Moksopaya with Bhaskarakantha's Tika 6.68

जीवटब्राह्मणादीनां हंसान्तानां मुनीश्वर । भिक्षुस्वप्नशरीराणां सम्पन्नं किम् अतः परम्

jīvaṭabrāhmaṇādīnāṃ haṃsāntānāṃ munīśvara / bhikṣusvapnaśarīrāṇāṃ sampannaṃ kim ataḥ param

Sanskrit only: no published translation is held for this verse.

रुद्रेण सह सम्भूय प्रबुद्धास् सर्व एव ते । मिथश् च दृष्टसंसारा रुद्रांशास् सुखिनस् स्थिताः

rudreṇa saha sambhūya prabuddhās sarva eva te / mithaś ca dṛṣṭasaṃsārā rudrāṃśās sukhinas sthitāḥ

Sanskrit only: no published translation is held for this verse.

तेन रुद्रेण तां मायाम् अवलोक्य तथोदिताम् । स्वांशास् ताम् एव संसारस्थितिं ते प्रेषिताः पुनः

tena rudreṇa tāṃ māyām avalokya tathoditām / svāṃśās tām eva saṃsārasthitiṃ te preṣitāḥ punaḥ

Sanskrit only: no published translation is held for this verse.

गच्छताशु निजं स्थानं तत्र भुक्त्वा कलत्रकैः । कञ्चित् कालं समं भोगान् मत्सकाशम् उपैष्यथ

gacchatāśu nijaṃ sthānaṃ tatra bhuktvā kalatrakaiḥ / kañcit kālaṃ samaṃ bhogān matsakāśam upaiṣyatha

Sanskrit only: no published translation is held for this verse.

भविष्यथ मदंशा मे गणा मत्पुरभूषणाः । ततो महाप्रलयतो यास्यामस् तत् पदं सह

bhaviṣyatha madaṃśā me gaṇā matpurabhūṣaṇāḥ / tato mahāpralayato yāsyāmas tat padaṃ saha

Sanskrit only: no published translation is held for this verse.

इत्य् उक्त्वा भगवान् रुद्रस् तेषां सो ऽन्तरधीयत । अन्यसंसारसंस्थानां रुद्राणां मध्यम् आययौ

ity uktvā bhagavān rudras teṣāṃ so 'ntaradhīyata / anyasaṃsārasaṃsthānāṃ rudrāṇāṃ madhyam āyayau

Sanskrit only: no published translation is held for this verse.

प्रययुस् स्वास्पदं ते ऽपि जीवटब्राह्मणादयः । स्वकलत्रैस् समं देहं क्षपयित्वाथ कालतः

prayayus svāspadaṃ te 'pi jīvaṭabrāhmaṇādayaḥ / svakalatrais samaṃ dehaṃ kṣapayitvātha kālataḥ

Sanskrit only: no published translation is held for this verse.

रुद्रलोकं समासाद्य भविष्यन्ति गणोत्तमाः । कदाचिद् व्योम्नि दृश्यन्ते तारकाकारधारिणः

rudralokaṃ samāsādya bhaviṣyanti gaṇottamāḥ / kadācid vyomni dṛśyante tārakākāradhāriṇaḥ

Sanskrit only: no published translation is held for this verse.

भिक्षुसङ्कल्परूपास् ते जीवटब्राह्मणादयः । कथं सत्यत्वम् आयातास् सङ्कल्पार्थेष्व् असत्यता

bhikṣusaṅkalparūpās te jīvaṭabrāhmaṇādayaḥ / kathaṃ satyatvam āyātās saṅkalpārtheṣv asatyatā

Sanskrit only: no published translation is held for this verse.

सङ्कल्पसत्यतास्तीशे सङ्कल्पासत्यतास्त्य् अजे । यत्र यन् नास्ति तन् नास्ति यतस् सर्वात्म तत् पदम्

saṅkalpasatyatāstīśe saṅkalpāsatyatāsty aje / yatra yan nāsti tan nāsti yatas sarvātma tat padam

Sanskrit only: no published translation is held for this verse.

यत् स्वप्ने दृश्यते यच् च सङ्कल्पैर् अवलोक्यते । तत् तथा विद्यते तत्र सर्वकालं तदात्मकम्

yat svapne dṛśyate yac ca saṅkalpair avalokyate / tat tathā vidyate tatra sarvakālaṃ tadātmakam

Sanskrit only: no published translation is held for this verse.

तद्देशकालात्मिकया तयैवावस्थयाप्यते । तद्देशकालात्मिकया गत्या देशान्तरं यथा

taddeśakālātmikayā tayaivāvasthayāpyate / taddeśakālātmikayā gatyā deśāntaraṃ yathā

Sanskrit only: no published translation is held for this verse.

