् इवानघ

acittatvaṃ gate citte kṣīyate vāsanābhramaḥ / hāramuktāsamāveśaś chinne tantāv ivānagha

Sanskrit only: no published translation is held for this verse.

न घनाघविघाताय शास्त्रार्थं भावयन्ति ये । क्रिमिकीटत्वभोगाय चेतसस् सम्मिलन्ति ते

na ghanāghavighātāya śāstrārthaṃ bhāvayanti ye / krimikīṭatvabhogāya cetasas sammilanti te

Sanskrit only: no published translation is held for this verse.

तव तामरसाकारकान्तलोचन लोलता । शान्ता मौर्ख्यकृता वातचलता सरसो यथा

tava tāmarasākārakāntalocana lolatā / śāntā maurkhyakṛtā vātacalatā saraso yathā

Sanskrit only: no published translation is held for this verse.

स्थिरताम् उपयातो ऽसि भावाभावविवर्जिते । पदे परमविस्तारे नभसीव प्रभञ्जनः

sthiratām upayāto 'si bhāvābhāvavivarjite / pade paramavistāre nabhasīva prabhañjanaḥ

Sanskrit only: no published translation is held for this verse.

मन्ये मद्वचनैर् बोधम् आयातो ऽसि रघूद्वह । वितताज्ञाननिद्रातो निद्रातः पटहैर् इव

manye madvacanair bodham āyāto 'si raghūdvaha / vitatājñānanidrāto nidrātaḥ paṭahair iva

Sanskrit only: no published translation is held for this verse.

सामान्ये ऽपि लगन्त्य् एव मन्ये कुलगुरोर् गिरः । अत्युदारमतौ राम न लगन्ति कथं त्वयि

sāmānye 'pi laganty eva manye kulaguror giraḥ / atyudāramatau rāma na laganti kathaṃ tvayi

Sanskrit only: no published translation is held for this verse.

यत्रोपादेयवाक्यत्वं भावितं स्वेन चेतसा । तद्वचो ऽन्तर् विशत्य् उच्चैस् तप्ते क्षेत्रे यथा पयः

yatropādeyavākyatvaṃ bhāvitaṃ svena cetasā / tadvaco 'ntar viśaty uccais tapte kṣetre yathā payaḥ

Sanskrit only: no published translation is held for this verse.

वयम् इह हि महानुभाव नित्यं कुलगुरवो गुरवो रघूद्वहानाम् । तदुदितम् इदम् आशु कार्यम् आर्य स्फुटवचनं हृदि हारवत् त्वयेति

vayam iha hi mahānubhāva nityaṃ kulaguravo guravo raghūdvahānām / taduditam idam āśu kāryam ārya sphuṭavacanaṃ hṛdi hāravat tvayeti

Sanskrit only: no published translation is held for this verse.