Moksopaya with Bhaskarakantha's Tika 6.69

एष दृष्टो यथानेन भिक्षुणा चेतनाभ्रमः । भूतं प्रत्येकम् एवैवं पृथङ् मृत्वा तु पश्यति

eṣa dṛṣṭo yathānena bhikṣuṇā cetanābhramaḥ / bhūtaṃ pratyekam evaivaṃ pṛthaṅ mṛtvā tu paśyati

Sanskrit only: no published translation is held for this verse.

सर्वस्य नाम जीवस्य मृतिजन्ममयी स्थितिः । भवत्य् एव चिदाकाशरूपिणो ऽप्य् आकृतिं गता

sarvasya nāma jīvasya mṛtijanmamayī sthitiḥ / bhavaty eva cidākāśarūpiṇo 'py ākṛtiṃ gatā

Sanskrit only: no published translation is held for this verse.

पृथक् प्रत्येकम् अभ्येति खात्मा संसारषण्डकः । पृथग् आमोदसार्थस्य यथा कुसुमषण्डकः

pṛthak pratyekam abhyeti khātmā saṃsāraṣaṇḍakaḥ / pṛthag āmodasārthasya yathā kusumaṣaṇḍakaḥ

Sanskrit only: no published translation is held for this verse.

सर्व एव मृतो जन्तुः पृथक् स्वप्रतिभात्मकम् । पश्यत्य् एवं खरूपो ऽपि देही चामोक्षम् आकुलः

sarva eva mṛto jantuḥ pṛthak svapratibhātmakam / paśyaty evaṃ kharūpo 'pi dehī cāmokṣam ākulaḥ

Sanskrit only: no published translation is held for this verse.

जीव एष मया तुभ्यं कथितः कथयानया । परात् प्रस्पन्दितात्मेति न भिक्षू राम केवलः

jīva eṣa mayā tubhyaṃ kathitaḥ kathayānayā / parāt praspanditātmeti na bhikṣū rāma kevalaḥ

Sanskrit only: no published translation is held for this verse.

मोहान् मोहान्तरं याति जीवो जरढजीवितः । पर्वताग्रपरिभ्रष्टो ह्य् अधो ऽध उपलो यथा

mohān mohāntaraṃ yāti jīvo jaraḍhajīvitaḥ / parvatāgraparibhraṣṭo hy adho 'dha upalo yathā

Sanskrit only: no published translation is held for this verse.

परमात्मपदभ्रष्टो जीवस् स्वप्नम् इमं दृढम् । पश्यत्य् अस्माद् अपि स्वप्नाद् याति स्वप्नान्तरं पुनः

paramātmapadabhraṣṭo jīvas svapnam imaṃ dṛḍham / paśyaty asmād api svapnād yāti svapnāntaraṃ punaḥ

Sanskrit only: no published translation is held for this verse.

स्वप्नात् स्वप्ने ऽपि निपतन् मृषैवेदं शिलादृढम् । परिपश्यति देहो ऽन्तर् मायया जर्जरीकृतः

svapnāt svapne 'pi nipatan mṛṣaivedaṃ śilādṛḍham / paripaśyati deho 'ntar māyayā jarjarīkṛtaḥ

Sanskrit only: no published translation is held for this verse.

क्वचित् केनचिद् एवैष कदाचिद् वा न वा स्वयम् । देहेन मोहनिद्रातो मुच्यते सम्प्रबुध्यते

kvacit kenacid evaiṣa kadācid vā na vā svayam / dehena mohanidrāto mucyate samprabudhyate

Sanskrit only: no published translation is held for this verse.

अहो नु विषमो मोहो जीवस्यास्योपजायते । पदाच् च्युतस्य स्तोकेन नानाकारविकारदः

aho nu viṣamo moho jīvasyāsyopajāyate / padāc cyutasya stokena nānākāravikāradaḥ

Sanskrit only: no published translation is held for this verse.

मिथ्याज्ञानोग्रयामिन्या मायया निपुणाद् इदम् । अहो नु खलु वैषम्यं भीमं निजपदच्युतेः

mithyājñānograyāminyā māyayā nipuṇād idam / aho nu khalu vaiṣamyaṃ bhīmaṃ nijapadacyuteḥ

Sanskrit only: no published translation is held for this verse.

