Mādhavakara: Mādhava-nidāna (Rogaviniścaya) 38

यः सज्वरो वङ्क्षणजो भृशार्तिः शोथो नृणां पादगतः क्रमेण तच्छ्लीपदं स्यात् करकर्णनेत्रशिश्नौष्ठनासास्वपि केचिदाहुः

yaḥ sajvaro vaṅkṣaṇajo bhṛśārtiḥ śotho nṛṇāṃ pādagataḥ krameṇa tacchlīpadaṃ syāt karakarṇanetraśiśnauṣṭhanāsāsvapi kecidāhuḥ

Sanskrit only: no published translation is held for this verse.

वातजं कृष्णरूक्षं च स्फुटितं तीव्रवेदनम् अनिमित्तरुजं तस्य बहुशो ज्वर एव च

vātajaṃ kṛṣṇarūkṣaṃ ca sphuṭitaṃ tīvravedanam animittarujaṃ tasya bahuśo jvara eva ca

Sanskrit only: no published translation is held for this verse.

पित्तजं पीतसङ्काशं दाहज्वरयुतं मृदु श्लैष्मिकं स्निग्धवर्णं च श्वेतं पाण्डु गुरु स्थिरम्

pittajaṃ pītasaṅkāśaṃ dāhajvarayutaṃ mṛdu ślaiṣmikaṃ snigdhavarṇaṃ ca śvetaṃ pāṇḍu guru sthiram

Sanskrit only: no published translation is held for this verse.

वल्मीकमिव संजातं कण्टकैरुपचीयते अब्दात्मकं महत्तच्च वर्जनीयं विशेषतः

valmīkamiva saṃjātaṃ kaṇṭakairupacīyate abdātmakaṃ mahattacca varjanīyaṃ viśeṣataḥ

Sanskrit only: no published translation is held for this verse.

त्रीण्यप्येतानि जानीयाच्छ्लीपदानि कफोच्छ्रयात् गुरुत्वं च महत्वं च यस्मान्नास्ति कफं विना

trīṇyapyetāni jānīyācchlīpadāni kaphocchrayāt gurutvaṃ ca mahatvaṃ ca yasmānnāsti kaphaṃ vinā

Sanskrit only: no published translation is held for this verse.

पुराणोदकभूयिष्ठाः सर्वर्तुषु च शीतलाः ये देशास्तेषु जायन्ते श्लीपदानि विशेषतः

purāṇodakabhūyiṣṭhāḥ sarvartuṣu ca śītalāḥ ye deśāsteṣu jāyante ślīpadāni viśeṣataḥ

Sanskrit only: no published translation is held for this verse.

यच्छ्लेष्मलाहारविहारजातं पुंसः प्रकृत्याऽपि कफात्मकस्य सास्रावमत्युन्नतसर्वलिङ्गं सकण्डुरं श्लेष्मयुतं विवर्ज्यम्

yacchleṣmalāhāravihārajātaṃ puṃsaḥ prakṛtyā'pi kaphātmakasya sāsrāvamatyunnatasarvaliṅgaṃ sakaṇḍuraṃ śleṣmayutaṃ vivarjyam

Sanskrit only: no published translation is held for this verse.