Moksopaya with Bhaskarakantha's Tika 6.98

एवं वदति वै कुम्भे चित्तत्यागं मुहुर् मुहुः । अन्तर् विचारयन् सोम्यो राजा वचनम् अब्रवीत्

evaṃ vadati vai kumbhe cittatyāgaṃ muhur muhuḥ / antar vicārayan somyo rājā vacanam abravīt

Sanskrit only: no published translation is held for this verse.

हृदयाकाशविहगो हृदयद्रुममर्कटः । भूयो भूयो निरस्तं हि समायात्य् एव मां मनः

hṛdayākāśavihago hṛdayadrumamarkaṭaḥ / bhūyo bhūyo nirastaṃ hi samāyāty eva māṃ manaḥ

Sanskrit only: no published translation is held for this verse.

जानामि नैतद् आदातुं मत्स्यं बाल इवाकुलम् । त्यागम् अस्य न जानामि चित्रम् अन्ध इवोत्तमम्

jānāmi naitad ādātuṃ matsyaṃ bāla ivākulam / tyāgam asya na jānāmi citram andha ivottamam

Sanskrit only: no published translation is held for this verse.

चित्तस्यादौ स्वरूपं मे यथावद् भगवन् वद । ततश् चित्तपरित्यागं यथावद् भगवन् वद

cittasyādau svarūpaṃ me yathāvad bhagavan vada / tataś cittaparityāgaṃ yathāvad bhagavan vada

Sanskrit only: no published translation is held for this verse.

वासनैव महाराज स्वरूपं विद्धि चेतसः । चित्तशब्दस् तु पर्यायो वासनाया उदाहृतः

vāsanaiva mahārāja svarūpaṃ viddhi cetasaḥ / cittaśabdas tu paryāyo vāsanāyā udāhṛtaḥ

Sanskrit only: no published translation is held for this verse.

त्यागस् त्व् अस्यातिसुकरस् सुसाधस् स्पन्दनाद् अपि । रताद् अप्य् अधिकानन्दः कुसुमाद् अपि सुन्दरः

tyāgas tv asyātisukaras susādhas spandanād api / ratād apy adhikānandaḥ kusumād api sundaraḥ

Sanskrit only: no published translation is held for this verse.

मूर्खस्य तु मनस्त्यागो नूनं दुस्साधतां गतः । पुक्कसस्येव साम्राज्यं तृणस्येव सुमेरुता

mūrkhasya tu manastyāgo nūnaṃ dussādhatāṃ gataḥ / pukkasasyeva sāmrājyaṃ tṛṇasyeva sumerutā

Sanskrit only: no published translation is held for this verse.

स्वरूपं वेद्मि चित्तस्य वासनामयम् आकुलम् । त्यागो ऽस्य मन्ये दुस्साधो वज्रनिर्दलनाद् अपि

svarūpaṃ vedmi cittasya vāsanāmayam ākulam / tyāgo 'sya manye dussādho vajranirdalanād api

Sanskrit only: no published translation is held for this verse.

संसृत्यामोदपुष्पस्य दुःखतैलतिलस्य च । जगद्वालमृणालस्य मोहमारुतखस्य च

saṃsṛtyāmodapuṣpasya duḥkhatailatilasya ca / jagadvālamṛṇālasya mohamārutakhasya ca

Sanskrit only: no published translation is held for this verse.

शरीरयन्त्रवाहस्य हृत्पद्मभ्रमरस्य च । अयत्नाच् चेतसस् त्यागो यथा भवति तद् वद

śarīrayantravāhasya hṛtpadmabhramarasya ca / ayatnāc cetasas tyāgo yathā bhavati tad vada

Sanskrit only: no published translation is held for this verse.

सर्वनाशो ऽस्य यस् साधो चेतसस् संसृतिक्षयः । स एव चित्तसन्त्याग इत्य् उक्तं दीर्घदर्शिभिः

sarvanāśo 'sya yas sādho cetasas saṃsṛtikṣayaḥ / sa eva cittasantyāga ity uktaṃ dīrghadarśibhiḥ

Sanskrit only: no published translation is held for this verse.

चित्तत्यागाद् अहं मन्ये चित्तनाशस् स्वसिद्धये । अभावश् चेतसो व्याधेः कथम् अस्यानुभूयते

cittatyāgād ahaṃ manye cittanāśas svasiddhaye / abhāvaś cetaso vyādheḥ katham asyānubhūyate

Sanskrit only: no published translation is held for this verse.

