Mādhavakara: Mādhava-nidāna (Rogaviniścaya) 55

आनूपपिशित क्षीरदधिमत्स्यातिसेवनात् मुखमध्ये गदान् कुर्युः क्रुद्धा दोषाः कफोत्तराः

ānūpapiśita kṣīradadhimatsyātisevanāt mukhamadhye gadān kuryuḥ kruddhā doṣāḥ kaphottarāḥ

Sanskrit only: no published translation is held for this verse.

कर्कशौ परुषौ स्तब्धौ संप्राप्तानिलवेदनौ दाल्येते परिपाट्येते ओष्ठौ मारुतकोपतः

karkaśau paruṣau stabdhau saṃprāptānilavedanau dālyete paripāṭyete oṣṭhau mārutakopataḥ

Sanskrit only: no published translation is held for this verse.

चीयते पिडकाभिश्च सरुजाभिः समन्ततः सदाहपाकपिडकौ पीताभासौ च पित्ततः

cīyate piḍakābhiśca sarujābhiḥ samantataḥ sadāhapākapiḍakau pītābhāsau ca pittataḥ

Sanskrit only: no published translation is held for this verse.

सवर्णाभिश्च चीयेते पिडकाभिरवेदनौ भवतस्तु कफादोष्ठौ पिच्छिलौ शीतलौ गुरू

savarṇābhiśca cīyete piḍakābhiravedanau bhavatastu kaphādoṣṭhau picchilau śītalau gurū

Sanskrit only: no published translation is held for this verse.

सकृत्कृष्णौ सकृत्पीतौ सकृच्छ्वेतौ तथैव च सन्निपातेन विज्ञेयावनेकपिडकाचितौ

sakṛtkṛṣṇau sakṛtpītau sakṛcchvetau tathaiva ca sannipātena vijñeyāvanekapiḍakācitau

Sanskrit only: no published translation is held for this verse.

खर्जूरफलवर्णाभिः पिडकाभिर्निपीडितौ रक्तोपसृष्टौ रुधिरं स्रवतः शोणितप्रभौ

kharjūraphalavarṇābhiḥ piḍakābhirnipīḍitau raktopasṛṣṭau rudhiraṃ sravataḥ śoṇitaprabhau

Sanskrit only: no published translation is held for this verse.

गुरू स्थूलौ मांसदुष्टौ मांसपिण्डवदुद्गतौ जन्तवश्चात्र मूर्च्छन्ति नरस्योभयतो मुखात्

gurū sthūlau māṃsaduṣṭau māṃsapiṇḍavadudgatau jantavaścātra mūrcchanti narasyobhayato mukhāt

Sanskrit only: no published translation is held for this verse.

सर्पिर्मण्डप्रतीकाशौ मेदसा कण्डुरौ गुरू अच्छं स्फटिकसंकाशमास्रावं स्रवतो भृशम्

sarpirmaṇḍapratīkāśau medasā kaṇḍurau gurū acchaṃ sphaṭikasaṃkāśamāsrāvaṃ sravato bhṛśam

Sanskrit only: no published translation is held for this verse.

तयोर्व्रणो न संरोहेन्मृदुत्वं च न गच्छति क्षतजाभौ विदीर्येते पाट्येते चाभिघाततः

tayorvraṇo na saṃrohenmṛdutvaṃ ca na gacchati kṣatajābhau vidīryete pāṭyete cābhighātataḥ

Sanskrit only: no published translation is held for this verse.

ग्रथितौ च तथा स्यातामोष्ठौ कण्डूसमन्वितौ शोणितं दन्तवेष्टेभ्यो यस्याकस्मात् प्रवर्तते दुर्गन्धीनि सकृष्णानि प्रक्लेदीनि मृदुनि च

grathitau ca tathā syātāmoṣṭhau kaṇḍūsamanvitau śoṇitaṃ dantaveṣṭebhyo yasyākasmāt pravartate durgandhīni sakṛṣṇāni prakledīni mṛduni ca

Sanskrit only: no published translation is held for this verse.

दन्तमांसानि शीर्यन्ते पचन्ति च परस्परम् शीतादो नाम स व्याधिः कफशोणितसंभवः

dantamāṃsāni śīryante pacanti ca parasparam śītādo nāma sa vyādhiḥ kaphaśoṇitasaṃbhavaḥ

Sanskrit only: no published translation is held for this verse.