देशाद् देशान्तरं यद्वद् यत्नगत्यादिकं विना । न लभ्यते तथा स्वप्नो विना तत्तां न लभ्यते

deśād deśāntaraṃ yadvad yatnagatyādikaṃ vinā / na labhyate tathā svapno vinā tattāṃ na labhyate

Sanskrit only: no published translation is held for this verse.

सर्वम् अस्ति चितः कोशे यद् यथालोकयत्य् असौ । चित् तत् तथा तदाप्नोति सर्वात्मत्वाद् अविक्षतम्

sarvam asti citaḥ kośe yad yathālokayaty asau / cit tat tathā tadāpnoti sarvātmatvād avikṣatam

Sanskrit only: no published translation is held for this verse.

सङ्कल्पस्वप्नवस्त्व् अङ्ग यया च दशयाप्यते । परमाभ्यासयोगाभ्यां विना सेह न लभ्यते

saṅkalpasvapnavastv aṅga yayā ca daśayāpyate / paramābhyāsayogābhyāṃ vinā seha na labhyate

Sanskrit only: no published translation is held for this verse.

येषां तु योगविज्ञानदृष्टयः फलितास् स्थिताः । सर्वं सर्वत्र पश्यन्ति त एते शङ्करादयः

yeṣāṃ tu yogavijñānadṛṣṭayaḥ phalitās sthitāḥ / sarvaṃ sarvatra paśyanti ta ete śaṅkarādayaḥ

Sanskrit only: no published translation is held for this verse.

इदम् अग्रगतं वस्तु तथासङ्कल्पितं च यः । प्रार्थयत्य् उभयभ्रंशं स प्राप्नोत्य् उभयाश्रयात्

idam agragataṃ vastu tathāsaṅkalpitaṃ ca yaḥ / prārthayaty ubhayabhraṃśaṃ sa prāpnoty ubhayāśrayāt

Sanskrit only: no published translation is held for this verse.

सर्वं ह्य् अभिमतं कार्यम् एकनिष्ठस्य सिध्यति । दक्षिणां ककुभं गच्छन् कः प्राप्नोत्य् उत्तरां दिशम्

sarvaṃ hy abhimataṃ kāryam ekaniṣṭhasya sidhyati / dakṣiṇāṃ kakubhaṃ gacchan kaḥ prāpnoty uttarāṃ diśam

Sanskrit only: no published translation is held for this verse.

सङ्कल्पार्थपरैर् एव सङ्कल्पार्थो ऽवगम्यते । अग्रस्थार्थपरैर् अग्रसंस्थितो ऽर्थो ऽवगम्यते

saṅkalpārthaparair eva saṅkalpārtho 'vagamyate / agrasthārthaparair agrasaṃsthito 'rtho 'vagamyate

Sanskrit only: no published translation is held for this verse.

अग्रस्थबुद्धिसंस्थे ऽस्मिन् कल्पितं प्राप्तुम् इच्छति । यस् स ना नैकनिष्ठत्वात् तदा तन् नाशयेद् द्वयम्

agrasthabuddhisaṃsthe 'smin kalpitaṃ prāptum icchati / yas sa nā naikaniṣṭhatvāt tadā tan nāśayed dvayam

Sanskrit only: no published translation is held for this verse.

तस्माद् एकार्थनिष्ठत्वाद् भिक्षुजीवेन रुद्रताम् । प्राप्य सर्वात्मनो लब्धं पदात् सर्वं तथास्थितेः

tasmād ekārthaniṣṭhatvād bhikṣujīvena rudratām / prāpya sarvātmano labdhaṃ padāt sarvaṃ tathāsthiteḥ

Sanskrit only: no published translation is held for this verse.

भिक्षुसङ्कल्पजीवानां प्रत्येकं तज् जगत् पृथक् । पश्यन्ति ते च नान्योऽन्यं रुद्रज्ञानाद् ऋते ततः

bhikṣusaṅkalpajīvānāṃ pratyekaṃ taj jagat pṛthak / paśyanti te ca nānyo'nyaṃ rudrajñānād ṛte tataḥ

Sanskrit only: no published translation is held for this verse.

अप्रबुद्धाः प्रजायन्ते जीवा जीवात् प्रबोधिनः । तदिच्छयाशु विदुष इव मूर्खास् सुता इव

aprabuddhāḥ prajāyante jīvā jīvāt prabodhinaḥ / tadicchayāśu viduṣa iva mūrkhās sutā iva

Sanskrit only: no published translation is held for this verse.

इह विद्याधरो ऽहं स्याम् इह स्याम् अहम् एडिका । इत्य् एकध्यानसाफल्यदृष्टान्तो ऽस्यां क्रियास्थितौ

iha vidyādharo 'haṃ syām iha syām aham eḍikā / ity ekadhyānasāphalyadṛṣṭānto 'syāṃ kriyāsthitau

Sanskrit only: no published translation is held for this verse.