अहम्बीजद्रुमं चित्तं सशाखाफलपल्लवम् । उन्मूलय समूलं त्वम् आकाशविशदो भवन्

ahambījadrumaṃ cittaṃ saśākhāphalapallavam / unmūlaya samūlaṃ tvam ākāśaviśado bhavan

Sanskrit only: no published translation is held for this verse.

चेतसः किं मुने मूलं को ऽङ्कुरः कश् च सम्भवः । काश् शाखाः के च वा स्कन्धाः कथम् उन्मूल्यते च तत्

cetasaḥ kiṃ mune mūlaṃ ko 'ṅkuraḥ kaś ca sambhavaḥ / kāś śākhāḥ ke ca vā skandhāḥ katham unmūlyate ca tat

Sanskrit only: no published translation is held for this verse.

अहमर्थोदयो यो ऽयं चिदात्मा वेदनात्मकः । एतच् चित्तद्रुमस्यास्य विद्धि बीजं जगद्गतम्

ahamarthodayo yo 'yaṃ cidātmā vedanātmakaḥ / etac cittadrumasyāsya viddhi bījaṃ jagadgatam

Sanskrit only: no published translation is held for this verse.

अहम्भावात्मकं वित्त्वं चित्तबीजम् उदाहृतम् । परमात्मपदक्षेत्रं नेत्रं मायामयस्य तत्

ahambhāvātmakaṃ vittvaṃ cittabījam udāhṛtam / paramātmapadakṣetraṃ netraṃ māyāmayasya tat

Sanskrit only: no published translation is held for this verse.

एतस्मात् प्रथमोद्भिन्नाद् यो ऽङ्कुरो ऽनुभवाकृतिः । निश्चयात्मा निराकारो बुद्धिर् इत्य् एव सोच्यते

etasmāt prathamodbhinnād yo 'ṅkuro 'nubhavākṛtiḥ / niścayātmā nirākāro buddhir ity eva socyate

Sanskrit only: no published translation is held for this verse.

अस्य बुद्ध्यभिधानस्य याङ्कुरस्य प्रपीनता । सङ्कल्परूपिणी तस्याश् चित्तं नाम मनो ऽभिधा

asya buddhyabhidhānasya yāṅkurasya prapīnatā / saṅkalparūpiṇī tasyāś cittaṃ nāma mano 'bhidhā

Sanskrit only: no published translation is held for this verse.

जीवो मिथ्योपलम्भात्मा शून्यात्माप्य् उपलोपमः । स्तम्भः कायो ऽयम् एतस्य स्नाय्वस्थिरसरञ्जितः

jīvo mithyopalambhātmā śūnyātmāpy upalopamaḥ / stambhaḥ kāyo 'yam etasya snāyvasthirasarañjitaḥ

Sanskrit only: no published translation is held for this verse.

देशाद् देशान्तरे दूरे देशकालविदो ऽस्य याः । शाखास् ताश् चित्तवृक्षस्य दीर्घा दूरतरास् तताः

deśād deśāntare dūre deśakālavido 'sya yāḥ / śākhās tāś cittavṛkṣasya dīrghā dūratarās tatāḥ

Sanskrit only: no published translation is held for this verse.

इन्द्रियाण्य् अथ भोगाश् च भावाभावमयोर्मयः । विटपौघा महान्तो ऽस्य शुभाशुभफलाकुलाः

indriyāṇy atha bhogāś ca bhāvābhāvamayormayaḥ / viṭapaughā mahānto 'sya śubhāśubhaphalākulāḥ

Sanskrit only: no published translation is held for this verse.

ईदृशस्यास्य चित्तस्य दुर्वृक्षस्य प्रतिक्षणम् । शाखाविलवनं कुर्वन् मूलकाषे भरं कुरु

īdṛśasyāsya cittasya durvṛkṣasya pratikṣaṇam / śākhāvilavanaṃ kurvan mūlakāṣe bharaṃ kuru

Sanskrit only: no published translation is held for this verse.

चित्तद्रुमस्य शाखादेः कुर्वाणो ऽहं विकर्तनम् । कथं करोमि मूलस्य निश्शेषं कषणं मुने

cittadrumasya śākhādeḥ kurvāṇo 'haṃ vikartanam / kathaṃ karomi mūlasya niśśeṣaṃ kaṣaṇaṃ mune

Sanskrit only: no published translation is held for this verse.

