Mādhavakara: Mādhava-nidāna (Rogaviniścaya) 49

शीतमारुतसंस्पर्शात्प्रदुष्टौ कफमारुतौ पित्तेनसह सम्भूय बहिरन्तर्विसर्पतः

śītamārutasaṃsparśātpraduṣṭau kaphamārutau pittenasaha sambhūya bahirantarvisarpataḥ

Sanskrit only: no published translation is held for this verse.

पिपासाऽरुचिहृल्लासदेहसादाङ्गगौरवम् रक्तलोचनता तेषांपूर्वरूपस्य लक्षणम्

pipāsā'rucihṛllāsadehasādāṅgagauravam raktalocanatā teṣāṃpūrvarūpasya lakṣaṇam

Sanskrit only: no published translation is held for this verse.

वरटीदष्टसंस्थानः शोथः संजायते बहिः सकण्डूस्तोदबहुलश्छर्दिज्वरविदाहवान्

varaṭīdaṣṭasaṃsthānaḥ śothaḥ saṃjāyate bahiḥ sakaṇḍūstodabahulaśchardijvaravidāhavān

Sanskrit only: no published translation is held for this verse.

उदर्दमिति तं विद्याच्छीतपित्तमथापरे वाताधिकं शीतपित्तमुदर्दस्तु कफाधिकः

udardamiti taṃ vidyācchītapittamathāpare vātādhikaṃ śītapittamudardastu kaphādhikaḥ

Sanskrit only: no published translation is held for this verse.

सोत्सङ्गैश्च सरागैश्च कण्डूमद्भिश्च मण्डलैः शैशिरः कफजो व्याधिरुदर्द इति कीर्तितः

sotsaṅgaiśca sarāgaiśca kaṇḍūmadbhiśca maṇḍalaiḥ śaiśiraḥ kaphajo vyādhirudarda iti kīrtitaḥ

Sanskrit only: no published translation is held for this verse.

असम्यग्वमनोदीर्ण पित्तश्लेष्मान्ननिग्रहैः मण्डलानि सकण्डूनि रागवन्ति बहूनि च उत्कोठः सानुबन्धश्च कोठ इत्यभिधीयते

asamyagvamanodīrṇa pittaśleṣmānnanigrahaiḥ maṇḍalāni sakaṇḍūni rāgavanti bahūni ca utkoṭhaḥ sānubandhaśca koṭha ityabhidhīyate

Sanskrit only: no published translation is held for this verse.