Moksopaya with Bhaskarakantha's Tika 6.70

वसिष्ठमुनिसंयुक्ता विश्वामित्रादिसंयुता । स्थितखेचरसिद्धौघा विश्रान्तनृपनायका

vasiṣṭhamunisaṃyuktā viśvāmitrādisaṃyutā / sthitakhecarasiddhaughā viśrāntanṛpanāyakā

Sanskrit only: no published translation is held for this verse.

सरामलक्ष्मणा सैव तथैवाथ सभा बभौ । सोम्या समसमाभोगा शान्तवात्येव पद्मिनी

sarāmalakṣmaṇā saiva tathaivātha sabhā babhau / somyā samasamābhogā śāntavātyeva padminī

Sanskrit only: no published translation is held for this verse.

अनपेक्ष्यैव च प्रश्नम् उवाचाथ मुनीश्वरः । बोधयन्ति बलाद् एव सानुकम्पा हि साधवः

anapekṣyaiva ca praśnam uvācātha munīśvaraḥ / bodhayanti balād eva sānukampā hi sādhavaḥ

Sanskrit only: no published translation is held for this verse.

राजन् रघुकुलाकाशशशाङ्क रघुनन्दन । ह्यो मया ध्याननेत्रेण स भिक्षुः प्रेक्षितश् चिरम्

rājan raghukulākāśaśaśāṅka raghunandana / hyo mayā dhyānanetreṇa sa bhikṣuḥ prekṣitaś ciram

Sanskrit only: no published translation is held for this verse.

ध्यानेनाहं चिरं भ्रान्तस् तादृग्भिक्षुदिदृक्षया । द्वीपानि सप्त विपुलांस् तथैव कुलपर्वतान्

dhyānenāhaṃ ciraṃ bhrāntas tādṛgbhikṣudidṛkṣayā / dvīpāni sapta vipulāṃs tathaiva kulaparvatān

Sanskrit only: no published translation is held for this verse.

यावत् कुतश्चिद् अप्य् एव भिक्षुर् लब्धो न तादृशः । कथं किल मनोराज्यं बहिर् अप्य् उपलभ्यते

yāvat kutaścid apy eva bhikṣur labdho na tādṛśaḥ / kathaṃ kila manorājyaṃ bahir apy upalabhyate

Sanskrit only: no published translation is held for this verse.

ततस् त्रिभागशेषायां रात्रौ पुनर् अहं धिया । उत्तराशान्तरं यातो वेलावात इवार्णवम्

tatas tribhāgaśeṣāyāṃ rātrau punar ahaṃ dhiyā / uttarāśāntaraṃ yāto velāvāta ivārṇavam

Sanskrit only: no published translation is held for this verse.

चीननामाथ तत्रास्ति श्रीमाञ् जनपदो महान् । वल्मीकोपरि तत्रास्ति विहारो जिनसंश्रयः

cīnanāmātha tatrāsti śrīmāñ janapado mahān / valmīkopari tatrāsti vihāro jinasaṃśrayaḥ

Sanskrit only: no published translation is held for this verse.

तस्मिन् विहारे स्वकुटीकोशे कपिलमूर्धजः । भिक्षुर् दीर्घशया नाम स्थित एवंपरोदयः

tasmin vihāre svakuṭīkośe kapilamūrdhajaḥ / bhikṣur dīrghaśayā nāma sthita evaṃparodayaḥ

Sanskrit only: no published translation is held for this verse.

एकविंशतिरात्रं च तस्यैवंस्थितिशालिनः । दृढार्गडं गृहं ध्यानभङ्गभीता विशन्ति नो

ekaviṃśatirātraṃ ca tasyaivaṃsthitiśālinaḥ / dṛḍhārgaḍaṃ gṛhaṃ dhyānabhaṅgabhītā viśanti no

Sanskrit only: no published translation is held for this verse.

भृत्याः प्रायः किल तथा स तिष्ठति सुभिक्षुकः । अद्यैवं तस्य सम्पन्नं नियतेर् ईदृशी स्थितिः

bhṛtyāḥ prāyaḥ kila tathā sa tiṣṭhati subhikṣukaḥ / adyaivaṃ tasya sampannaṃ niyater īdṛśī sthitiḥ

Sanskrit only: no published translation is held for this verse.

रात्रयो ध्याननिष्ठस्य गतास् तस्यैकविंशतिः । स तु वर्षसहस्राणि तथा चित्ते ऽनुभूतवान्

rātrayo dhyānaniṣṭhasya gatās tasyaikaviṃśatiḥ / sa tu varṣasahasrāṇi tathā citte 'nubhūtavān

Sanskrit only: no published translation is held for this verse.

कस्मिंश्चित् प्राक्तने कल्पे भिक्षुर् एवं पुराभवत् । अद्य त्व् इह द्वितीयो ऽस्ति तृतीयो नोपलभ्यते

kasmiṃścit prāktane kalpe bhikṣur evaṃ purābhavat / adya tv iha dvitīyo 'sti tṛtīyo nopalabhyate

Sanskrit only: no published translation is held for this verse.

मया तु पुनर् अन्विष्टश् चेतसा चतुरात्मना । तादृग् भिक्षुस् तृतीयो ऽन्यो जगत्पद्मोदरालिना

mayā tu punar anviṣṭaś cetasā caturātmanā / tādṛg bhikṣus tṛtīyo 'nyo jagatpadmodarālinā

Sanskrit only: no published translation is held for this verse.

