Mādhavakara: Mādhava-nidāna (Rogaviniścaya) 13

अत्युच्चभाषण विषाध्यय नाभिघात- सन्दूषणैः प्रकुपिता पवनादयस्तु स्रोतःसु ते स्वरवहेषु गताः प्रतिष्ठां हन्युः स्वरं भवति चापि हि षड्विधः सः

atyuccabhāṣaṇa viṣādhyaya nābhighāta- sandūṣaṇaiḥ prakupitā pavanādayastu srotaḥsu te svaravaheṣu gatāḥ pratiṣṭhāṃ hanyuḥ svaraṃ bhavati cāpi hi ṣaḍvidhaḥ saḥ

Sanskrit only: no published translation is held for this verse.

वातेन कृष्णनयनाननमूत्रवर्चा भिन्नं शनैर्वदति गर्दभवत् खरं च पित्तेन पीतनयनाननमूत्रवर्चा ब्रूयाद् गलेन स च दाहसमन्वितेन

vātena kṛṣṇanayanānanamūtravarcā bhinnaṃ śanairvadati gardabhavat kharaṃ ca pittena pītanayanānanamūtravarcā brūyād galena sa ca dāhasamanvitena

Sanskrit only: no published translation is held for this verse.

ब्रूयात्कफेन सततं कफरुद्धकण्ठःस्वल्पं शनैर्वदति चापि दिवा विशेषात् सर्वात्मकेभवति सर्वविकारसंपत्तं चाप्यसाध्यमृषयः स्वरभेदमाहुः

brūyātkaphena satataṃ kapharuddhakaṇṭhaḥsvalpaṃ śanairvadati cāpi divā viśeṣāt sarvātmakebhavati sarvavikārasaṃpattaṃ cāpyasādhyamṛṣayaḥ svarabhedamāhuḥ

Sanskrit only: no published translation is held for this verse.

धूप्येत वाक् क्षयकृते क्षयमाप्नुयाच्चवागेष चापि हतवाक् परिवर्जनीयः अन्तर्गतरस्वरमलक्ष्यपदं चिरेण मेदोऽन्वयाद्वदति दिग्धगलस्तृषार्त्तः

dhūpyeta vāk kṣayakṛte kṣayamāpnuyāccavāgeṣa cāpi hatavāk parivarjanīyaḥ antargatarasvaramalakṣyapadaṃ cireṇa medo'nvayādvadati digdhagalastṛṣārttaḥ

Sanskrit only: no published translation is held for this verse.

क्षीणस्य वृद्धस्य कृशस्य वाऽपि चिरोत्थितो यश्च सहोपजातः मेदस्विनः सर्वसमुद्भवश्च स्वरामयो यो न स सिद्धिमेति

kṣīṇasya vṛddhasya kṛśasya vā'pi cirotthito yaśca sahopajātaḥ medasvinaḥ sarvasamudbhavaśca svarāmayo yo na sa siddhimeti

Sanskrit only: no published translation is held for this verse.