Moksopaya with Bhaskarakantha's Tika 6.49

अत्रेमाम् अवबोधाय विस्मयोत्फुल्लकारिणीम् । अपूर्वाम् एव सङ्क्षेपाद् राम रम्यां कथां शृणु

atremām avabodhāya vismayotphullakāriṇīm / apūrvām eva saṅkṣepād rāma ramyāṃ kathāṃ śṛṇu

Sanskrit only: no published translation is held for this verse.

योजनानां सहस्राणि विपुलं विमलं स्फुटम् । युगैर् अप्य् अजरद्रूपम् अस्ति बिल्वफलं महत्

yojanānāṃ sahasrāṇi vipulaṃ vimalaṃ sphuṭam / yugair apy ajaradrūpam asti bilvaphalaṃ mahat

Sanskrit only: no published translation is held for this verse.

अविनाशरसाधारं सुधामधुरसारवत् । पुराणम् अपि बालेन्दुदलमार्दवसुन्दरम्

avināśarasādhāraṃ sudhāmadhurasāravat / purāṇam api bālendudalamārdavasundaram

Sanskrit only: no published translation is held for this verse.

व्यूढसह्यमहामेरुमन्दराद्रितृणावलेः । महाकल्पान्तवात्याया अपि वेगैर् अचालितम्

vyūḍhasahyamahāmerumandarādritṛṇāvaleḥ / mahākalpāntavātyāyā api vegair acālitam

Sanskrit only: no published translation is held for this verse.

योजनायुतकोटीनां कोटिलक्षशतैर् अपि । वैपुल्येनापरिच्छेद्यं फलम् आद्यं जगत्स्थितेः

yojanāyutakoṭīnāṃ koṭilakṣaśatair api / vaipulyenāparicchedyaṃ phalam ādyaṃ jagatsthiteḥ

Sanskrit only: no published translation is held for this verse.

अस्य बिल्वफलस्योच्चैर् ब्रह्माण्डानि समीपतः । हरन्ति लीलां शैले ऽधो राजिकाकणपद्धतेः

asya bilvaphalasyoccair brahmāṇḍāni samīpataḥ / haranti līlāṃ śaile 'dho rājikākaṇapaddhateḥ

Sanskrit only: no published translation is held for this verse.

स्यन्दमानरसापूरां स्वाद्वीं रसचमत्कृतिम् । यस्यातिशेते नो कश्चिद् अपि राघव षड्रसः

syandamānarasāpūrāṃ svādvīṃ rasacamatkṛtim / yasyātiśete no kaścid api rāghava ṣaḍrasaḥ

Sanskrit only: no published translation is held for this verse.

न कदाचन पाकेन पातान्तेन समेति यत् । सदैव पक्वम् अप्य् अङ्ग जरसा यन् न बाध्यते

na kadācana pākena pātāntena sameti yat / sadaiva pakvam apy aṅga jarasā yan na bādhyate

Sanskrit only: no published translation is held for this verse.

ब्रह्मविष्ण्विन्द्ररुद्राद्या जरढाः केचिद् एव नो । यस्योत्पत्तिं विजानन्ति मूलं वा वृक्षम् एव वा

brahmaviṣṇvindrarudrādyā jaraḍhāḥ kecid eva no / yasyotpattiṃ vijānanti mūlaṃ vā vṛkṣam eva vā

Sanskrit only: no published translation is held for this verse.

अदृष्टाङ्कुरवृक्षस्य त्व् अदृष्टकुसुमोद्गतेः । अस्तम्भमूलशाखस्य फलम् एवावलोक्यते

adṛṣṭāṅkuravṛkṣasya tv adṛṣṭakusumodgateḥ / astambhamūlaśākhasya phalam evāvalokyate

Sanskrit only: no published translation is held for this verse.

एकपिण्डघनाकारव्याततस्थौल्यशालिनः । यस्योत्पत्तिविकारादिपरिणामो न दृश्यते

ekapiṇḍaghanākāravyātatasthaulyaśālinaḥ / yasyotpattivikārādipariṇāmo na dṛśyate

Sanskrit only: no published translation is held for this verse.

समस्तफलसारस्य फलस्यास्य महाकृतेः । मज्जान्तर् अस्ति विततो निर्विकारो रसान्तरः

samastaphalasārasya phalasyāsya mahākṛteḥ / majjāntar asti vitato nirvikāro rasāntaraḥ

Sanskrit only: no published translation is held for this verse.