वासना विविधाश् शाखाः फलस्कन्धादिनान्विताः । अभाविता भवन्त्य् अन्तर् लूनास् संविद्बलेन ते

vāsanā vividhāś śākhāḥ phalaskandhādinānvitāḥ / abhāvitā bhavanty antar lūnās saṃvidbalena te

Sanskrit only: no published translation is held for this verse.

असंसक्तमना मौनी शान्तवादविचारणः । सम्प्राप्तकारी यस् सो ऽन्तर् लूनचित्तलतो भवेत्

asaṃsaktamanā maunī śāntavādavicāraṇaḥ / samprāptakārī yas so 'ntar lūnacittalato bhavet

Sanskrit only: no published translation is held for this verse.

चित्तद्रुमलताजालं पौरुषेण विकर्तयन् । यस् तिष्ठति स मूलस्य योग्यो निकषणे भवेत्

cittadrumalatājālaṃ pauruṣeṇa vikartayan / yas tiṣṭhati sa mūlasya yogyo nikaṣaṇe bhavet

Sanskrit only: no published translation is held for this verse.

गौणं शाखाविलवनं मुख्यं मूलविकर्तनम् । चित्तवृक्षस्य तेन त्वं मूलकाषपरो भव

gauṇaṃ śākhāvilavanaṃ mukhyaṃ mūlavikartanam / cittavṛkṣasya tena tvaṃ mūlakāṣaparo bhava

Sanskrit only: no published translation is held for this verse.

मुख्यत्वेन महाबुद्धे मूलदाहम् अलं कुरु । चित्तकण्टकषण्डस्य भवत्य् एवम् अचित्तता

mukhyatvena mahābuddhe mūladāham alaṃ kuru / cittakaṇṭakaṣaṇḍasya bhavaty evam acittatā

Sanskrit only: no published translation is held for this verse.

अहम्भावात्मनश् चित्तद्रुमबीजस्य हे मुने । को ऽनलो दाह्यदहनसमर्थो ऽर्थकरो भवेत्

ahambhāvātmanaś cittadrumabījasya he mune / ko 'nalo dāhyadahanasamartho 'rthakaro bhavet

Sanskrit only: no published translation is held for this verse.

राजन् स्वात्मविचारो ऽयं को ऽहं स्याम् इति रूपधृत् । चित्तदुर्द्रुमबीजस्य दहने दहनस् स्मृतः

rājan svātmavicāro 'yaṃ ko 'haṃ syām iti rūpadhṛt / cittadurdrumabījasya dahane dahanas smṛtaḥ

Sanskrit only: no published translation is held for this verse.

मुने मया महाबुद्ध्या बहुशः प्रविचारितम् । यावन् नाहं जगन् नोर्वी न च मण्डलमण्डलम्

mune mayā mahābuddhyā bahuśaḥ pravicāritam / yāvan nāhaṃ jagan norvī na ca maṇḍalamaṇḍalam

Sanskrit only: no published translation is held for this verse.

नाद्रेस् तटं न विपिनं न पर्णसदनादि वा । जडत्वान् न च देहादि न मांसास्थ्यसृगादि च

nādres taṭaṃ na vipinaṃ na parṇasadanādi vā / jaḍatvān na ca dehādi na māṃsāsthyasṛgādi ca

Sanskrit only: no published translation is held for this verse.

कर्मेन्द्रियाण्य् अपि न च न च बुद्धीन्द्रियाणि च । न मनो नापि च मतिर् नाहम्भावश् च जाड्यतः

karmendriyāṇy api na ca na ca buddhīndriyāṇi ca / na mano nāpi ca matir nāhambhāvaś ca jāḍyataḥ

Sanskrit only: no published translation is held for this verse.

कटकत्वं यथा हेम्नि तथाहन्त्वं चिदात्मनि । जडं त्व् असद्रूपतया तेन तन् नास्मि हे मुने

kaṭakatvaṃ yathā hemni tathāhantvaṃ cidātmani / jaḍaṃ tv asadrūpatayā tena tan nāsmi he mune

Sanskrit only: no published translation is held for this verse.

सन्निवेशविशेषात्मशब्दार्थादि परे पदे । विद्यते नात्यनन्तत्वान् नभसीव महाद्रुमः

sanniveśaviśeṣātmaśabdārthādi pare pade / vidyate nātyanantatvān nabhasīva mahādrumaḥ

Sanskrit only: no published translation is held for this verse.

