Mādhavakara: Mādhava-nidāna (Rogaviniścaya) 60

विरुद्धमद्याध्यशनादजीर्णाद् गर्भप्रपातादतिमैथुनाच्च यानाध्वशोकादतिकर्षणाच्च भाराभिघाताच्छयनाद्दिवा च तं श्लेष्मपित्तानिलसंनिपातैश्चतुष्प्रकारं प्रदरं वदन्ति

viruddhamadyādhyaśanādajīrṇād garbhaprapātādatimaithunācca yānādhvaśokādatikarṣaṇācca bhārābhighātācchayanāddivā ca taṃ śleṣmapittānilasaṃnipātaiścatuṣprakāraṃ pradaraṃ vadanti

Sanskrit only: no published translation is held for this verse.

असृग्दरं भवेत् सर्वं साङ्गमर्दं सवेदनम् तस्यातिवृत्तौ दौर्वल्यं भ्रमो मूर्च्छा मदस्तृषा दाहः प्रलापः पाण्डुत्वं तन्द्रा रोगाश्च वातजाः

asṛgdaraṃ bhavet sarvaṃ sāṅgamardaṃ savedanam tasyātivṛttau daurvalyaṃ bhramo mūrcchā madastṛṣā dāhaḥ pralāpaḥ pāṇḍutvaṃ tandrā rogāśca vātajāḥ

Sanskrit only: no published translation is held for this verse.

आमं सपिच्छाप्रतिमं सपाण्डु पुलाकतोयप्रतिमं कफात्तु सपीतनीलासितरक्तमुष्णं पित्तार्तियुक्तं भृशवेगि पित्तात्

āmaṃ sapicchāpratimaṃ sapāṇḍu pulākatoyapratimaṃ kaphāttu sapītanīlāsitaraktamuṣṇaṃ pittārtiyuktaṃ bhṛśavegi pittāt

Sanskrit only: no published translation is held for this verse.

रूक्षारुणं फेनिलमल्पमल्पं वातार्तिवातात् पिशितोदकाभम् सक्षौद्र सर्पिर्हरितालवर्णं मज्जप्रकाशं कुणपं त्रिदोषात्

rūkṣāruṇaṃ phenilamalpamalpaṃ vātārtivātāt piśitodakābham sakṣaudra sarpirharitālavarṇaṃ majjaprakāśaṃ kuṇapaṃ tridoṣāt

Sanskrit only: no published translation is held for this verse.

शश्वत् स्रवन्तीमास्रावं तृष्णादाहज्वरान्विताम् क्षीणरक्तां दुर्बलां च तामसाध्यां विनिर्दिशेत्

śaśvat sravantīmāsrāvaṃ tṛṣṇādāhajvarānvitām kṣīṇaraktāṃ durbalāṃ ca tāmasādhyāṃ vinirdiśet

Sanskrit only: no published translation is held for this verse.

मासान्निष्पिच्छदाहार्ति पञ्चरात्रानुबन्धि च नैवातिबहुलात्यल्पमार्तवं शुद्धमादिशेत्

māsānniṣpicchadāhārti pañcarātrānubandhi ca naivātibahulātyalpamārtavaṃ śuddhamādiśet

Sanskrit only: no published translation is held for this verse.

शशासृक्प्रतिमं यच्च यद्वा लाक्षारसोपमम् तदार्तवं प्रशंसन्ति यच्चाप्सु न विरज्यते

śaśāsṛkpratimaṃ yacca yadvā lākṣārasopamam tadārtavaṃ praśaṃsanti yaccāpsu na virajyate

Sanskrit only: no published translation is held for this verse.