Moksopaya with Bhaskarakantha's Tika 6.76

कालसत्ता नभस्सत्ता स्पन्दसत्ता च चिन्मयी । शुद्धचेतनसत्ताथ सर्वम् इत्यादि पावनम्

kālasattā nabhassattā spandasattā ca cinmayī / śuddhacetanasattātha sarvam ityādi pāvanam

Sanskrit only: no published translation is held for this verse.

परमात्ममहावायौ रजस् स्फुरति चञ्चलम् । कुसुमान्तर् इवामोदस् तदतद्रूपकं स्वतः

paramātmamahāvāyau rajas sphurati cañcalam / kusumāntar ivāmodas tadatadrūpakaṃ svataḥ

Sanskrit only: no published translation is held for this verse.

जगदाख्ये महास्वप्ने स्वप्नात् स्वप्नान्तरं व्रजेत् । रूपं त्यजति नो शान्तं ब्रह्म शान्तत्वबृंहितम्

jagadākhye mahāsvapne svapnāt svapnāntaraṃ vrajet / rūpaṃ tyajati no śāntaṃ brahma śāntatvabṛṃhitam

Sanskrit only: no published translation is held for this verse.

सङ्कल्पपरिबृंहेयम् अनन्तस्फुरणा स्वतः । यथा यथाभिबृंहाभिर् बृंहत्य् आबृंहिता तथा

saṅkalpaparibṛṃheyam anantasphuraṇā svataḥ / yathā yathābhibṛṃhābhir bṛṃhaty ābṛṃhitā tathā

Sanskrit only: no published translation is held for this verse.

सङ्कल्पश् च पराद् अस्मान् मनाग् अपि न भिद्यते । चिन्मयत्वात् ततः किञ्चिन् न बृंहास्ति न बृंहणम्

saṅkalpaś ca parād asmān manāg api na bhidyate / cinmayatvāt tataḥ kiñcin na bṛṃhāsti na bṛṃhaṇam

Sanskrit only: no published translation is held for this verse.

रम्भास्तम्भो यथा पत्त्रमात्रम् एवान्तरान्तरा । अन्तर् अन्तस् तथेदं हि विश्वं ब्रह्म विवर्त्य् अथ

rambhāstambho yathā pattramātram evāntarāntarā / antar antas tathedaṃ hi viśvaṃ brahma vivarty atha

Sanskrit only: no published translation is held for this verse.

सब्रह्मात्मादिभिश् शब्दैर् यद् एतैर् अभिधीयते । शून्यम् अव्यपदेश्यं तन् न नकिञ्चिन् न किञ्चन

sabrahmātmādibhiś śabdair yad etair abhidhīyate / śūnyam avyapadeśyaṃ tan na nakiñcin na kiñcana

Sanskrit only: no published translation is held for this verse.

या या विभाव्यते सत्ता सा सानुभवनिर्मिता । रम्भास्तम्भवद् एवातश् चिन्मात्रम् अमलं ततम्

yā yā vibhāvyate sattā sā sānubhavanirmitā / rambhāstambhavad evātaś cinmātram amalaṃ tatam

Sanskrit only: no published translation is held for this verse.

सूक्ष्मत्वाद् अप्य् अलभ्यत्वात् परमात्मा परो ऽणुकः । अनन्तत्वाद् असाव् एव प्रोक्तो मेर्वादिधूलिमान्

sūkṣmatvād apy alabhyatvāt paramātmā paro 'ṇukaḥ / anantatvād asāv eva prokto mervādidhūlimān

Sanskrit only: no published translation is held for this verse.

अणोर् अप्य् अत्यनन्तस्य पुरो ऽस्य जगदाद्य् अपि । परमाणुवद् आभाति प्रमितत्वाद् अरूपवत्

aṇor apy atyanantasya puro 'sya jagadādy api / paramāṇuvad ābhāti pramitatvād arūpavat

Sanskrit only: no published translation is held for this verse.

परो ऽणुर् एषो ऽलभ्यत्वात् पूरकत्वान् महागिरिः । सर्वावयवरूपो ऽपि निरस्तावयवः पुमान्

paro 'ṇur eṣo 'labhyatvāt pūrakatvān mahāgiriḥ / sarvāvayavarūpo 'pi nirastāvayavaḥ pumān

Sanskrit only: no published translation is held for this verse.

अस्य विज्ञप्तिमात्रस्य मज्जामात्रं जगत्त्रयी । विज्ञानमात्रमध्यं हि साधो विद्धि जगत्त्रयम्

asya vijñaptimātrasya majjāmātraṃ jagattrayī / vijñānamātramadhyaṃ hi sādho viddhi jagattrayam

Sanskrit only: no published translation is held for this verse.

विज्ञानमात्रम् अकलाकलितं जगन्ति शान्तं स्वभावसुकुमारम् अनन्तरूपम् । वेतालबालक पदं तद् अलङ्घनीयम् एवंस्मयस् समनुभावय शान्तम् आस्स्व

vijñānamātram akalākalitaṃ jaganti śāntaṃ svabhāvasukumāram anantarūpam / vetālabālaka padaṃ tad alaṅghanīyam evaṃsmayas samanubhāvaya śāntam āssva

Sanskrit only: no published translation is held for this verse.