भगवन् सर्वदा सर्वं सर्वथैव जगत्स्थितौ । त्वया सम्भवतीत्य् उक्तं मया तच् चानुभूयते

bhagavan sarvadā sarvaṃ sarvathaiva jagatsthitau / tvayā sambhavatīty uktaṃ mayā tac cānubhūyate

Sanskrit only: no published translation is held for this verse.

एवंगुणविशिष्टात्मा सुमहात्मन् स भिक्षुकः । क्वचिद् अस्ति न वेत्य् अन्तर् आलोक्य कथयाशु मे

evaṃguṇaviśiṣṭātmā sumahātman sa bhikṣukaḥ / kvacid asti na vety antar ālokya kathayāśu me

Sanskrit only: no published translation is held for this verse.

अत्र रात्रौ समाधिस्थस् त्रिलोकीमठिकाम् इमाम् । भिक्षुर् एषो ऽस्ति नास्तीति प्रेक्ष्य प्रातर् वदाम्य् अहम्

atra rātrau samādhisthas trilokīmaṭhikām imām / bhikṣur eṣo 'sti nāstīti prekṣya prātar vadāmy aham

Sanskrit only: no published translation is held for this verse.

मुनाव् एवं कथयति बहिर् मध्याह्नदिण्डिमः । उदभूत् प्रलयक्षुब्धघनगर्जितमांसलः

munāv evaṃ kathayati bahir madhyāhnadiṇḍimaḥ / udabhūt pralayakṣubdhaghanagarjitamāṃsalaḥ

Sanskrit only: no published translation is held for this verse.

तत्यजुः पादयोस् तस्य पुष्पाञ्जलिपरम्पराः । नृपाः पौरा विटपिनः पुष्पं वातयुता इव

tatyajuḥ pādayos tasya puṣpāñjaliparamparāḥ / nṛpāḥ paurā viṭapinaḥ puṣpaṃ vātayutā iva

Sanskrit only: no published translation is held for this verse.

पूजयित्वा मुनिश्रेष्ठान् उदतिष्ठत् स विष्टरात् । मुनिना सह भूपाल उदयाद्रेर् इवांशुमान्

pūjayitvā muniśreṣṭhān udatiṣṭhat sa viṣṭarāt / muninā saha bhūpāla udayādrer ivāṃśumān

Sanskrit only: no published translation is held for this verse.

सभा तदनु सोत्तस्थौ सप्रणामपरस्परम् । क्रमेण ह्यस्तनेनैव जग्मुः खेचरभूचराः

sabhā tadanu sottasthau sapraṇāmaparasparam / krameṇa hyastanenaiva jagmuḥ khecarabhūcarāḥ

Sanskrit only: no published translation is held for this verse.

स्वास्पदेषु यथाशास्त्रम् अहर्व्यापारम् आदृताः । सर्वे सम्पादयाम् आसुर् निजधर्मक्रमोचितम्

svāspadeṣu yathāśāstram aharvyāpāram ādṛtāḥ / sarve sampādayām āsur nijadharmakramocitam

Sanskrit only: no published translation is held for this verse.

चिन्तयन्तो मुनिप्रोक्तं महीचरनभश्चराः । ज्ञानं क्षपां क्षणम् इव निन्युः कल्पम् इवापि च

cintayanto muniproktaṃ mahīcaranabhaścarāḥ / jñānaṃ kṣapāṃ kṣaṇam iva ninyuḥ kalpam ivāpi ca

Sanskrit only: no published translation is held for this verse.

प्रातः पुनः प्रसृतकार्यपरम्परे ऽस्मिञ् जाते जने खचरभूचरसिद्धसङ्घः । आस्थानलोकरचनेन तथैव तस्थाव् अन्योऽन्यसंवदनपूजितपूज्यलोकः

prātaḥ punaḥ prasṛtakāryaparampare 'smiñ jāte jane khacarabhūcarasiddhasaṅghaḥ / āsthānalokaracanena tathaiva tasthāv anyo'nyasaṃvadanapūjitapūjyalokaḥ

Sanskrit only: no published translation is held for this verse.