Moksopaya with Bhaskarakantha's Tika 6.99

आब्रह्मस्तम्बपर्यन्तं यद्य् अयं भासते भ्रमः । अर्थक्रियासमर्थश् च तत् स्थितं दुःखकारणम्

ābrahmastambaparyantaṃ yady ayaṃ bhāsate bhramaḥ / arthakriyāsamarthaś ca tat sthitaṃ duḥkhakāraṇam

Sanskrit only: no published translation is held for this verse.

एवं जगद्भ्रमस्यास्य तानवं तावद् आगतम् । शिलीभूतस्य शीतेन सलिलस्येव सूष्मणा

evaṃ jagadbhramasyāsya tānavaṃ tāvad āgatam / śilībhūtasya śītena salilasyeva sūṣmaṇā

Sanskrit only: no published translation is held for this verse.

अज्ञानं शिथिलीभूतम् एव नष्टं विदुर् बुधाः । न नाशेन विनोदेति पूर्वसंस्थानविच्युतिः

ajñānaṃ śithilībhūtam eva naṣṭaṃ vidur budhāḥ / na nāśena vinodeti pūrvasaṃsthānavicyutiḥ

Sanskrit only: no published translation is held for this verse.

तनुत्वं सर्गबोधस्य यत् तद् एव हि कारणम् । सर्गोपशमसम्पत्तेः प्रतिपत्तेः परे पदे

tanutvaṃ sargabodhasya yat tad eva hi kāraṇam / sargopaśamasampatteḥ pratipatteḥ pare pade

Sanskrit only: no published translation is held for this verse.

तानवं दृश्यते यस्य तस्यानुक्रमतस् स्वयम् । पूर्वसंस्थानविगमात् प्रशमो ऽप्य् उपपद्यते

tānavaṃ dṛśyate yasya tasyānukramatas svayam / pūrvasaṃsthānavigamāt praśamo 'py upapadyate

Sanskrit only: no published translation is held for this verse.

अनेनैव क्रमेणैनं त्वम् आदिपुरुषं नृप । भ्रमाकारोदयं विद्धि मृगतृष्णाम्ब्व् इवोदितम्

anenaiva krameṇainaṃ tvam ādipuruṣaṃ nṛpa / bhramākārodayaṃ viddhi mṛgatṛṣṇāmbv ivoditam

Sanskrit only: no published translation is held for this verse.

एषा पितामहाभावे ऽप्य् असती भूतसन्ततिः । न कदाचन तत् सिद्धं यद् असिद्धेन साध्यते

eṣā pitāmahābhāve 'py asatī bhūtasantatiḥ / na kadācana tat siddhaṃ yad asiddhena sādhyate

Sanskrit only: no published translation is held for this verse.

अयं भूतोपलम्भो हि मृगतृष्णाम्ब्व् इवोदितः । विचाराद् विलयं याति शुक्तौ रजतधीर् इव

ayaṃ bhūtopalambho hi mṛgatṛṣṇāmbv ivoditaḥ / vicārād vilayaṃ yāti śuktau rajatadhīr iva

Sanskrit only: no published translation is held for this verse.

कारणाभावतः कार्यम् अभूत्वा भवतीति यत् । मिथ्याज्ञानाद् ऋते तस्य न रूपम् उपपद्यते

kāraṇābhāvataḥ kāryam abhūtvā bhavatīti yat / mithyājñānād ṛte tasya na rūpam upapadyate

Sanskrit only: no published translation is held for this verse.

मिथ्यादृष्टिः प्रेक्षिता च न कदाचन विद्यते । मृगतृष्णाम्भसा केन घटकाः परिपूरिताः

mithyādṛṣṭiḥ prekṣitā ca na kadācana vidyate / mṛgatṛṣṇāmbhasā kena ghaṭakāḥ paripūritāḥ

Sanskrit only: no published translation is held for this verse.

स्रष्टुर् आद्यस्य परमं ब्रह्म कस्मान् न कारणम् । अनन्तम् अजम् अव्यक्तम् ईश्वरं शान्तम् अच्युतम्

sraṣṭur ādyasya paramaṃ brahma kasmān na kāraṇam / anantam ajam avyaktam īśvaraṃ śāntam acyutam

Sanskrit only: no published translation is held for this verse.

हेतुत्वाभावतो ब्रह्म कार्यत्वाभावतस् ततः । अद्वैतैक्याविकारात्म न कार्यं न च कारणम्

hetutvābhāvato brahma kāryatvābhāvatas tataḥ / advaitaikyāvikārātma na kāryaṃ na ca kāraṇam

Sanskrit only: no published translation is held for this verse.

अकर्तृकर्मकरणम् अकारणम् अबीजकम् । अप्रतर्क्यम् अविज्ञेयं ब्रह्म कर्तृ कथं भवेत्

akartṛkarmakaraṇam akāraṇam abījakam / apratarkyam avijñeyaṃ brahma kartṛ kathaṃ bhavet

Sanskrit only: no published translation is held for this verse.