शिलान्तर् इव नीरन्ध्रस् स्यन्दमानेन्दुबिम्बवत् । रसं स्वसंविदास्वाद्यं स्यन्दमान ऋतामृतम्

śilāntar iva nīrandhras syandamānendubimbavat / rasaṃ svasaṃvidāsvādyaṃ syandamāna ṛtāmṛtam

Sanskrit only: no published translation is held for this verse.

सेकस् सकलसौख्यानां शीतलालोककारकः । शैलाभो ऽमृतपिण्डाभो मण्ड आत्मफलस्थितेः

sekas sakalasaukhyānāṃ śītalālokakārakaḥ / śailābho 'mṛtapiṇḍābho maṇḍa ātmaphalasthiteḥ

Sanskrit only: no published translation is held for this verse.

तस्मात् परममज्जा तु यासौ स्वाद्वी चमत्कृतिः । अन्तर् अक्षुभिता नित्यम् अनन्या श्रीफलाङ्गतः

tasmāt paramamajjā tu yāsau svādvī camatkṛtiḥ / antar akṣubhitā nityam ananyā śrīphalāṅgataḥ

Sanskrit only: no published translation is held for this verse.

स्वसन्निवेशवैचित्र्यम् अनन्यत्वफलाङ्गकम् । अत्यजन्त्या तया तन्व्या स्थूलयाप्य् अतिबालया

svasanniveśavaicitryam ananyatvaphalāṅgakam / atyajantyā tayā tanvyā sthūlayāpy atibālayā

Sanskrit only: no published translation is held for this verse.

इयम् अस्मीति कलनाद् असत्सदन्यतामलम् । भेदाद्य् असम्भवद् इदं स्वयम् उत्पाद्य भावितम्

iyam asmīti kalanād asatsadanyatāmalam / bhedādy asambhavad idaṃ svayam utpādya bhāvitam

Sanskrit only: no published translation is held for this verse.

अहङ्कला समुदयसमनन्तरम् एव सा । वलिताकाशशब्दाङ्गत्रैलोक्यपरमाणुभिः

ahaṅkalā samudayasamanantaram eva sā / valitākāśaśabdāṅgatrailokyaparamāṇubhiḥ

Sanskrit only: no published translation is held for this verse.

इत्य् अनुक्रमतो याता सा संविच्छक्तिरूपताम् । मज्जा प्राक्सन्निवेशं स्वं तम् एवाप्य् असमुज्झती

ity anukramato yātā sā saṃvicchaktirūpatām / majjā prāksanniveśaṃ svaṃ tam evāpy asamujjhatī

Sanskrit only: no published translation is held for this verse.

संविच्छक्त्या तया तत्र ततस् तरलरूपया । निज एव परे रूपे दृग् इत्थं सम्प्रसारिता

saṃvicchaktyā tayā tatra tatas taralarūpayā / nija eva pare rūpe dṛg itthaṃ samprasāritā

Sanskrit only: no published translation is held for this verse.

इदं व्योममहानन्तम् इयं कालमहाकला । इयं नियतिर् उद्युक्ता क्रियेयं स्पन्दधर्मिणी

idaṃ vyomamahānantam iyaṃ kālamahākalā / iyaṃ niyatir udyuktā kriyeyaṃ spandadharmiṇī

Sanskrit only: no published translation is held for this verse.

अयं सङ्कल्पविस्तारस् त्व् अयम् आशाभरभ्रमः । रागद्वेषस्थितिर् इयं हेयोपादेयधीर् इयम्

ayaṃ saṅkalpavistāras tv ayam āśābharabhramaḥ / rāgadveṣasthitir iyaṃ heyopādeyadhīr iyam

Sanskrit only: no published translation is held for this verse.

इयं त्वत्ता त्व् इयं मत्ता तत्तेयं संस्थितिस् त्व् इयम् । ब्रह्माण्डौघो ऽयम् ऊर्ध्वस्थस् त्व् अयम् अग्रे ऽयम् अप्य् अधः

iyaṃ tvattā tv iyaṃ mattā tatteyaṃ saṃsthitis tv iyam / brahmāṇḍaugho 'yam ūrdhvasthas tv ayam agre 'yam apy adhaḥ

Sanskrit only: no published translation is held for this verse.

अयं पुरः पार्श्वतो ऽयं पश्चाद् आराद् दवीयसि । इदं भूतं वर्तमानं भविष्यत् त्व् इदम् इत्य् अपि

ayaṃ puraḥ pārśvato 'yaṃ paścād ārād davīyasi / idaṃ bhūtaṃ vartamānaṃ bhaviṣyat tv idam ity api

Sanskrit only: no published translation is held for this verse.

