Moksopaya with Bhaskarakantha's Tika 6.79

अथ तस्य गुरोर् वक्त्राद् इत्य् आकर्ण्य भगीरथः । मनस्य् आहितकर्तव्यस् स्वव्यापारपरो ऽभवत्

atha tasya guror vaktrād ity ākarṇya bhagīrathaḥ / manasy āhitakartavyas svavyāpāraparo 'bhavat

Sanskrit only: no published translation is held for this verse.

ततः कतिपयेष्व् एव वासरेषु गतेष्व् असौ । अग्निष्टोममखं चक्रे सर्वत्यागैकसिद्धये

tataḥ katipayeṣv eva vāsareṣu gateṣv asau / agniṣṭomamakhaṃ cakre sarvatyāgaikasiddhaye

Sanskrit only: no published translation is held for this verse.

गोभूम्यश्वहिरण्यादि ददौ धनम् अशेषतः । द्विजदेवार्तबन्धुभ्यो गुण्यगुण्यविचारवान्

gobhūmyaśvahiraṇyādi dadau dhanam aśeṣataḥ / dvijadevārtabandhubhyo guṇyaguṇyavicāravān

Sanskrit only: no published translation is held for this verse.

दिवसत्रयमात्रेण सर्वम् एवं परित्यजन् । स्ववस्त्रमात्रशेषो ऽसाव् आसीद् राजा भगीरथः

divasatrayamātreṇa sarvam evaṃ parityajan / svavastramātraśeṣo 'sāv āsīd rājā bhagīrathaḥ

Sanskrit only: no published translation is held for this verse.

अथ सर्वार्थरिक्तं तं खिन्नप्रकृतिपौरकम् । सीमान्तिने तृणम् इव राज्यं स्वम् अरये ददौ

atha sarvārthariktaṃ taṃ khinnaprakṛtipaurakam / sīmāntine tṛṇam iva rājyaṃ svam araye dadau

Sanskrit only: no published translation is held for this verse.

आक्रान्ते द्विषता राज्ये पुरे सद्मनि मण्डले । अधोवासोऽवशेषो ऽसौ निर्जगाम स्वमण्डलात्

ākrānte dviṣatā rājye pure sadmani maṇḍale / adhovāso'vaśeṣo 'sau nirjagāma svamaṇḍalāt

Sanskrit only: no published translation is held for this verse.

यत्र न ज्ञायते नाम्ना यत्र न ज्ञायते मुखात् । तत्र ग्रामेष्व् अरण्येषु दूरेषूवास धैर्यवान्

yatra na jñāyate nāmnā yatra na jñāyate mukhāt / tatra grāmeṣv araṇyeṣu dūreṣūvāsa dhairyavān

Sanskrit only: no published translation is held for this verse.

इत्य् अल्पेनैव कालेन प्रशान्तसकलैषणः । परमेण शमेनासौ प्राप विश्रान्तिम् आत्मनि

ity alpenaiva kālena praśāntasakalaiṣaṇaḥ / parameṇa śamenāsau prāpa viśrāntim ātmani

Sanskrit only: no published translation is held for this verse.

भ्रमन् द्वीपानि भूपीठे कदाचित् कालयोगतः । भूपेन शत्रुणा प्राप्तं स्वम् एव प्राप तत् पुरम्

bhraman dvīpāni bhūpīṭhe kadācit kālayogataḥ / bhūpena śatruṇā prāptaṃ svam eva prāpa tat puram

Sanskrit only: no published translation is held for this verse.

तान् एवारींश् च तत्रासौ प्रवाहापतितक्रमम् । पौरांश् च मन्त्रिणश् चैव शमी भिक्षाम् अयाचत

tān evārīṃś ca tatrāsau pravāhāpatitakramam / paurāṃś ca mantriṇaś caiva śamī bhikṣām ayācata

Sanskrit only: no published translation is held for this verse.

विविदुस् ते ऽरयः पौरा मन्त्रिणश् च भगीरथम् । पूजयाम् आसुर् अथ तं सविषादास् सपर्यया

vividus te 'rayaḥ paurā mantriṇaś ca bhagīratham / pūjayām āsur atha taṃ saviṣādās saparyayā

Sanskrit only: no published translation is held for this verse.