जानन्न् अपीति भगवन्न् अहन्त्वमलमार्जनम् । अन्तर् यदा न जानामि तेन तप्ये महामुने

jānann apīti bhagavann ahantvamalamārjanam / antar yadā na jānāmi tena tapye mahāmune

Sanskrit only: no published translation is held for this verse.

एतावन्मात्रकं वृन्दं यदि न त्वं महीपते । जडत्वात् तन् महाबुद्धे यो ऽसि तं वद मे नवम्

etāvanmātrakaṃ vṛndaṃ yadi na tvaṃ mahīpate / jaḍatvāt tan mahābuddhe yo 'si taṃ vada me navam

Sanskrit only: no published translation is held for this verse.

चिन्मात्रम् अहम् अच्छात्मवेदनं विदुषां वर । यत्र भावास् स्वदन्त्य् एते निर्मीयन्ते च येन वा

cinmātram aham acchātmavedanaṃ viduṣāṃ vara / yatra bhāvās svadanty ete nirmīyante ca yena vā

Sanskrit only: no published translation is held for this verse.

एवंरूपस्य मे लग्नं नूनं मलम् अकारणम् । सकारणं चाहम् इति यत् तत् त्यक्तुं न वेद्म्य् अहम्

evaṃrūpasya me lagnaṃ nūnaṃ malam akāraṇam / sakāraṇaṃ cāham iti yat tat tyaktuṃ na vedmy aham

Sanskrit only: no published translation is held for this verse.

असद् एतद् अनात्मीयं प्रमार्ष्टुं मलम् आत्मनः । मुने यदा न शक्तो ऽस्मि तेन तप्ये सुदारुणम्

asad etad anātmīyaṃ pramārṣṭuṃ malam ātmanaḥ / mune yadā na śakto 'smi tena tapye sudāruṇam

Sanskrit only: no published translation is held for this verse.

ब्रूहि किं तन् महाबाहो लग्नं तव मलं महत् । स्थितो ऽसि येन संसारी सता वाप्य् असताथ वा

brūhi kiṃ tan mahābāho lagnaṃ tava malaṃ mahat / sthito 'si yena saṃsārī satā vāpy asatātha vā

Sanskrit only: no published translation is held for this verse.

चित्तद्रुमस्य यद् बीजम् अहम्भावस् स मे मलम् । तच् च त्यक्तुं न जानामि त्यक्तं त्यक्तम् उपैति माम्

cittadrumasya yad bījam ahambhāvas sa me malam / tac ca tyaktuṃ na jānāmi tyaktaṃ tyaktam upaiti mām

Sanskrit only: no published translation is held for this verse.

कारणाज् जायते कार्यं यत् तत् सर्वत्र सद् भवेत् । अन्यत् त्व् असद् द्विचन्द्राभं दृष्टम् एव न विद्यते

kāraṇāj jāyate kāryaṃ yat tat sarvatra sad bhavet / anyat tv asad dvicandrābhaṃ dṛṣṭam eva na vidyate

Sanskrit only: no published translation is held for this verse.

कारणाज् जायते कार्यम् अहम्भावात्मकं ततः । इतिकारणम् अन्विष्य कथयाशु ममात्मना

kāraṇāj jāyate kāryam ahambhāvātmakaṃ tataḥ / itikāraṇam anviṣya kathayāśu mamātmanā

Sanskrit only: no published translation is held for this verse.

मुने ऽहम् इति दोषस्य वेदनं वेद्मि कारणम् । तद् यथोपशमं याति तन् मे वद मुनीश्वर

mune 'ham iti doṣasya vedanaṃ vedmi kāraṇam / tad yathopaśamaṃ yāti tan me vada munīśvara

Sanskrit only: no published translation is held for this verse.

चितश् चेत्योन्मुखत्वेन दुःखायाहम् इति स्थितः । चेत्योपशमनं ब्रूहि मुने तदुपशान्तये

citaś cetyonmukhatvena duḥkhāyāham iti sthitaḥ / cetyopaśamanaṃ brūhi mune tadupaśāntaye

Sanskrit only: no published translation is held for this verse.

कारणं कारणज्ञो ऽसि वेदनस्य वदाशु मे । ततस् त्वां बोधयिष्यामि कारणाकारणक्रमम्

kāraṇaṃ kāraṇajño 'si vedanasya vadāśu me / tatas tvāṃ bodhayiṣyāmi kāraṇākāraṇakramam

Sanskrit only: no published translation is held for this verse.