अकारणत्वात् कार्यत्वरहितं तद् यदा भवेत् । अद्वैतैक्यम् अनाद्यन्तं तदा तदुपलम्भनम्

akāraṇatvāt kāryatvarahitaṃ tad yadā bhavet / advaitaikyam anādyantaṃ tadā tadupalambhanam

Sanskrit only: no published translation is held for this verse.

अप्रतर्क्यम् अविज्ञेयं यच् छिवं शान्तम् अव्ययम् । तत् कथं कस्य केनेव कर्तृ भोक्तृ कदा भवेत्

apratarkyam avijñeyaṃ yac chivaṃ śāntam avyayam / tat kathaṃ kasya keneva kartṛ bhoktṛ kadā bhavet

Sanskrit only: no published translation is held for this verse.

अतो नेदं कृतं किञ्चिज् जगदादि न विद्यते । न कर्तास्ति न भोक्तास्ति सर्वं शान्तम् अजं शिवम्

ato nedaṃ kṛtaṃ kiñcij jagadādi na vidyate / na kartāsti na bhoktāsti sarvaṃ śāntam ajaṃ śivam

Sanskrit only: no published translation is held for this verse.

कारणाभावतः कार्यं न कस्यचिद् इदं जगत् । अकार्यत्वाच् च नास्त्य् एतत् सर्ग इत्थं न विद्यते

kāraṇābhāvataḥ kāryaṃ na kasyacid idaṃ jagat / akāryatvāc ca nāsty etat sarga itthaṃ na vidyate

Sanskrit only: no published translation is held for this verse.

यदा न कस्यचित् कार्यं कारणस्य जगत् तदा । पदार्थाभावसंसिद्धिस् तत्सिद्धौ कस्य वेदनम्

yadā na kasyacit kāryaṃ kāraṇasya jagat tadā / padārthābhāvasaṃsiddhis tatsiddhau kasya vedanam

Sanskrit only: no published translation is held for this verse.

एवं तु वेदनाभावे नास्त्य् अहन्त्वस्य कारणम् । अतश् शुद्धो ऽसि मुक्तो ऽसि केवोक्तिर् बन्धमोक्षयोः

evaṃ tu vedanābhāve nāsty ahantvasya kāraṇam / ataś śuddho 'si mukto 'si kevoktir bandhamokṣayoḥ

Sanskrit only: no published translation is held for this verse.

आं प्रबुद्धो ऽस्मि भगवन् युक्तम् उक्तं त्वयोत्तमम् । कारणाभावतः कर्तृ नेह ब्रह्मेति वेद्म्य् अहम्

āṃ prabuddho 'smi bhagavan yuktam uktaṃ tvayottamam / kāraṇābhāvataḥ kartṛ neha brahmeti vedmy aham

Sanskrit only: no published translation is held for this verse.

कर्त्रभावाज् जगन् नास्ति तेन नास्ति पदार्थदृक् । नातश् चित्तादि तद्बीजं नातो ऽहन्तादि किञ्चन

kartrabhāvāj jagan nāsti tena nāsti padārthadṛk / nātaś cittādi tadbījaṃ nāto 'hantādi kiñcana

Sanskrit only: no published translation is held for this verse.

एवं स्थिते विशुद्धो ऽस्मि विबुद्धो ऽस्मि न चास्मि च । नमो मह्यं परं नौमि नकिञ्चिद् अपि बोधतः

evaṃ sthite viśuddho 'smi vibuddho 'smi na cāsmi ca / namo mahyaṃ paraṃ naumi nakiñcid api bodhataḥ

Sanskrit only: no published translation is held for this verse.

पदार्थवेदनं मिथ्यैवासद् एवावभासते । अहमाद्य् अलम् एतेन शान्तम् आसे खकोशवत्

padārthavedanaṃ mithyaivāsad evāvabhāsate / ahamādy alam etena śāntam āse khakośavat

Sanskrit only: no published translation is held for this verse.

जगत्पदार्थप्रविभागदृष्टिस् सदेशदिक्कालकलाक्रियौघा । अहो नु कालेन चिरेण शान्ता ब्रह्मैव वा नूनम् अवस्थितेति

jagatpadārthapravibhāgadṛṣṭis sadeśadikkālakalākriyaughā / aho nu kālena cireṇa śāntā brahmaiva vā nūnam avasthiteti

Sanskrit only: no published translation is held for this verse.

शाम्यामि निर्वामि परं स्थितो ऽस्मि न यामि नोदेमि न चास्तम् एमि । तिष्ठाम्य् अनिष्ठं च यथास्थितात्मा शिवं शुभं पावनमौनम् अस्मि

śāmyāmi nirvāmi paraṃ sthito 'smi na yāmi nodemi na cāstam emi / tiṣṭhāmy aniṣṭhaṃ ca yathāsthitātmā śivaṃ śubhaṃ pāvanamaunam asmi

Sanskrit only: no published translation is held for this verse.