प्रभो राज्यं गृहाणेति प्रार्थितो ऽप्य् अरिणा मुनिः । नाददे ऽनादृताशेषस् तृणम् अप्य् अशनाद् ऋते

prabho rājyaṃ gṛhāṇeti prārthito 'py ariṇā muniḥ / nādade 'nādṛtāśeṣas tṛṇam apy aśanād ṛte

Sanskrit only: no published translation is held for this verse.

कतिचिद् दिवसांस् तत्र नीत्वान्यत्र जगाम सः । भगीरथो ऽयं हा कष्टम् इति लोकेन शोचितः

katicid divasāṃs tatra nītvānyatra jagāma saḥ / bhagīratho 'yaṃ hā kaṣṭam iti lokena śocitaḥ

Sanskrit only: no published translation is held for this verse.

अथान्यत्रोपशान्तात्मा परिविश्रान्तधीस् सुखी । आत्मारामः कदाचित् तु स प्राप त्र्युत्तुलं गुरुम्

athānyatropaśāntātmā pariviśrāntadhīs sukhī / ātmārāmaḥ kadācit tu sa prāpa tryuttulaṃ gurum

Sanskrit only: no published translation is held for this verse.

स्वम् एव स्वागतं कृत्वा तेन सार्धं भगीरथः । कञ्चित् कालम् उवासाद्रौ वने ग्रामे पुरे जने

svam eva svāgataṃ kṛtvā tena sārdhaṃ bhagīrathaḥ / kañcit kālam uvāsādrau vane grāme pure jane

Sanskrit only: no published translation is held for this verse.

समताम् उपयातौ तौ गुरुशिष्यौ समौ स्थितौ । कलयाम् आसतुस् स्वस्थौ विनोदं देहधारणम्

samatām upayātau tau guruśiṣyau samau sthitau / kalayām āsatus svasthau vinodaṃ dehadhāraṇam

Sanskrit only: no published translation is held for this verse.

किम् अयं धार्यते देहः किम् अनेनोज्झितेन नः । यथाक्रमं यथाचारं तिष्ठत्व् एष यथास्थितम्

kim ayaṃ dhāryate dehaḥ kim anenojjhitena naḥ / yathākramaṃ yathācāraṃ tiṣṭhatv eṣa yathāsthitam

Sanskrit only: no published translation is held for this verse.

इति निश्चित्य तिष्ठन्तौ तौ वनाद् वनगामिनौ । ननन्दतुर् अनानन्दं न सुखं न च मध्यमम्

iti niścitya tiṣṭhantau tau vanād vanagāminau / nanandatur anānandaṃ na sukhaṃ na ca madhyamam

Sanskrit only: no published translation is held for this verse.

धनानि नारीर् विभवान् ऐश्वर्यं चाष्टधोदितम् । सिद्धैर् अप्य् अर्पितं तुष्टैर् मेनाते जर्जरं तृणम्

dhanāni nārīr vibhavān aiśvaryaṃ cāṣṭadhoditam / siddhair apy arpitaṃ tuṣṭair menāte jarjaraṃ tṛṇam

Sanskrit only: no published translation is held for this verse.

स्वकर्मणैव देहो ऽयं यावदन्तम् अनिच्छया । धारणीय इति स्वेन कर्मणैवाथ तस्थतुः

svakarmaṇaiva deho 'yaṃ yāvadantam anicchayā / dhāraṇīya iti svena karmaṇaivātha tasthatuḥ

Sanskrit only: no published translation is held for this verse.

अभिननन्दतुर् आगतम् उत्तमौ निजसमाचरणक्रमजं मुनी । सुखम् असौख्यम् अपीप्सितवर्जितौ समसमौ खसमौ शमिनौ स्वतः

abhinanandatur āgatam uttamau nijasamācaraṇakramajaṃ munī / sukham asaukhyam apīpsitavarjitau samasamau khasamau śaminau svataḥ

Sanskrit only: no published translation is held for this verse.