Moksopaya with Bhaskarakantha's Tika 6.61

इदं विद्धि महाश्चर्यम् अर्जुनेह हि यत् किल । पूर्वं सञ्जायते चित्रं पश्चाद् भित्तिर् उदेति हि

idaṃ viddhi mahāścaryam arjuneha hi yat kila / pūrvaṃ sañjāyate citraṃ paścād bhittir udeti hi

Sanskrit only: no published translation is held for this verse.

अभित्ताव् उत्थिते चित्रे दृश्यते भित्तिर् आतता । अहो नु चित्रा मायेयं मग्नं तुम्बु शिला प्लुता

abhittāv utthite citre dṛśyate bhittir ātatā / aho nu citrā māyeyaṃ magnaṃ tumbu śilā plutā

Sanskrit only: no published translation is held for this verse.

चित्तस्थचित्रसदृशे व्योमात्मनि जगत्त्रये । व्योमात्मनस् ते किम् इयम् अहन्ता व्योमतोदिता

cittasthacitrasadṛśe vyomātmani jagattraye / vyomātmanas te kim iyam ahantā vyomatoditā

Sanskrit only: no published translation is held for this verse.

सर्गव्योम कृतं व्योम्ना व्योम्नि व्योम विलीयते । भुज्यते व्योमनि व्योम व्योम व्योमनि चाततम्

sargavyoma kṛtaṃ vyomnā vyomni vyoma vilīyate / bhujyate vyomani vyoma vyoma vyomani cātatam

Sanskrit only: no published translation is held for this verse.

वेष्टितं वासनारज्ज्वा दीर्घसंसृतिदाम यत् । वासनोद्वेष्टनेनैव तद् इहोद्वेष्ट्यते ऽर्जुन

veṣṭitaṃ vāsanārajjvā dīrghasaṃsṛtidāma yat / vāsanodveṣṭanenaiva tad ihodveṣṭyate 'rjuna

Sanskrit only: no published translation is held for this verse.

प्रतिबिम्बं यथादर्शे तथेदं ब्रह्मणि स्वयम् । अगम्यं छेदभेदादेर् आधारानन्यतावशात्

pratibimbaṃ yathādarśe tathedaṃ brahmaṇi svayam / agamyaṃ chedabhedāder ādhārānanyatāvaśāt

Sanskrit only: no published translation is held for this verse.

अनन्यच् छेदभेदादि ब्रह्मणि ब्रह्म चाम्बरम् । किं कथं कस्य केनैतच् छिद्यते वा क्व भिद्यते

ananyac chedabhedādi brahmaṇi brahma cāmbaram / kiṃ kathaṃ kasya kenaitac chidyate vā kva bhidyate

Sanskrit only: no published translation is held for this verse.

ब्रह्मता ब्रह्मतापूरे जले जलम् इव स्फुरत् । स्थिता समसमा व्योम निर्मला शान्तम् आत्मनि

brahmatā brahmatāpūre jale jalam iva sphurat / sthitā samasamā vyoma nirmalā śāntam ātmani

Sanskrit only: no published translation is held for this verse.

वास्यवासकभावो ऽतो मनाग् अपि न भिद्यते । तेनेहावासनीभावो बोधात् सम्पन्न एव ते

vāsyavāsakabhāvo 'to manāg api na bhidyate / tenehāvāsanībhāvo bodhāt sampanna eva te

Sanskrit only: no published translation is held for this verse.

यो न निर्वासनो नूनं सर्वधर्मपरो ऽपि सः । सर्वज्ञो ऽप्य् अतिबद्धात्मा तपस्व्य् अपि स रागवान्

yo na nirvāsano nūnaṃ sarvadharmaparo 'pi saḥ / sarvajño 'py atibaddhātmā tapasvy api sa rāgavān

Sanskrit only: no published translation is held for this verse.

यस्यास्ति वासनाबीजम् अत्यल्पं चितिभूमिगम् । बृहत् सञ्जायते तस्य पुनस् संसृतिकाननम्

yasyāsti vāsanābījam atyalpaṃ citibhūmigam / bṛhat sañjāyate tasya punas saṃsṛtikānanam

Sanskrit only: no published translation is held for this verse.

अभ्यासाद् धृदि रूढेन सत्यसम्बोधवह्निना । निर्दग्धं वासनाबीजं न भूयः परिरोहति

abhyāsād dhṛdi rūḍhena satyasambodhavahninā / nirdagdhaṃ vāsanābījaṃ na bhūyaḥ parirohati

Sanskrit only: no published translation is held for this verse.

दग्धं तु वासनाबीजं न निमज्जति वस्तुषु । सुखदुःखादिषु स्वच्छं तुम्बीपत्त्रम् इवाम्भसि

dagdhaṃ tu vāsanābījaṃ na nimajjati vastuṣu / sukhaduḥkhādiṣu svacchaṃ tumbīpattram ivāmbhasi

Sanskrit only: no published translation is held for this verse.

शान्तात्मा विगतभवामयो ऽसि जातो निर्वाणो दलितमहामनोविमोहः । सम्यग्ज्ञश् श्रुतम् अवगम्य पावनं तत् तिष्ठात्मव्यवहृतिर् एकशान्तरूपः

śāntātmā vigatabhavāmayo 'si jāto nirvāṇo dalitamahāmanovimohaḥ / samyagjñaś śrutam avagamya pāvanaṃ tat tiṣṭhātmavyavahṛtir ekaśāntarūpaḥ

Sanskrit only: no published translation is held for this verse.