Moksopaya with Bhaskarakantha's Tika 6.41

इत्यादिकापि शब्दानाम् अर्थश्रीस् सत्यरूपिणी । तस्मिन् सर्वेश्वरे सर्वसत्तामणिसमुद्गके

ityādikāpi śabdānām arthaśrīs satyarūpiṇī / tasmin sarveśvare sarvasattāmaṇisamudgake

Sanskrit only: no published translation is held for this verse.

का नाम विमला भासस् तस्मिन् परमचिन्मणौ । न कचन्ति विचिन्वन्ति विचित्राणि जगन्ति याः

kā nāma vimalā bhāsas tasmin paramacinmaṇau / na kacanti vicinvanti vicitrāṇi jaganti yāḥ

Sanskrit only: no published translation is held for this verse.

एषा बीजकणान्तस्स्था चित्सत्ता स्ववपुर्मयम् । बुद्ध्वा मृत्कालवार्यादि करोत्य् अङ्कुरचोदनम्

eṣā bījakaṇāntassthā citsattā svavapurmayam / buddhvā mṛtkālavāryādi karoty aṅkuracodanam

Sanskrit only: no published translation is held for this verse.

फेनावर्तविवर्तान्तर्वर्तिनी रसरूपिणी । कचितेन्द्रियसम्बन्धे करोति स्पन्दम् अम्भसाम्

phenāvartavivartāntarvartinī rasarūpiṇī / kacitendriyasambandhe karoti spandam ambhasām

Sanskrit only: no published translation is held for this verse.

एषा कुसुमगुच्छेषु गन्धरूपेण संस्थिता । कचन्ती घ्राणरन्ध्रेषु करोति परिफुल्लनम्

eṣā kusumaguccheṣu gandharūpeṇa saṃsthitā / kacantī ghrāṇarandhreṣu karoti pariphullanam

Sanskrit only: no published translation is held for this verse.

शिलाङ्गस्था शिलाङ्गत्वं नयन्ती सत्यतापदम् । सर्गाधारदशां धत्ते गिरीन्द्रस्थितिलीलया

śilāṅgasthā śilāṅgatvaṃ nayantī satyatāpadam / sargādhāradaśāṃ dhatte girīndrasthitilīlayā

Sanskrit only: no published translation is held for this verse.

पवनस्पन्दकोशात्मरूपिणी च त्वगिन्द्रियम् । संसाधयत्य् आत्मसुतं पितेवात्मपराजयात्

pavanaspandakośātmarūpiṇī ca tvagindriyam / saṃsādhayaty ātmasutaṃ pitevātmaparājayāt

Sanskrit only: no published translation is held for this verse.

अशेषसारसम्पिण्डम् अप्य् आत्मानं खसिद्धये । भावयित्वा नकिञ्चित्त्वम् इव खत्वं करोत्य् अलम्

aśeṣasārasampiṇḍam apy ātmānaṃ khasiddhaye / bhāvayitvā nakiñcittvam iva khatvaṃ karoty alam

Sanskrit only: no published translation is held for this verse.

स्वसत्ताप्रतिबिम्बाभम् आकाशमकुरोदरे । धत्ते कल्पनिमेषाङ्कं कालाख्यम् अमलं वपुः

svasattāpratibimbābham ākāśamakurodare / dhatte kalpanimeṣāṅkaṃ kālākhyam amalaṃ vapuḥ

Sanskrit only: no published translation is held for this verse.

आमहापञ्चमेशानपरिणामम् अनामया । इदम् इत्थम् इदं नेति नियतिर् भवति स्वयम्

āmahāpañcameśānapariṇāmam anāmayā / idam ittham idaṃ neti niyatir bhavati svayam

Sanskrit only: no published translation is held for this verse.

साक्षिणि स्फार आभासे ध्रुवे दीप इव क्रियाः । सत्य् एतस्मिन् प्रकाशन्ते जगच्चित्रपरम्पराः

sākṣiṇi sphāra ābhāse dhruve dīpa iva kriyāḥ / saty etasmin prakāśante jagaccitraparamparāḥ

Sanskrit only: no published translation is held for this verse.