वेद्यवेदनरूपस्य चेत्यसञ्चेतनस्य च । अकारणं कारणतां यद् गतं तव तद् वद

vedyavedanarūpasya cetyasañcetanasya ca / akāraṇaṃ kāraṇatāṃ yad gataṃ tava tad vada

Sanskrit only: no published translation is held for this verse.

चेत्यचेतनरूपस्य वेद्यसंवेदनाकृतेः । इयं पदार्थसत्तेह देहाद्या कारणं मुने

cetyacetanarūpasya vedyasaṃvedanākṛteḥ / iyaṃ padārthasatteha dehādyā kāraṇaṃ mune

Sanskrit only: no published translation is held for this verse.

शरीरादितयोदेति वेदनं वस्तुसत्तया । असत्याभासया स्पन्दो यथा पवनलेखया

śarīrāditayodeti vedanaṃ vastusattayā / asatyābhāsayā spando yathā pavanalekhayā

Sanskrit only: no published translation is held for this verse.

असत्तां वस्तुसत्ताया नावगच्छाम्य् अहं यया । अहन्त्ववेदनं चित्तबीजं समुपशाम्यति

asattāṃ vastusattāyā nāvagacchāmy ahaṃ yayā / ahantvavedanaṃ cittabījaṃ samupaśāmyati

Sanskrit only: no published translation is held for this verse.

विद्यते यदि देहादिवस्तुसत्ता तद् अस्ति ते । अभावाद् देहसत्तादेः किंनिष्ठं तव वेदनम्

vidyate yadi dehādivastusattā tad asti te / abhāvād dehasattādeḥ kiṃniṣṭhaṃ tava vedanam

Sanskrit only: no published translation is held for this verse.

यस्योपलभ्यते किञ्चित् स्वरूपं कलनात्मकम् । असद्रूपं कथं तत् स्यात् प्रकाशस् स्यात् कथं तमः

yasyopalabhyate kiñcit svarūpaṃ kalanātmakam / asadrūpaṃ kathaṃ tat syāt prakāśas syāt kathaṃ tamaḥ

Sanskrit only: no published translation is held for this verse.

हस्तपादादिसंयुक्तः क्रियाफलविलासवान् । सदानुभूयमानो ऽपि देहो नास्ति कथं मुने

hastapādādisaṃyuktaḥ kriyāphalavilāsavān / sadānubhūyamāno 'pi deho nāsti kathaṃ mune

Sanskrit only: no published translation is held for this verse.

कारणं यस्य कार्यस्य भूमिपाल न विद्यते । विद्यते नेह तत् कार्यं तत्संवित्तिस् तु विभ्रमः

kāraṇaṃ yasya kāryasya bhūmipāla na vidyate / vidyate neha tat kāryaṃ tatsaṃvittis tu vibhramaḥ

Sanskrit only: no published translation is held for this verse.

कारणेन विना कार्यं विद्यते न कदाचन । विद्यते यस्य नो बीजं तद् द्रव्यं क्वेव जायते

kāraṇena vinā kāryaṃ vidyate na kadācana / vidyate yasya no bījaṃ tad dravyaṃ kveva jāyate

Sanskrit only: no published translation is held for this verse.

अकारनं तु यत् कार्यं सद् इवाग्रे ऽनुभूयते । तद् द्रष्टुर् विभ्रमं विद्धि मृगतृष्णाजलोपमम्

akāranaṃ tu yat kāryaṃ sad ivāgre 'nubhūyate / tad draṣṭur vibhramaṃ viddhi mṛgatṛṣṇājalopamam

Sanskrit only: no published translation is held for this verse.

अविद्यमानम् एव त्वं विद्धि मिथ्याभ्रमोदितम् । नातियत्नवताप्य् एतन् मृगतृष्णाम्बु लभ्यते

avidyamānam eva tvaṃ viddhi mithyābhramoditam / nātiyatnavatāpy etan mṛgatṛṣṇāmbu labhyate

Sanskrit only: no published translation is held for this verse.

असतो द्वीन्दुबिम्बादेर् न युक्तं कारणेक्षणम् । वन्ध्यातनयसर्वाङ्गमण्डनं कस्य राजते

asato dvīndubimbāder na yuktaṃ kāraṇekṣaṇam / vandhyātanayasarvāṅgamaṇḍanaṃ kasya rājate

Sanskrit only: no published translation is held for this verse.

कारणेन विना कार्यं शरीराद्य् अस्थिपञ्जरम् । अविद्यमानम् एवेदं विद्ध्य् असम्भवतो नृप

kāraṇena vinā kāryaṃ śarīrādy asthipañjaram / avidyamānam evedaṃ viddhy asambhavato nṛpa

Sanskrit only: no published translation is held for this verse.

