श्रीकरं धीकरं चापि सर्वगुणविवर्धनम्
śrīkaraṃ dhīkaraṃ cāpi sarvaguṇavivardhanam
Sanskrit only: no published translation is held for this verse.
Library·Mahapratisaramahavidyarajni·10
Mahapratisaramahavidyarajni 10
सर्वमङ्गलकरी ह्य् एषा सर्वामङ्गलनाशनी । सुस्वप्नदर्शनी चापि दुःस्वप्नस्य विनाशनी
sarvamaṅgalakarī hy eṣā sarvāmaṅgalanāśanī | susvapnadarśanī cāpi duḥsvapnasya vināśanī
Sanskrit only: no published translation is held for this verse.
स्त्रीपुंसयोः परा रक्षा विद्येयं हि महाबला । अटवीकान्तारदुर्गेषु नित्यं मुञ्चति तत्क्षणात्
strīpuṃsayoḥ parā rakṣā vidyeyaṃ hi mahābalā | aṭavīkāntāradurgeṣu nityaṃ muñcati tatkṣaṇāt
Sanskrit only: no published translation is held for this verse.
सर्वकामांश् च लभते संबुद्धवचनं यथा । पथ उत्पथम् आपन्न एतां विद्याम् अनुस्मरेत्
sarvakāmāṃś ca labhate saṃbuddhavacanaṃ yathā | patha utpatham āpanna etāṃ vidyām anusmaret
Sanskrit only: no published translation is held for this verse.
पन्थानं लभते शीघ्रं भोजनं पानम् उत्तमम् । कायेन मनसा वाचा यत् कृतं पूर्वजन्मसु
panthānaṃ labhate śīghraṃ bhojanaṃ pānam uttamam | kāyena manasā vācā yat kṛtaṃ pūrvajanmasu
Sanskrit only: no published translation is held for this verse.
अशुभं बहुविधं किंचित् तत् सर्वं क्षपयिष्यति । स्मरणाद् धारणाच् चैव उद्ग्रहाल् लेखनाद् अपि
aśubhaṃ bahuvidhaṃ kiṃcit tat sarvaṃ kṣapayiṣyati | smaraṇād dhāraṇāc caiva udgrahāl lekhanād api
Sanskrit only: no published translation is held for this verse.
पठनाद् वाचनाच् चैव जपनात् परदेशनात् । भविष्यत्य् अचिरेणासौ सर्वधर्मगतिंगतः
paṭhanād vācanāc caiva japanāt paradeśanāt | bhaviṣyaty acireṇāsau sarvadharmagatiṃgataḥ
Sanskrit only: no published translation is held for this verse.
एवं हि धर्मरसे प्राप्ते पापा गच्छन्ति संक्षयम् । सिध्यन्ते सर्वकार्याणि मनसा यद् यद् ईप्सितम्
evaṃ hi dharmarase prāpte pāpā gacchanti saṃkṣayam | sidhyante sarvakāryāṇi manasā yad yad īpsitam
Sanskrit only: no published translation is held for this verse.
सर्वमृत्युभयेष्व् एषा त्राणं तस्य भविष्यति । राजाग्निर् उदकं चैव विद्युद् वा तस्करो ऽपि वा
sarvamṛtyubhayeṣv eṣā trāṇaṃ tasya bhaviṣyati | rājāgnir udakaṃ caiva vidyud vā taskaro 'pi vā
Sanskrit only: no published translation is held for this verse.
युद्धसंग्रामकलहा दंष्ट्रिणो ये च दारुणाः । ते सर्वे प्रलयं यान्ति विद्याया लक्षजापतः
yuddhasaṃgrāmakalahā daṃṣṭriṇo ye ca dāruṇāḥ | te sarve pralayaṃ yānti vidyāyā lakṣajāpataḥ
Sanskrit only: no published translation is held for this verse.
विद्येमां परमां सिद्धां सर्वबुद्धेहि देशिताम् । कीर्तमाना न सीदन्ति बोधिसंभारपूरये
vidyemāṃ paramāṃ siddhāṃ sarvabuddhehi deśitām | kīrtamānā na sīdanti bodhisaṃbhārapūraye
Sanskrit only: no published translation is held for this verse.
सर्वेषु चैव स्थानेषु इमां विद्यां प्रयोजयेत् । यानि चेच्छन्ति कार्याणि स्वपरार्थप्रसिद्धये
sarveṣu caiva sthāneṣu imāṃ vidyāṃ prayojayet | yāni cecchanti kāryāṇi svaparārthaprasiddhaye
Sanskrit only: no published translation is held for this verse.