Moksopaya with Bhaskarakantha's Tika 6.57

य एनं वेत्ति हन्तारं यश् चैनं मन्यते हतम् । उभौ तौ न विजानीतो नायं हन्ति न हन्यते

ya enaṃ vetti hantāraṃ yaś cainaṃ manyate hatam / ubhau tau na vijānīto nāyaṃ hanti na hanyate

Sanskrit only: no published translation is held for this verse.

अनन्तस्यैकरूपस्य सतस् सूक्ष्मस्य खाद् अपि । आत्मनः परमेशस्य किं कथं केन हन्यते

anantasyaikarūpasya satas sūkṣmasya khād api / ātmanaḥ parameśasya kiṃ kathaṃ kena hanyate

Sanskrit only: no published translation is held for this verse.

नार्जुनस् त्वं न हन्ता त्वम् अभिमानम् अलं त्यज । जरामरणनिर्मुक्तस् स्वयम् आत्मासि शाश्वतः

nārjunas tvaṃ na hantā tvam abhimānam alaṃ tyaja / jarāmaraṇanirmuktas svayam ātmāsi śāśvataḥ

Sanskrit only: no published translation is held for this verse.

यस्य नाहङ्कृतो भावो यस्य बुद्धिर् न लिप्यते । हत्वापि स इमांल् लोकान् न हन्ति न निबध्यते

yasya nāhaṅkṛto bhāvo yasya buddhir na lipyate / hatvāpi sa imāṃl lokān na hanti na nibadhyate

Sanskrit only: no published translation is held for this verse.

यैव सञ्जायते संविद् अन्तस् सैवानुभूयते । अयं सो ऽहम् इदं तन् मे इत्य् अतस् संविदं त्यज

yaiva sañjāyate saṃvid antas saivānubhūyate / ayaṃ so 'ham idaṃ tan me ity atas saṃvidaṃ tyaja

Sanskrit only: no published translation is held for this verse.

अनयैव च युक्तो ऽस्मि नष्टो ऽस्मीति च भारत । अभितस् सुखदुःखाभ्याम् अवशः परिकृष्यसे

anayaiva ca yukto 'smi naṣṭo 'smīti ca bhārata / abhitas sukhaduḥkhābhyām avaśaḥ parikṛṣyase

Sanskrit only: no published translation is held for this verse.

स्वात्मांशैः क्रियमाणानि गुणैः कर्माणि भागशः । अहङ्कारविमूढात्मा कर्ताहम् इति मन्यते

svātmāṃśaiḥ kriyamāṇāni guṇaiḥ karmāṇi bhāgaśaḥ / ahaṅkāravimūḍhātmā kartāham iti manyate

Sanskrit only: no published translation is held for this verse.

चक्षुः पश्यतु कर्णश् च शृणोतु त्वक् स्पृशत्व् इयम् । रसना च रसं यातु को ऽत्रैको ऽहम् इति स्थितः

cakṣuḥ paśyatu karṇaś ca śṛṇotu tvak spṛśatv iyam / rasanā ca rasaṃ yātu ko 'traiko 'ham iti sthitaḥ

Sanskrit only: no published translation is held for this verse.

कलनाकर्मनिरते मनस्य् अपि महामते । न कश्चिद् अत्राहम् इति क्लेशभागी क एव ते

kalanākarmanirate manasy api mahāmate / na kaścid atrāham iti kleśabhāgī ka eva te

Sanskrit only: no published translation is held for this verse.

बहुभिस् समवायेन यत् कृतं तत्र भारत । एको ऽभिमानदुःखेन हासायैव हि गृह्यते

bahubhis samavāyena yat kṛtaṃ tatra bhārata / eko 'bhimānaduḥkhena hāsāyaiva hi gṛhyate

Sanskrit only: no published translation is held for this verse.

कायेन मनसा बुद्ध्या केवलैर् इन्द्रियैर् अपि । योगिनः कर्म कुर्वन्ति सङ्गं त्यक्त्वात्मसिद्धये

kāyena manasā buddhyā kevalair indriyair api / yoginaḥ karma kurvanti saṅgaṃ tyaktvātmasiddhaye

Sanskrit only: no published translation is held for this verse.

