Moksopaya with Bhaskarakantha's Tika 6.5

अहो बत महच् चित्रं भवद्वाक्यार्थभावनात् । शान्तं जगज्जालम् इदम् अग्रस्थम् अपि नाथ मे

aho bata mahac citraṃ bhavadvākyārthabhāvanāt / śāntaṃ jagajjālam idam agrastham api nātha me

Sanskrit only: no published translation is held for this verse.

पराम् अन्तः प्रयातो ऽस्मि स्वयम् आत्मनि निर्वृतिम् । दीर्घावग्रहसन्तप्तं वृष्ट्येव वसुधातलम्

parām antaḥ prayāto 'smi svayam ātmani nirvṛtim / dīrghāvagrahasantaptaṃ vṛṣṭyeva vasudhātalam

Sanskrit only: no published translation is held for this verse.

शाम्यामि शीतलाकारस् सुखं तिष्ठामि केवलम् । प्रसादम् उपयातो ऽस्मि सरो निर्वारणं यथा

śāmyāmi śītalākāras sukhaṃ tiṣṭhāmi kevalam / prasādam upayāto 'smi saro nirvāraṇaṃ yathā

Sanskrit only: no published translation is held for this verse.

सम्यक् प्रसन्नम् अखिलं दिङ्मण्डलम् इदं मुने । यथाभूतं प्रपश्यामि निर्नीहारम् इवाधुना

samyak prasannam akhilaṃ diṅmaṇḍalam idaṃ mune / yathābhūtaṃ prapaśyāmi nirnīhāram ivādhunā

Sanskrit only: no published translation is held for this verse.

जातो ऽस्मि गतसन्देहश् शान्ताशामृगतृष्णिकः । रजोनीहारनिर्मुक्तो वृष्टजङ्गलशीतलः

jāto 'smi gatasandehaś śāntāśāmṛgatṛṣṇikaḥ / rajonīhāranirmukto vṛṣṭajaṅgalaśītalaḥ

Sanskrit only: no published translation is held for this verse.

आत्मनैवान्तर् आनन्दं तं प्राप्तो ऽस्म्य् अन्तवर्जितम् । रसायनरसास्वादो यत्र नाथ तृणायते

ātmanaivāntar ānandaṃ taṃ prāpto 'smy antavarjitam / rasāyanarasāsvādo yatra nātha tṛṇāyate

Sanskrit only: no published translation is held for this verse.

अद्यायं प्रकृतिस्थो ऽस्मि स्वस्थो ऽस्मि मुदितो ऽस्मि च । लोकारामो ऽस्मि रामो ऽस्मि नमो मह्यं नमो ऽस्तु ते

adyāyaṃ prakṛtistho 'smi svastho 'smi mudito 'smi ca / lokārāmo 'smi rāmo 'smi namo mahyaṃ namo 'stu te

Sanskrit only: no published translation is held for this verse.

ते संशयास् ताः कलनास् सर्वम् अस्तङ्गतं मम । रात्रिवेतालसञ्चारः प्रभात इव भास्वरे

te saṃśayās tāḥ kalanās sarvam astaṅgataṃ mama / rātrivetālasañcāraḥ prabhāta iva bhāsvare

Sanskrit only: no published translation is held for this verse.

निर्मले हृदि विस्तीर्णे सपद्मे हिमशीतले । मतिर् निर्वृतिम् आयाता सारसी सरसीव मे

nirmale hṛdi vistīrṇe sapadme himaśītale / matir nirvṛtim āyātā sārasī sarasīva me

Sanskrit only: no published translation is held for this verse.

कलङ्क आत्मनः कस्मात् कथं वेत्यादिसंशयः । नूनं निर्मूलतां यातो ममार्काग्रे यथा तमः

kalaṅka ātmanaḥ kasmāt kathaṃ vetyādisaṃśayaḥ / nūnaṃ nirmūlatāṃ yāto mamārkāgre yathā tamaḥ

Sanskrit only: no published translation is held for this verse.

सर्वम् आत्मैव सर्वत्र सर्वदा भाविताकृतिः । इदम् अन्यद् इदं चान्यद् इत्य् असत्कलनाः कुतः

sarvam ātmaiva sarvatra sarvadā bhāvitākṛtiḥ / idam anyad idaṃ cānyad ity asatkalanāḥ kutaḥ

Sanskrit only: no published translation is held for this verse.

को ऽभूवं प्राग् अहं तादृक् तृष्णानिगडयन्त्रितः । अन्तरात्मानम् एवेति विहसामि विकासवान्

ko 'bhūvaṃ prāg ahaṃ tādṛk tṛṣṇānigaḍayantritaḥ / antarātmānam eveti vihasāmi vikāsavān

Sanskrit only: no published translation is held for this verse.

आम् इदानीं स्मृतं सम्यङ् मयैष स किलास्म्य् अजः । यस् त्वद्वागमृतापूरस्नानेनायम् अहं स्थितः

ām idānīṃ smṛtaṃ samyaṅ mayaiṣa sa kilāsmy ajaḥ / yas tvadvāgamṛtāpūrasnānenāyam ahaṃ sthitaḥ

Sanskrit only: no published translation is held for this verse.

अहो नु विततां भूमिम् अधिरूढो ऽस्मि पावनीम् । इहस्थ एव यत्रार्को नः पातालम् इवास्थितः

aho nu vitatāṃ bhūmim adhirūḍho 'smi pāvanīm / ihastha eva yatrārko naḥ pātālam ivāsthitaḥ

Sanskrit only: no published translation is held for this verse.

मह्यं सत्ताम् उपेताय व्यपेताय भवार्णवात् । नमो नित्यनमस्याय जयाम्य् आत्मात्मनात्मनि

mahyaṃ sattām upetāya vyapetāya bhavārṇavāt / namo nityanamasyāya jayāmy ātmātmanātmani

Sanskrit only: no published translation is held for this verse.

अनुभववशतो हृदब्जकोशे स्फुटम् अलितां समुपागतेन नाथ । तव वरवचसेह वीतशोकां चिरम् उदितां स्वदशाम् उपागतो ऽस्मि

anubhavavaśato hṛdabjakośe sphuṭam alitāṃ samupāgatena nātha / tava varavacaseha vītaśokāṃ ciram uditāṃ svadaśām upāgato 'smi

Sanskrit only: no published translation is held for this verse.