अस्मात् सर्गात् तु नो लब्धस् तृतीयस् तादृगाशयः । अथान्ये लीलया सर्गा मया सम्प्रेक्षितास् ततः

asmāt sargāt tu no labdhas tṛtīyas tādṛgāśayaḥ / athānye līlayā sargā mayā samprekṣitās tataḥ

Sanskrit only: no published translation is held for this verse.

यावत् कस्मिंश्चिद् आकाशकोशशायिनि सर्गके । तृतीयो विद्यते भिक्षुर् ब्राह्मणश् चेदृशक्रमः

yāvat kasmiṃścid ākāśakośaśāyini sargake / tṛtīyo vidyate bhikṣur brāhmaṇaś cedṛśakramaḥ

Sanskrit only: no published translation is held for this verse.

एवं तेनैव तेनैव सन्निवेशेन भूरिशः । भविष्यन्त्य् अभवन् सन्ति पदार्थास् सर्गसन्ततौ

evaṃ tenaiva tenaiva sanniveśena bhūriśaḥ / bhaviṣyanty abhavan santi padārthās sargasantatau

Sanskrit only: no published translation is held for this verse.

अस्यां सभायाम् अपि ये मुनयो ब्राह्मणा नृपाः । भाव्यम् एवंसमाचारैस् तैर् अन्यैर् अप्य् अनेकशः

asyāṃ sabhāyām api ye munayo brāhmaṇā nṛpāḥ / bhāvyam evaṃsamācārais tair anyair apy anekaśaḥ

Sanskrit only: no published translation is held for this verse.

नारदेनामुना भाव्यं पुनर् अन्येन चानघ । एवम् एवात्रिणा भाव्यं पुनर् अन्येन चाधुना

nāradenāmunā bhāvyaṃ punar anyena cānagha / evam evātriṇā bhāvyaṃ punar anyena cādhunā

Sanskrit only: no published translation is held for this verse.

एवं कलत्रकर्मभ्यां युक्तेनानेन भूरिशः । एवंजन्मादिना भाव्यं व्यासेन च शुकेन च

evaṃ kalatrakarmabhyāṃ yuktenānena bhūriśaḥ / evaṃjanmādinā bhāvyaṃ vyāsena ca śukena ca

Sanskrit only: no published translation is held for this verse.

जनकेन पुनर् भाव्यं क्रतुना पुलहेन च । अगस्त्येन पुलस्त्येन भृगुणाङ्गिरसापि च

janakena punar bhāvyaṃ kratunā pulahena ca / agastyena pulastyena bhṛguṇāṅgirasāpi ca

Sanskrit only: no published translation is held for this verse.

एत एव तथान्ये च एवंरूपक्रियास्पदम् । चिराच् चिराद् भविष्यन्ति मायेयं वितता यतः

eta eva tathānye ca evaṃrūpakriyāspadam / cirāc cirād bhaviṣyanti māyeyaṃ vitatā yataḥ

Sanskrit only: no published translation is held for this verse.

सदृशाचारजन्मानस् त एवान्ये च भूरिशः । भूयो भूयो विवर्तन्ते सर्गेष्व् अप्स्व् इव वीचयः

sadṛśācārajanmānas ta evānye ca bhūriśaḥ / bhūyo bhūyo vivartante sargeṣv apsv iva vīcayaḥ

Sanskrit only: no published translation is held for this verse.

अत्यन्तसदृशाः केचित् केचिद् अर्धसमक्रमाः । केचिद् ईषत्समाः केचिन् न कदाचित् पुनस् तथा

atyantasadṛśāḥ kecit kecid ardhasamakramāḥ / kecid īṣatsamāḥ kecin na kadācit punas tathā

Sanskrit only: no published translation is held for this verse.

एवम् एषातिवितता माया मनसि मोहिनी । क्षणो नेहास्ति नो कल्पः प्रतिपत्तिर् हि जृम्भते

evam eṣātivitatā māyā manasi mohinī / kṣaṇo nehāsti no kalpaḥ pratipattir hi jṛmbhate

Sanskrit only: no published translation is held for this verse.

क्वैकविंशत्यहोरात्रा अनन्ताः क्व कुयोनयः । क्व तासाम् उपलम्भो ऽलम् अहो भीमा मनोगतिः

kvaikaviṃśatyahorātrā anantāḥ kva kuyonayaḥ / kva tāsām upalambho 'lam aho bhīmā manogatiḥ

Sanskrit only: no published translation is held for this verse.

प्रतिभामात्रम् एवेदम् इत्थं विकसितं सितम् । नानाकलहकल्लोलचलं प्रातर् इवाम्बुजम्

pratibhāmātram evedam itthaṃ vikasitaṃ sitam / nānākalahakallolacalaṃ prātar ivāmbujam

Sanskrit only: no published translation is held for this verse.

जातं संवेदनाद् एव शुद्धाद् इदम् अशुद्धवत् । संसारजालम् अखिलं वह्निर् वह्निकणाद् इव

jātaṃ saṃvedanād eva śuddhād idam aśuddhavat / saṃsārajālam akhilaṃ vahnir vahnikaṇād iva

Sanskrit only: no published translation is held for this verse.

प्रत्येकम् एवम् उदितः प्रतिभासषण्डष् षण्डान्तरेष्व् अपि च तत्र विचित्रषण्डाः । सर्वे स्वयं ननु च ते च मिथो न मिथ्या सर्वात्मनि स्फुरति कारणकारणे ऽस्मिन्

pratyekam evam uditaḥ pratibhāsaṣaṇḍaṣ ṣaṇḍāntareṣv api ca tatra vicitraṣaṇḍāḥ / sarve svayaṃ nanu ca te ca mitho na mithyā sarvātmani sphurati kāraṇakāraṇe 'smin

Sanskrit only: no published translation is held for this verse.