अहन्त्वविषचूर्णेन येषां कायो न भावितः । कुर्वन्तो ऽपि हरन्तो ऽपि त एते निर्विषूचिकाः

ahantvaviṣacūrṇena yeṣāṃ kāyo na bhāvitaḥ / kurvanto 'pi haranto 'pi ta ete nirviṣūcikāḥ

Sanskrit only: no published translation is held for this verse.

न क्वचिद् राजते कायो ममत्वामेध्यदूषितः । प्राज्ञो ऽप्य् अतिबहुज्ञो ऽपि दुश्शील इव मानवः

na kvacid rājate kāyo mamatvāmedhyadūṣitaḥ / prājño 'py atibahujño 'pi duśśīla iva mānavaḥ

Sanskrit only: no published translation is held for this verse.

निर्ममो निरहङ्कारस् समदुःखसुखः क्षमी । यस् स कार्यम् अकार्यं वा कुर्वन्न् अपि न लिप्यते

nirmamo nirahaṅkāras samaduḥkhasukhaḥ kṣamī / yas sa kāryam akāryaṃ vā kurvann api na lipyate

Sanskrit only: no published translation is held for this verse.

इदं च ते पाण्डुसुत स्वकर्म क्षात्रम् उत्तमम् । अतिक्रूरम् अपि श्रेयस् सुखायैवोदयाय च

idaṃ ca te pāṇḍusuta svakarma kṣātram uttamam / atikrūram api śreyas sukhāyaivodayāya ca

Sanskrit only: no published translation is held for this verse.

अपि कुत्सितम् अप्य् अन्त्यम् अप्य् अधर्ममयं कृशम् । श्रेयसे स्वं यथा कर्म न तथेहामृतासवः

api kutsitam apy antyam apy adharmamayaṃ kṛśam / śreyase svaṃ yathā karma na tathehāmṛtāsavaḥ

Sanskrit only: no published translation is held for this verse.

मूर्खस्यापि स्वकर्मैव श्रेयसे किम् उ सन्मतेः । मतिर् गलदहङ्कारा पतितापि न लिप्यते

mūrkhasyāpi svakarmaiva śreyase kim u sanmateḥ / matir galadahaṅkārā patitāpi na lipyate

Sanskrit only: no published translation is held for this verse.

योगस्थः कुरु कर्माणि सङ्गं त्यक्त्वा धनञ्जय । निस्सङ्गस् त्वं यथाप्राप्तकर्मासि चेन् न बध्यसे

yogasthaḥ kuru karmāṇi saṅgaṃ tyaktvā dhanañjaya / nissaṅgas tvaṃ yathāprāptakarmāsi cen na badhyase

Sanskrit only: no published translation is held for this verse.

शान्तब्रह्मवपुर् भूत्वा कर्म ब्रह्ममयं कुरु । ब्रह्मार्पितसमाचारो ब्रह्मैव भवसि क्षणात्

śāntabrahmavapur bhūtvā karma brahmamayaṃ kuru / brahmārpitasamācāro brahmaiva bhavasi kṣaṇāt

Sanskrit only: no published translation is held for this verse.

ईश्वरार्पितसर्वार्थ ईश्वरात्मा निरामयः । ईश्वरस् सर्वभूतात्मा भव भूषितभूतलः

īśvarārpitasarvārtha īśvarātmā nirāmayaḥ / īśvaras sarvabhūtātmā bhava bhūṣitabhūtalaḥ

Sanskrit only: no published translation is held for this verse.

सन्न्यस्तसर्वसङ्कल्पस् समश् शान्तमना मुनिः । सन्न्यासयोगयुक्तात्मा कुर्वन् मुक्तमतिर् भव

sannyastasarvasaṅkalpas samaś śāntamanā muniḥ / sannyāsayogayuktātmā kurvan muktamatir bhava

Sanskrit only: no published translation is held for this verse.

सङ्गत्यागस्य भगवंस् तथा ब्रह्मार्पणस्य च । ईश्वरार्पणरूपस्य सन्न्यासस्य च सर्वग

saṅgatyāgasya bhagavaṃs tathā brahmārpaṇasya ca / īśvarārpaṇarūpasya sannyāsasya ca sarvaga

Sanskrit only: no published translation is held for this verse.

तथा ज्ञानस्य योगस्य विभागः कीदृशः प्रभो । क्रमेण कथयैतन् मे महामोहनिवृत्तिदम्

tathā jñānasya yogasya vibhāgaḥ kīdṛśaḥ prabho / krameṇa kathayaitan me mahāmohanivṛttidam

Sanskrit only: no published translation is held for this verse.

