Mādhavakara: Mādhava-nidāna (Rogaviniścaya) 66

विशस्तेष्वपि गात्रेषु यथा शुक्रं न दृश्यते सर्वदेहाश्रितत्वाच्च शुक्रलक्षणमुच्यते

viśasteṣvapi gātreṣu yathā śukraṃ na dṛśyate sarvadehāśritatvācca śukralakṣaṇamucyate

Sanskrit only: no published translation is held for this verse.

तदेव चेष्टयुवतेर्दर्शनात्स्मरणादपि शब्दसंश्रवणात्स्पर्शात्संहर्षाच्च प्रवर्तते

tadeva ceṣṭayuvaterdarśanātsmaraṇādapi śabdasaṃśravaṇātsparśātsaṃharṣācca pravartate

Sanskrit only: no published translation is held for this verse.

सुप्रसन्नं मनस्तत्र हर्षणे हेतुरुच्यते आहाररसयोनित्वादेवं स्तन्यमपि स्त्रियः

suprasannaṃ manastatra harṣaṇe heturucyate āhārarasayonitvādevaṃ stanyamapi striyaḥ

Sanskrit only: no published translation is held for this verse.

तदेवापत्यसंस्पर्शाद्दर्शनात्स्मरणादपि ग्रहणाच्च शरीरस्य शुक्रवत्संप्रर्वते स्नेहो निरन्तरस्तत्र प्रस्रवे हेतुरुच्यते

tadevāpatyasaṃsparśāddarśanātsmaraṇādapi grahaṇācca śarīrasya śukravatsaṃprarvate sneho nirantarastatra prasrave heturucyate

Sanskrit only: no published translation is held for this verse.

गुरुभिर्विविधैरन्नैर्दुष्टैर्दोषैः प्रदूषितम् क्षीरं मातुः कुमारस्य नानारोगाय कल्पते

gurubhirvividhairannairduṣṭairdoṣaiḥ pradūṣitam kṣīraṃ mātuḥ kumārasya nānārogāya kalpate

Sanskrit only: no published translation is held for this verse.

कषायं सलिलप्लावि स्तन्यं मारुतदूषितम् कट्वम्ललवणं पीतराजीमत् पित्तसंज्ञितम्

kaṣāyaṃ salilaplāvi stanyaṃ mārutadūṣitam kaṭvamlalavaṇaṃ pītarājīmat pittasaṃjñitam

Sanskrit only: no published translation is held for this verse.

कफदुष्टं घनं तोये निमज्जति सपिच्छलम् द्विलिङ्गं द्वन्द्वजं विद्यात् सर्वलिङ्गं त्रिदोषजम्

kaphaduṣṭaṃ ghanaṃ toye nimajjati sapicchalam dviliṅgaṃ dvandvajaṃ vidyāt sarvaliṅgaṃ tridoṣajam

Sanskrit only: no published translation is held for this verse.

अदुष्टं चाम्बुनिक्षिप्तमेकीभवति पाण्डुरम् मधुरं चाविवर्णं च प्रसन्नं तत् प्रशस्यते

aduṣṭaṃ cāmbunikṣiptamekībhavati pāṇḍuram madhuraṃ cāvivarṇaṃ ca prasannaṃ tat praśasyate

Sanskrit only: no published translation is held for this verse.