Moksopaya with Bhaskarakantha's Tika 6.42

एष देवस् स परमः पूज्य एष सदा सताम् । चिन्मात्रम् अनुभूतात्मा सर्वगस् सर्वसंश्रयः

eṣa devas sa paramaḥ pūjya eṣa sadā satām / cinmātram anubhūtātmā sarvagas sarvasaṃśrayaḥ

Sanskrit only: no published translation is held for this verse.

घटे पटे वटे कुड्ये शकटे वानरे स्थितः । शिवो हरो हरिर् ब्रह्मा शक्रो वैश्रवणो यमः

ghaṭe paṭe vaṭe kuḍye śakaṭe vānare sthitaḥ / śivo haro harir brahmā śakro vaiśravaṇo yamaḥ

Sanskrit only: no published translation is held for this verse.

बहिर् अन्तश् च सर्वात्मा सदा स्वात्मा सुबुद्धिभिः । द्विविधेन क्रमेणैष भगवान् परिपूज्यते

bahir antaś ca sarvātmā sadā svātmā subuddhibhiḥ / dvividhena krameṇaiṣa bhagavān paripūjyate

Sanskrit only: no published translation is held for this verse.

बहिस् तावन् महाबुद्धे क्रमेण परिपूज्यते । येन तं शृणु तत्त्वज्ञ श्रोष्यस्य् अन्तःक्रमं ततः । पूजाक्रमेषु सर्वेषु नेह दार्भं पवित्रकम्

bahis tāvan mahābuddhe krameṇa paripūjyate / yena taṃ śṛṇu tattvajña śroṣyasy antaḥkramaṃ tataḥ / pūjākrameṣu sarveṣu neha dārbhaṃ pavitrakam

Sanskrit only: no published translation is held for this verse.

पूजनं ध्यानम् एवात्र ध्यानम् एवात्र पूजनम् । तस्मात् त्रिभुवनाधारे नित्यं ध्यानेन पूजयेत्

pūjanaṃ dhyānam evātra dhyānam evātra pūjanam / tasmāt tribhuvanādhāre nityaṃ dhyānena pūjayet

Sanskrit only: no published translation is held for this verse.

चिद्रूपं सूर्यलक्षाभं समस्ताभासभासनम् । अन्तस्स्थचित्प्रकाशं स्वम् अहन्तासारम् आश्रयेत्

cidrūpaṃ sūryalakṣābhaṃ samastābhāsabhāsanam / antassthacitprakāśaṃ svam ahantāsāram āśrayet

Sanskrit only: no published translation is held for this verse.

अपारपरमाकाशविपुलाभोगकन्धरम् । अनन्ताधस्पदाकाशकोशपादसरोरुहम्

apāraparamākāśavipulābhogakandharam / anantādhaspadākāśakośapādasaroruham

Sanskrit only: no published translation is held for this verse.

अनन्तदिक्तटाभोगभुजमण्डलमण्डितम् । नानाविधमहालोकगृहीतपरमायुधम्

anantadiktaṭābhogabhujamaṇḍalamaṇḍitam / nānāvidhamahālokagṛhītaparamāyudham

Sanskrit only: no published translation is held for this verse.

हृत्कोशकोणविश्रान्तब्रह्माण्डौघपरम्परम् । प्रकाशपरमाकाशपारगापारविग्रहम्

hṛtkośakoṇaviśrāntabrahmāṇḍaughaparamparam / prakāśaparamākāśapāragāpāravigraham

Sanskrit only: no published translation is held for this verse.

ब्रह्मेन्द्रहरिरुद्रेशप्रमुखाम् अमरादिकाम् । इमां भूतश्रियं तस्य रोमालीं परिचिन्तयेत्

brahmendraharirudreśapramukhām amarādikām / imāṃ bhūtaśriyaṃ tasya romālīṃ paricintayet

Sanskrit only: no published translation is held for this verse.

विविधारम्भकारिण्यस् त्रिजगद्यन्त्ररज्जवः । इच्छाद्याश् शक्तयस् सर्वाश् चिन्तनीयाश् शरीरगाः

vividhārambhakāriṇyas trijagadyantrarajjavaḥ / icchādyāś śaktayas sarvāś cintanīyāś śarīragāḥ

Sanskrit only: no published translation is held for this verse.