सर्वसङ्कल्पसंशान्ताव् एकान्तघनवेदनम् । नकिञ्चिद्भावनाकारं यत् तद् ब्रह्म परं विदुः

sarvasaṅkalpasaṃśāntāv ekāntaghanavedanam / nakiñcidbhāvanākāraṃ yat tad brahma paraṃ viduḥ

Sanskrit only: no published translation is held for this verse.

तदुद्योगं विदुर् ज्ञानं योगं च कृतबुद्धयः । ब्रह्म सर्वं जगद् अहं चेति ब्रह्मार्पणं विदुः

tadudyogaṃ vidur jñānaṃ yogaṃ ca kṛtabuddhayaḥ / brahma sarvaṃ jagad ahaṃ ceti brahmārpaṇaṃ viduḥ

Sanskrit only: no published translation is held for this verse.

अन्तश्शून्यं बहिश्शून्यं पाषाणहृदयोपमम् । शान्तम् आकाशकोशाच्छं न शून्यं न दृषत् परम्

antaśśūnyaṃ bahiśśūnyaṃ pāṣāṇahṛdayopamam / śāntam ākāśakośācchaṃ na śūnyaṃ na dṛṣat param

Sanskrit only: no published translation is held for this verse.

तत ईषद् यद् उत्थानम् ईषद् अन्यतयोदये । स जगत्प्रतिभासो ऽयम् आकाश इव शून्यता

tata īṣad yad utthānam īṣad anyatayodaye / sa jagatpratibhāso 'yam ākāśa iva śūnyatā

Sanskrit only: no published translation is held for this verse.

भागो ऽहम् इति को ऽप्य् एष प्रत्येकम् उदितश् चितेः । कोटिकोट्यंशकलितः क इवैनं प्रति ग्रहः

bhāgo 'ham iti ko 'py eṣa pratyekam uditaś citeḥ / koṭikoṭyaṃśakalitaḥ ka ivainaṃ prati grahaḥ

Sanskrit only: no published translation is held for this verse.

विकल्पभेदे स्फुरिते संवित्सारमयात्मनि । वैचित्र्येणाविचित्रे ऽपि किम् एकत्रापि वो ग्रहः

vikalpabhede sphurite saṃvitsāramayātmani / vaicitryeṇāvicitre 'pi kim ekatrāpi vo grahaḥ

Sanskrit only: no published translation is held for this verse.

अपृथग्भूत एवैष पृथग्भूत इव स्थितः । पृथग् अब्धिर् अपर्यन्तो नाहम् इत्य् अवगच्छति

apṛthagbhūta evaiṣa pṛthagbhūta iva sthitaḥ / pṛthag abdhir aparyanto nāham ity avagacchati

Sanskrit only: no published translation is held for this verse.

यथेहाहं तथेहासि घटादीहास्ति मर्कटः । खम् इहैवं तथाम्ब्वादि किम् अहन्तां प्रति ग्रहः

yathehāhaṃ tathehāsi ghaṭādīhāsti markaṭaḥ / kham ihaivaṃ tathāmbvādi kim ahantāṃ prati grahaḥ

Sanskrit only: no published translation is held for this verse.

इति ज्ञानाद् विभागस्य यो द्वैतस्य परिक्षयः । त्यागस् सङ्कल्पजालानाम् असंसङ्गस् स कथ्यते

iti jñānād vibhāgasya yo dvaitasya parikṣayaḥ / tyāgas saṅkalpajālānām asaṃsaṅgas sa kathyate

Sanskrit only: no published translation is held for this verse.

समस्तकल्पनाजालस्येश्वरैकत्वभावनम् । गलितद्वैतनिर्भासम् एतद् एवेश्वरार्पणम्

samastakalpanājālasyeśvaraikatvabhāvanam / galitadvaitanirbhāsam etad eveśvarārpaṇam

Sanskrit only: no published translation is held for this verse.

अभेदवशतो भेदो नाम्नैवैषां चिदात्मनि । बोधात्माखिलशब्दार्थं जगद् एकं न संशयः

abhedavaśato bhedo nāmnaivaiṣāṃ cidātmani / bodhātmākhilaśabdārthaṃ jagad ekaṃ na saṃśayaḥ

Sanskrit only: no published translation is held for this verse.