दन्तयोस्त्रिषु वा यस्य श्वयथुर्जायते महान् दन्तपुप्पुटको नाम स व्याधिः कफरक्तजः

dantayostriṣu vā yasya śvayathurjāyate mahān dantapuppuṭako nāma sa vyādhiḥ kapharaktajaḥ

Sanskrit only: no published translation is held for this verse.

स्रवन्ति पूयरुधिरं चला दन्ता भवन्ति च दन्तवेष्टः स विज्ञेयो दुष्टशोणितसंभवः

sravanti pūyarudhiraṃ calā dantā bhavanti ca dantaveṣṭaḥ sa vijñeyo duṣṭaśoṇitasaṃbhavaḥ

Sanskrit only: no published translation is held for this verse.

श्वयथुर्दन्तमूलेषु रुजावान् कफरक्तजः लालास्रावी स विज्ञेयः शैषिरो नाम नामतः

śvayathurdantamūleṣu rujāvān kapharaktajaḥ lālāsrāvī sa vijñeyaḥ śaiṣiro nāma nāmataḥ

Sanskrit only: no published translation is held for this verse.

दन्ताश्चलन्ति वेष्टेभ्यस्तालु चाप्यवदीर्यते यस्मिन् स सर्वजो व्याधिर्महाशौषिरसंज्ञितः

dantāścalanti veṣṭebhyastālu cāpyavadīryate yasmin sa sarvajo vyādhirmahāśauṣirasaṃjñitaḥ

Sanskrit only: no published translation is held for this verse.

दन्तमांसानि शीर्यन्ते यस्मिन् ष्ठीवति चाप्यसृक् पित्तासृक्कफजो व्याधिर्ज्ञेयः परिदरो हि सः

dantamāṃsāni śīryante yasmin ṣṭhīvati cāpyasṛk pittāsṛkkaphajo vyādhirjñeyaḥ paridaro hi saḥ

Sanskrit only: no published translation is held for this verse.

वेष्टेषु दाहः पाकश्च ताभ्यां दन्ताश्चलन्ति च यस्मिन् सोपकुशो नाम पित्तरक्तकृतो गदः

veṣṭeṣu dāhaḥ pākaśca tābhyāṃ dantāścalanti ca yasmin sopakuśo nāma pittaraktakṛto gadaḥ

Sanskrit only: no published translation is held for this verse.

घृष्टेषु दन्तमांसेषु संरम्भो जायते महान् चला भवन्ति दन्ताश्च स वैदर्भोऽभिघातजः

ghṛṣṭeṣu dantamāṃseṣu saṃrambho jāyate mahān calā bhavanti dantāśca sa vaidarbho'bhighātajaḥ

Sanskrit only: no published translation is held for this verse.

मारुतेनाधिको दन्तो जायते तीव्रवेदनः खलिवर्धनसंज्ञोऽसौ जाते रुक् च प्रशाम्यति

mārutenādhiko danto jāyate tīvravedanaḥ khalivardhanasaṃjño'sau jāte ruk ca praśāmyati

Sanskrit only: no published translation is held for this verse.

शनैः शनैः प्रकुरुते वायुर्दन्तसमाश्रितः करालान् विकटान् दन्तान् करालो न स सिध्यति

śanaiḥ śanaiḥ prakurute vāyurdantasamāśritaḥ karālān vikaṭān dantān karālo na sa sidhyati

Sanskrit only: no published translation is held for this verse.

हानव्ये पश्चिमे दन्ते महाञ् शोथो महारुजः लालास्रावी कफकृतो विज्ञेयः सोऽधिमांसकः दन्तमूलगता नाड्यः पञ्च ज्ञेया यथेरिताः

hānavye paścime dante mahāñ śotho mahārujaḥ lālāsrāvī kaphakṛto vijñeyaḥ so'dhimāṃsakaḥ dantamūlagatā nāḍyaḥ pañca jñeyā yatheritāḥ

Sanskrit only: no published translation is held for this verse.

दीर्यमाणेष्विव रुजा यस्य दन्तेषु जायते दालनो नाम स व्याधिः सदागतिनिमित्तजः

dīryamāṇeṣviva rujā yasya danteṣu jāyate dālano nāma sa vyādhiḥ sadāgatinimittajaḥ

Sanskrit only: no published translation is held for this verse.

कृष्णच्छिद्र श्चलः स्रावी ससंरम्भो महारुजः अनिमित्तरुजो वाताद्विज्ञेयः क्रिमिदन्तकः

kṛṣṇacchidra ścalaḥ srāvī sasaṃrambho mahārujaḥ animittarujo vātādvijñeyaḥ krimidantakaḥ

Sanskrit only: no published translation is held for this verse.

