Mādhavakara: Mādhava-nidāna (Rogaviniścaya) 28

अत्युष्णगुर्वन्नकषायतिक्तश्रमाभिघाताध्यशनप्रसङ्गैः संचिन्तनैर्वेगविधारणैश्च हृदामयः पञ्चविधः प्रदिष्टः

atyuṣṇagurvannakaṣāyatiktaśramābhighātādhyaśanaprasaṅgaiḥ saṃcintanairvegavidhāraṇaiśca hṛdāmayaḥ pañcavidhaḥ pradiṣṭaḥ

Sanskrit only: no published translation is held for this verse.

दूषयित्वा रसं दोषा विगुणा हृदयं गताः हृदि बाधां प्रकुर्वन्ति हृद्रो गं तं प्रचक्षते

dūṣayitvā rasaṃ doṣā viguṇā hṛdayaṃ gatāḥ hṛdi bādhāṃ prakurvanti hṛdro gaṃ taṃ pracakṣate

Sanskrit only: no published translation is held for this verse.

आयम्यते मारुतजे हृद्रो गं तुद्यते तथा निर्मथ्यते दीर्यते च स्फोट्यते पाट्यतेऽपि च

āyamyate mārutaje hṛdro gaṃ tudyate tathā nirmathyate dīryate ca sphoṭyate pāṭyate'pi ca

Sanskrit only: no published translation is held for this verse.

तृष्णोष्मादाहचोषाः स्युः पैत्तिके हृदयक्लमः धूमायनं च मूर्च्छा च स्वेदः शोषो मुखस्य च

tṛṣṇoṣmādāhacoṣāḥ syuḥ paittike hṛdayaklamaḥ dhūmāyanaṃ ca mūrcchā ca svedaḥ śoṣo mukhasya ca

Sanskrit only: no published translation is held for this verse.

गौरवं कफसंस्रावोऽरुचिः स्तम्भोऽग्निमार्दवम् माधुर्यमपि चास्यस्य बलासावतते हृदि

gauravaṃ kaphasaṃsrāvo'ruciḥ stambho'gnimārdavam mādhuryamapi cāsyasya balāsāvatate hṛdi

Sanskrit only: no published translation is held for this verse.

उत्क्लेदः ष्ठीवनं तोदः शूलं हृल्लासकस्तमः अरुचिः श्यावनेत्रत्वं शोथश्च क्रिमिजे भवेत्

utkledaḥ ṣṭhīvanaṃ todaḥ śūlaṃ hṛllāsakastamaḥ aruciḥ śyāvanetratvaṃ śothaśca krimije bhavet

Sanskrit only: no published translation is held for this verse.

क्लमः सादो भ्रमः शोषो ज्ञेयास्तेषामुपद्र वाः क्रिमिजे क्रिमिजातीनां श्लैष्मिकाणां च ये मताः

klamaḥ sādo bhramaḥ śoṣo jñeyāsteṣāmupadra vāḥ krimije krimijātīnāṃ ślaiṣmikāṇāṃ ca ye matāḥ

Sanskrit only: no published translation is held for this verse.