अहम् आशा जगद् अहं खम् अहं कर्म चाप्य् अहम् । कालो ऽहम् अहम् अद्वैतं द्वैतं चाहम् अहं जगत्

aham āśā jagad ahaṃ kham ahaṃ karma cāpy aham / kālo 'ham aham advaitaṃ dvaitaṃ cāham ahaṃ jagat

Sanskrit only: no published translation is held for this verse.

मन्मना भव मद्भक्तो मद्याजी मां नमस्कुरु । माम् एवैष्यसि मत्वैवम् आत्मानं मत्परायणः

manmanā bhava madbhakto madyājī māṃ namaskuru / mām evaiṣyasi matvaivam ātmānaṃ matparāyaṇaḥ

Sanskrit only: no published translation is held for this verse.

द्वे रूपे तव देवेश परं चापरम् एव च । कीदृशं तत् कदा रूपं तिष्ठाम्य् आश्रित्य सिद्धये

dve rūpe tava deveśa paraṃ cāparam eva ca / kīdṛśaṃ tat kadā rūpaṃ tiṣṭhāmy āśritya siddhaye

Sanskrit only: no published translation is held for this verse.

सामान्यं परमं चैव द्वे रूपे विद्धि मे ऽनघ । पाण्यादियुक्तं सामान्यं शङ्खचक्रगदाधरम्

sāmānyaṃ paramaṃ caiva dve rūpe viddhi me 'nagha / pāṇyādiyuktaṃ sāmānyaṃ śaṅkhacakragadādharam

Sanskrit only: no published translation is held for this verse.

परं रूपम् अनाद्यन्तं यन् ममैकम् अनामयम् । ब्रह्मात्मपरमात्मादिशब्दैर् एतद् उदीर्यते

paraṃ rūpam anādyantaṃ yan mamaikam anāmayam / brahmātmaparamātmādiśabdair etad udīryate

Sanskrit only: no published translation is held for this verse.

यावद् अप्रतिबुद्धस् त्वम् अनात्मज्ञतया स्थितः । तावच् चतुर्भुजाकारदेवपूजापरो भव

yāvad apratibuddhas tvam anātmajñatayā sthitaḥ / tāvac caturbhujākāradevapūjāparo bhava

Sanskrit only: no published translation is held for this verse.

तत्क्रमात् सम्प्रबुद्धस् त्वं ततो ज्ञास्यसि तत् परम् । मम रूपम् अनाद्यन्तं येन भूयो न जायसे

tatkramāt samprabuddhas tvaṃ tato jñāsyasi tat param / mama rūpam anādyantaṃ yena bhūyo na jāyase

Sanskrit only: no published translation is held for this verse.

यदि वा वेद्यविज्ञातो भवांस् तद् अरिमर्दन । तं ममात्मानम् आत्मानम् आत्मनश् चाशु संश्रय

yadi vā vedyavijñāto bhavāṃs tad arimardana / taṃ mamātmānam ātmānam ātmanaś cāśu saṃśraya

Sanskrit only: no published translation is held for this verse.

इदं चाहम् इदं चाहम् इति यत् प्रवदाम्य् अहम् । तद् एतद् आत्मतत्त्वं तन् मुहुर् व्यपदिशाम्य् अलम्

idaṃ cāham idaṃ cāham iti yat pravadāmy aham / tad etad ātmatattvaṃ tan muhur vyapadiśāmy alam

Sanskrit only: no published translation is held for this verse.

मन्ये साधो प्रबुद्धो ऽसि पदे विश्रान्तवान् असि । सङ्कल्पैर् अवमुक्तो ऽसि सत्यैकात्ममयो भव

manye sādho prabuddho 'si pade viśrāntavān asi / saṅkalpair avamukto 'si satyaikātmamayo bhava

Sanskrit only: no published translation is held for this verse.

सर्वभूतस्थम् आत्मानं सर्वभूतानि चात्मनि । पश्य त्वं योगयुक्तात्मा सर्वत्र समदर्शनः

sarvabhūtastham ātmānaṃ sarvabhūtāni cātmani / paśya tvaṃ yogayuktātmā sarvatra samadarśanaḥ

Sanskrit only: no published translation is held for this verse.

सर्वभूतस्थम् आत्मानं यो भजत्य् ऐक्यम् आस्थितः । सर्वथा वर्तमानो ऽपि न स भूयो ऽभिजायते

sarvabhūtastham ātmānaṃ yo bhajaty aikyam āsthitaḥ / sarvathā vartamāno 'pi na sa bhūyo 'bhijāyate

Sanskrit only: no published translation is held for this verse.

