Mahapratisaramahavidyarajni 11

चतुरश्रं मण्डलं कुर्यान् मृद्गोमयसमन्वितम्

caturaśraṃ maṇḍalaṃ kuryān mṛdgomayasamanvitam

Sanskrit only: no published translation is held for this verse.

पञ्चरङ्गिकचूर्णेन चित्रयेन् मण्डलं शुभम् । चतुरः पूर्णकुम्भांश् च स्थापयेद् विधिना बुधः

pañcaraṅgikacūrṇena citrayen maṇḍalaṃ śubham | caturaḥ pūrṇakumbhāṃś ca sthāpayed vidhinā budhaḥ

Sanskrit only: no published translation is held for this verse.

पुष्पाण्य् अवकिरेत् तत्र धूपयेद् धूपम् उत्तमम् । बलिकर्म च कुर्वीत महासाहस्रप्रमर्दनम्

puṣpāṇy avakiret tatra dhūpayed dhūpam uttamam | balikarma ca kurvīta mahāsāhasrapramardanam

Sanskrit only: no published translation is held for this verse.

पूर्ववद् गन्धपुष्पांश् च दद्याच् चात्र विधानवित् । चतस्रस् तीरिकाः स्थाप्याः सर्वाश् च पट्टबद्धिकाः

pūrvavad gandhapuṣpāṃś ca dadyāc cātra vidhānavit | catasras tīrikāḥ sthāpyāḥ sarvāś ca paṭṭabaddhikāḥ

Sanskrit only: no published translation is held for this verse.

स्नापयित्वातुरं पश्चाच् छुचिवस्त्रसमावृतम् । शुभगन्धानुलिप्ताङ्गं प्रवेशयेन् मध्यमण्डलम्

snāpayitvāturaṃ paścāc chucivastrasamāvṛtam | śubhagandhānuliptāṅgaṃ praveśayen madhyamaṇḍalam

Sanskrit only: no published translation is held for this verse.

पूर्वामुखं निषाद्यैनं विद्याम् एताम् उदाहरेत् । सप्तशो जप्तया चास्य रक्षां कुर्याद् विचक्षणः

pūrvāmukhaṃ niṣādyainaṃ vidyām etām udāharet | saptaśo japtayā cāsya rakṣāṃ kuryād vicakṣaṇaḥ

Sanskrit only: no published translation is held for this verse.

आतुरस्य ततो ऽर्थाय वारांश् चाप्य् एकविंशति । उदाहरेद् इमां विद्यां सर्वरोगोपशान्तये

āturasya tato 'rthāya vārāṃś cāpy ekaviṃśati | udāhared imāṃ vidyāṃ sarvarogopaśāntaye

Sanskrit only: no published translation is held for this verse.

भूयश् च सप्त वारान् वै बलिकुम्भसुमन्त्रितम् । पश्चान् निवेदयेन् मन्त्री बलिपुष्पान् यथाविधि

bhūyaś ca sapta vārān vai balikumbhasumantritam | paścān nivedayen mantrī balipuṣpān yathāvidhi

Sanskrit only: no published translation is held for this verse.

इत्य् एवं दक्षिणे पार्श्वे क्षिपेत सप्त एव तु । पश्चिमायां च सप्तैव उत्तरायां तथा दिशि

ity evaṃ dakṣiṇe pārśve kṣipeta sapta eva tu | paścimāyāṃ ca saptaiva uttarāyāṃ tathā diśi

Sanskrit only: no published translation is held for this verse.

अध ऊर्ध्वं तु सप्तैव कृता रक्षा भविष्यति । एवं कृते द्विजश्रेष्ठ सर्वदुःखात् प्रमुच्यते

adha ūrdhvaṃ tu saptaiva kṛtā rakṣā bhaviṣyati | evaṃ kṛte dvijaśreṣṭha sarvaduḥkhāt pramucyate

Sanskrit only: no published translation is held for this verse.

एषा रक्षा समाख्याता शाक्यसिंहेन तायिना । नास्त्य् अस्याः परा काचिद् रक्षाविद्या त्रिधातुके

eṣā rakṣā samākhyātā śākyasiṃhena tāyinā | nāsty asyāḥ parā kācid rakṣāvidyā tridhātuke

Sanskrit only: no published translation is held for this verse.