Mādhavakara: Mādhava-nidāna (Rogaviniścaya) 62

दिवास्वप्नादतिक्रोधाद् व्यायामादतिमैथुनात् क्षताच्च नखदन्ताद्यैर्वाताद्याः कुपिता यदा

divāsvapnādatikrodhād vyāyāmādatimaithunāt kṣatācca nakhadantādyairvātādyāḥ kupitā yadā

Sanskrit only: no published translation is held for this verse.

पूयशोणितसंकाशं निकुचाकृतिसंनिभम् जनयन्ति यदा योनौ नाम्ना कन्दः स योनिजः

pūyaśoṇitasaṃkāśaṃ nikucākṛtisaṃnibham janayanti yadā yonau nāmnā kandaḥ sa yonijaḥ

Sanskrit only: no published translation is held for this verse.

रूक्षं विवर्णं स्फुटितं वातिकं तं विनिर्दिशेत् दाहरागज्वरयुतं विद्यात् पित्तात्मकं तु तम्

rūkṣaṃ vivarṇaṃ sphuṭitaṃ vātikaṃ taṃ vinirdiśet dāharāgajvarayutaṃ vidyāt pittātmakaṃ tu tam

Sanskrit only: no published translation is held for this verse.

नीलपुष्पप्रतीकाशं कण्डूमन्तं कफात्मकम् सर्वलिङ्गसमायुक्तं सन्निपातात्मकं विदुः

nīlapuṣpapratīkāśaṃ kaṇḍūmantaṃ kaphātmakam sarvaliṅgasamāyuktaṃ sannipātātmakaṃ viduḥ

Sanskrit only: no published translation is held for this verse.