एकत्वं च शतत्वं च मौर्ख्यं पाण्डित्यम् एव च । देवत्वं मानुषत्वं च देशकालक्रियाक्रमैः

ekatvaṃ ca śatatvaṃ ca maurkhyaṃ pāṇḍityam eva ca / devatvaṃ mānuṣatvaṃ ca deśakālakriyākramaiḥ

Sanskrit only: no published translation is held for this verse.

तुल्यकालम् अलङ्कर्तुं धारणाध्यानयत्नतः । सर्वशक्त्यजरूपत्वाज् जीवस्यास्त्य् एव शक्तता

tulyakālam alaṅkartuṃ dhāraṇādhyānayatnataḥ / sarvaśaktyajarūpatvāj jīvasyāsty eva śaktatā

Sanskrit only: no published translation is held for this verse.

अनन्तश् चान्तयुक्तश् च स्वभावो ऽस्य स्वभावतः । सविकासस् ससङ्कोचो हंसस्येव चिदात्मनः

anantaś cāntayuktaś ca svabhāvo 'sya svabhāvataḥ / savikāsas sasaṅkoco haṃsasyeva cidātmanaḥ

Sanskrit only: no published translation is held for this verse.

यद् इच्छति तद् अस्त्य् अङ्ग ननु सम्पद्यते स्वयम् । स्वयंसङ्कल्पितैर् एभिर् देशकालक्रियाक्रमैः

yad icchati tad asty aṅga nanu sampadyate svayam / svayaṃsaṅkalpitair ebhir deśakālakriyākramaiḥ

Sanskrit only: no published translation is held for this verse.

योगिन्यो योगिनश् चेह तिष्ठन्त्य् अन्यत्र यान्ति च । इह चामुत्र चेहन्ते दृष्टम् एतद् अनेकशः

yoginyo yoginaś ceha tiṣṭhanty anyatra yānti ca / iha cāmutra cehante dṛṣṭam etad anekaśaḥ

Sanskrit only: no published translation is held for this verse.

कार्तवीर्यो गृहे तिष्ठन् ववर्षाम्बुधरो भवन् । विष्णुः क्षीरोदधौ तिष्ठञ् जायते पुरुषो भुवि

kārtavīryo gṛhe tiṣṭhan vavarṣāmbudharo bhavan / viṣṇuḥ kṣīrodadhau tiṣṭhañ jāyate puruṣo bhuvi

Sanskrit only: no published translation is held for this verse.

पश्वर्थं यान्ति तिष्ठन्त्यो योगिन्यो योगिनीगणे । शक्रस् स्वर्गासने तिष्ठन् याति यज्ञार्थम् उर्वराम्

paśvarthaṃ yānti tiṣṭhantyo yoginyo yoginīgaṇe / śakras svargāsane tiṣṭhan yāti yajñārtham urvarām

Sanskrit only: no published translation is held for this verse.

सहस्रम् एकं भवति तथास्मिञ् जगदात्मनि । नृणां शतानि भक्तानां यान्ति सायुज्यतां तनौ

sahasram ekaṃ bhavati tathāsmiñ jagadātmani / nṛṇāṃ śatāni bhaktānāṃ yānti sāyujyatāṃ tanau

Sanskrit only: no published translation is held for this verse.

एकस् सहस्रं भवति तथा चैष जनार्दनः । एकः कान्तासहस्राणि तुल्यकालं निषेवते

ekas sahasraṃ bhavati tathā caiṣa janārdanaḥ / ekaḥ kāntāsahasrāṇi tulyakālaṃ niṣevate

Sanskrit only: no published translation is held for this verse.

एवं ते भिक्षुसङ्कल्पजीवटब्राह्मणादयः । रुद्रविज्ञानवशतस् स्वसङ्कल्पपुरीर् गताः

evaṃ te bhikṣusaṅkalpajīvaṭabrāhmaṇādayaḥ / rudravijñānavaśatas svasaṅkalpapurīr gatāḥ

Sanskrit only: no published translation is held for this verse.

तत्र भुक्त्वा चिरं भोगान् प्राप्य रुद्रपुरं ततः । गणताम् आप्नुवन्तस् ते स्थास्यन्ति सपरिच्छदाः

tatra bhuktvā ciraṃ bhogān prāpya rudrapuraṃ tataḥ / gaṇatām āpnuvantas te sthāsyanti saparicchadāḥ

Sanskrit only: no published translation is held for this verse.

नित्यप्रफुल्तनवकल्पलतालयेषु रुद्रेण सार्धम् उरुरत्नगुलुच्छकेषु । नानाजगत्सु च तदा पुरपत्तनेषु विद्याधरीष्व् अमलमौलिधरा रमन्ते

nityapraphultanavakalpalatālayeṣu rudreṇa sārdham ururatnagulucchakeṣu / nānājagatsu ca tadā purapattaneṣu vidyādharīṣv amalamaulidharā ramante

Sanskrit only: no published translation is held for this verse.