Moksopaya with Bhaskarakantha's Tika 6.50

भगवन् सर्वधर्मज्ञ त्वयैषा बिल्वरूपिणी । महाचिद्घनसत्तेति कथितेति मतिर् मम

bhagavan sarvadharmajña tvayaiṣā bilvarūpiṇī / mahācidghanasatteti kathiteti matir mama

Sanskrit only: no published translation is held for this verse.

चिन्मज्जरूपम् अखिलम् अहन्तादीदम् आततम् । न मनाग् अपि भेदो ऽस्ति द्वैतैक्यकलनात्मकः

cinmajjarūpam akhilam ahantādīdam ātatam / na manāg api bhedo 'sti dvaitaikyakalanātmakaḥ

Sanskrit only: no published translation is held for this verse.

यथा ब्रह्माण्डकूष्माण्डमज्जा मेर्वादिसंस्थितिः । तथा चिद्बिल्वमज्जेयं ब्रह्माण्डाद्या जगत्स्थितिः

yathā brahmāṇḍakūṣmāṇḍamajjā mervādisaṃsthitiḥ / tathā cidbilvamajjeyaṃ brahmāṇḍādyā jagatsthitiḥ

Sanskrit only: no published translation is held for this verse.

सृष्टिश् चिद्बिल्वमज्जस्य जगदाख्या चमत्कृतिः । स्थिता सुषुप्तसोम्यान्तस् शिलान्तस् सन्निवेशवत्

sṛṣṭiś cidbilvamajjasya jagadākhyā camatkṛtiḥ / sthitā suṣuptasomyāntas śilāntas sanniveśavat

Sanskrit only: no published translation is held for this verse.

अत्रेमाम् इन्दुवदन चित्रां विस्मयकारिणीम् । वर्ण्यमानां मया रम्याम् अन्याम् आख्यायिकां शृणु

atremām induvadana citrāṃ vismayakāriṇīm / varṇyamānāṃ mayā ramyām anyām ākhyāyikāṃ śṛṇu

Sanskrit only: no published translation is held for this verse.

स्निग्धा स्पष्टा मृदुस्पर्शा महाविस्तारशालिनी । निबिडा नित्यनीरन्ध्रा क्वचिद् अस्ति महाशिला

snigdhā spaṣṭā mṛdusparśā mahāvistāraśālinī / nibiḍā nityanīrandhrā kvacid asti mahāśilā

Sanskrit only: no published translation is held for this verse.

तस्याम् अन्तः प्रफुल्तानि पद्मानि सुबहून्य् अपि । कर्णिकाजातमूलानि मूलान्तःकर्णिकानि च । ऊर्ध्वमूलान्य् अधोमूलान्य् अमूलानीतराणि च

tasyām antaḥ praphultāni padmāni subahūny api / karṇikājātamūlāni mūlāntaḥkarṇikāni ca / ūrdhvamūlāny adhomūlāny amūlānītarāṇi ca

Sanskrit only: no published translation is held for this verse.

तेषां च निकटे सन्ति शङ्खाश् शतसहस्रशः । चक्रौघाश् च महाकाराः पद्मवत् सन्निवेशिनः

teṣāṃ ca nikaṭe santi śaṅkhāś śatasahasraśaḥ / cakraughāś ca mahākārāḥ padmavat sanniveśinaḥ

Sanskrit only: no published translation is held for this verse.

सत्यम् एतन् मया दृष्टा तादृशी सा महाशिला । सालिग्रामे हरेर् धाम्नि विद्यते परिवारिणी

satyam etan mayā dṛṣṭā tādṛśī sā mahāśilā / sāligrāme harer dhāmni vidyate parivāriṇī

Sanskrit only: no published translation is held for this verse.

एवम् एतद् विजानासि दृष्टवान् असि ताश् शिलाः । यो यश् च तत्र पाषाणस् स सर्वस् तादृगन्तरः

evam etad vijānāsi dṛṣṭavān asi tāś śilāḥ / yo yaś ca tatra pāṣāṇas sa sarvas tādṛgantaraḥ

Sanskrit only: no published translation is held for this verse.

मया त्व् इयम् अपूर्वैव शिलेयं वर्ण्यते तव । यस्याम् अन्तर् महाकुक्षौ सर्वम् अस्ति च नास्ति च

mayā tv iyam apūrvaiva śileyaṃ varṇyate tava / yasyām antar mahākukṣau sarvam asti ca nāsti ca

Sanskrit only: no published translation is held for this verse.