अनन्तैकपदाधारस् सत्तामात्रैकविग्रहः । विवर्तितजगज्जालः कालो ऽस्य द्वारपालकः

anantaikapadādhāras sattāmātraikavigrahaḥ / vivartitajagajjālaḥ kālo 'sya dvārapālakaḥ

Sanskrit only: no published translation is held for this verse.

सशैलभुवनाभोगम् इदं ब्रह्माण्डमण्डलम् । देहकोणे ऽस्य कस्मिंश्चित् स्वाङ्गावयवतां गतम्

saśailabhuvanābhogam idaṃ brahmāṇḍamaṇḍalam / dehakoṇe 'sya kasmiṃścit svāṅgāvayavatāṃ gatam

Sanskrit only: no published translation is held for this verse.

विचिन्तयेन् महादेवं सहस्रचरणेक्षणम् । सहस्रशिरसं शान्तं सहस्रभुजभूषणम्

vicintayen mahādevaṃ sahasracaraṇekṣaṇam / sahasraśirasaṃ śāntaṃ sahasrabhujabhūṣaṇam

Sanskrit only: no published translation is held for this verse.

सर्वत्रेक्षणशक्त्याढ्यं सर्वतो घ्राणशक्तिगम् । सर्वत्र स्पर्शनमयं सर्वतो रसनान्वितम्

sarvatrekṣaṇaśaktyāḍhyaṃ sarvato ghrāṇaśaktigam / sarvatra sparśanamayaṃ sarvato rasanānvitam

Sanskrit only: no published translation is held for this verse.

सर्वत्र श्रवणाकीर्णं सर्वत्र मनसान्वितम् । सर्वतो मननातीतं सर्वत्र परमं शिवम्

sarvatra śravaṇākīrṇaṃ sarvatra manasānvitam / sarvato mananātītaṃ sarvatra paramaṃ śivam

Sanskrit only: no published translation is held for this verse.

सर्वदा सर्वकर्तारं सर्वसङ्कल्पितार्थदम् । सर्वभूतान्तरालस्थं सर्वं सर्वैकसाधनम्

sarvadā sarvakartāraṃ sarvasaṅkalpitārthadam / sarvabhūtāntarālasthaṃ sarvaṃ sarvaikasādhanam

Sanskrit only: no published translation is held for this verse.

इति सञ्चिन्त्य देवेशम् अर्चयेद् विधिवत् ततः । विधानम् अर्चनस्येदं शृणु ब्रह्मविदां वर

iti sañcintya deveśam arcayed vidhivat tataḥ / vidhānam arcanasyedaṃ śṛṇu brahmavidāṃ vara

Sanskrit only: no published translation is held for this verse.

देवं स्वसंविदात्मानं नोपहारेण पूजयेत् । न दीपेन न धूपेन न पुष्पविभवार्पणैः

devaṃ svasaṃvidātmānaṃ nopahāreṇa pūjayet / na dīpena na dhūpena na puṣpavibhavārpaṇaiḥ

Sanskrit only: no published translation is held for this verse.

नान्नदानादिदानेन न चन्दनविलेपनैः । न च कुङ्कुमकर्पूरैर् भोगैश् चित्रैर् न चेतरैः

nānnadānādidānena na candanavilepanaiḥ / na ca kuṅkumakarpūrair bhogaiś citrair na cetaraiḥ

Sanskrit only: no published translation is held for this verse.

नित्यम् अक्लेशलभ्येन शीतलेनाविनाशिना । एकेनैवामृतेनैष बोधेन स्वेन पूज्यते

nityam akleśalabhyena śītalenāvināśinā / ekenaivāmṛtenaiṣa bodhena svena pūjyate

Sanskrit only: no published translation is held for this verse.

एतद् एव परं ध्यानं पूजैषैव परा स्मृता । यद् अनारतम् अन्तस्स्थशुद्धचिन्मात्रवेदनम्

etad eva paraṃ dhyānaṃ pūjaiṣaiva parā smṛtā / yad anāratam antassthaśuddhacinmātravedanam

Sanskrit only: no published translation is held for this verse.