एकत्वं सर्वशब्दार्थ एकशब्दार्थ आत्मता । आत्मापि च न सन् नासद् गतो यस्याशु तत् स सत्

ekatvaṃ sarvaśabdārtha ekaśabdārtha ātmatā / ātmāpi ca na san nāsad gato yasyāśu tat sa sat

Sanskrit only: no published translation is held for this verse.

त्रैलोक्यचेतसाम् अन्तर् आलोको यः प्रकाशजः । अनुभूतिम् उपारूढस् सो ऽयम् आत्मेति निश्चयः

trailokyacetasām antar āloko yaḥ prakāśajaḥ / anubhūtim upārūḍhas so 'yam ātmeti niścayaḥ

Sanskrit only: no published translation is held for this verse.

त्रैलोक्यपयसाम् अन्तर् यो रसानुभवस् स्थितः । गव्यानाम् अब्धिजानां च सो ऽयम् आत्मास्मि भारत

trailokyapayasām antar yo rasānubhavas sthitaḥ / gavyānām abdhijānāṃ ca so 'yam ātmāsmi bhārata

Sanskrit only: no published translation is held for this verse.

अन्तस् सर्वशरीराणां यस् सूक्ष्मो ऽनुभवस् स च । मुक्तो ऽनुभवनीयेन सो ऽयम् आत्मास्मि सर्वगः

antas sarvaśarīrāṇāṃ yas sūkṣmo 'nubhavas sa ca / mukto 'nubhavanīyena so 'yam ātmāsmi sarvagaḥ

Sanskrit only: no published translation is held for this verse.

समग्रपयसाम् अन्तर् यथा घृतम् अवस्थितम् । तथा सर्वपदार्थानां देहानां च स्थितः परः

samagrapayasām antar yathā ghṛtam avasthitam / tathā sarvapadārthānāṃ dehānāṃ ca sthitaḥ paraḥ

Sanskrit only: no published translation is held for this verse.

सर्वाम्भोनिधिरत्नानां सबाह्याभ्यन्तरे यथा । तेजस् तथास्मि देहानाम् असंस्थित इव स्थितः

sarvāmbhonidhiratnānāṃ sabāhyābhyantare yathā / tejas tathāsmi dehānām asaṃsthita iva sthitaḥ

Sanskrit only: no published translation is held for this verse.

यथा कुम्भसहस्राणां सबाह्याभ्यन्तरे नभः । जगत्त्रयशरीराणां तथात्माहम् अवस्थितः

yathā kumbhasahasrāṇāṃ sabāhyābhyantare nabhaḥ / jagattrayaśarīrāṇāṃ tathātmāham avasthitaḥ

Sanskrit only: no published translation is held for this verse.

मुक्ताफलशतौघानां तन्तुः प्रोतवपुर् यथा । तथाहं देहलक्षाणां स्थित आत्मास्म्य् अलक्षितः

muktāphalaśataughānāṃ tantuḥ protavapur yathā / tathāhaṃ dehalakṣāṇāṃ sthita ātmāsmy alakṣitaḥ

Sanskrit only: no published translation is held for this verse.

ब्रह्मादौ तृणपर्यन्ते पदार्थनिकुरुम्बके । सत्तासामान्यम् एतद् यत् तम् आत्मानम् अजं विदुः

brahmādau tṛṇaparyante padārthanikurumbake / sattāsāmānyam etad yat tam ātmānam ajaṃ viduḥ

Sanskrit only: no published translation is held for this verse.

तद् ईषत्स्फुरिताकारं ब्रह्म ब्रह्मैव तिष्ठति । अहन्तादि जगत्तादि क्रमेण भ्रमकारिणा

tad īṣatsphuritākāraṃ brahma brahmaiva tiṣṭhati / ahantādi jagattādi krameṇa bhramakāriṇā

Sanskrit only: no published translation is held for this verse.

आत्मैवेदं जगद्रूपं हन्यते हन्ति चात्र किम् । शुभाशुभैर् जगद्दुःखैः किम् अस्यार्जुन लिप्यते

ātmaivedaṃ jagadrūpaṃ hanyate hanti cātra kim / śubhāśubhair jagadduḥkhaiḥ kim asyārjuna lipyate

Sanskrit only: no published translation is held for this verse.