वक्त्रं वक्रं भवेद्यस्य दन्तभङ्गश्च जायते कफवातकृतो व्याधिः स भञ्जनकसंज्ञितः

vaktraṃ vakraṃ bhavedyasya dantabhaṅgaśca jāyate kaphavātakṛto vyādhiḥ sa bhañjanakasaṃjñitaḥ

Sanskrit only: no published translation is held for this verse.

शीतरूक्षप्रवाताम्लस्पर्शानामसहा द्विजाः पित्तमारुतकोपेन दन्तहर्षः स नामतः

śītarūkṣapravātāmlasparśānāmasahā dvijāḥ pittamārutakopena dantaharṣaḥ sa nāmataḥ

Sanskrit only: no published translation is held for this verse.

मलो दन्तगतो यस्तु पित्तमारुतशोषितः शर्करेव खरस्पर्शा सा ज्ञेया दन्तशर्करा

malo dantagato yastu pittamārutaśoṣitaḥ śarkareva kharasparśā sā jñeyā dantaśarkarā

Sanskrit only: no published translation is held for this verse.

कपालेष्विव दीर्यत्सु दन्तानां सैव शर्करा कपालिकेति विज्ञेया सदा दन्तविनाशिनी

kapāleṣviva dīryatsu dantānāṃ saiva śarkarā kapāliketi vijñeyā sadā dantavināśinī

Sanskrit only: no published translation is held for this verse.

योऽसृङिमश्रेण पित्तेन दग्धो दन्तस्त्वशेषतः श्यावतां नीलतां वापि गतः स श्यावदन्तकः

yo'sṛṅimaśreṇa pittena dagdho dantastvaśeṣataḥ śyāvatāṃ nīlatāṃ vāpi gataḥ sa śyāvadantakaḥ

Sanskrit only: no published translation is held for this verse.

दन्तमांसे मलैः सास्रैर्वाह्यान्तः श्वयथुर्गुरुः सदाहरुक् स्रवेद्भिन्नः पूयास्रं दन्तविद्र धिः

dantamāṃse malaiḥ sāsrairvāhyāntaḥ śvayathurguruḥ sadāharuk sravedbhinnaḥ pūyāsraṃ dantavidra dhiḥ

Sanskrit only: no published translation is held for this verse.

जिह्वाऽनिलेन स्फुटिता प्रसुप्ता भवेच्च शाकच्छदनप्रकाशा पित्तेन दह्यत्युपचीयते च दीर्घैः सरक्तैरपि कण्टकैश्च कफेन गुर्वी बहुलाचिता च मांसोच्छ्रायैः शाल्मलिकण्टकाभैः

jihvā'nilena sphuṭitā prasuptā bhavecca śākacchadanaprakāśā pittena dahyatyupacīyate ca dīrghaiḥ saraktairapi kaṇṭakaiśca kaphena gurvī bahulācitā ca māṃsocchrāyaiḥ śālmalikaṇṭakābhaiḥ

Sanskrit only: no published translation is held for this verse.

जिह्वातले यः श्वयथुः प्रगाढः सोऽलाससंज्ञः कफरक्तमूर्तिः जिह्वां स तु स्तम्भयति प्रवृद्धो मूले च जिह्वा भृशमेति पाकम्

jihvātale yaḥ śvayathuḥ pragāḍhaḥ so'lāsasaṃjñaḥ kapharaktamūrtiḥ jihvāṃ sa tu stambhayati pravṛddho mūle ca jihvā bhṛśameti pākam

Sanskrit only: no published translation is held for this verse.

जिह्वाग्ररूपः श्वयथुर्हि जिह्वामुन्नस्य जातः कफरक्तमूलः लालाकरः कण्डुयुतः सचोषः सा तूपजिह्वा पठिता भिषग्भिः

jihvāgrarūpaḥ śvayathurhi jihvāmunnasya jātaḥ kapharaktamūlaḥ lālākaraḥ kaṇḍuyutaḥ sacoṣaḥ sā tūpajihvā paṭhitā bhiṣagbhiḥ

Sanskrit only: no published translation is held for this verse.

