Moksopaya with Bhaskarakantha's Tika 6.83

दिनानुदिनम् एषाथ स्वात्मारामतया तया । नित्यम् अन्तर्मुखतया बभूव प्रकृतिस्थितिः

dinānudinam eṣātha svātmārāmatayā tayā / nityam antarmukhatayā babhūva prakṛtisthitiḥ

Sanskrit only: no published translation is held for this verse.

नीरागा नीरुजासङ्गा निर्द्वन्द्वा निस्समीहिता । न जहाति न चादत्ते प्रकृताचारचारिणी

nīrāgā nīrujāsaṅgā nirdvandvā nissamīhitā / na jahāti na cādatte prakṛtācāracāriṇī

Sanskrit only: no published translation is held for this verse.

परितीर्णा भवाम्भोधिं शान्तसन्देहजालिका । परमात्ममहालाभपरिपूर्णतरान्तरा

paritīrṇā bhavāmbhodhiṃ śāntasandehajālikā / paramātmamahālābhaparipūrṇatarāntarā

Sanskrit only: no published translation is held for this verse.

विश्रान्ता सुचिरश्रान्ता घनलब्धपदात्मनि । सर्वोपमातीततया जगामाव्यपदेश्यताम्

viśrāntā suciraśrāntā ghanalabdhapadātmani / sarvopamātītatayā jagāmāvyapadeśyatām

Sanskrit only: no published translation is held for this verse.

इति सा महिषी तस्य चूडाला वरवर्णिनी । स्वल्पेनैव हि कालेन ययौ विदितवेद्यताम्

iti sā mahiṣī tasya cūḍālā varavarṇinī / svalpenaiva hi kālena yayau viditavedyatām

Sanskrit only: no published translation is held for this verse.

यथायम् आगतः कश्चिज् जागतस् स्पन्दविभ्रमः । यथा च लीयते सर्वं तत् तज् ज्ञातवती बभौ

yathāyam āgataḥ kaścij jāgatas spandavibhramaḥ / yathā ca līyate sarvaṃ tat taj jñātavatī babhau

Sanskrit only: no published translation is held for this verse.

अदृष्टसकलभ्रान्तौ पदे विश्रान्तिम् एत्य सा । रराज शरदच्छाभ्रमालेव गतसम्भ्रमा

adṛṣṭasakalabhrāntau pade viśrāntim etya sā / rarāja śaradacchābhramāleva gatasambhramā

Sanskrit only: no published translation is held for this verse.

अनाकुलसमालोके आशश्वासात्मनात्मनि । जरद्गुर् इव शैलाग्रं सतृणं प्राप्य संस्थिता

anākulasamāloke āśaśvāsātmanātmani / jaradgur iva śailāgraṃ satṛṇaṃ prāpya saṃsthitā

Sanskrit only: no published translation is held for this verse.

स्वविवेकघनाभ्यासवशाद् आत्मोदयेन सा । शुशुभे शोभना पुष्पलतेवाभिनवोद्गता

svavivekaghanābhyāsavaśād ātmodayena sā / śuśubhe śobhanā puṣpalatevābhinavodgatā

Sanskrit only: no published translation is held for this verse.

अथ ताम् अनवद्याङ्गीं कदाचित् स शिखिध्वजः । अपूर्वशोभाम् आलोक्य स्मयमान उवाच ह

atha tām anavadyāṅgīṃ kadācit sa śikhidhvajaḥ / apūrvaśobhām ālokya smayamāna uvāca ha

Sanskrit only: no published translation is held for this verse.

भूयो यौवनयुक्तेव मण्डितेव पुनः पुनः । अधिकं राजसे तन्वि जगद्राज्यवती यथा

bhūyo yauvanayukteva maṇḍiteva punaḥ punaḥ / adhikaṃ rājase tanvi jagadrājyavatī yathā

Sanskrit only: no published translation is held for this verse.