प्रतिबिम्बेष्व् इवादर्शं समं साक्षिवद् आस्थितम् । नश्यत्सु न विनश्यन्तं यः पश्यति स पश्यति

pratibimbeṣv ivādarśaṃ samaṃ sākṣivad āsthitam / naśyatsu na vinaśyantaṃ yaḥ paśyati sa paśyati

Sanskrit only: no published translation is held for this verse.

इदं चाहम् इदं चाहम् इतीदं कथ्यते मया । एवम् आत्मासि सर्वात्मा माम् एवं विद्धि पाण्डव

idaṃ cāham idaṃ cāham itīdaṃ kathyate mayā / evam ātmāsi sarvātmā mām evaṃ viddhi pāṇḍava

Sanskrit only: no published translation is held for this verse.

इमास् सर्वाः प्रवर्तन्ते सर्गप्रलयविक्रियाः । आत्मतन्तोश् चितो ऽन्तस्स्थाः पयस्स्पन्दा इवाम्बुधौ

imās sarvāḥ pravartante sargapralayavikriyāḥ / ātmatantoś cito 'ntassthāḥ payasspandā ivāmbudhau

Sanskrit only: no published translation is held for this verse.

यथोपलत्वं शैलानां दारुत्वं च महीरुहाम् । तरङ्गाणां जलत्वं च पदार्थानां तथात्मता

yathopalatvaṃ śailānāṃ dārutvaṃ ca mahīruhām / taraṅgāṇāṃ jalatvaṃ ca padārthānāṃ tathātmatā

Sanskrit only: no published translation is held for this verse.

सर्वभूतस्थम् आत्मानं सर्वभूतानि चात्मनि । यः पश्यति तथात्मानम् अकर्तारं स पश्यति

sarvabhūtastham ātmānaṃ sarvabhūtāni cātmani / yaḥ paśyati tathātmānam akartāraṃ sa paśyati

Sanskrit only: no published translation is held for this verse.

नानाकारविकारेषु तरङ्गेषु यथा पयः । कटकादिषु वा हेम भूतेष्व् आत्मा तथार्जुन

nānākāravikāreṣu taraṅgeṣu yathā payaḥ / kaṭakādiṣu vā hema bhūteṣv ātmā tathārjuna

Sanskrit only: no published translation is held for this verse.

नानातरङ्गवृन्दानि यथा लोलानि वारिणि । कटकादीनि वा हेम्नि तथा भूतानि चात्मनि

nānātaraṅgavṛndāni yathā lolāni vāriṇi / kaṭakādīni vā hemni tathā bhūtāni cātmani

Sanskrit only: no published translation is held for this verse.

पदार्थजातं भूतादि बृहद् ब्रह्म च भारत । एकम् एवाखिलं विद्धि पृथक्स्थं न मनाग् अपि

padārthajātaṃ bhūtādi bṛhad brahma ca bhārata / ekam evākhilaṃ viddhi pṛthaksthaṃ na manāg api

Sanskrit only: no published translation is held for this verse.

किं तद्भावविकाराणां गम्यम् अस्ति जगत्त्रये । क्व ते वापि जगत् किं वा किं मुधा परिमुह्यसि

kiṃ tadbhāvavikārāṇāṃ gamyam asti jagattraye / kva te vāpi jagat kiṃ vā kiṃ mudhā parimuhyasi

Sanskrit only: no published translation is held for this verse.

इति श्रुत्वावगम्यान्तर् भावयित्वा सुनिश्चितम् । जीवन्मुक्ताश् चरन्तीह सन्तस् समरसाशयाः

iti śrutvāvagamyāntar bhāvayitvā suniścitam / jīvanmuktāś carantīha santas samarasāśayāḥ

Sanskrit only: no published translation is held for this verse.

निर्मानमोहा जीतसङ्गदोषा अध्यात्मविद्या विनिवृत्तकामाः । द्वन्द्वैर् विमुक्तास् सुखदुःखसञ्ज्ञैर् गच्छन्त्य् अमूढाः पदम् अव्ययं तत्

nirmānamohā jītasaṅgadoṣā adhyātmavidyā vinivṛttakāmāḥ / dvandvair vimuktās sukhaduḥkhasañjñair gacchanty amūḍhāḥ padam avyayaṃ tat

Sanskrit only: no published translation is held for this verse.