परमाकाशनगरनाट्यमण्डपभूमिषु । स्वशक्तिनृत्तं संसारं पश्यन्ती साक्षिवत् स्थिता

paramākāśanagaranāṭyamaṇḍapabhūmiṣu / svaśaktinṛttaṃ saṃsāraṃ paśyantī sākṣivat sthitā

Sanskrit only: no published translation is held for this verse.

शिवस्यास्य जगन्नाथ शक्तयस् ताः कथं स्थिताः । साक्षिता काथ किं तासां नृत्तं स्यात् कियद् एव वा

śivasyāsya jagannātha śaktayas tāḥ kathaṃ sthitāḥ / sākṣitā kātha kiṃ tāsāṃ nṛttaṃ syāt kiyad eva vā

Sanskrit only: no published translation is held for this verse.

स्वभावाचलशान्तस्य शिवस्य परमात्मनः । सोम्य चिन्मात्ररूपस्य सर्वस्यानाकृतेर् अपि

svabhāvācalaśāntasya śivasya paramātmanaḥ / somya cinmātrarūpasya sarvasyānākṛter api

Sanskrit only: no published translation is held for this verse.

इच्छासत्ता व्योमसत्ता कालसत्ता तथैव च । तथा नियतिसत्ता च महासत्ता च सुव्रत

icchāsattā vyomasattā kālasattā tathaiva ca / tathā niyatisattā ca mahāsattā ca suvrata

Sanskrit only: no published translation is held for this verse.

ज्ञानशक्तिः क्रियाशक्तिः कर्तृताकर्तृतापि च । इत्यादिकानां शक्तीनाम् अन्तो नास्ति शिवात्मनि

jñānaśaktiḥ kriyāśaktiḥ kartṛtākartṛtāpi ca / ityādikānāṃ śaktīnām anto nāsti śivātmani

Sanskrit only: no published translation is held for this verse.

शक्तयः कुत एतास् ता बहुत्वं कथम् आसु च । उदयश् च कथं देव भेदाभेदश् च कीदृशः

śaktayaḥ kuta etās tā bahutvaṃ katham āsu ca / udayaś ca kathaṃ deva bhedābhedaś ca kīdṛśaḥ

Sanskrit only: no published translation is held for this verse.

शिवस्यानन्तरूपस्य यैषा चिन्मात्रतात्मनः । एषा हि शक्तिर् इत्य् उक्ता नास्माद् भिन्ना मनाग् अपि

śivasyānantarūpasya yaiṣā cinmātratātmanaḥ / eṣā hi śaktir ity uktā nāsmād bhinnā manāg api

Sanskrit only: no published translation is held for this verse.

ज्ञत्वकर्तृत्वभोक्तृत्वसाक्षित्वादिविभावनात् । शक्तयो विविधं रूपं धारयन्ति बहूदयम्

jñatvakartṛtvabhoktṛtvasākṣitvādivibhāvanāt / śaktayo vividhaṃ rūpaṃ dhārayanti bahūdayam

Sanskrit only: no published translation is held for this verse.

शिवशक्त्याख्ययैको ऽपि बहुवद् भासते स्वतः । सर्वशक्त्यात्मनैकेन शिवेनैव शिवात्मसु । अर्थेष्व् अर्थितया सत्सु साक्षिवत् कल्पितात्मसु

śivaśaktyākhyayaiko 'pi bahuvad bhāsate svataḥ / sarvaśaktyātmanaikena śivenaiva śivātmasu / artheṣv arthitayā satsu sākṣivat kalpitātmasu

Sanskrit only: no published translation is held for this verse.

एता जगति नृत्यन्ति ब्रह्माण्डे नृत्तमण्डपे । कालेन नर्तकेनेव क्रमेण परिशिक्षिताः

etā jagati nṛtyanti brahmāṇḍe nṛttamaṇḍape / kālena nartakeneva krameṇa pariśikṣitāḥ

Sanskrit only: no published translation is held for this verse.

या सा परम्परैतासाम् एषा नियतिर् उच्यते । क्रिया प्रकृतिर् इच्छा सा कालेत्यादिकृताभिधा

yā sā paramparaitāsām eṣā niyatir ucyate / kriyā prakṛtir icchā sā kāletyādikṛtābhidhā

Sanskrit only: no published translation is held for this verse.