प्रपीतामृतसारेव लब्धालभ्यपदेव च । आनन्दापूरपूर्णेव राजसे ऽतितरां प्रिये

prapītāmṛtasāreva labdhālabhyapadeva ca / ānandāpūrapūrṇeva rājase 'titarāṃ priye

Sanskrit only: no published translation is held for this verse.

उपशान्तं च कान्तं च दधाना सुन्दरं वपुः । अभिभूयेन्दुम् आयासि श्रियं काम् अपि कामिनि

upaśāntaṃ ca kāntaṃ ca dadhānā sundaraṃ vapuḥ / abhibhūyendum āyāsi śriyaṃ kām api kāmini

Sanskrit only: no published translation is held for this verse.

अभोगकृपणं शान्तम् ऊर्जितं समतां गतम् । गम्भीरं च प्रसन्नं च चेतः पश्यामि ते प्रिये

abhogakṛpaṇaṃ śāntam ūrjitaṃ samatāṃ gatam / gambhīraṃ ca prasannaṃ ca cetaḥ paśyāmi te priye

Sanskrit only: no published translation is held for this verse.

तृणीकृतत्रिभुवनं पीताखिलजगत्त्रयम् । अनन्तोद्भासुरं सौम्यं मनः पश्यामि ते प्रिये

tṛṇīkṛtatribhuvanaṃ pītākhilajagattrayam / anantodbhāsuraṃ saumyaṃ manaḥ paśyāmi te priye

Sanskrit only: no published translation is held for this verse.

न केनचिन् महाभागे विभवानन्दवस्तुना । चेतस् तव तुलाम् एति मेरुक्षीराब्धिसुन्दरम्

na kenacin mahābhāge vibhavānandavastunā / cetas tava tulām eti merukṣīrābdhisundaram

Sanskrit only: no published translation is held for this verse.

तैर् एव बालकदलीमृणालाङ्कुरकोमलैः । अङ्गैस् स्थितिम् अनुज्झद्भिर् वृद्धिं यातेव लक्ष्यसे

tair eva bālakadalīmṛṇālāṅkurakomalaiḥ / aṅgais sthitim anujjhadbhir vṛddhiṃ yāteva lakṣyase

Sanskrit only: no published translation is held for this verse.

तथा तेनैव तेनैव सन्निवेशेन संस्थिता । अन्यताम् उपयातासि लतेवर्तुविपर्यये

tathā tenaiva tenaiva sanniveśena saṃsthitā / anyatām upayātāsi latevartuviparyaye

Sanskrit only: no published translation is held for this verse.

किं त्वया पीतम् अमृतं प्राप्तं साम्राज्यम् एव वा । अमृत्यवे वा सम्प्राप्तः प्रयोगो योगयुक्तिभिः

kiṃ tvayā pītam amṛtaṃ prāptaṃ sāmrājyam eva vā / amṛtyave vā samprāptaḥ prayogo yogayuktibhiḥ

Sanskrit only: no published translation is held for this verse.

राज्याच् चिन्तामणेर् वापि त्रैलोक्याद् वा त्वयाधिकम् । अप्राप्यं किम् अनुप्राप्तं नीलोत्पलविलोचने

rājyāc cintāmaṇer vāpi trailokyād vā tvayādhikam / aprāpyaṃ kim anuprāptaṃ nīlotpalavilocane

Sanskrit only: no published translation is held for this verse.

नकिञ्चित् किञ्चिदाकारम् इदं त्यक्त्वाहम् आगता । नकिञ्चित्किञ्चिदाकारं तेनास्मि श्रीमती स्थिता

nakiñcit kiñcidākāram idaṃ tyaktvāham āgatā / nakiñcitkiñcidākāraṃ tenāsmi śrīmatī sthitā

Sanskrit only: no published translation is held for this verse.

यत् किञ्चिद् यन् नकिञ्चिच् च तज् जानामि यथास्थितम् । यथोदयं यथानाशं तेनास्मि श्रीमती स्थिता

yat kiñcid yan nakiñcic ca taj jānāmi yathāsthitam / yathodayaṃ yathānāśaṃ tenāsmi śrīmatī sthitā

Sanskrit only: no published translation is held for this verse.