चिच्छिलैषा मयोक्ता ते यस्याम् अन्तर् जगन्ति खे । घनत्वैकात्मकत्वादिवशाद् एषा शिलेव चित्

cicchilaiṣā mayoktā te yasyām antar jaganti khe / ghanatvaikātmakatvādivaśād eṣā śileva cit

Sanskrit only: no published translation is held for this verse.

अप्य् अत्यन्तघनाङ्गाया अनीरन्ध्राकृतेर् अपि । विद्यते ऽन्तः परं ब्रह्म व्योम्नीव विपुलानिलः

apy atyantaghanāṅgāyā anīrandhrākṛter api / vidyate 'ntaḥ paraṃ brahma vyomnīva vipulānilaḥ

Sanskrit only: no published translation is held for this verse.

द्यौः क्षमा वायुर् आकाशं पर्वतास् सरितो दिशः । सन्ति तस्यां शिला सा च सुषिरा न मनाग् अपि

dyauḥ kṣamā vāyur ākāśaṃ parvatās sarito diśaḥ / santi tasyāṃ śilā sā ca suṣirā na manāg api

Sanskrit only: no published translation is held for this verse.

अस्याम् एकघनाङ्गात्म जगत्पद्मं विजृम्भते । एतस्माद् वस्तुनो नान्यद् अन्यच् च द्व्यात्मकं च वा

asyām ekaghanāṅgātma jagatpadmaṃ vijṛmbhate / etasmād vastuno nānyad anyac ca dvyātmakaṃ ca vā

Sanskrit only: no published translation is held for this verse.

भूतं भव्यं भविष्यच् चिच्छिलायां सालभञ्जिका । तथास्ति तत्र तत् सर्वं संस्थानं वस्तुनो यथा

bhūtaṃ bhavyaṃ bhaviṣyac cicchilāyāṃ sālabhañjikā / tathāsti tatra tat sarvaṃ saṃsthānaṃ vastuno yathā

Sanskrit only: no published translation is held for this verse.

उपलान्तस् सन्निवेशो नानात्माप्य् एकपिण्डताम् । यथा धत्ते तथैषा चित् पिण्डाकारैकिका घना

upalāntas sanniveśo nānātmāpy ekapiṇḍatām / yathā dhatte tathaiṣā cit piṇḍākāraikikā ghanā

Sanskrit only: no published translation is held for this verse.

यथा पद्मश् शिलाकोशाद् अभिन्नो ऽपि वपुर्मयः । तथा सर्गश् चितो रूपाद् अभिन्नो ऽपि वपुर्मयः

yathā padmaś śilākośād abhinno 'pi vapurmayaḥ / tathā sargaś cito rūpād abhinno 'pi vapurmayaḥ

Sanskrit only: no published translation is held for this verse.

सुषुप्तावस्थया चक्रपद्मलेखाश् शिलोदरे । यथा स्थिताश् चितेर् अन्तस् तथेयं जगदावली

suṣuptāvasthayā cakrapadmalekhāś śilodare / yathā sthitāś citer antas tatheyaṃ jagadāvalī

Sanskrit only: no published translation is held for this verse.

शिलान्तः पद्मलेखाली मरिचान्तश् चमत्कृतिः । नोदेति नास्तम् आयाति यथा सर्गस् तथा चितौ

śilāntaḥ padmalekhālī maricāntaś camatkṛtiḥ / nodeti nāstam āyāti yathā sargas tathā citau

Sanskrit only: no published translation is held for this verse.

यथापरन्ध्रो ऽनन्यो ऽन्तर्मज्जा बिल्वे निरन्तरः । तथा लभ्यविकाराढ्या चितौ ब्रह्माण्डमण्डली

yathāparandhro 'nanyo 'ntarmajjā bilve nirantaraḥ / tathā labhyavikārāḍhyā citau brahmāṇḍamaṇḍalī

Sanskrit only: no published translation is held for this verse.

विकारादि तद् एवेति बुद्धैवोक्तिर् अनर्थिका । तत्तां समुपयात्य् आशु जलबिन्दुर् इवाम्भसि

vikārādi tad eveti buddhaivoktir anarthikā / tattāṃ samupayāty āśu jalabindur ivāmbhasi

Sanskrit only: no published translation is held for this verse.

अनन्तत्वाच् चितेर् एतद् विकारादि चितेर् इति । उक्त्या सम्पद्यते तच् च तल्लयेन विलीयते

anantatvāc citer etad vikārādi citer iti / uktyā sampadyate tac ca tallayena vilīyate

Sanskrit only: no published translation is held for this verse.