पश्यञ् शृण्वन् स्पृशञ् जिघ्रन्न् अश्नन् गच्छन् स्वपञ् श्वसन् । प्रलपन् विसृजन् गृह्णञ् शुद्धसंविन्मयो भवेत्

paśyañ śṛṇvan spṛśañ jighrann aśnan gacchan svapañ śvasan / pralapan visṛjan gṛhṇañ śuddhasaṃvinmayo bhavet

Sanskrit only: no published translation is held for this verse.

ध्यानामृतेन सम्पूज्यस् स्वयम् आत्मायम् ईश्वरः । परमास्वादयुक्तेन मुक्तेन कुसुमेहितैः

dhyānāmṛtena sampūjyas svayam ātmāyam īśvaraḥ / paramāsvādayuktena muktena kusumehitaiḥ

Sanskrit only: no published translation is held for this verse.

ध्यानोपहार एवात्मध्यानं ह्य् अस्य समीहितम् । ध्यानम् अर्घ्यं च पाद्यं च शुद्धसंवेदनात्मकम्

dhyānopahāra evātmadhyānaṃ hy asya samīhitam / dhyānam arghyaṃ ca pādyaṃ ca śuddhasaṃvedanātmakam

Sanskrit only: no published translation is held for this verse.

ध्यानसंवेदनं पुष्पं धूपं दीपं परं विदुः । विना तेनेतरेणायम् आत्मा लभ्यत एव नो

dhyānasaṃvedanaṃ puṣpaṃ dhūpaṃ dīpaṃ paraṃ viduḥ / vinā tenetareṇāyam ātmā labhyata eva no

Sanskrit only: no published translation is held for this verse.

ध्यानात् प्रसादम् आयातस् सर्वलोकसुखश्रियम् । अयम् आत्मा मुने भुङ्क्ते देहे भूपो गृहे यथा

dhyānāt prasādam āyātas sarvalokasukhaśriyam / ayam ātmā mune bhuṅkte dehe bhūpo gṛhe yathā

Sanskrit only: no published translation is held for this verse.

ध्यानेनानेन सुमुने निमेषांस् तु त्रयोदश । पूर्णो ऽपि पूजयत्व् ईशं गोप्रदानं लभेत वै

dhyānenānena sumune nimeṣāṃs tu trayodaśa / pūrṇo 'pi pūjayatv īśaṃ gopradānaṃ labheta vai

Sanskrit only: no published translation is held for this verse.

पूजयित्वा निमेषाणां शतम् एकम् इति प्रभुम् । अश्वमेधस्य यज्ञस्य फलम् आप्नोति मानवः

pūjayitvā nimeṣāṇāṃ śatam ekam iti prabhum / aśvamedhasya yajñasya phalam āpnoti mānavaḥ

Sanskrit only: no published translation is held for this verse.

ध्यानबल्युपहारेण स्वयम् आत्मानम् आत्मना । घटिकां पूजयेद् यस् तु राजसूयं लभेत सः

dhyānabalyupahāreṇa svayam ātmānam ātmanā / ghaṭikāṃ pūjayed yas tu rājasūyaṃ labheta saḥ

Sanskrit only: no published translation is held for this verse.

मध्याह्नपूजनाद् इत्थं राजसूयैकलक्षभाक् । दिवसं पूजयित्वैवं परे धाम्नि वसेन् नरः

madhyāhnapūjanād itthaṃ rājasūyaikalakṣabhāk / divasaṃ pūjayitvaivaṃ pare dhāmni vasen naraḥ

Sanskrit only: no published translation is held for this verse.

एषो ऽसौ परमो योग एषा सा परमा क्रिया । बाह्यसम्पूजनं प्रोक्तम् एतद् उत्तमम् आत्मनः

eṣo 'sau paramo yoga eṣā sā paramā kriyā / bāhyasampūjanaṃ proktam etad uttamam ātmanaḥ

Sanskrit only: no published translation is held for this verse.

एतत् पवित्रम् अखिलाघविनाशहेतुं यस् त्व् आचरिष्यति नरः क्षणम् अप्य् अखिन्नः । तं वन्दयिष्यति सुरासुरलोकपूगः प्राप्तास्पदं जगति माम् इव लोकसारम्

etat pavitram akhilāghavināśahetuṃ yas tv ācariṣyati naraḥ kṣaṇam apy akhinnaḥ / taṃ vandayiṣyati surāsuralokapūgaḥ prāptāspadaṃ jagati mām iva lokasāram

Sanskrit only: no published translation is held for this verse.