हस्तपादादियुक्तस्य शरीरस्य मुनीश्वर । नित्यम् आलक्ष्यमाणस्य पिता कस्मान् न कारणम्

hastapādādiyuktasya śarīrasya munīśvara / nityam ālakṣyamāṇasya pitā kasmān na kāraṇam

Sanskrit only: no published translation is held for this verse.

कारणाभावतो राजन् पिता नाम न विद्यते । असतो यत् तु सञ्जातम् असद् एव तद् उच्यते

kāraṇābhāvato rājan pitā nāma na vidyate / asato yat tu sañjātam asad eva tad ucyate

Sanskrit only: no published translation is held for this verse.

पदार्थानां च कार्याणां कारणं बीजम् उच्यते । सम्भवत्य् अङ्ग जगति न बीजेन विनाङ्कुरः

padārthānāṃ ca kāryāṇāṃ kāraṇaṃ bījam ucyate / sambhavaty aṅga jagati na bījena vināṅkuraḥ

Sanskrit only: no published translation is held for this verse.

तस्मान् न कारणं यस्य कार्यस्येहोपपद्यते । बीजाभावे हि तन् नास्ति तत्संवित्तिस् तु विभ्रमः

tasmān na kāraṇaṃ yasya kāryasyehopapadyate / bījābhāve hi tan nāsti tatsaṃvittis tu vibhramaḥ

Sanskrit only: no published translation is held for this verse.

अवश्यम् एव यन् नास्ति निर्बीजं तन् मतिभ्रमः । द्वीन्दुत्वमरुभूम्यम्बुवन्ध्यापुत्रदृशा समः

avaśyam eva yan nāsti nirbījaṃ tan matibhramaḥ / dvīndutvamarubhūmyambuvandhyāputradṛśā samaḥ

Sanskrit only: no published translation is held for this verse.

पितामहानां पुत्राणां पितॄणां च जगत्त्रये । आद्यः पितामहः कस्मात् पूर्वोत्पन्नो न कारणम्

pitāmahānāṃ putrāṇāṃ pitṝṇāṃ ca jagattraye / ādyaḥ pitāmahaḥ kasmāt pūrvotpanno na kāraṇam

Sanskrit only: no published translation is held for this verse.

आद्यः पितामहो यस् स्यात् सो ऽपि नास्त्य् एव भूपते । कारणाभावतो नित्यं यदा कार्यं न कस्यचित्

ādyaḥ pitāmaho yas syāt so 'pi nāsty eva bhūpate / kāraṇābhāvato nityaṃ yadā kāryaṃ na kasyacit

Sanskrit only: no published translation is held for this verse.

कारणस्य स्वबीजस्य नित्याभावात् पितामहः । आद्यस् सन् दृश्यमानो ऽपि भ्रमाद् अन्यो न विद्यते

kāraṇasya svabījasya nityābhāvāt pitāmahaḥ / ādyas san dṛśyamāno 'pi bhramād anyo na vidyate

Sanskrit only: no published translation is held for this verse.

मृगतृष्णाम्बुवद् भ्रान्तिरूप एवावभासते । पितामहो ऽर्थकारित्वम् अपि त्व् अस्य भ्रमात्मकम्

mṛgatṛṣṇāmbuvad bhrāntirūpa evāvabhāsate / pitāmaho 'rthakāritvam api tv asya bhramātmakam

Sanskrit only: no published translation is held for this verse.

पितामहादेर् एतस्य मिथ्याप्रत्ययतस् त्व् इति । घनता तु निवृत्तैव मार्जयिष्याम्य् अथेतरत्

pitāmahāder etasya mithyāpratyayatas tv iti / ghanatā tu nivṛttaiva mārjayiṣyāmy athetarat

Sanskrit only: no published translation is held for this verse.

तस्माच् चिदात्मकतयात्मनि चिन्नभो यन् नित्यं स्वयं कचति चारु तद् एष देवः । तेनैव पद्मज इति स्वयम् आत्मनात्मा प्रोक्तः खरूप इति शान्तम् इदं समस्तम्

tasmāc cidātmakatayātmani cinnabho yan nityaṃ svayaṃ kacati cāru tad eṣa devaḥ / tenaiva padmaja iti svayam ātmanātmā proktaḥ kharūpa iti śāntam idaṃ samastam

Sanskrit only: no published translation is held for this verse.