Moksopaya with Bhaskarakantha's Tika 6.80

अथैकदा पुरश्रेष्ठे कस्मिंश्चिन् मण्डलान्तरे । अनपत्यं नृपं मृत्युर् अहरत् स्वम् इवामिषम्

athaikadā puraśreṣṭhe kasmiṃścin maṇḍalāntare / anapatyaṃ nṛpaṃ mṛtyur aharat svam ivāmiṣam

Sanskrit only: no published translation is held for this verse.

तत्र प्रकृतयः खिन्ना नष्टदेशक्रमा नृपम् । अन्विष्यन्ति स्म संयुक्तं गुणलक्ष्म्या विशालया

tatra prakṛtayaḥ khinnā naṣṭadeśakramā nṛpam / anviṣyanti sma saṃyuktaṃ guṇalakṣmyā viśālayā

Sanskrit only: no published translation is held for this verse.

ता भगीरथम् आसाद्य स्थितं भिक्षाशनं पुरे । परिज्ञाय समानीय सैन्यं चक्रुर् महीपतिम्

tā bhagīratham āsādya sthitaṃ bhikṣāśanaṃ pure / parijñāya samānīya sainyaṃ cakrur mahīpatim

Sanskrit only: no published translation is held for this verse.

भगीरथः क्षणेनैव प्रावृषीवाम्बुना सरः । धूलितस् सेनया गुर्व्या झगित्य् आरोपितो गजे

bhagīrathaḥ kṣaṇenaiva prāvṛṣīvāmbunā saraḥ / dhūlitas senayā gurvyā jhagity āropito gaje

Sanskrit only: no published translation is held for this verse.

भगीरथो जगन्नाथो जयतीति घनारवैः । नीरन्ध्रताम् उपाजग्मुर् गिरीन्द्राणां महागुहाः

bhagīratho jagannātho jayatīti ghanāravaiḥ / nīrandhratām upājagmur girīndrāṇāṃ mahāguhāḥ

Sanskrit only: no published translation is held for this verse.

तत्र तत् पालयन्तं तं राज्यं राजानम् आदृताः । आजग्मुः प्राक्प्रकृतयः प्राहुर् इत्थं मृताधिपाः

tatra tat pālayantaṃ taṃ rājyaṃ rājānam ādṛtāḥ / ājagmuḥ prākprakṛtayaḥ prāhur itthaṃ mṛtādhipāḥ

Sanskrit only: no published translation is held for this verse.

राजन्न् अस्माकम् अधिपो यस् त्वया स पुरा कृतः । मृत्युना विनिगीर्णो ऽसौ मत्स्येनेवामिषं मृदु

rājann asmākam adhipo yas tvayā sa purā kṛtaḥ / mṛtyunā vinigīrṇo 'sau matsyenevāmiṣaṃ mṛdu

Sanskrit only: no published translation is held for this verse.

तत् तत् पालयितुं राज्यं प्रसादं कर्तुम् अर्हसि । अप्रार्थितोपपन्नानां त्यागो ऽर्थानां तु नोचितः

tat tat pālayituṃ rājyaṃ prasādaṃ kartum arhasi / aprārthitopapannānāṃ tyāgo 'rthānāṃ tu nocitaḥ

Sanskrit only: no published translation is held for this verse.

इति सम्प्रार्थितो राजा तद् अङ्गीकृत्य तद्वचः । सर्वसागरचिह्नायास् स बभूव पतिर् भुवः

iti samprārthito rājā tad aṅgīkṛtya tadvacaḥ / sarvasāgaracihnāyās sa babhūva patir bhuvaḥ

Sanskrit only: no published translation is held for this verse.

समश् शान्तमना मौनी वीतरागो विमत्सरः । कार्यकार्यैककरणरतिर् आहितविस्मयः

samaś śāntamanā maunī vītarāgo vimatsaraḥ / kāryakāryaikakaraṇaratir āhitavismayaḥ

Sanskrit only: no published translation is held for this verse.

पातालतलनष्टानां सागराकारकारिणाम् । पितामहानां गङ्गाम्बु शुश्रावोत्तारणक्षमम्

pātālatalanaṣṭānāṃ sāgarākārakāriṇām / pitāmahānāṃ gaṅgāmbu śuśrāvottāraṇakṣamam

Sanskrit only: no published translation is held for this verse.

तदा किल स्वर्गनदी वहति स्म न भूतले । पितॄणां दुर्लभस् सो ऽभूत् तेन गङ्गाजलाञ्जलिः

tadā kila svarganadī vahati sma na bhūtale / pitṝṇāṃ durlabhas so 'bhūt tena gaṅgājalāñjaliḥ

Sanskrit only: no published translation is held for this verse.

भगीरथेनाथ महीम् अवतारयितुं दिवः । गङ्गां गृहीतो नियमस् तदा प्रभृति भूभृता

bhagīrathenātha mahīm avatārayituṃ divaḥ / gaṅgāṃ gṛhīto niyamas tadā prabhṛti bhūbhṛtā

Sanskrit only: no published translation is held for this verse.

ततो राज्यं परित्यज्य मन्त्रिणां भूपतिश् शमी । तपसे कार्यकार्येहो जगाम गहनं वनम्

tato rājyaṃ parityajya mantriṇāṃ bhūpatiś śamī / tapase kāryakāryeho jagāma gahanaṃ vanam

Sanskrit only: no published translation is held for this verse.

तत्र वर्षसहस्रैस् स समाराध्य पुनः पुनः । ब्रह्माणं शङ्करं जह्नुं भुवि गङ्गाम् अयोजयत्

tatra varṣasahasrais sa samārādhya punaḥ punaḥ / brahmāṇaṃ śaṅkaraṃ jahnuṃ bhuvi gaṅgām ayojayat

Sanskrit only: no published translation is held for this verse.

ततः प्रभृत्य् अमलतरङ्गभङ्गिनी जगत्पतेश् शशिविशदाङ्गसङ्गिनी । नभस्तलान् निपतति गां त्रिमार्गगा महात्मनाम् इव बहुपुण्यसन्ततिः

tataḥ prabhṛty amalataraṅgabhaṅginī jagatpateś śaśiviśadāṅgasaṅginī / nabhastalān nipatati gāṃ trimārgagā mahātmanām iva bahupuṇyasantatiḥ

Sanskrit only: no published translation is held for this verse.

स्फुरत्तरङ्गभङ्गिनी स्वफेनपुञ्जहासिनी प्रसन्नपुण्यमञ्जरी द्रुतेव धर्मसन्ततिः । भगीरथे महीपतौ यशःप्रचारवीथिका तदादि सा त्रिमार्गगा महीतले बभूव ह

sphurattaraṅgabhaṅginī svaphenapuñjahāsinī prasannapuṇyamañjarī druteva dharmasantatiḥ / bhagīrathe mahīpatau yaśaḥpracāravīthikā tadādi sā trimārgagā mahītale babhūva ha

Sanskrit only: no published translation is held for this verse.