श्लेष्मासृग्भ्यां तालमूले प्रवृद्धो दीर्घः शोथो ध्मातबस्तिप्रकाशः तृष्णाकासश्वासकृत्तं वदन्ति व्याधिं वैद्याः कण्ठशुण्डीति नाम्ना

śleṣmāsṛgbhyāṃ tālamūle pravṛddho dīrghaḥ śotho dhmātabastiprakāśaḥ tṛṣṇākāsaśvāsakṛttaṃ vadanti vyādhiṃ vaidyāḥ kaṇṭhaśuṇḍīti nāmnā

Sanskrit only: no published translation is held for this verse.

शोथः स्थूलस्तोददाहप्रपाकी प्रागुक्ताभ्यां तुण्डिकेरी मता तु मृदुः शोथो लोहितः शोणितोत्थो ज्ञेयोऽध्रुषः सज्वरस्तीव्ररुक् च

śothaḥ sthūlastodadāhaprapākī prāguktābhyāṃ tuṇḍikerī matā tu mṛduḥ śotho lohitaḥ śoṇitottho jñeyo'dhruṣaḥ sajvarastīvraruk ca

Sanskrit only: no published translation is held for this verse.

कूर्मोन्नतोऽवेदनोऽशीघ्रजन्मा रोगो ज्ञेयः कच्छपः श्लेष्मणा तु पद्माकारं तालुमध्ये तु शोथं विद्याद्र क्तादर्वुदं प्रोक्तलिङ्गम्

kūrmonnato'vedano'śīghrajanmā rogo jñeyaḥ kacchapaḥ śleṣmaṇā tu padmākāraṃ tālumadhye tu śothaṃ vidyādra ktādarvudaṃ proktaliṅgam

Sanskrit only: no published translation is held for this verse.

दुष्टं मांसं नीरुजं तालुमध्ये कफाच्छूनं मांससंघातमाहुः नीरुक्स्थायी कोलमात्रःकफात् स्यान्मेदोयुक्तात् पुप्पुटस्तालुदेशे

duṣṭaṃ māṃsaṃ nīrujaṃ tālumadhye kaphācchūnaṃ māṃsasaṃghātamāhuḥ nīruksthāyī kolamātraḥkaphāt syānmedoyuktāt puppuṭastāludeśe

Sanskrit only: no published translation is held for this verse.

शोषोऽत्यर्थं दीर्यते चापि तालुः श्वासश्चोग्रस्तालुशोषोऽनिलाच्च पित्तं कुर्यात् पाकमत्यर्थघोरं तालुन्येवं तालुपाकंवदन्ति

śoṣo'tyarthaṃ dīryate cāpi tāluḥ śvāsaścograstāluśoṣo'nilācca pittaṃ kuryāt pākamatyarthaghoraṃ tālunyevaṃ tālupākaṃvadanti

Sanskrit only: no published translation is held for this verse.

गलेऽनिलः पित्तकफौ च मूर्च्छितौ प्रदूष्य मांसं च तथैव शोणितम् गलोपसंरोधकरैस्तथाऽङकुरैर्निहन्त्यसून् व्याधिरियं हि रोहिणी

gale'nilaḥ pittakaphau ca mūrcchitau pradūṣya māṃsaṃ ca tathaiva śoṇitam galopasaṃrodhakaraistathā'ṅakurairnihantyasūn vyādhiriyaṃ hi rohiṇī

Sanskrit only: no published translation is held for this verse.

जिह्वासमन्ताद्भृशवेदनास्तु मांसाङ्कुराः कण्ठविरोधिनो ये सा रोहिणी वातकृता प्रदिष्टा वातात्मकोपद्र वगाढयुक्ता

jihvāsamantādbhṛśavedanāstu māṃsāṅkurāḥ kaṇṭhavirodhino ye sā rohiṇī vātakṛtā pradiṣṭā vātātmakopadra vagāḍhayuktā

Sanskrit only: no published translation is held for this verse.

क्षिप्रोद्गमा क्षिप्रविदाहपाका तीव्रज्वरा पित्तनिमित्तजा तु स्रोतोविरोधिन्यचलोद्गता च स्थिराङ्कुरा या कफसंभवा सा

kṣiprodgamā kṣipravidāhapākā tīvrajvarā pittanimittajā tu srotovirodhinyacalodgatā ca sthirāṅkurā yā kaphasaṃbhavā sā

Sanskrit only: no published translation is held for this verse.

गम्भीरपाकिन्यनिवार्यवीर्या त्रिदोषलिङ्गा त्रितयोत्थिता च स्फोटैश्चिता पित्तसमानलिङ्गा साध्या प्रदिष्टा रुधिरात्मिका तु

gambhīrapākinyanivāryavīryā tridoṣaliṅgā tritayotthitā ca sphoṭaiścitā pittasamānaliṅgā sādhyā pradiṣṭā rudhirātmikā tu

Sanskrit only: no published translation is held for this verse.