आमहारुद्रपर्यन्तम् इदम् इत्थम् इति स्थितेः । आतृणं पद्मजस्पन्दनियमान् नियतिस् स्मृता

āmahārudraparyantam idam ittham iti sthiteḥ / ātṛṇaṃ padmajaspandaniyamān niyatis smṛtā

Sanskrit only: no published translation is held for this verse.

नियतिर् नित्यम् उद्वेगवर्जिता परमोर्जिता । एषा नृत्यति खे नित्यं जगज्जालकनाटकम्

niyatir nityam udvegavarjitā paramorjitā / eṣā nṛtyati khe nityaṃ jagajjālakanāṭakam

Sanskrit only: no published translation is held for this verse.

नानारसविलासाढ्यं विवर्ताभिनयान्वितम् । कल्पक्षणहतानेकपुष्करावर्तघर्घरम्

nānārasavilāsāḍhyaṃ vivartābhinayānvitam / kalpakṣaṇahatānekapuṣkarāvartaghargharam

Sanskrit only: no published translation is held for this verse.

सर्वर्तुकुसुमाकीर्णधरागोलकमन्दिरम् । भूयो भूयः पतद्वर्षभूरिस्वेदजलोत्करम्

sarvartukusumākīrṇadharāgolakamandiram / bhūyo bhūyaḥ patadvarṣabhūrisvedajalotkaram

Sanskrit only: no published translation is held for this verse.

पयोदपल्लवालोलनीलाम्बरकृतभ्रमम् । पूर्णसंशुष्कसप्ताब्धिरत्नाढ्यवलयाकुलम्

payodapallavālolanīlāmbarakṛtabhramam / pūrṇasaṃśuṣkasaptābdhiratnāḍhyavalayākulam

Sanskrit only: no published translation is held for this verse.

यामापक्ष्मदिनप्रेक्षाकटाक्षाशारिताम्बरम् । मज्जनोन्मज्जनव्यग्रकुलाद्रिकुलशेखरम्

yāmāpakṣmadinaprekṣākaṭākṣāśāritāmbaram / majjanonmajjanavyagrakulādrikulaśekharam

Sanskrit only: no published translation is held for this verse.

भ्रमच्छशिमणिप्रोतगङ्गामुक्तालतात्रयम् । चतुर्दशविधानन्तभूतरोमनतोन्नतम्

bhramacchaśimaṇiprotagaṅgāmuktālatātrayam / caturdaśavidhānantabhūtaromanatonnatam

Sanskrit only: no published translation is held for this verse.

सन्दृष्टादृष्टसन्ध्याभ्रविलोलकरपल्लवम् । अनारतरणल्लोललोकालङ्कारकोमलम्

sandṛṣṭādṛṣṭasandhyābhravilolakarapallavam / anārataraṇallolalokālaṅkārakomalam

Sanskrit only: no published translation is held for this verse.

भूरिभूतलपातालनभस्तलपदक्रमम् । मग्नोन्मग्नघनानीकताराघर्मकणोत्करम्

bhūribhūtalapātālanabhastalapadakramam / magnonmagnaghanānīkatārāgharmakaṇotkaram

Sanskrit only: no published translation is held for this verse.

चन्द्रार्कमण्डलस्पन्दस्मितस्फुटनभोमुखम् । कम्पितानेकब्रह्माण्डकवाटकवितानकम्

candrārkamaṇḍalaspandasmitasphuṭanabhomukham / kampitānekabrahmāṇḍakavāṭakavitānakam

Sanskrit only: no published translation is held for this verse.

लुठल्लोकान्तरव्यूहध्वनन्मुक्ताङ्कपल्लवम् । सुखदुःखदशादोषभावाभावरसान्तरम्

luṭhallokāntaravyūhadhvananmuktāṅkapallavam / sukhaduḥkhadaśādoṣabhāvābhāvarasāntaram

Sanskrit only: no published translation is held for this verse.

अस्मिन् विकारवलिते नियतेर् विलासे संसारनाम्नि चिरनाटकनाट्यसारे । साक्षी सदोदितवपुः परमेश्वरो ऽयम् एकस् स्थितो न च तया न च तेन भिन्नः

asmin vikāravalite niyater vilāse saṃsāranāmni ciranāṭakanāṭyasāre / sākṣī sadoditavapuḥ parameśvaro 'yam ekas sthito na ca tayā na ca tena bhinnaḥ

Sanskrit only: no published translation is held for this verse.