Moksopaya with Bhaskarakantha's Tika 6.44

यथाकामं यथारम्भं न करोषि करोषि यत् । चिन्मात्रस्य शिवस्यान्तस् तद् देवार्चनम् आत्मनः

yathākāmaṃ yathārambhaṃ na karoṣi karoṣi yat / cinmātrasya śivasyāntas tad devārcanam ātmanaḥ

Sanskrit only: no published translation is held for this verse.

तेनैवाह्लादम् आयाति याति प्रकटतां तथा । तथास्थितेन रूपेण स्वेनैव स्वयम् ईश्वरः

tenaivāhlādam āyāti yāti prakaṭatāṃ tathā / tathāsthitena rūpeṇa svenaiva svayam īśvaraḥ

Sanskrit only: no published translation is held for this verse.

रागद्वेषादिशब्दार्था नात्मन्य् अन्यतमाश् शिवे । सम्भवन्ति पृथग्रूपा वह्नौ हिमकणा इव

rāgadveṣādiśabdārthā nātmany anyatamāś śive / sambhavanti pṛthagrūpā vahnau himakaṇā iva

Sanskrit only: no published translation is held for this verse.

यद् यद् राजत्वदीनत्वसुखदुःखादिवेदनम् । आत्मीयं परकीयं च तत् तद् अर्चनम् आत्मनः

yad yad rājatvadīnatvasukhaduḥkhādivedanam / ātmīyaṃ parakīyaṃ ca tat tad arcanam ātmanaḥ

Sanskrit only: no published translation is held for this verse.

विद्धि संवित्तिम् एवार्चां वेत्त्य् आत्मात्मानम् एव च । घटाद्यात्मतया ब्रह्मन् स्वयम् आत्मतयैव वा

viddhi saṃvittim evārcāṃ vetty ātmātmānam eva ca / ghaṭādyātmatayā brahman svayam ātmatayaiva vā

Sanskrit only: no published translation is held for this verse.

शिवं शान्तम् अनाभासम् एकं भासुरम् आततम् । जगत्प्रत्ययवत् सर्वम् आत्मरूपम् इदं स्थितम्

śivaṃ śāntam anābhāsam ekaṃ bhāsuram ātatam / jagatpratyayavat sarvam ātmarūpam idaṃ sthitam

Sanskrit only: no published translation is held for this verse.

अहो नु चित्रम् आत्मैव घटाद्य् अन्यद् अवस्थितम् । जीवादिस् स्वस्थ एवान्तर् नूनं विस्मृतवान् इव

aho nu citram ātmaiva ghaṭādy anyad avasthitam / jīvādis svastha evāntar nūnaṃ vismṛtavān iva

Sanskrit only: no published translation is held for this verse.

सर्वात्मकस्यानन्तस्य शिवस्यान्तः किलात्मनः । पूज्यपूजकपूजाख्यो विभ्रमः प्रोदितो वृथा

sarvātmakasyānantasya śivasyāntaḥ kilātmanaḥ / pūjyapūjakapūjākhyo vibhramaḥ prodito vṛthā

Sanskrit only: no published translation is held for this verse.

नियताकारशान्तत्वं न च सम्भवतीश्वरे । यतस् सङ्कल्प्यते ब्रह्मन् पूज्यपूजामयः क्रमः

niyatākāraśāntatvaṃ na ca sambhavatīśvare / yatas saṅkalpyate brahman pūjyapūjāmayaḥ kramaḥ

Sanskrit only: no published translation is held for this verse.

पूज्यपूजाव्यवच्छिन्नो देवो ऽनित्यो ऽमलात्मनः । सर्वशक्तेर् अनन्तस्य नेश्वरत्वस्य भाजनम्

pūjyapūjāvyavacchinno devo 'nityo 'malātmanaḥ / sarvaśakter anantasya neśvaratvasya bhājanam

Sanskrit only: no published translation is held for this verse.

त्रिजगत्प्रसृताच्छाच्छसंविद्रूपस्य चात्मनः । नेश्वरत्वाद् ऋते ब्रह्मन् व्यपदेशो ऽपि युज्यते

trijagatprasṛtācchācchasaṃvidrūpasya cātmanaḥ / neśvaratvād ṛte brahman vyapadeśo 'pi yujyate

Sanskrit only: no published translation is held for this verse.

देशकालपरिच्छिन्नो येषां स्यात् परमेश्वरः । अस्माकम् उपदेश्यास् ते न विपश्चिद् विपश्चितः

deśakālaparicchinno yeṣāṃ syāt parameśvaraḥ / asmākam upadeśyās te na vipaścid vipaścitaḥ

Sanskrit only: no published translation is held for this verse.

तदीयां दृष्टिम् उत्सृज्य तथेमाम् अवलम्ब्य च । समस् स्वस्थमनाश् शान्तो वीतरागो निरामयः

tadīyāṃ dṛṣṭim utsṛjya tathemām avalambya ca / samas svasthamanāś śānto vītarāgo nirāmayaḥ

Sanskrit only: no published translation is held for this verse.

कार्योपहारैर् अभितो यथाप्राप्तैर् अखिन्नधीः । आत्मानम् अर्चयंस् तिष्ठ सुखदुःखशुभाशुभैः

kāryopahārair abhito yathāprāptair akhinnadhīḥ / ātmānam arcayaṃs tiṣṭha sukhaduḥkhaśubhāśubhaiḥ

Sanskrit only: no published translation is held for this verse.

अधिगतवति साधाव् एवम् एवाशु नूनं त्वयि तरलितजीवं जन्मदुःखादि किञ्चित् । न लगति परिशुद्धे सर्वतस् स्फाटिकाङ्गे नवसदन इवान्तर् निष्कलङ्के कलङ्कः

adhigatavati sādhāv evam evāśu nūnaṃ tvayi taralitajīvaṃ janmaduḥkhādi kiñcit / na lagati pariśuddhe sarvatas sphāṭikāṅge navasadana ivāntar niṣkalaṅke kalaṅkaḥ

Sanskrit only: no published translation is held for this verse.