Mādhavakara: Mādhava-nidāna (Rogaviniścaya) 36

वृद्धोऽनूर्ध्वगतिर्वायुः शोथशूलकरश्चरन् मुष्कौ वङ्क्षणतः प्राप्य फलकोषाभिवाहिनीः

vṛddho'nūrdhvagatirvāyuḥ śothaśūlakaraścaran muṣkau vaṅkṣaṇataḥ prāpya phalakoṣābhivāhinīḥ

Sanskrit only: no published translation is held for this verse.

प्रपीड्य धमनीबृद्धिं करोति फलकोषयोः दोषास्रमेदोमूत्रान्त्रैः स वृद्धिः सप्तधा गदः

prapīḍya dhamanībṛddhiṃ karoti phalakoṣayoḥ doṣāsramedomūtrāntraiḥ sa vṛddhiḥ saptadhā gadaḥ

Sanskrit only: no published translation is held for this verse.

मूत्रान्त्रजावप्यनिलाद्धेतुभेदस्तु केवलम् वातपूर्णदृतिस्पर्शो रूक्षो वातादहेतुरुक्

mūtrāntrajāvapyanilāddhetubhedastu kevalam vātapūrṇadṛtisparśo rūkṣo vātādaheturuk

Sanskrit only: no published translation is held for this verse.

पक्वोदुम्बरसंकाशः पित्तद्दाहोष्मपाकवान् कफाच्छीतो गुरुः स्निग्धः कण्डूमान् कठिनोऽल्परुक्

pakvodumbarasaṃkāśaḥ pittaddāhoṣmapākavān kaphācchīto guruḥ snigdhaḥ kaṇḍūmān kaṭhino'lparuk

Sanskrit only: no published translation is held for this verse.

कृष्णस्फोटावृतः पित्तवृद्धिर्लिङ्गश्च रक्तजः कफवन्मेदसा वृद्धिर्मृदुस्तालफलोपमः

kṛṣṇasphoṭāvṛtaḥ pittavṛddhirliṅgaśca raktajaḥ kaphavanmedasā vṛddhirmṛdustālaphalopamaḥ

Sanskrit only: no published translation is held for this verse.

मूत्रधारणशीलस्य मूत्रजः स तु गच्छतः अम्भोभिः पूर्णदृतिवत् क्षोभं याति सरुङ्मृदुः

mūtradhāraṇaśīlasya mūtrajaḥ sa tu gacchataḥ ambhobhiḥ pūrṇadṛtivat kṣobhaṃ yāti saruṅmṛduḥ

Sanskrit only: no published translation is held for this verse.

मूत्रकृच्छ्रमधः स्याच्च चालयन् फलकोषयोः वातकोपिभिराहरैः शीततोयावगाहनैः

mūtrakṛcchramadhaḥ syācca cālayan phalakoṣayoḥ vātakopibhirāharaiḥ śītatoyāvagāhanaiḥ

Sanskrit only: no published translation is held for this verse.

धारणेरणभाराध्व विषमान्नप्रवर्तनैः क्षोभणैः क्षोमितोऽन्यैश्च क्षुद्रा न्त्रावयवं यदा

dhāraṇeraṇabhārādhva viṣamānnapravartanaiḥ kṣobhaṇaiḥ kṣomito'nyaiśca kṣudrā ntrāvayavaṃ yadā

Sanskrit only: no published translation is held for this verse.

पवनो विगुणीकृत्य स्वनिदेशादधो नयेत् कुर्याद्वङ्क्षणसन्धिस्थो ग्रन्थ्याभं श्वयथुं तदा

pavano viguṇīkṛtya svanideśādadho nayet kuryādvaṅkṣaṇasandhistho granthyābhaṃ śvayathuṃ tadā

Sanskrit only: no published translation is held for this verse.

उपेक्षमाणस्य च मुष्कवृद्धिमाध्मानरुक्स्तम्भवतीं स वायुः प्रपीडितोऽन्त स्वनवान् प्रयाति प्रध्मापयन्नेति पुनश्च मुक्तः

upekṣamāṇasya ca muṣkavṛddhimādhmānarukstambhavatīṃ sa vāyuḥ prapīḍito'nta svanavān prayāti pradhmāpayanneti punaśca muktaḥ

Sanskrit only: no published translation is held for this verse.