भोगैर् अभुक्तैस् तुष्यामि भुक्तैर् इव सुदूरगैः । न हृष्यामि न कुप्यामि तेनास्मि श्रीमती स्थिता

bhogair abhuktais tuṣyāmi bhuktair iva sudūragaiḥ / na hṛṣyāmi na kupyāmi tenāsmi śrīmatī sthitā

Sanskrit only: no published translation is held for this verse.

एकैवाकाशसङ्काशे केवले हृदये रमे । न रमे राजलीलासु तेनास्मि श्रीमती स्थिता

ekaivākāśasaṅkāśe kevale hṛdaye rame / na rame rājalīlāsu tenāsmi śrīmatī sthitā

Sanskrit only: no published translation is held for this verse.

आत्मन्य् एव हि तिष्ठामि न वनोद्यानसद्मसु । न भोगौघेषु शय्यासु तेनास्मि श्रीमती स्थिता

ātmany eva hi tiṣṭhāmi na vanodyānasadmasu / na bhogaugheṣu śayyāsu tenāsmi śrīmatī sthitā

Sanskrit only: no published translation is held for this verse.

जगतां प्रभुर् एवास्मि नकिञ्चिन्मात्ररूपिणी । इत्य् आत्मन्य् एव तिष्ठामि तेनाहं श्रीमती स्थिता

jagatāṃ prabhur evāsmi nakiñcinmātrarūpiṇī / ity ātmany eva tiṣṭhāmi tenāhaṃ śrīmatī sthitā

Sanskrit only: no published translation is held for this verse.

अन्यैवाहम् इयं नाहम् अन्या चेयं च वाप्य् अहम् । सर्वम् अस्मि नकिञ्चिद् वा तेनाहं श्रीमती स्थिता

anyaivāham iyaṃ nāham anyā ceyaṃ ca vāpy aham / sarvam asmi nakiñcid vā tenāhaṃ śrīmatī sthitā

Sanskrit only: no published translation is held for this verse.

यत् पश्यामि न पश्यामि तत् पश्याम्य् अन्यद् एव यत् । इति सम्यक् प्रपश्यामि तेनाहं श्रीमती स्थिता

yat paśyāmi na paśyāmi tat paśyāmy anyad eva yat / iti samyak prapaśyāmi tenāhaṃ śrīmatī sthitā

Sanskrit only: no published translation is held for this verse.

न सुखं प्रार्थये नार्थं नानर्थं चेतरां स्थितिम् । यथाप्रप्तेन तुष्यामि तेनाहं श्रीमती स्थिता

na sukhaṃ prārthaye nārthaṃ nānarthaṃ cetarāṃ sthitim / yathāpraptena tuṣyāmi tenāhaṃ śrīmatī sthitā

Sanskrit only: no published translation is held for this verse.

तनुविद्वेषरागाभिस् तज्ज्ञाभिश् शास्त्रदृष्टिषु । रमे सह वयस्याभिस् तेनास्मि श्रीमती स्थिता

tanuvidveṣarāgābhis tajjñābhiś śāstradṛṣṭiṣu / rame saha vayasyābhis tenāsmi śrīmatī sthitā

Sanskrit only: no published translation is held for this verse.

पश्यामि यन् नयनरश्मिभिर् इन्द्रियैर् वा चित्तेन चेह हि तद् अङ्ग न किञ्चिद् एव । पश्यामि तद्विरहितं तु नकिञ्चिदाभं पश्यामि सम्यग् इति नाथ चिरोदयास्मि

paśyāmi yan nayanaraśmibhir indriyair vā cittena ceha hi tad aṅga na kiñcid eva / paśyāmi tadvirahitaṃ tu nakiñcidābhaṃ paśyāmi samyag iti nātha cirodayāsmi

Sanskrit only: no published translation is held for this verse.