ब्रह्मैवेदं विकारादि विकाराद्यर्थवर्जितम् । वर्जनावर्जने ऽर्थस्य ब्रह्मैवानन्ततावशात्

brahmaivedaṃ vikārādi vikārādyarthavarjitam / varjanāvarjane 'rthasya brahmaivānantatāvaśāt

Sanskrit only: no published translation is held for this verse.

ब्रह्मस्थिति विकारादि ब्रह्मैवोत्पादितं क्रमात् । अत्रान्यार्थविदं विद्धि मृगतृष्णाम्भसा समाम्

brahmasthiti vikārādi brahmaivotpāditaṃ kramāt / atrānyārthavidaṃ viddhi mṛgatṛṣṇāmbhasā samām

Sanskrit only: no published translation is held for this verse.

बीजं पुष्पफलान्तस्स्थं बीजान्तं नान्यतात्मकम् । तादृशी बीजसत्ता सा भवित्री या तथोत्तरम्

bījaṃ puṣpaphalāntassthaṃ bījāntaṃ nānyatātmakam / tādṛśī bījasattā sā bhavitrī yā tathottaram

Sanskrit only: no published translation is held for this verse.

चिद्घने चिद्घनत्वं यत् स एव त्रिजगत्क्रमः । एकत्वम् अनयोर् द्वित्वम् एकाभावे द्वयोः क्षतिः

cidghane cidghanatvaṃ yat sa eva trijagatkramaḥ / ekatvam anayor dvitvam ekābhāve dvayoḥ kṣatiḥ

Sanskrit only: no published translation is held for this verse.

जगद् अन्यग्भवोत्पत्ति न कदाचिद् अनीदृशम् । चिद् अचिन् न कदाचिन् न द्वयम् एतन् मिथो द्वयम्

jagad anyagbhavotpatti na kadācid anīdṛśam / cid acin na kadācin na dvayam etan mitho dvayam

Sanskrit only: no published translation is held for this verse.

महाशिलान्तरे ऽभेद्ये लेखात्मास्ति यथा बहु । तदन्यानन्यमज्जादि चिद्घने त्रिजगद्गतिः

mahāśilāntare 'bhedye lekhātmāsti yathā bahu / tadanyānanyamajjādi cidghane trijagadgatiḥ

Sanskrit only: no published translation is held for this verse.

यथा शिलान्तर् लेखादि भिद्यते न शिलाङ्गतः । तत्सारत्वात् तथा मन्तृकर्तृत्वादि जगच् चितेः

yathā śilāntar lekhādi bhidyate na śilāṅgataḥ / tatsāratvāt tathā mantṛkartṛtvādi jagac citeḥ

Sanskrit only: no published translation is held for this verse.

यथा शिलान्तर् अब्जानां स्पन्दास्पन्दभवाभवाः । विषयत्वं न गच्छन्ति कर्तारो जगतस् तथा

yathā śilāntar abjānāṃ spandāspandabhavābhavāḥ / viṣayatvaṃ na gacchanti kartāro jagatas tathā

Sanskrit only: no published translation is held for this verse.

नेदं कदाचित् क्रियते न कदाचन नश्यति । अद्रिवन् न्यग्भवोल्लासविलासावेदनात्मकम्

nedaṃ kadācit kriyate na kadācana naśyati / adrivan nyagbhavollāsavilāsāvedanātmakam

Sanskrit only: no published translation is held for this verse.

यथा यत्र यदाकारं तथा तत्र तद् एव हि । ब्रह्म सर्वात्मकं सर्वं सुषुप्तस्थम् अवस्थितम्

yathā yatra yadākāraṃ tathā tatra tad eva hi / brahma sarvātmakaṃ sarvaṃ suṣuptastham avasthitam

Sanskrit only: no published translation is held for this verse.

भूरिभावविकाराढ्यो यो ऽयं जगदुरुभ्रमः । सुषुप्तम् एव तद् विद्धि शिलान्तः पङ्कजादिवत्

bhūribhāvavikārāḍhyo yo 'yaṃ jagadurubhramaḥ / suṣuptam eva tad viddhi śilāntaḥ paṅkajādivat

Sanskrit only: no published translation is held for this verse.

नित्यं सुषुप्तपदम् एव जगद्विलासस् सोम्य प्रशान्तसमचिद्घनखात्मकत्वात् । पद्माश् शिलात इव सर्गदशास् स्वसाराद् दृष्ट्या न भेदम् उपयान्ति कयाचिद् एव

nityaṃ suṣuptapadam eva jagadvilāsas somya praśāntasamacidghanakhātmakatvāt / padmāś śilāta iva sargadaśās svasārād dṛṣṭyā na bhedam upayānti kayācid eva

Sanskrit only: no published translation is held for this verse.