इदम् अन्तस्स्थितानल्पकल्पनाम्भोरुहालयम् । ब्रह्माण्डमण्डपापिण्डक्रीडामण्डपमण्डलम्

idam antassthitānalpakalpanāmbhoruhālayam / brahmāṇḍamaṇḍapāpiṇḍakrīḍāmaṇḍapamaṇḍalam

Sanskrit only: no published translation is held for this verse.

अनन्तकलनातत्त्वपरिपल्लविता हरेः । हृदब्जकर्णिका चेयं लोकपद्माक्षमालिका

anantakalanātattvaparipallavitā hareḥ / hṛdabjakarṇikā ceyaṃ lokapadmākṣamālikā

Sanskrit only: no published translation is held for this verse.

इयं कीर्णमहारुद्रकणाङ्कुरितकोटरा । दीर्घाध्वपदवी ध्वान्तध्वंसनेहाप्रभाविनी

iyaṃ kīrṇamahārudrakaṇāṅkuritakoṭarā / dīrghādhvapadavī dhvāntadhvaṃsanehāprabhāvinī

Sanskrit only: no published translation is held for this verse.

अयं मेरुः ककुप्पत्त्रजगत्पङ्कजकर्णिका । स्फुरदिन्दुमधूल्लासलम्पटामरषट्पदा

ayaṃ meruḥ kakuppattrajagatpaṅkajakarṇikā / sphuradindumadhūllāsalampaṭāmaraṣaṭpadā

Sanskrit only: no published translation is held for this verse.

इयम् उद्दामसौगन्ध्या स्वर्गश्रीपुष्पमञ्जरी । जगज्जरढवृक्षस्य रजोनरकमूलिनः

iyam uddāmasaugandhyā svargaśrīpuṣpamañjarī / jagajjaraḍhavṛkṣasya rajonarakamūlinaḥ

Sanskrit only: no published translation is held for this verse.

इयं च ताराकिञ्जल्का ब्रह्माण्डकतटस्थिता । अपारापारपर्यन्ता व्योमनीलसरोजिनी

iyaṃ ca tārākiñjalkā brahmāṇḍakataṭasthitā / apārāpāraparyantā vyomanīlasarojinī

Sanskrit only: no published translation is held for this verse.

इयं क्रियासरिद् वाततरङ्गतरणावली । सर्गावर्तविवर्तस्था भूरिभूतपरम्परा

iyaṃ kriyāsarid vātataraṅgataraṇāvalī / sargāvartavivartasthā bhūribhūtaparamparā

Sanskrit only: no published translation is held for this verse.

इयं तमोभ्रमरिणी क्षणकल्पादिपल्लवा । तेजःकेसरिणी कालनलिनी व्योमपङ्कजा

iyaṃ tamobhramariṇī kṣaṇakalpādipallavā / tejaḥkesariṇī kālanalinī vyomapaṅkajā

Sanskrit only: no published translation is held for this verse.

इमा भावविकाराढ्या जरामृतिविषूचिकाः । विद्याविद्याविकाराढ्या इमाश् शास्त्रार्थदृष्टयः

imā bhāvavikārāḍhyā jarāmṛtiviṣūcikāḥ / vidyāvidyāvikārāḍhyā imāś śāstrārthadṛṣṭayaḥ

Sanskrit only: no published translation is held for this verse.

इति सा तस्य बिल्वस्य निजा मज्जाचमत्कृतिः । स्वकल्पसन्निवेशान्तर् एवैवंकृतसंस्थितिः

iti sā tasya bilvasya nijā majjācamatkṛtiḥ / svakalpasanniveśāntar evaivaṃkṛtasaṃsthitiḥ

Sanskrit only: no published translation is held for this verse.

शान्ता स्वस्था निराबाधा सोम्येतरतयोज्झिता । कर्तृत्वम् अप्य् अकर्तृत्वं कृत्वा कृत्वैव संस्थिता

śāntā svasthā nirābādhā somyetaratayojjhitā / kartṛtvam apy akartṛtvaṃ kṛtvā kṛtvaiva saṃsthitā

Sanskrit only: no published translation is held for this verse.

एकैकिकैव विविधेव विभाव्यमाना नैकात्मिका न विविधा ननु सैव सैव । सत्यास्थिता सकलशान्तिसमैकरूपा सर्वात्मिकातिमहती चितिर् एव शक्तिः

ekaikikaiva vividheva vibhāvyamānā naikātmikā na vividhā nanu saiva saiva / satyāsthitā sakalaśāntisamaikarūpā sarvātmikātimahatī citir eva śaktiḥ

Sanskrit only: no published translation is held for this verse.