Mādhavakara: Mādhava-nidāna (Rogaviniścaya) 20

चिन्ताशोकादिभिर्दोषाः क्रुद्धा हृत्स्रोतसि स्थिताः कृत्वा स्मृतेरपध्वंसमपस्मारं प्रकुर्वते

cintāśokādibhirdoṣāḥ kruddhā hṛtsrotasi sthitāḥ kṛtvā smṛterapadhvaṃsamapasmāraṃ prakurvate

Sanskrit only: no published translation is held for this verse.

हृत्कम्पः शून्यता स्वेदो ध्यानं मूर्च्छा प्रमूढता निद्रा नाशश्च तस्मिंश्च भविष्यति भवत्यथ

hṛtkampaḥ śūnyatā svedo dhyānaṃ mūrcchā pramūḍhatā nidrā nāśaśca tasmiṃśca bhaviṣyati bhavatyatha

Sanskrit only: no published translation is held for this verse.

कम्पते प्रदशेद्दन्तान् फेनोवामी श्वसित्यपि परुषारुणकृष्णानि पश्येद्रू पाणि चानिलात्

kampate pradaśeddantān phenovāmī śvasityapi paruṣāruṇakṛṣṇāni paśyedrū pāṇi cānilāt

Sanskrit only: no published translation is held for this verse.

पीतफेनाङ्गवक्त्राक्षः पीतासृग्रूपदर्शकः सतृष्णोष्णानलव्याप्तलोकदर्शी च पैत्तिकः

pītaphenāṅgavaktrākṣaḥ pītāsṛgrūpadarśakaḥ satṛṣṇoṣṇānalavyāptalokadarśī ca paittikaḥ

Sanskrit only: no published translation is held for this verse.

शुक्लफेनाङ्गवक्त्राक्षः शीतहृष्टाङ्गजो गुरुः पश्येच्छुक्लानि रूपाणि श्लैष्मिको मुच्यते चिरात्

śuklaphenāṅgavaktrākṣaḥ śītahṛṣṭāṅgajo guruḥ paśyecchuklāni rūpāṇi ślaiṣmiko mucyate cirāt

Sanskrit only: no published translation is held for this verse.

सर्वैरेतैः समस्तैश्च लिङ्गैर्ज्ञेयस्त्रिदोषजः अपस्मारः स चासाध्यो यः क्षीणस्यानवश्च यः

sarvairetaiḥ samastaiśca liṅgairjñeyastridoṣajaḥ apasmāraḥ sa cāsādhyo yaḥ kṣīṇasyānavaśca yaḥ

Sanskrit only: no published translation is held for this verse.

प्रतिस्फुरन्तं बहुशः क्षीणं प्रचलितभ्रुवम् नेत्राभ्यां च विकुर्वाणमपस्मारो विनाशयेत्

pratisphurantaṃ bahuśaḥ kṣīṇaṃ pracalitabhruvam netrābhyāṃ ca vikurvāṇamapasmāro vināśayet

Sanskrit only: no published translation is held for this verse.

पक्षाद्वा द्वादशाहाद्वा मासाद्वाकुपिता मलाः अपस्माराय कुर्वन्ति वेगं किंचिदथान्तरम्

pakṣādvā dvādaśāhādvā māsādvākupitā malāḥ apasmārāya kurvanti vegaṃ kiṃcidathāntaram

Sanskrit only: no published translation is held for this verse.

देवे वर्षत्यपि यथा भूमौ वीजानि कानिचित् शरदि प्रतिरोहन्ति तथा व्याधिसमुच्छ्रयाः

deve varṣatyapi yathā bhūmau vījāni kānicit śaradi pratirohanti tathā vyādhisamucchrayāḥ

Sanskrit only: no published translation is held for this verse.