Mādhavakara: Mādhava-nidāna (Rogaviniścaya) 50

विरुद्धदुष्टाम्लविदाहिपित्तप्रकोपिपानान्नभुजो विदग्धम् पित्तं स्वहेतूपचितं पुरा यत्तदम्लपित्तं प्रवदन्ति सन्तः

viruddhaduṣṭāmlavidāhipittaprakopipānānnabhujo vidagdham pittaṃ svahetūpacitaṃ purā yattadamlapittaṃ pravadanti santaḥ

Sanskrit only: no published translation is held for this verse.

अविपाकक्लमोत्क्ले शतिक्ताम्लोद्गारगौरवैः हृत्कण्ठदाहारुचिभिश्चाम्लपित्तं वदेद्भिषक्

avipākaklamotkle śatiktāmlodgāragauravaiḥ hṛtkaṇṭhadāhārucibhiścāmlapittaṃ vadedbhiṣak

Sanskrit only: no published translation is held for this verse.

तृड्दाहमूर्च्छाभ्रममोहकारि प्रयात्यधो वा विविधप्रकारम् हृल्लासकोठानलसादहर्षस्वेदाङ्गपीतत्वकरं कदाचित्

tṛḍdāhamūrcchābhramamohakāri prayātyadho vā vividhaprakāram hṛllāsakoṭhānalasādaharṣasvedāṅgapītatvakaraṃ kadācit

Sanskrit only: no published translation is held for this verse.

वान्तं हरित्पीतकनीलकृष्णमारक्तरक्ताभमतीव चाम्लम् मांसोदकाभं त्वतिपिच्छिलाच्छं श्लेष्मानुजातं विविधं रसेन

vāntaṃ haritpītakanīlakṛṣṇamāraktaraktābhamatīva cāmlam māṃsodakābhaṃ tvatipicchilācchaṃ śleṣmānujātaṃ vividhaṃ rasena

Sanskrit only: no published translation is held for this verse.

भुक्ते विदग्धे त्वथवाऽप्यभुक्ते करोति तिक्ताम्लवमिं कदाचित् उद्गारमेवंविधमेव कण्ठहृत्कुक्षिदाहं शिरसो रुजं च

bhukte vidagdhe tvathavā'pyabhukte karoti tiktāmlavamiṃ kadācit udgāramevaṃvidhameva kaṇṭhahṛtkukṣidāhaṃ śiraso rujaṃ ca

Sanskrit only: no published translation is held for this verse.

करचरणदाहमौष्ण्यं महतीमरुचिं ज्वरं च कफपित्तम् जनयति कण्डूमण्डलपिण्डकाशतनिचितगात्ररोगचयम्

karacaraṇadāhamauṣṇyaṃ mahatīmaruciṃ jvaraṃ ca kaphapittam janayati kaṇḍūmaṇḍalapiṇḍakāśatanicitagātrarogacayam

Sanskrit only: no published translation is held for this verse.

रोगोऽयमम्लपित्ताख्यो यत्नात् संसाध्यते नवः चिरोत्थितो भवेद्याप्यः कृच्छ्रसाध्यः स कस्यचित्

rogo'yamamlapittākhyo yatnāt saṃsādhyate navaḥ cirotthito bhavedyāpyaḥ kṛcchrasādhyaḥ sa kasyacit

Sanskrit only: no published translation is held for this verse.

सानिलं सानिलकफं सकफं तच्च लक्षयेत् दोषलिङ्गेन मतिमान् भिषङ्मोहकरं हि तत्

sānilaṃ sānilakaphaṃ sakaphaṃ tacca lakṣayet doṣaliṅgena matimān bhiṣaṅmohakaraṃ hi tat

Sanskrit only: no published translation is held for this verse.

कम्पप्रलापमूर्च्छाचिमिगात्रावसादशूलानि तमसो दर्शनविभ्रमविमोहहर्षाण्यनिलकोपात्

kampapralāpamūrcchācimigātrāvasādaśūlāni tamaso darśanavibhramavimohaharṣāṇyanilakopāt

Sanskrit only: no published translation is held for this verse.

कफनिष्ठीवनगौरवजडतारुचिशीतसादवमिलेपाः दहनबलसादकण्डूनिद्रा श्चिह्नं कफानुगते

kaphaniṣṭhīvanagauravajaḍatāruciśītasādavamilepāḥ dahanabalasādakaṇḍūnidrā ścihnaṃ kaphānugate

Sanskrit only: no published translation is held for this verse.

उभयमिदमेव चिह्नं मारुतकफसंभवे भवत्यम्ले तिक्ताम्लकटुकोद्गारहृत्कुक्षिकण्ठदाहकृत्

ubhayamidameva cihnaṃ mārutakaphasaṃbhave bhavatyamle tiktāmlakaṭukodgārahṛtkukṣikaṇṭhadāhakṛt

Sanskrit only: no published translation is held for this verse.

भ्रमो मूर्च्छारुचिश्छर्दिरालस्यं च शिरोरुजा प्रसेको मुखमाधुर्यं श्लेष्मपित्तस्य लक्षणम्

bhramo mūrcchāruciśchardirālasyaṃ ca śirorujā praseko mukhamādhuryaṃ śleṣmapittasya lakṣaṇam

Sanskrit only: no published translation is held for this verse.