Mādhavakara: Mādhava-nidāna (Rogaviniścaya) 69

ज्वरोऽतिसारो ग्रहणी चार्शोऽजीर्णं विसूचिका अलसश्च विलम्बी च क्रिमिरुक्पाण्डुकामलाः

jvaro'tisāro grahaṇī cārśo'jīrṇaṃ visūcikā alasaśca vilambī ca krimirukpāṇḍukāmalāḥ

Sanskrit only: no published translation is held for this verse.

हलीमकं रक्तपित्तं राजयक्ष्मा उरःक्षतम् कासो हिक्का सह श्वासैः स्वरभेदस्त्वरोचकः

halīmakaṃ raktapittaṃ rājayakṣmā uraḥkṣatam kāso hikkā saha śvāsaiḥ svarabhedastvarocakaḥ

Sanskrit only: no published translation is held for this verse.

छर्दिस्तृष्णा च मूर्च्छाद्या रोगाः पानात्ययादयः दाहोन्मादावपस्मारः कथितोऽथानिलामयः

chardistṛṣṇā ca mūrcchādyā rogāḥ pānātyayādayaḥ dāhonmādāvapasmāraḥ kathito'thānilāmayaḥ

Sanskrit only: no published translation is held for this verse.

वातरक्तमूरुस्तम्भ आमवातोऽथ शूलरुक् पक्तिजं शूलमानाह उदावर्तोऽथ गुल्मरुक्

vātaraktamūrustambha āmavāto'tha śūlaruk paktijaṃ śūlamānāha udāvarto'tha gulmaruk

Sanskrit only: no published translation is held for this verse.

हृद्रो गो मूत्रकृच्छ्रं च मूत्राघातस्तथाऽश्मरी प्रमेहो मधुमेहश्च पिडकाश्च प्रमेहजाः

hṛdro go mūtrakṛcchraṃ ca mūtrāghātastathā'śmarī prameho madhumehaśca piḍakāśca pramehajāḥ

Sanskrit only: no published translation is held for this verse.

मेदस्तथोदरं शोथो वृद्धिश्च गलगण्डकः गण्डमालाऽपची ग्रन्थिरर्बुदः श्लीपदं तथा

medastathodaraṃ śotho vṛddhiśca galagaṇḍakaḥ gaṇḍamālā'pacī granthirarbudaḥ ślīpadaṃ tathā

Sanskrit only: no published translation is held for this verse.

विद्र धिर्व्रणशोथश्च द्वौ व्रणौ भग्ननाडिके भगन्दरोपदंशौ च शूकदोषस्त्वगामयः

vidra dhirvraṇaśothaśca dvau vraṇau bhagnanāḍike bhagandaropadaṃśau ca śūkadoṣastvagāmayaḥ

Sanskrit only: no published translation is held for this verse.

शीतपित्तमुदर्दश्च कोठश्चैवाम्लपित्तकम् विसर्पश्च सविस्फोटः सरोमान्त्यो मसूरिकाः

śītapittamudardaśca koṭhaścaivāmlapittakam visarpaśca savisphoṭaḥ saromāntyo masūrikāḥ

Sanskrit only: no published translation is held for this verse.

क्षुद्रा स्यकर्णनासाक्षिशिरःस्त्रीबालकामयाः विषं चेत्ययमुद्दिष्टो रुग्विनिश्चियसंग्रहः

kṣudrā syakarṇanāsākṣiśiraḥstrībālakāmayāḥ viṣaṃ cetyayamuddiṣṭo rugviniściyasaṃgrahaḥ

Sanskrit only: no published translation is held for this verse.

सुभाषितं यत्र यदस्ति किञ्चित्तत्सर्वमेकीकृतमत्र यत्नात् विनिश्चये सर्वरुजां नराणां श्रीमाधवेनेन्दुकरात्मजेन

subhāṣitaṃ yatra yadasti kiñcittatsarvamekīkṛtamatra yatnāt viniścaye sarvarujāṃ narāṇāṃ śrīmādhavenendukarātmajena

Sanskrit only: no published translation is held for this verse.

यत्कृतं सुकृतं किञ्चित्कृत्वैवं रुग्विनिश्चयम् मुञ्चन्तु जन्तवस्तेन नित्यमातङ्कसन्ततिम्

yatkṛtaṃ sukṛtaṃ kiñcitkṛtvaivaṃ rugviniścayam muñcantu jantavastena nityamātaṅkasantatim

Sanskrit only: no published translation is held for this verse.