Moksopaya with Bhaskarakantha's Tika 6.62

नष्टो मोहस् स्मृतिर् लब्धा त्वत्प्रसादान् मयाच्युत । स्थितो ऽस्मि गतसन्देहः करिष्ये वचनं तव

naṣṭo mohas smṛtir labdhā tvatprasādān mayācyuta / sthito 'smi gatasandehaḥ kariṣye vacanaṃ tava

Sanskrit only: no published translation is held for this verse.

वृत्तयो यदि बोधेन संशान्ता हृदये स्फुटम् । तच् चित्तं शान्तम् एवाशु विद्धि सत्त्वम् उपागतम्

vṛttayo yadi bodhena saṃśāntā hṛdaye sphuṭam / tac cittaṃ śāntam evāśu viddhi sattvam upāgatam

Sanskrit only: no published translation is held for this verse.

अत्र तच् चेत्यरहितं प्रत्यक्चेतननामकम् । वस्तु शिष्टं विनिर्मुक्तं यत् सर्वं सर्वतश् च यत्

atra tac cetyarahitaṃ pratyakcetananāmakam / vastu śiṣṭaṃ vinirmuktaṃ yat sarvaṃ sarvataś ca yat

Sanskrit only: no published translation is held for this verse.

न केचन प्रबाधन्ते तत् पदं जगदाधयः । भूतलाद् गगनोड्डीनं विहङ्गमम् इवोतवः

na kecana prabādhante tat padaṃ jagadādhayaḥ / bhūtalād gaganoḍḍīnaṃ vihaṅgamam ivotavaḥ

Sanskrit only: no published translation is held for this verse.

प्रत्यक्चेतनम् आभासं शुद्धं सङ्कल्पवर्जितम् । अगम्यम् एनम् आत्मानं विद्धि दुष्टदृशाम् इह

pratyakcetanam ābhāsaṃ śuddhaṃ saṅkalpavarjitam / agamyam enam ātmānaṃ viddhi duṣṭadṛśām iha

Sanskrit only: no published translation is held for this verse.

सर्वातीतपदस्थस्य चिता शुद्धस्य वासना । न शक्नोति पदं द्रष्टुं जनदृष्टिर् अहेर् इव

sarvātītapadasthasya citā śuddhasya vāsanā / na śaknoti padaṃ draṣṭuṃ janadṛṣṭir aher iva

Sanskrit only: no published translation is held for this verse.

यत्प्राप्तौ सर्व एवेमे क्षीणा घटपटादयः । वराकी वासना तत्र किं करोति परे पदे

yatprāptau sarva eveme kṣīṇā ghaṭapaṭādayaḥ / varākī vāsanā tatra kiṃ karoti pare pade

Sanskrit only: no published translation is held for this verse.

यथानलगिरिं प्राप्य हिमलेशो विलीयते । शुद्धम् आसाद्य चित्तत्त्वम् अविद्या लीयते तथा

yathānalagiriṃ prāpya himaleśo vilīyate / śuddham āsādya cittattvam avidyā līyate tathā

Sanskrit only: no published translation is held for this verse.

क्व वराकी रजस्तुच्छा वासना भोगबन्धनी । क्वापूरितजगज्जालश् चित्तत्त्वविपुलानिलः

kva varākī rajastucchā vāsanā bhogabandhanī / kvāpūritajagajjālaś cittattvavipulānilaḥ

Sanskrit only: no published translation is held for this verse.

तावत् स्फुरत्य् अविद्येयं नानाकारविकारिणी । यावन् न सम्परिज्ञातश् शुद्धस् स्वात्मायम् आत्मना

tāvat sphuraty avidyeyaṃ nānākāravikāriṇī / yāvan na samparijñātaś śuddhas svātmāyam ātmanā

Sanskrit only: no published translation is held for this verse.

सर्वा दृश्यदृशः क्षीणाश् शुद्धतैवोदितातता । नभसीव पदे तस्मिन् स्वात्मन्य् अखिलपूरणे

sarvā dṛśyadṛśaḥ kṣīṇāś śuddhataivoditātatā / nabhasīva pade tasmin svātmany akhilapūraṇe

Sanskrit only: no published translation is held for this verse.

समग्राकाररूपं तत् समग्राकारवर्जितम् । वागतीतं परं वस्तु केन नामोपमीयते

samagrākārarūpaṃ tat samagrākāravarjitam / vāgatītaṃ paraṃ vastu kena nāmopamīyate

Sanskrit only: no published translation is held for this verse.

विषयविषविषूचिकाम् अतस् त्वं निपुणम् अहंस्थितिवासनाम् अपास्य । अभिमतपरिहारयत्नयुक्त्या भव विरुजो भुवनैकनाथमूर्तिः

viṣayaviṣaviṣūcikām atas tvaṃ nipuṇam ahaṃsthitivāsanām apāsya / abhimataparihārayatnayuktyā bhava virujo bhuvanaikanāthamūrtiḥ

Sanskrit only: no published translation is held for this verse.

इति गदितवति त्रिलोकनाथे क्षणम् इव मौनम् अवस्थिते पुरस्तात् । अथ मधुप इवासिताब्जषण्डे वचनम् उपैष्यति तत्र पाण्डुपुत्रः

iti gaditavati trilokanāthe kṣaṇam iva maunam avasthite purastāt / atha madhupa ivāsitābjaṣaṇḍe vacanam upaiṣyati tatra pāṇḍuputraḥ

Sanskrit only: no published translation is held for this verse.

परिगलितसमस्तशोकभावा परम् उदयं भगवन् मतिर् गतेयम् । मम तव वचनेन लोकभर्तुर् दिनपतिना परिबोधिताब्जिनीव

parigalitasamastaśokabhāvā param udayaṃ bhagavan matir gateyam / mama tava vacanena lokabhartur dinapatinā paribodhitābjinīva

Sanskrit only: no published translation is held for this verse.

इत्य् उक्त्वोत्थाय गाण्डीवधन्वा स हरिसारथिः । अर्जुनो गतसन्देहो रणलीलां करिष्यति

ity uktvotthāya gāṇḍīvadhanvā sa harisārathiḥ / arjuno gatasandeho raṇalīlāṃ kariṣyati

Sanskrit only: no published translation is held for this verse.

करिष्यति क्षतगजवाजिसारथिद्रुतद्रवद्रुधिरमहानदीं भुवम् । शरोत्करप्रसरमयाभ्रमण्डलीतिरोहितद्युमणिविलोचनां दिवम्

kariṣyati kṣatagajavājisārathidrutadravadrudhiramahānadīṃ bhuvam / śarotkaraprasaramayābhramaṇḍalītirohitadyumaṇivilocanāṃ divam

Sanskrit only: no published translation is held for this verse.