कीलास्थिमात्रः कफसंभवो यो ग्रन्थिर्गले कण्टकशूकभूतः खरः स्थिरः शस्त्रनिपातसाध्यस्तं कण्ठशालूकमिति ब्रुवन्ति

kīlāsthimātraḥ kaphasaṃbhavo yo granthirgale kaṇṭakaśūkabhūtaḥ kharaḥ sthiraḥ śastranipātasādhyastaṃ kaṇṭhaśālūkamiti bruvanti

Sanskrit only: no published translation is held for this verse.

जिह्वाग्ररूपः श्वयथुः कफात्तु जिह्वोपरिष्टादपि रक्तमिश्रात् ज्ञेयोऽधिजिह्वः खलु रोग एष विवर्जयेदागतपाकमेनम्

jihvāgrarūpaḥ śvayathuḥ kaphāttu jihvopariṣṭādapi raktamiśrāt jñeyo'dhijihvaḥ khalu roga eṣa vivarjayedāgatapākamenam

Sanskrit only: no published translation is held for this verse.

वलास एवायतमुन्नतं च शोथं करोत्यन्नगतिं निवार्य तं सर्वथैवाप्रतिवार्यवीर्यं विवर्जनीयं बलयं वदन्ति

valāsa evāyatamunnataṃ ca śothaṃ karotyannagatiṃ nivārya taṃ sarvathaivāprativāryavīryaṃ vivarjanīyaṃ balayaṃ vadanti

Sanskrit only: no published translation is held for this verse.

गले तु शोथं कुरुतः प्रवृद्धौ श्लेष्मानिलौ श्वासरुजोपपन्नम् मर्मच्छिदं सुस्तरमेनमाहुर्बलाशसंज्ञं निपुणा विकारम्

gale tu śothaṃ kurutaḥ pravṛddhau śleṣmānilau śvāsarujopapannam marmacchidaṃ sustaramenamāhurbalāśasaṃjñaṃ nipuṇā vikāram

Sanskrit only: no published translation is held for this verse.

वृत्तोन्नतोऽन्त श्वयथुः सदाहः सकण्डुरोऽपाक्यमृदुर्गुरुश्च नाम्नैकवृन्दः परिकीर्तितोऽसौ व्याधिर्बलासक्षतजप्रसूतः

vṛttonnato'nta śvayathuḥ sadāhaḥ sakaṇḍuro'pākyamṛdurguruśca nāmnaikavṛndaḥ parikīrtito'sau vyādhirbalāsakṣatajaprasūtaḥ

Sanskrit only: no published translation is held for this verse.

समुन्नतं वृत्तममन्ददाहं तीव्रज्वरं वृन्दमुदाहरन्ति तच्चापि पित्तक्षतजप्रकोपाज्ज्ञेयं सतोदं पवनात्मकं तु

samunnataṃ vṛttamamandadāhaṃ tīvrajvaraṃ vṛndamudāharanti taccāpi pittakṣatajaprakopājjñeyaṃ satodaṃ pavanātmakaṃ tu

Sanskrit only: no published translation is held for this verse.

वर्तिर्घना कण्ठनिरोधिनी या चिताऽतिमात्रं पिशितप्ररोहैः अनेकरुक् प्राणहरी त्रिदोषाज्ज्ञेया शतघ्नी च शतघ्निरूपा

vartirghanā kaṇṭhanirodhinī yā citā'timātraṃ piśitaprarohaiḥ anekaruk prāṇaharī tridoṣājjñeyā śataghnī ca śataghnirūpā

Sanskrit only: no published translation is held for this verse.

ग्रन्थिर्गले त्वामलकास्थिमात्रः स्थिरोऽतिरुग्यः कफरक्तमूर्त्तिः संलक्ष्यते सक्तमिवाशनं च सशस्त्रसाध्यस्तु गलायुसंज्ञः

granthirgale tvāmalakāsthimātraḥ sthiro'tirugyaḥ kapharaktamūrttiḥ saṃlakṣyate saktamivāśanaṃ ca saśastrasādhyastu galāyusaṃjñaḥ

Sanskrit only: no published translation is held for this verse.

सर्वं गलं व्याप्य समुत्थितो यः शोथो रुजं सन्ति च यत्र सर्वाः स सर्वदोषैर्गलविद्र धिस्तु तस्यैव तुल्यः खलु सर्वजस्य

sarvaṃ galaṃ vyāpya samutthito yaḥ śotho rujaṃ santi ca yatra sarvāḥ sa sarvadoṣairgalavidra dhistu tasyaiva tulyaḥ khalu sarvajasya

Sanskrit only: no published translation is held for this verse.

शोथो महानन्नजलावरोधी तीव्रज्वरो वायुगतेर्निहन्ता कफेन जातो रुधिरान्वितेन गले गलौघः परिकीर्त्यते तु

śotho mahānannajalāvarodhī tīvrajvaro vāyugaternihantā kaphena jāto rudhirānvitena gale galaughaḥ parikīrtyate tu

Sanskrit only: no published translation is held for this verse.

यस्ताम्यमानः श्वसिति प्रसक्तं भिन्नस्वरः शुष्कविमुक्तकण्ठः कफोपदिग्धेष्वनिलायनेषु ज्ञेयः स रोगः श्वसनात् स्वरघ्नः

yastāmyamānaḥ śvasiti prasaktaṃ bhinnasvaraḥ śuṣkavimuktakaṇṭhaḥ kaphopadigdheṣvanilāyaneṣu jñeyaḥ sa rogaḥ śvasanāt svaraghnaḥ

Sanskrit only: no published translation is held for this verse.

प्रतानवान् यः श्वयथुः सुकष्टो गलोपरोधं कुरुते क्रमेण स मांस तानः कथितोऽवलम्वी प्राण प्रणुत् सर्वकृतो विकारः

pratānavān yaḥ śvayathuḥ sukaṣṭo galoparodhaṃ kurute krameṇa sa māṃsa tānaḥ kathito'valamvī prāṇa praṇut sarvakṛto vikāraḥ

Sanskrit only: no published translation is held for this verse.

सदाहतोदं श्वयथुं सुताम्रमन्तर्गले पूतिविशीर्णमांसम् पित्तेन विद्याद्वदने विदारीं पार्श्वे विशेषात् स तु येन शेते

sadāhatodaṃ śvayathuṃ sutāmramantargale pūtiviśīrṇamāṃsam pittena vidyādvadane vidārīṃ pārśve viśeṣāt sa tu yena śete

Sanskrit only: no published translation is held for this verse.

स्फोटैः सतोदैर्वदनं समन्ताद्यस्यावितं सर्वसरः स वातात् रक्तैः सदाहैस्तनुभिः सपीतैर्यस्याचितं चापि स पित्तकोपात् अवेदनैः कण्डुयुतैः सवर्णैर्यस्याचितं चापि स वै कफेन

sphoṭaiḥ satodairvadanaṃ samantādyasyāvitaṃ sarvasaraḥ sa vātāt raktaiḥ sadāhaistanubhiḥ sapītairyasyācitaṃ cāpi sa pittakopāt avedanaiḥ kaṇḍuyutaiḥ savarṇairyasyācitaṃ cāpi sa vai kaphena

Sanskrit only: no published translation is held for this verse.

ओष्ठप्रकोपे वर्ज्याः स्युर्मांसरक्तत्रिदोषजाः दन्तमूलेषु वर्ज्यौ च त्रिलिङ्गगतिशौषिरौ

oṣṭhaprakope varjyāḥ syurmāṃsaraktatridoṣajāḥ dantamūleṣu varjyau ca triliṅgagatiśauṣirau

Sanskrit only: no published translation is held for this verse.

दन्तेषु च न सिध्यन्ति श्यावदालनभञ्जनाः जिह्वारोगे बलाशस्तु तालव्येष्वर्बुदं तथा

danteṣu ca na sidhyanti śyāvadālanabhañjanāḥ jihvāroge balāśastu tālavyeṣvarbudaṃ tathā

Sanskrit only: no published translation is held for this verse.

स्वरघ्नो वलयो वृन्दो बलाशश्च विदारिका गलौघो मांसतानश्च शतघ्नी रोहिणी गले

svaraghno valayo vṛndo balāśaśca vidārikā galaugho māṃsatānaśca śataghnī rohiṇī gale

Sanskrit only: no published translation is held for this verse.

असाध्याः कीर्तिता ह्येते रोगा नव दशैव तु तेषु चापि क्रियां वैद्यः प्रत्याख्याय समाचरेत्

asādhyāḥ kīrtitā hyete rogā nava daśaiva tu teṣu cāpi kriyāṃ vaidyaḥ pratyākhyāya samācaret

Sanskrit only: no published translation is held for this verse.